رواية نبض الصقر الفصل السادس عشر 16 - بقلم دينا عبد الله

بعد نص ساعة وصلوا. البيتانجي: مين اللي جابك يا بجربة؟ رهف: بيتي يا حلوة، وده جوزي، وأظن كده نهاية خدمتك. صقر: جوز مين؟ أنا معرفكيش. رهف: صقر، أنا مراتك قدام الناس والقانون. صقر: وأنا معرفكيش، أنا هتجوز إنجي. رهف بتحدي: على جثتي يا صقر بيه. وسابتهم ومشيت. إنجي وصقر طلعوا. إنجي بدلع: بقولك يا بيبي، متطرد البت دي عشان نعرف ناخد راحتنا. صقر بمكر: سيبيها، أما نشوف آخرتها. وغمزلها. إنجي بتقرب من صقر لتقبله.

رهف كانت واقفة بتبص عليهم وقلبها بيغلي. إزاي بلمح البصر جوزها بقى مع واحدة تانية. صقر بعد عنها: أنا تعبان، سيبيني. إنجي وبتحضنه من ضهره: مالك يا حبيبي؟ رهف دخلت: ميعاد الدوا. إنجي: في حاجة اسمها باب يا بت انتي؟ رهف تجاهلتها واتجهت لصقر. رهف: اتفضل. صقر: شكراً. وخد الدوا. إنجي: يلا ع بره. رهف: محتاجة أتكلم معاكي يا إنجي. صقر خاف جداً إن ممكن يحصلها حاجة. إنجي: أما تبقي من مستوايا ابقي اكلمك. رهف: تعالي بس.

وخرجوا من الجناح. رهف جريت وقفت الباب. إنجي: يبنت ال*** افتحييي. رهف دخلت وضحكت. صقر: انتي إيه اللي عملتيه ده؟ رهف: ممكن تسكت شوية وتنام بقى. صقر بيقرب منها: اممم، وإيه تاني؟ رهف بتوتر: ص، صقر. صقر قرب منها ليشم رائحة عنقها وحضنها بتملل. رهف: ص، صقر. صقر: بسس، يلا هننام. وشالها. رهف: انت فاكرني صح؟ والنبي قول. أنا خلاص مش قادرة والله. صقر: لا مش فاكرك، بس بما إنك مراتي يبقى ده حقي فيكي. رهف: يعني إيه؟

صقر: مش مهم، بعدين. ده حقي الشرعي. رهف بخوف: أنا أنا. صقر: نامي. رهف: مش عاوزة. صقر: قولت نامي. رهف: صقر، انت بتحبها. صقر: آه، نامي بقى. رهف الدموع نزلت زي الشلال: طلقني يا صقر. صقر قرب منها وبعصبية طفيفة: قسماً بالله لو سمعتك بتقولي كده تاني، لأقطعلك لسانك ده، فااااهم. رهف بخوف: حرام عليك والله. يعني الأول جرحتني بتعاملني وحش قدامها، وكمان وبتحبها، يبقى ماليش مكان بينكم، وأصلاً مش فاكرني، هعيش هنا إزاي.

صقر: مش هعيد كلامي، نامي. رهف سمعت الكلام ونامت. صقر نزل تحت وقفل عليها. إنجي جريت عليه: صقري، أنا مش هرحمها. صقر: مش عايز أسمع صوت. إنجي: مالك يا بيبي متعصب لي؟ صقر: بسسسس، خلاص. إنجي: طيب هنتجوز إمتى يا صقري؟ صقر بمكر: قريب أوي، صدقيني. وكل واحد طلع جناحه نام. لكن صقر راح لرهف ونام جنبها. في صباح اليوم التالي. صقر صحي بدري وقام بسرعة ع الجناح التاني قبل ما حد يشوفه. في بيت فاطمة. سلمي: أخيراً جيتي. ملاك: متأخرتش.

سلمي: لأ، خالص. ملاك: عاوزة أشرب عصير قصب. سلمي: نعم؟ اخرسي خالص، النهارده علينا الدكتور اللي هزقتيهم. ملاك: افتكريلنا ربع جنيه واسكتي. فجأة واحد كان ماشي بسرعة وماشي في الميام. ملاك: انت ي أعمى، مبتشوفش. نزل واحد من العربية. ملاك: هاا، انت.