رواية نبض عاشق الفصل الثامن عشر 18 - بقلم ام مروان

انصدمت حياة لما شافت الصور. محمود بخبث وتهديد: بصي بقا انتي هتسمعي كلامي كلو والا هطلع أوريهم الصور دي. حياة بصدمة وعصبية بصوت واطي: ينهار أسود… مين فبركلي الصور دي يلا. محمود: أها… مش عيب عليكي تقولي كدا وتكذبي. حياة: امشي ياض من هنا بدل ما وربنا هخليهم يجو يرموك بره. محمود: طب بصي بقا… الرقم الغريب اللي بيرن عليكي هو أنا… لو مردتيش… أنا هبعت الصور دي لجوزك. سلام.

وسابها ومشي وهي فضلت واقفة متجمدة. هي عمرها ما كان ليها أي علاقة بحد أصلًا وكانت منطوية شوية في المدرسة. ولأن سنها صغير مبقتش عارفة تتصرف إزاي وكمان مامتها مش موجودة عشان تحكيلها وأم مروان مش قريبة منها أوي. طلعت حياة الأوضة وهي في دنيا تانية. ولقت مروان نام على السرير. فضلت واقفة باصة له وعمالة تقول لنفسها وتتخيل كذا سيناريو. هو لو شاف الصور دي هيعمل معاها إيه.

لقت نفسها بدون إرادة راحت قربت عليه وبـ.ـاسته من راسه أوي. وهو كان لسه بيروح في النوم فصحي هو وباصص لها باستغراب شوية. مروان بحنية ورجع شعرها ورا ودنها وهي لسه مميلة عليه: مالك يبنتي… في حاجة. حياة بسرحان: أنا بنتك يمروان… أنا أبويا وأمي ماتوا من وأنا عندي ٥ سنين… عمر ما حد قالي يبنتي أو حسيت إني بنت حد. قام مروان اتعدل وبصلها في عينيها أوي: أنا أبوكي يبنتي… أنا كل حاجة بالنسبة ليكي.

حياة وعيونها لمعت بالدموع: مش عارفة يمروان… نفسي أحس إن أبويا وأمي عايشين. مروان خدها في حضنه بهدوء وهي دفنت راسها في صدره: هو إنتي قابلتي مين تحت. انفزعت حياة وقامت من حضنه وقفت: مفيش… دي… دي كارما… بس أنا محبتش أطلعها. مروان: هنام… أحسن بردو… البت دي رخمة أصلًا ومش بطيقها… بس مالك اتفزعتي كدا لي. حياة بعصبية: مالي يمروان… أنا كويسة أهو… بطل أسئلة بقا. مروان باستغراب: مالك يبنتي… جاية متعصبة لي.

حياة: خلاص يمروان… خلاص… أنا هنام عالكنبة دي… وأنت نام عالسرير. مروان: لا… أنا هنام عالكنبة. حياة: لا يمروان… أنا هنام عالكنبة… أنت تعبان. مروان: وأنتي عضمك بيوجعك ونوم الكنبة هيتعبك. حياة: حياة… هي كلمة وقولتها. مروان قام وقف: وأنتي هتمشي كلامك عليا ولا إيه. حياة: أه… همشي كلامي عليك… روح بقا نام عشان متدوخش… يلا بقا. مروان: طب ما ننام سوا… عادي يعني… أنا جوزك والله. حياة فكرت شوية: ماشي… تعالي ننام يلا.

مروان بتعب: شكل السخونية زادت شوية. حطت حياة إيديها على راسه: أه… استنى هجيبلك ميه ساقعة أعملهالك كمدات. جايه تمشي قام مسكها من إيديها: بقولك إيه… ابقي هاتيلي معاكي حاجة حلوة زيك كدا. ضحكت حياة: حياة: طيب… روح أنت بقا عشان أنت دايخ… مش هقدر أشيلك لو وقعت في الأرض. مروان: يخربيتك… الألفاظ سـ.ـعـ.ـظ يبت… غوري ضيعتي اللحظة الرومانسية. ضحكت حياة ومشيت لكنها اتقلبت ضحكتها أول ما افتكرت اللي حصلها.

