رواية نبض عاشق الفصل الرابع 4 - بقلم ام مروان

فطع نظراتهم الخدامة وراح يفتح. مروان: نعم. الخدامة: في واحدة عايزة حضرتك. مروان: مين دي يا دادا؟ ولسه مكملش الكلمة لقى بسمة طلعت وراه الخدامة وجريت عليه حضنته وبست من خده. بسمة: كدا يا حبيبي متردش عليا. نزل مروان إيديها وبص على حياة اللي كانت هتموت من اللي بيحصل. قامت وفتحت. حياة: مين دي يا مروان؟ مروان: ثواني يا حياة، جاي أهو. لو سمحتي متخرجيش من الأوضة وخليكي نايمة. هو جدي فين يا دادا؟

الخدامة: في أوضته، لسه معرفش حاجة. مروان: حياة، لو سمحتي بلاش حاجة توصلك. وسابها وجر بسمة من إيديها ونزلوا. ورجعت حياة عالسرير وهي زعلانة جداً واتأكدت إن مروان عمره ما هيحبها. وفضلت تكسر كذا حاجة جنبها من زعلها الشديد. خرج مروان من الفيلا وف إيده بسمة. مروان بزعيق: انتي اتجننتي يابت انتي؟ إيه اللي جابك ليا هنا البيت؟ حطت إيديها عليه بدلع. بسمة: إيه يا حبيبي، وحشتني وكنت مستنياك امبارح وانت مجيتش.

مسكها مروان من دراعها أوي بغل. مروان: تقوم تجيلي هنا؟ أقسم بالله المرة دي تحذير بس المرة الجاية هننهي كل حاجة. بسمة: لا وحياتي عندك، همشي دلوقتي بس هستناك بليل. مروان: حاضر يا بسمة، غوري بقى. ومشت. قام تف عليها. مروان: جاتك البلا في شكلك. وسابها وطلع فوق لحياة، لقى جنبها حاجات متكسرة وهي مغمى عليها. جري شالها من الأرض وحطها عالسرير وفضل يفوق فيها. وجري جاب لها برفانه وحطه لها فبدأت تفوق.

مروان بقلق عليها: حياة، اصحي، فوقي عشان خاطري. فاقت حياة ولقتو حاضنها فبعدتو عنها. حياة بعياط: ابعد عني يا مروان. مروان: اهدي بس وانا هفهمك. حياة: مش عايزة أفهم منك حاجة، سيبني بقى في حالي. مروان: حياة، والله العظيم هي بتتلزقلي بس. حياة وضربته في صدره. حياة: ابعد عني أنا بكرهك. روح لها يا مروان، روح لها. شدها مروان لحضنه أوي. مروان: أنا آسف يا حياة، آسف. سكتت حياة وحاسة إنها مستمتعة بحضنه لكنها بعدته.

حياة: اسمع، متلمسنيش خالص يا مروان، فاهم. مروان بيهديها: حاضر، حاضر والله اللي انتي عايزاه هيحصل. سكتت حياة وبصت في الأرض. بصلها شوية مروان بإعجاب بيها. أول مرة يركز في ملامحها. أول مرة يتكلم معاها كدا أصلاً. مكنش يتوقع إن كل دا ممكن يحصل. مروان بتلقائية: هو انتي كنتي حلوة كدا من زمان ولا أنا اللي كنت حمار ومبشوفش؟ الكلمتين دول قلبوا مزاج حياة في ثانية من زعل لفرح وخلاها مبسوطة جداً ورجعلها ثقتها في نفسها.

حياة: انت اللي حمار. مروان: لا والله، ماشي يا ستي هسكت بس المرة دي عشان انتي تعبانة. هقوم آخد شاور وأجيلك عشان بنت الـ... دي لمستني. حياة بعصبية: متفكرنيش بيها. مروان حط إيده على بوقها. مروان: خلاص، أنا آسف. بصوا لبعض شوية وقام مروان. مروان: قلع التيشيرت بتاعه. لفت حياة وشها الناحية التانية بسرعة وبكسوف. حياة: يخربيتك بتعمل إيه؟ مروان بضحك: إيه يا بت بقلع عشان آخد شاور. حياة ولسه لافة وشها: وهي محبكتش يعني تقلـ...

ع إلا هنام. مروان: يابت دا بدل ما تتباهي بعضلات جوزك، شفتي البينج ولا التراي ولا الباي. حياة: طب باي انت بقى وادخل جوه. مروان: طب خلاص هدخل. وفضل يقرب عليها. مروان: متتحركيش من مكانك. مش هقدر أشيل تاني انهاردة. حياة: وعاملنا فيها بيج رامي، يلا يا عم روح، شغال ظابط على الفاضي وخلاص. مروان: ماشي، هقوم بس لما أجيلك هعرفك مين بيج رامي ومين بيج ياسمين. ضحكت هي وقام هو دخل الحمام. وقعد شوية جوه ونده عليها. مروان: يا حياة.

حياة: إيه، انت بتنادي عليا في العالم الآخر؟ عايز إيه؟ خرج راسه من الباب. مروان: متيجي معايا، ده المية جامدة. حياة: محترم نفسك يا وسـ... خ، انت. مروان: أنا وسـ... خ يا ستي؟ حياة: عايز إيه يا مروان. أنجز. مروان: هتلاقي اللبس بتاعي عالسرير هاتيه وناوليهولي، بسرعة. حياة: حاضر يا عم، استنى. وراحت جابت اللبس وادتهولو وبعدها بشوية خرج. وكان شعره مبلول كدا وبينشف شعر. مروان: مالك بتبصيلي كدا ليه؟

حياة وفاقت: لا لا، مفيش. انت هترجع الشغل امتى وفي مأموريات او كلام؟ مروان بضحكة خفيفة: لا مش دلوقتي، واخد إجازة شهرين أو تلاتة كدا. ماشي يا ستي. المهم هو انتي مسرحتيش شعرك؟ مسكت حياة شعرها بكسوف. حياة: كنت هقوم بس كنت تعبانة. مقدرتش. مروان: طب خلاص، أنا هسرحهولك بس لازم نعمل حاجة الأول. سكتت حياة كدا بتستوعب أصلاً إنه ممكن يلمس شعرها. وكمل هو وقرب عليها أوي ومسك الإكل. مروان: لازم تاكلي الأول.

وقال لنفسه: هو أنا لي بعمل كل دا؟ ولقا نفسه بدون مبرر بياكلها بإيده وهي مكسوفة أوي وخدودها حمرا. مروان: مالك يا بنتي خدودك احمرت أوي كدا ليه؟ أنا جوزك عادي يعني. حياة: جوزي؟ جوزي انت بقيت جوزي؟ بصلها مروان ولسه هيتكلم رن تليفونه وكانت بسمة. حياة: وهي شافت الاسم. حياة: هي لسه بتكلمكم؟ مروان: حياة، اهدي. إحنا اتجوزنا ونتي عارفة إني بكلم بنات مش جديدة عليكي يعني. حياة: أيوه بس أنا مش هقبل بالوضع دا. مروان: ليه؟

إحنا اتفقنا إننا هنفضل زي ما إحنا. حياة اتعصبت أوي وضربته في كتفه. حياة: لا يا مروان مش هينفع اللي إحنا فيه دا، وأنا متفقتش معاك أصلاً. مروان: حياة، هو انتي بتحبيني؟ بصتله حياة أوي وردت ووووووو.