رواية متيم بقدر الفصل الثامن 8 - بقلم نورة عبد الرحمن

قدر بسخرية: أنت بتكذب صح؟ كذبت عشان تمشيه بس مش كده. فهد: قدر. قدر: انطق. ساكت ليه؟ سلطان أبويا مش هيعمل ببته كده. فهد: سلطان مغلطش. جوزك على سنة الله ورسوله. قدر: جوزني؟ ده إيه؟ أنت واعي للي بتجوله؟ إني إني بجيت مراتك؟ فهد ببرود: والله ده اللي حصل. قدر: لااا لااا. كذب. أنت بتكذب. منى: قدر اسكتي. قدر: مش ساكتة يا منى. تنظر إليه: أنت طلعتلي منين؟ من أنهي داهية؟ كيف، كيف لفيت دماغ أبويا ووافج عالجوازة دي؟ كيف؟

فهد ببرود وتجاهل: خلصوا. لموا حاجتكم وحصلوني عالعربية. قدر: أقف هنيه بكلمك. أقف بجولك. أنت إيه؟ منك لله. ربنا يسمحك يا بوي. ربنا يسامحك ترميني الرمية دي. غادر فهد وتركها تندب حضها. منى: اسكتي يا قدر. كفاية بجى. ده بجي جوزك. متغلطيش أكتر من كده. قدر: جوزي؟ أنت كنتي عارفة بده؟ منى: قدر: يعني إني الهبلة الوحيدة هنيه.

منى: أبوكي عاوزي يحافظ عليكي. لو مكنش فهد اتحوزك، كانو ولاد عمك علي يجدروا ياخدوكي عافية كيف ماعملوا معايا. قومي يا قدر خلينا نمشي من هنيه بدل مايعملولنا مشاكل. أبوكي وصاني نسمع كلام فهد. هو الوحيد اللي عيتحمينا ويحافظ علينا. لو بتحبي أبوكي صح اسمعي الكلام. ربنا يرحمه. حتى وهو تعبان كان شايل همنا. مسحت قدر دموعها بقهر: حاضر يا بوي. مش ده اللي انت رايده؟ يبجى يتحمل اللي اسمه فهد ده اللي هيجراله.

منى: بتفكري بايه يا قدر؟ قدر: هتعرفي جريب يا بت ابوي. *** وصلوا منزل فهد لتستقبلهم والدته التي شهقت فور رؤيتها لقدر ونادت جميله. لكن فهد تدخل بسرعة: دي قدر يمه. بت سلطان ومراتي اللي كلمتك عليها. احتضنتها بود وشك: فهي نسخة عن جميله. يالف مبروك يا حبيبتي. ده يوم أمنية لما تبجي. مرات ابني. بت سلطان. ابتسمت قدر. فوالدة فهد طيبة وملامحه مريحة وهادئة. ولدها قبول كبير. فهد: ودي منى أختها الكبيرة.

والدة فهد: نورتي يا حبيبتي. البيت نور بيكم. تعالوا تعالوا. فهد: يمه كلمتي معتز عشان تحضيرات الفرحة. والدة فهد: أيوه يابني. وجهز كل حاجة. وإن شاء الله معتز من النجمة يكون عندك. فهد بتعب: إن شاء الله. طلعي البنات أوضتهم واني هروح أريح شوية. والدة فهد: ماشي يابني. ربنا يقويك يا نيني عين أمك. قبل رأسها وطلع أوضته واترمى على سريره بتعب. *** في صباح اليوم التالي دخل معتز المنزل ومعه بعض الأغراض.

منى بانفعال: أنت يا أخينا كيف تدخل كده من غير إذن؟ معتز التفت ليجد فتاة ملامحها لطيفة هادئة. منى: هتفضل باصصلي كده كتير؟ امشي اطلع برااا. معتز: أنتي مين؟ منى: لا حول الله يارب. أنت اللي مين؟ وإيه اللي جابك هنيه؟ والدة فهد تدخلت: ده معتز ابن أختي يا حبيبتي. منى بحرج: ابن أختك؟ إني آسفة. مكنتش أعرف. لكن دخلته علينا كده. خضتني. معتز وهو ينظر إليها بانجذاب: معتز اسمي معتز. وحضرتك…

منى بتجاهل وضيق من نظراته: بعد إذنك يا خالتي. هطلع أشوف قدر. ومشت من قدامهم. معتز: مين دي يا خالتي؟ والدة فهد: أخت العروسة الكبيرة. معتز: دي جميلة جووي. والدة فهد: متفكرش بيه عشان مطلقة. وأمك مش هترضي بمطلقة لابنها. معتز: والدة فهد: أنت هتفضل كده كتير؟ دخل الحاجات يابني. مفيش وقت. معتز: حاضر حاضر. متندهيلها تساعدنا. والدة فهد بتحذير: معتز. البت أمانة عندنا. وأنت عارف فهد زين. معتز: حاضر أهه.

مر اليوم سريعاً. وقد أقيم حفل زفاف كبير لقدر لم تتصوره أبداً. وكانت السعادة تملأ قلب والدة فهد. أما فهد، فملامحه جامدة. لا أحد يستطيع فهمه. قدر تحاول التظاهر بالهدوء. معتز يراقب منى التي تتنقل وتتعرف على المعازيم وتهتم بهم. انتهى الزفاف ودخلا العريسان غرفتهما. كان فهد يعلم بعد هذه الليلة سيكون مرتبط بقدر طوال العمر. وبأنه منذ اليوم ستبدأ معاناته معها. لكنه… ***

كانت منى تساعد أم فهد والشغالات بترتيب البيت والجنينة. لحد ماحست بحد كتم بقها وخدها. مكان ضلمة. همس لها: متصرخيش. عشان خاطر أنا نصر. وحشتيني. ووو