رواية نبض عاشق الفصل التاسع 9 - بقلم ام مروان

الو..ايوه يا افندم. بكرا. طيب حاضر يا فندم..بكرا هكون عند حضرتك. تعليمات سيادتك يا افندم. سلام. اول ما سمعت حياة الكلام اتخضت انو ممكن يسيبها بكرا يعني مش هيكون معاها. حياة بقلق: هو انت هتسافر بكرا وتسيبني يا مروان. فضل باصص لها مروان في عينيها اوي وهي كمان باصاله. نزل لمس راسها وباسها من راسها. وهي غمضت عيونها بمتعة. ولما بعد ولقاها لسه مغمضة عيونها ابتسم لها بحب. مروان: اه للاسف. هسافر بكرا. حياة: طب هتقعد كام يوم.

مروان: متقلقيش مش كتير. عشر ايام بس. حياة ونسيت كل اللي فات: هيعدو عليا كتير اوي. مروان بحنية: هوحشك يا حياة. بصت حياة في الأرض بكسوف. وهو رفع وشها بايده بهدوء. مروان وباصص في عيونها اوي: قولي يا حياة. هوحشك. لسه جايه تتكلم حياة الخدامة خبطت عالباب. مروان بزهق بضحكة: يوووه. دا وقته. اول ما بعد عن حياة كان قلبها بيدق اوي. قالت: الحمدلله. يخربيتك. ضحك مروان وراح فتح الباب. مروان: نعم يا دادة.

الخدامة: طبق الفاكهه اللي مدام حياة طلبته. مروان: بقي انتي يا شبر ونص بيتقال عليكي مدام. حياة بضحكة سخرية: ههه. رزل. هاتي يا دادة. وجابته الدادة وخرجت. حياة: تعالي قطعي لي الفاكهه دي انت عارف. دراعي مكسور بسبب حد. مروان بزعل من نفسه: حاضر. لاحظت حياة انه زعل اوي وكان بيقطع الفاكهه. وهي باصة ليه وسرحانه في ملامحه اوي. حياة: مروان. مروان: نعم. حياة: ولا خلاص. مروان: متقولي يا بنتي في إيه. حياة: خلاص بقى بعدين.

مروان: ماشي. بس هتقولي. حياة بابتسامة: حاضر. خلص لها الطبق. مروان: خدي. حياة بضحكة: شاطر. يلا قوم بقى عشان انت صايم وحرام يعني تشوفني باكل وانت لا. مروان: لا والله. على اساس انك رحماني من الصبح يعني. انا داخل اخد شاور. حياة: احسن بردو. ادخل على ما انا اخلص. راح اخد شاور. وهي خلصت اكل وراحت فردت شعرها البني الفاتح الجميل اوي عليها. وفضلت تبص لنفسها في المرايا وتكلم نفسها.

حياة: هو أنا حلوة. ساعات بحس إني حلوة وساعات لا. لما بكون مبسوطة مش بكون شايفة نفسي غير حلو. وأنا دلوقتي مبسوطة معاك. نفسي تفضل كويس معايا يا مروان. نفسي. وخرج مروان من الحمام ولافف الفوطة عليه من تحت. وشعره مبلول خالص وعاري من فوق. حياة بكسوف شديد: إيه ده. انت ملبستش ليه. مروان: مبحبش البس وأنا في الحمام. حياة: يعني هو انت ليه دايما بتقلّع قدامي. مروان: مش مراتي يا بنتي. إيه ده. وفضل يقرب عليها.

وهي ترجع ورا لحد ما خبطت في الحيطة. حياة: مروان. مروان: نعم. حياة: ابعد عيب كده. مروان: انتي مسمعتيش جدو قال إيه. عاوز حفيد. متيجي نفرحه. هو انتي مبتحبهوش ولا إيه. حياة: لا بحبه. بحبه اوي. مروان بص في عينيها اوي وفهم أن الكلام عليه. مروان: وهو كمان بيحبك اوي. حياة: لا. مبحبنيش. هو مبحبش حد اصلا. مروان: مش يمكن بقى يحب على ايدك انتي. حياة فضلت ساكتة. معقول بيحبني. معقولة يكون حبني. مش مصدق.

