رواية نار الحب الفصل الرابع عشر 14 - بقلم دنيا ثروت

مرام: ممنوعة. أي اللي بتقوله ده! الأمن: أنا آسف، بس مش هتقدري تطلعي في الطيارة. مرام: وده ليه بقا؟ قولي أي اللي مانعني بقاا. الأمن: الأمر جاي من فوق، مينفعش نطلعك. مرام: من فوق إيه؟ أنا هشتكي عليكو، الأ هوديكو في داهية. معتز من وراها وهو حاطط إيديه في جيبه: معقولة هتمشي وتسيبيني؟ مرام لفّت راسها ليها، قربت عليه بقرف: أنت اللي عملت كل ده! معتز: يلا على البيت يا مرام. مرام: أنت أي، مزهقتش بجد؟ مزهقتش من كل ده؟

ما خلاص، كله انكشف. مراتك وبتخونك مع أخوك. عايز مني إيه تااااني؟ معتز متكلمش كلمة ومسكها من شعرها، جرّها للعربية وسط صراخها. وصلوا البيت، زقّها في الصالة بعصبية: عايزة تمشي وتهربي يازفتة؟ مرام بترجع لورا بخوف منه: في إيه؟ مالك؟ أنت اتغيرت كدا ليه؟ أي كل ده؟ حرام عليكو. معتز طلع التليفون وشغّل الفيديو ورماه في وشها: بتخونيني وتهربي يافاجرة. مرام مسكت الفيديو وبعد ثواني ضحكت هستيري ورمت الفون على الأرض: أنت بجد مصدقة؟

معتز: أنا أصدق اللي عايزة، بس إزاي؟ أنتي زبالة كدا؟ إزاي بقيتي مقرفة كدا، وكمان بتنكري؟ مرام: صدق اللي تصدقه، بس طلقني وخليني أمشيييي. دخلت عليهم صفاء وهي بتشد صادق بالكرسي: أي اللي بيحصل هنا؟ معتز بتمثيل الضحكة: مفيش حاجة. صفاء: الزفتة دي بتعمل إيه هنا؟ معتز: مش هتمشي يا أمي. صفاء: للدرجادي يا بت، رخصتي نفسك؟ وبصّت على معتز من فوق لتحت: فين ثريا يا معتز؟ معتز: راحت لأمها وهترجع عشان عاملها مفاجأة.

ومسك إيد مرام: بعد إذنك يا أمي، أنا لازم أطلع أنا ومرام نرتاح. وطلع الأوضة، قفل عليهم. -صادق بيحاول يشاور على أثر مرام وهو بيهز راسه. صفاء: صادق ارجع لعقلك. أنا هخليهم يتطلقوا، بس مش هخلي الزفتة دي تعرف إن ده بيتها على جثتي. صادق كان بيهز راسه بالنفي وعينه مليانة دموع. صفاء: صادق فوق، متجيش تندم في الآخر. -في الأوضة. مرام: ما كفاية بقا، خلي عندك رجولة وطلقني. كفاية يحد كدا.

معتز وهو بينفخ في سيجارته: جهزي نفسك بليل للطلاق. مرام: ليه؟ ليه بليل؟ بطل قرف بقا، بطل زهقت منك. عايزني أكون معاك بالغصب؟ يا عم فوق، فوق بقا بطل وهم. معتز خرج التليفون واتصل بثريا: ثريا حياتي، تعالي البيت عايزك في حاجة. أنا آسف، حقك عليا في اللي حصل الصبح. -في المساء. ثريا دخلت القصر وكانت مرعوبة. نزل ليها معتز من على السلم وقرب عليها بحنية: اتأخرتي ليه يا حبيبتي؟ ونده بصوت عالي: الندامة الجديدة فييين؟

دخلت عليهم مرام: نعم يا بيه. ثريا بضحك: أنت خليتها خدامة؟ معتز: أنا آسف ياروحي، حقك عليا. دي متستاهلش غير لما تكون خدامتك. مسك إيديها وقعدوا على السفرة: يلا يا زفتة، نزلي الأكل. مرام حطّت الأكل قدامهم. معتز بدأ ياكل. ثريا بحنية: بالهنا يا حبيبتي. ثريا بتمثيل الحب: أنت جميل أوي يا معتز. معتز ماسك إيديها بحنية وفجأة اتغيرت نظرته: الولد اللي كان في بطنك كان ابن مين يا ثريا؟ ثريا بصدمة: إيه!!!

معتز: الأكل اللي أكلتيه فيه سم، لتتكلمي وتلحقي نفسك. يا بعد 3 دقايق تكوني مشيتي... !!!!!