رواية متيم بحبها الفصل الرابع عشر 14 - بقلم كنزي ناصر

وسام: خلاص خلاص صعبتي عليا نص ساعة وجاية. ميان: ماشي. وسام: يلا باي يا فرولتي. ميان (باحراج) : باي. أحمد كان مبسوط إن وسام بيضحك، يمكن مش شافه مبسوط كدا أبداً. أحمد: أيوه بقا. وسام: احم إيه؟ أحمد: لا مفيش. وسام: طب أنا همشي أنا بقا. أحمد: ماشي، هستناك بكرة. وسام: ماشي. وسام روح ومالقاش نيار في الفيلا، وقالوا إنه مشي. يوسف: وسام. وسام: أيوه. يوسف: تعالى عاوزك. وسام راح ليوسف. يوسف: عملت إيه مع ميان؟

وسام: مفيش، قفلت عليها فوق. يوسف: اممم، بص يا وسام، عاوزك تعرف إني معاك. ميان طريقتها وأسلوبها ولبسها وكله عاوز يتغير، ومحدش هيقدر يعمل كدا غيرك. متفكرش إني ضدك، لأ، أنا معاك. وسام: ميان محتاجة مجهود كبير أوي، بنتك عنيدة ومبتسمعش الكلام أبداً، بس أنا هعرف أربيها من أول.

يوسف: وأنا واثق من كدا. آه، وحاجة كمان، نيار مفيش أي حاجة بينه وبين ميان، هو شخص جدع جداً، وهو صديق ميان من زمان جداً، وبيعتبرها أخته، وهو يعتبر اللي ماسك لها الشغل كله. وسام: وده يخليها تجري عليه تحضنه كدا؟

يوسف: أنا مقلتش كدا، أنا حكيت لنيار على كل حاجة، وبالعكس، هو واقف معاك وهيساعدك ترجع ميان. أنا بس بعرفك إنه شخص كويس ووقف مع ميان كتير زمان، وميان مدام حد وقف معاها فهي استحالة تتخلى عنه، ومستعدة تضحي بعمرها عشانه. مبتكرهش حد يجي عليها، خليك حنين معاها وأنت هتكسب قلبها. مش عارف أنا بقولك كدا ليه، دا أنت اللي مربيها مش أنا، وأنت حافظها أكتر مني. يلا بقا اطلع صالحها. وسام: تصبح على خير. يوسف: وأنت من أهل الخير.

وسام طلع فوق، وأول ما فتح الباب سمع صوت ميان وكانت بتصوت. جرى عليها وفتح أوضة الملابس، لقاها فوق التسريحة. ميان: عااااااااااااااا. وسام: في إيه يا مجنونة؟ ميان: عااااا الحقني فاااار. وسام (بضحك) : يا بنت المجنونة، كل دا عشان فار؟ ميان: اه، أمشيه ونبي يا وسام. وسام: طب انزلي. ميان: مش هنزل غير لما تمشيه. وسام: انزلي يا ميان أحسنلك. ميان: مش هنزل. وسام: طيب براحتك، مترجعيش تزعلي بقا.

وسام طفا النور وكان طالع، ميان بترجي. ميان: عاا خلاص، ونبي خلاص. وسام: هتنزلي؟ ميان: خايفة أنزل. وسام (بمكر) : امممـ، خلاص أنا هنزلك. وسام وهو بيقرب عند ميان. ميان: أنت هتعمل إيه؟ وسام: هتشوفي دلوقتي. وسام شالها وخدها بره، وهي كانت قريبة جداً منه، وكانت حاسة بحاجة غريبة ناحيته. أما وسام كان فرحان بقربها منه للدرجة دي. وسام: احم احم، إحنا وصلنا، مش ناوية تنزلي ولا إنتي عجبتك القاعدة في حضني؟ ميان: ها؟ وسام: ها إيه؟

ميان: احم شكراً. وسام: شكراً إيه، لأ، أنا عاوز بوس. ميان: نـــــعععم، دا ليه إن شاء الله؟ إيش حال ما كنت أنت اللي حبستني جوه؟ آه صح، تصدق افتكرت. وسام: اهدى بس وأنا هشرحلك. ميان (وهي بتجري وراه بالمخدة) : تشرحلي؟ تشرحلي إيه؟ ميان كانت بتجري وراه وهي بتضربه بالمخدة. ميان: يخربيتك، قطعت نفسي. ديان قعدت مكانها. وسام (بخوف) : إنتي كويسة؟ ميان قامت نطت على ضهره.

ميان: بقا أنت ياض تعمل فيا كدا وتحبسني جوه تخليني غدا للفار اللي جوه دا؟ وسام: بقا كدا طيب. وسام لفها وحضنها من عند وسطها. ميان: ابعد يا وسام و إلا. وسام (وهو بيقرب منها) : و إلا إيه؟ ميان (بسرحان) : و إلا. وسام: كملي. وسام لسه بيقرب، راحت ميان زقاه وطالعة تجري. وسام: لاء، جامد. ميان: إيه رايك؟ وسام: عاش. ميان: يلا بقا انزل هاتلي أكل، لحسن جعانة أوي. وسام: نعععم؟ أمال الأكل اللي سبتهولك مين كله؟ ميان (ببراءة مصطنعة)

: الفار. وسام: لا، ولله. ميان: الله، كنت جعانة وكلتها. أنت هتبصلي في اللقمة ولا إيه؟ وبعدين أنا مش هاكل كتير، هاكل حاجة خفيفة كدا على الماشي. وسام: لا يا ستي، بألف هنا. عاوزة تاكلي إيه طيب؟ ميان: عاوزة وجبة من ماكدونالدز وببسي وشوكولاتة كتيررررر. وسام: آه، وبالنسبة للي كانت عاوزة تاكل حاجة خفيفة، راحت فين؟ ميان: الله يرحمها بقا. وسام: ماشي يا أختي. عاوزة حاجة تاني؟

ميان: لأ، كفاية كدا عشان أنام خفيف خفيف والرجيم ميبظش. وسام: 🙂🙂🙂 ميان: يلا بس أنت اطلب لنا الأكل. وسام: حاضر. وفعلاً وسام طلب الأكل، والأكل جه وقعدوا كله. وميان كانت بتاكل بطريقة زي الأطفال، لسه زي ما هي طفلة، متغيرتش عن زمان، طفلة ومرحة. وسام سرح في حاجة حصلت زمان. Flash Back🦋🤎 ميان: وسام وسام. وسام: قلبي. ميان: عاوزة أروح ماكدونالدز. وسام: ماكدونالدز مرة واحدة؟ ميان: اها.

وسام: لأ، قطتي عندها مذاكرة، فا أنا هطلب لها اللي هي عاوزاه وهي تقعد تذاكر. ميان: بس أنا عاوزة أخرج. وسام: خلصي مذاكرة، وبكرة أول ما ترجعي من المدرسة هخرجك. ميان: اممم، بس بشرط تجبلي نوتيلا. وسام: أشطا يا قطتي. back🦋🤎 ميان: إيه يا عم، رحت فين؟ وسام…