رواية نبض السيف الفصل الخامس 5 - بقلم دنيا خلف

أيهم: طمنيني عليكي، انتِ بخير؟ نبض: الحمد لله بخير، بس أنا... أنا مش فاكرة حاجة. أيهم: تقصدي إنك... نبض بانهيار: آه، أنا معرفش أنا مين. وتبكي بانهيار. أيهم: اهدي بس، وإن شاء الله كل حاجة هتتصلح. بس ارجوكي اهدي عشان متتعبيش أكتر، وأنا هساعدك. في قصر سيف... سيف: تيام، كل شركات الشافعي تكون ملكي في خلال أسبوع. أه، وكمان عايزك تعرف... تيام: سيف، أنت عارف بتقول إيه؟ فلينظر له سيف بغضب، فيتفهم الأمر.

بالليل في فيلا الشافعي... نهلة: أنا قلبي واجعني عليها، أنا عايزة بنتي يا أدهم. أدهم بعصبية: مش بنتك اللي ضيعت نبض وضيعتنا معاها؟ هدت كل اللي أنا ببني بقالي سنين. بس أنا هتصرف، والفرح هيبقى في ميعاده، بس على أمجد ونادين. نادين بصدمة: أنت بتقول إيه؟ أكيد لأ. أدهم: أنتِ مش عايز أسمع صوتك لغاية ما أتصرف، فاهمة؟ أنتِ غلطتي ولازم تتحملي نتيجة غلطك. أنا خارج. سيف بصراخ: خارج على فين يا أدهم بيه؟ مش نصفي حسابنا الأول.

أدهم بتوتر: حساب إيه؟ وبعدين صدقني مكنتش أعرف إنك تبقى... ليقاطعه سيف بعصبية: وأنت مش لازم بقا تتحمل نتيجة أغلاطك يا أدهم بيه. ولازم تقول ليه؟ ليه تحرق الدار؟ أنت عارف دمرت حياة كام طفل وقتها؟ ليه تقول لنبض إني مت؟ ليه تبعدني عنها؟ ليه؟

أنت أسوأ حد أنا قابلته. أنت قتلت أخوك ومراته عشان الفلوس، ورميت بنت أخوك في ملجأ عشان تسيطر على كل أملاكه. وبعدين تنزل الدار وتختارها هي بالذات عشان تبقى كارت وتجوزها لابن شريكك وتستولي أكتر وأكتر. نهلة: لأ، مش معقول. أنا كنت عايشة مع شيطان. نادين بذهول: نبض بنت عمي؟ وبابا قتل؟ لأ. وتبكي. سيف: أوعدك إن نبض هترجع وكل حقوقها هترجع لها. وأنا دلوقتي خارج، وأنت برضو هتخرج، بس على المكان اللي تستاهله. باي باي.

في بيت متوسط الحال... تقف نبض بتعب وتستند على الباب، فترى أيهم يضع الطعام على الطاولة. أيهم: عاملة إيه دلوقتي؟ أحسن؟ نبض: الحمد لله. أنا مش عارفة أشكرك إزاي، بس موصلتش لأي حاجة. أيهم: في الحقيقة لأ، بس متقلقيش، وتقدري تاخدي راحتك كأنك في بيتك لغاية ما أعرف أنتِ مين. أيهم بتوتر: ممكن أناديكي أنا باسم لغاية ما أعرف اسمك إيه؟ نبض: أكيد. أيهم بفرحة: ورد. اسمك ورد. نبض: اسم جميل. أيهم بنظرة توهان: لأنه شبهك.

فينتبه ويقول بإحراج: ناكل بقى. مجهول 1: لقيتها ومش هتصدق فين دي؟ دي تبقى عند أيهم الحديدي. مجهول 2: بتقول إيه؟ إزاي ده؟ اسمعني، أنت لازم تعمل اللي أقولك عليه، أنت...