رواية نبض عاشق الفصل العاشر 10 - بقلم ام مروان

حياة.. صحبتي مين… أنا معنديش أصحاب. دخلت بسمة بسرعة: أنا يا حياة… أي نسيتيني؟ حياة: طب روحي انتي يا دادة… عاوزة إيه يا بسمة؟ بسمة: جايه كده أتكلم معاكي وعارفة إن مروان مش هنا… فعشان كل حاجة تبقي على نور. حياة: عاوزة إيه انجزي. بسمة: أنا ومروان بنحب بعض يا حياة… من زمان أوي… وهو متجوزك غصب عشان تبقي عارفة يعني. حياة اتضايقت لكن مبينتش وابتسمتلها: اممم. وأي كمان؟

بسمة: وأنا برضه عارفة إنه أكيد مقربش منك… لأنه واعدني إنه مش هيلمسك… عشان ما يتجوزش غيري. حياة: كملي انجزي. بسمة: أنا عاوزاكي لما يجي… تطلبي منه الطلاق… وتشوفي هيعمل إيه… هيطلقك في ثانية… وهتشوفي… وابعدي عني لأني ممكن أدمرك. حياة: هتعملي إيه يعني؟ بسمة: هخليكي ماشية في الشارع كده مجنونة ومش لاقية حد حتى يسأل عليكي… هجننك يعني بالمعنى الأصح. ضحكت حياة كده: خلصتي؟

سوري أنا عارفة إن المفروض دلوقتي أخاف منك بس ضحكت… سوري…. خلصتي طيب؟ بسمة بغيظ شديد منها: آه… خلصت.

حياة: بصي بقى يا حبيبتي… انتي داخلة هنا البيت دا… اللي أنا أبقى صاحبته… وجوزي مروان… وحطي تحت كلمة جوزي دي ميت خط اللي أنا حلاله ويقربلي زي ما هو عاوز… مهو جوزي بقى…. المهم يعني إن جوزي دا البيت الكبير دا هيبقى بتاعه هو في يوم من الأيام… إنما بقى لو بتقوليلي بيحبني وبحبه… هقولك إن النص التاني بس هو اللي صح… انتي لو متابعة… مروان عملك بلوك… ومجالكيش ولا بقى يكلمك أصلاً… وأنا بقى واثقة فيه أكتر من نفسي… فاهمة يا بت انتي… إنما إنك بتحبيه فأنا عمري ما هسمحلك بكده… لأنه جوزي وبحبه وبيحبني… هااا… بيحبني… إنما بقى على تهديدك… فروحي يا حبيبتي هددي بيه واحدة هبلة زيك… واطلعي برا بقى… عشان لسه منضفين الأوضة.

بسمة بغيظ شديد: ماشي يا حياة… أنا هعرفك…. وسابتها ومشيت. حياة: منك لله يا مروان… عرفتنا على الأشكال دي. عدى العشر أيام وجه يوم رجوع مروان وقامت حياة جهزت نفسها ولبست أحلى حاجة عندها وطلقت العنان لشعرها لأن مفيش حد غريب في البيت وهي محجبة أصلاً. بصت من البلكونة لقت مروان نازل من العربية بالبدلة بتاعته اللي هي بتعشق تشوفه بيها وكانت طبعًا فكت الجبس.

نزلت بسرعة عشان تستقبله وسلم على أهله كلهم وبعد كده قابل حياة اللي كانت باصة له بابتسامة جميلة. حياة: حمد الله على السلامة. مروان بابتسامة: الله يسلمك… تعالي نطلع إحنا…. وأخدها من أيديها وطلعوا أوضتهم. مروان: عاملة إيه يا حياة؟ حياة بكسوف: حياتك. مروان: انتي فكيتي الجبس إمتى؟ حياة: أول امبارح. مروان: ومشفتيش أي كلمة كده ولا كده؟ حياة بكسوف: شفت…. بس نفسي أسمعها منك يا مروان أوي. مروان: حاضر يا حياة… أنا بحبك…. أوي.

ضحكت حياة بفرحة شديدة: بجد يا مروان؟ مروان بضحكة: والله بجد…. بحبك فعلاً. فضلو باصين لبعض شوية وقرب عليها مروان شوية شوية وغمض عينه وهي ارتبكت شوية لكن استسلمت له وقرب عليها أوي وباسها بعمق شديد وهي اتخضت في الأول بس بعدها استجابت له ولفّت إيديها حوالين رقبته وهو كان محاوطها بإيديه وفضلوا أكتر من دقيقتين. وبعدوا مسافة صغيرة. مروان بص لها بتوهان: موافقة تبقي مراتي قدام ربنا؟ هزت رأسها حياة: آه. قرب عليها مروان.

صحى الصبح من النوم فضل يبص عليها بحب شديد ولقى فونة بيرن من القائد بتاعه. مروان: الو… أيوه يا أفندم…. إزاي…. حاضر يا أفندم… حاضر. صحت حياة من النوم: صباح الخير يا حبيبي. مروان بضيق: صباح النور. حياة: مالك يا مروان؟ مروان: بقولك هتفضل في حياتي… فاهمة ولا لأ؟ بصت له حياة بصدمة وووو.