كارما: برافو عليك يمحمود. بص بقا… أنا عاوزاك تستفزها جامد وتهددها. عاوزاها ديما عايشة في نكد. تالا: ياابنتي حرام عليكي… هي البنت عملتلك إيه لكل دا. دي اتجوزت. كارما: بت انتي… ملكيش دعوة بالكلام دا. تالا: والله العظيم حرام عليكي… حتى لو انتي غيرانة منها… مينفعش كدا خالص… دي سمعة بنت… غير كدا هي لو حكت لجدها أو جوزها… هيقتـ.ـلـ.ـوك.

كارما: ياابنتي هي هتخاف أصلًا… دي بت خوافة جدا… وبعدين هو إيه اللي حرام عليا… حرام عليها هي تاخد واحد زي القمر كدا. قومي من هنا. تالا: أنا فعلاً هقوم لإن مش عاوزة أكون مشاركاكي وأنتي بتخربي بيت واحدة معملتلكيش أي حاجة. وسابتها وقامت. كارما: هووف… سيبك منها يمحمود… المهم بقا. طلعت حياة ومعاها الميه وبدأت تعملو الكمدات. حياة: أحسن دلوقتي. مروان: أحسن يحياة شوية. حياة: طيب… أنا خلصت كدا… نام بقا يمروان وتصحى تكون كويس.

مروان مسك إيديها وبـ.ـاسـ.ـها: ربنا يخليكي ليا… أنتي وقفتي معايا جامد… شكرا يحبيبتي. حياة بابتسامة: شكرا إيه بس دا أنت جوزي وحبيبي… طبعًا لازم أقف جنبك. مروان: أنتي برج الجوزاء يبت. حياة: أه. مروان: اممم… أنا قولت كدا بردو… هو الجنان دا وتقلب المزاج برج الجوزاء. حياة ضحكت أوي: يخربيتك… ماشي يمروان شكرا. مروان: بس لو جنان… فهو أحلى جنان شوفته في حياتي. حياة: اممم. طب يلا يمارو بقا عشان ننام. مروان: يلا. تصبحي على خير.

حياة: وأنت من أهل الخير. ونامو هما الاتنين. صحي مروان وكان كويس. قام كدا فرد جسمه ونزل عالأرض يلعب ضغط. صحت حياة من النوم لقيتو بيلعب ضغط: صباح الخير… إيه دا عالصبح. مروان: يبنتي ملعبتش حاجة امبارح من تعبي… أنتي مالك في إيه. حياة: مش عارفة… بطني بتوجعني شوية. مروان قرب عليها: حاسة بأي تاني. حياة: مش عارفة… عاوزة ا… مروان: عاوزة إيه… قولي. حطت إيديها على بوقها وجريت عالحمام. مروان بقلق: يالهوي… مالك يحياة. وجري وراها.

حياة مسكت بطنها أوي: أنا تعبانة يمروان. مروان: حامل… صح… قوليها وفرحيني ونبي. حياة بتعب: الحقني بس يمروان. مروان: طب تعالي بس نروح للدكتورة اللي جنبنا دي. وبعدها لبسو وراحو هما الاتنين. الدكتورة: مبروك… حامل. حياة بفرحة: حامل. مروان بفرحة أكتر: بجد يدكتورة. الدكتورة: أه والله… بس في حاجة بس عاوزة أقولكم عليها. مروان بقلق: إيه هي. ثواني يادكتورة هرد بس عالفون. وراح يرد. حياة: إيه هي الحاجة دي يدكتور.

الدكتورة بحزن: هو إنتي متجوزة بقالك قد إيه. حياة: شهرين تقريبًا… لي. الدكتورة: بصي يحبيبتي… أنتي لسه صغيرة… هو مروان قريبك. حياة: أه… هتقلقيني لي هو في حاجة. الدكتورة بحزن شديد: أه… البيبي هيكون مشوه جدا… لازم تنزليه. حياة انصدمت وعيونها دمعت و… مروان: الو… أيوة مين. الشخص: مراتك ليها علاقة بيا… وبتقابلني كل يوم. مروان…