مروان: ها. نسمع كلامه النهارده قبل ما أسافر. حياة: احترم نفسك. دا النهارده الخميس وانت صايم. مروان: والله اللي أعرفه إن الخميس الصبح صيام. ماشي. بس بليل بتاع حاجات تانية. وغمز بعين ومسك شعرها وقعد يلعب فيه. حياة بشهقة: ينهار أسود. دا انت قليل الأدب اوي. مروان: منا عارف. وقرب منها أكتر. حياة: طب أزقك إزاي دلوقتي كده. هلمس جسمك وأنا مش عاوزة المسك. مروان: ممكن أبعد. بس انتي بصيلي في عيني. وقولي ابعد يا مروان.

بصتله حياة في عينه ومقدرتش تقولها. لكن قدرت على قلبها. حياة: ابعد يا مروان. رفع ايده مروان كالاستسلام وبعد عنها. وراح طلع لبسه. مروان: غمضي عينيكي. اكيد يعني مش هغير في البلكونة. حياة: لا هقف أنا في البلكونة. وراحت. وهو لبس وخرجت. جهة الليل. وكان بيحضر لبسه في الشنطة. وهي قاعدة زعلانة اوي. مروان: كده أعتقد مفيش حاجة تانية ناقصة. صح. حياة بحزن: لا. كده خلاص. مروان: مالك. حياة: مفيش. تعبانة شوية.

مروان: طب أجيبلك علاج ولا حاجة. حياة: لا. متقلقش هبقى كويس. مروان: طب أنا عندي لك خبر حلو. حياة انتبهت ليه: إيه. مروان: أنا موافق إنك تروحي الكلية. انتي لو راحة الهند. هثق فيكي برضه. هخاف عليكي آه. بس هكون واثق إنك بميت راجل. ابتسمت حياة: شكرا يا مروان. بس أنا هستنى لما انت ترجع وتوديني. مروان: ماشي يا ستي. هقوم أنام بقى عشان هصحى بدري اوي. وراح اخد البطانية وخارج. حياة: رايح فين. مروان: هنام في البلكونة.

حياة: لا. هتنام على السرير النهارده. مروان بفرحة: بجد. حياة: اه. بس بلاش قلة أدب. انت كنت صايم ولسه فاطر من شوية. مروان: والله مفيش حيل اصلا. عاوز أناام. وراح عالسرير. مروان: تصبحي على خير. حياة: وانت من أهله. وراحت نامت جنبه. وصحي الصبح لقاها نايمة. بصلها بعمق وفضل يقرب منها اوي يشم ريحتها. وشوية وبعد عنها. قام اخد شاور. خرج لبس وجهز. وهي صحيت من النوم لقيته خلاص بيحط البرفيوم.

حياة قامت زعقت بزعل: انت كنت هتمشي من غير ما تسلم عليا. مروان: محبتش أقلقك. حياة ضربته في صدره بدموع: عاوز تمشي كمان من غير ما أشوفك. مروان مسك ايديها: والله العظيم كنت هصحيكي. متزعليش. هدأت هي خالص. مروان: أنا ماشي. حياة بزعل: ماشي. واخد الشنطة وماشي. حياة: مروان. استنى. مروان ساب الشنطة: نعم. جريت عليه حياة حضنته اوي. وهو اتخض وفضل هو معلق ايده في الهوا بخضة.

وغمض عينه بتوهان وبادلها الحضن اوي ودفن وشه في رقبتها بعمق وحب شديد. وبعدها بشوية بعدوا عن بعض وبصوا لبعض شوية. وبدون كلام سابها ونزل. وهي فضلت تعيط اوي لأنه هيوحشها اوي. نزل مروان ودع امه وابوه وجده. مروان: خدي بالك من حياة يا ماما. ماشي. الام: متقلقش يا حبيبي. خد بالك من نفسك. مروان: حاضر. سلام. عدى خمس ايام. وكانت حياة زعلانة على فراق مروان جدا. كانت قاعدة في اوضتها وجاتلها الخدامة.

الخدامة: في واحدة صاحبتك عاوزاكي. حياة: أنا مليش صحاب. مين دي. دخلت نسمة: أنا يا حياة. يتبع.