رواية نبض الصقر الفصل الخامس عشر 15 - بقلم دينا عبد الله

صقر فتح عينه: أنا فين؟ انتي مين؟ رهف رجعت ورا بكسرة: زين: مراتك يا صقر بيه. صقر: مرات مين؟ أنا متجوزتش أصلاً. أنا بحب واحدة تانية وهتجوزها. في نفس الوقت دخلت أنجي. أنچي: ألف سلامة يا حبيبي. وبتحضنه. صقر: الله يسلمك يا حبيبتي. رهف في اللحظة دي قلبها اتكسر. زين: صقر فوق، قلتلك أنت متجوز رهف. أنچي: يعع، بقا صقر يسيبني أنا ويبص للجربوعة دي؟

زين: دي أحسن من ألف واحدة من أمثالك. كفاية إنك في حضن جوزها وهي ساكتالك، لإن البيه مش فاكرها. رهف بدموع: صـ صقر مش فاكرني؟ والله العظيم ممكن أموت فيها يا صقر، بالله عليك افتكر أي حاجة. صقر: معرفكيش، ولا عمري شوفتك. بعدين إنتي مش ذوقي. رهف كل كلمة كان بيقولها كانت بتنزل عليها زي الصاعقة. أنچي قربت من صقر وقبلته: يلا على بره، عايزة صقر في كلمة مهمة.

زين: إنتي أوسخ واحدة شفتها في حياتي. مش مكسوفة على دمك بكل البلاوي اللي عملتيها فيهم؟ أنچي بدلع: صقري، قولهم يخرجوا. صقر: سمعتوا. زين بص لهم بقرف ومسك إيد رهف ومشي. رهف بدموع: لي يا صقر لييييي؟ الدكتور: زين باشا. زين: خليك ثانية، هشوفه عايز إيه. الدكتور: صقر بيه هو اللي قالي أقول ليكم إنه فاقد الذاكرة. أنا آسف. زين: نعم؟ يعني هو مش فاقد الذاكرة؟

الدكتور: أنا آسف، بس ضميري مسمحليش. يا ريت بعد إذنك متقولوش، ممكن يرفدني. زين: متخافش، شكراً ليك. ومشي. زين في عقله: ناوي على إيه يا صقر؟ زين: يلا وخد رهف وركبوا العربية. زين: أجيبلك تاكلي؟ رهف بدموع ووجع: شكراً. زين: رهف، انتي لازم ترجعي بيتكوا انتي وصقر وتعيشي فيه، حتى لو هو مش عايزك دلوقتي. بس انتي قدام الكل مراته، عشان ميقولش دي بعدت عني وقت ما كنت محتاجلها. بعد ما الذاكرة ترجع له.

رهف: حاضر يا زين. وديني عند ماما لو سمحت عشان أقولها، وانت قول لأهلك كمان. زين: حاضر. ومشوا. عند صقر. صقر كان ناااار. الغيرة هتموته. إزاي أخوه يمسك إيد مراته؟ تستاهل يا صقر. أنچي: عامل إيه دلوقتي يا بيبي؟ صقر: بخير يا حبيبتي. عايز أمشي، روحي شوفي الإجراءات. أنچي خرجت وأحمد دخل. أحمد: صقر، من الآخر، مش هتقدر تكمل اللعبة دي. صقر: لازم أكملها. لاااازم. هيموتوا رهف. فلاش باااااااك. صقر: قوااات زيادة، بسرعة.

فجأة كانت واقفة بنت من بعيد بتضرب نار على صقر. صقر: أنچي. أنچي: روحوا على بيته، هاتوا مراته. صقر: أحمد، خلي أي حد من تبعنا يخبطني على دماغي بسرعة. أحمد: إنت بتقول إيه؟ صقر: بسرعة يا أحمد، بسرعة. بااااك. أحمد: طيب، ليه يعملوا كدا مع رهف؟ صقر: إحنا دخلنا عمليات كتير أوي ودمرناهم. أكيد عاوزين ينتقموا مني. أحمد: اللي تشوفه يا صقر. بس أنا مش فاهم أنچي مالها بالموضوع، وإزاي كانت معاهم؟ أنچي دخلت عليهم.

أنچي: يلا يا صقري، هنروح بيتنا. الدكتور سمع لك بالخروج. أحمد: بيت مين؟ إنتي هتقعدي في بيته؟ صقر غمز لأحمد. صقر: يلا يا حبيبتي، البيت هينور. أنچي بصت لأحمد بمكر ومشوا. بعد ساعة ونص. وصلوا البيت. أنچي: إنتي إيه اللي جابك هنا يا جربوعة؟