رواية نار الحب الفصل الثالث عشر 13 - بقلم دنيا ثروت

اللي بتخونك معاه مراتك هو اخوك يامعتز. معتز: بطلي جنان وتأليف، وارجعي البيت. انتي بتلبسيها في اخويا عشان ترجعي. مرام: تمام يامعتز، هلم هدومي وجايه. مرام قفلت معاه واتصلت على سلمي. مرام: سلمي، الأوراق كلها جاهزة صح؟ سلمي: انتي متأكده من القرار ده؟ مرام بضحكة مزيفة: ده اكتر وقت انا متأكده فيه. سلمي: ومش هتقولي لـ طنط سميحة خالص؟! مرام: لا مش هقول. انتي عايزني اقول لواحدة مش بتحس ببنتها ورمتها في الشارع؟

سلمي: هتقلق عليكي يامرام، حتى تعرف عشان تودعك. مرام: انا مش عايزة أودع حد. المهم اول مـ أمشي، تبعتي كل اللي قولتلك عليه لـ معتز. سلمي: افرضي كدب. مرام: يعمل اللي يعمله، مبقاش فارق معايا اصلا. في المستشفى. صفاء: خلاص يامعتز، كفاية كده. معتز: قد إيه يا أمي؟ صفاء: طلق ثريا لو مش عايزها، لكن متعذبهاش. البت بتحبك والله. معتز: أمي، انتي متعرفيش حاجة. خلينا ساكتين. صفاء: طب خلاص، مخليها على ذمتك ليه طالما مش بتحبها؟

ده انا كنت بـ موت فيها. معتز: ماما، ينفع نقفل على السيرة؟ صفاء قربت عليه ومسكت ايديه. صفاء: عشان خاطر أمك، مرام مترجعش البيت تاني. معتز: ليه؟ هي عملتلك إيه؟ صفاء بخبث وكره الدنيا: البت دي عملت كتير من اول ماجت والمشاكل مش بتخلص. في القصر. ثريا: انت بقيت كده امتى؟ سليم: إيه يا كوكو؟ حاسس إنك أول مرة تعرفيني. ثريا: سليم، اهدي وخلينا نتكلم بعدين. سليم قرب عليها وشد شعرها.

سليم: ولا بعدين ولا زفت، واللي بينا انتهى لحد كده. وبعد عنها وهو بيطلع السجارة. ثريا: يعني إيه؟ وكملت بإنهايار: ده انا خسرت ابني عشانك، ده انا مش هخلف تاني بسببك. سليم: وانا يا من عيني، مليش دعوة بالكلام الماسخ ده. انسي بقى وخل يكي في حالك. ولسه هيخرج من الأوضة لف وشه ليها. سليم: تبقي تسلميلي على معتز كتيييير. ثريا وهي بتلبس هدومها. معتز بيطلع الأوضة وهو بيكسر كل حاجة قدامه. معتز: لي لي ليييي؟

ثريا بتدخل عليه بتمثيل الخوف. ثريا: مالك ياحبيبي في إيه؟ الزفتة دي عملتلك إيه؟ منها للهم. معتز: اطلعي برا. ثريا قربت عليه ومسكت وشه وعلي وشك تبوسه. معتز بعدها عنه بـ قرف. معتز: انتي ريحة اخويا عليكي، بتعملي إيه؟ ثريا بـ رعب: ريحة اخوك انت؟ انت بتقول إيه؟ مفيش حاجة زي كدا، انت أكيد بتخرف مش في وعيك. معتز مسكها من شعرها. معتز: انا اللي مش في وعي يابنت الـ زبالة. ده انا جبتك من الشارع وحبيتك. تخونيني مع اخويا؟ ده جزاتي؟

ثريا فلتت من ايديه بالعافية وهي بتعيط بإنهايار. ثريا: انت اتجننت؟ اتحولت؟ انا معملتش حاجة. انت بتخرف. وجريت طلعت من القصر. معتز بصوت عالي: اخرج يا زبالة. اخرج يا سليييم. وفي ثانية اتبعتله فيديوهات لـ مرام في غرفة النوم.