رواية نبض قلبي الفصل الحادي والعشرون 21 - بقلم هيام ختعن

نزلت مي مع سليم ووصلها. في الليل، جاءت نوسة من الفرح. نوسة: أعوذ بالله من الشيطان الرجيم. في الوقت دا كان نور الأوضة بيشتغل ويطفي، وكان فيه أصوات مرعبة. نوسة: لنفسها منك لله ي فوزية، جبتي المرحوم عفريت البيت. اللهي تتشكي في صباع رجلك يا أستاذ المرحوم، انصرف وخليني في حالي، اللهي يسترك ي شيخ. أنا حتى جبت لك حقك من اللي قتلك، كون حنين، انسى، وكفاية رعب وانصرف.

في الوقت دا ظهر شكل مخيف لنوسة، وكانت هتموت من الخوف. فضلت تصوت لحد ما عز حس بيها وراح لها. عز: في إيه مالكنوسة؟ نوسة: المرحوم مش راضي عليا، مش عارفة ليه. والله ما قصرت معاه ي عز بيه، جوله يسيبني في حالي، اللهي تنستر. عز: انتي حلمتي بيه؟ نوسة: ي ريته كان حلم، دا حقيقي ي عز بيه، عمال يجري ويطفي النور، وطلع لي شكله وحش، أنا مرعوبة والله. عز: اهدي ي نوسة، مفيش حاجة، دا أكيد متهيالك.

في الوقت دا النور قطع ورجع تاني، ونوسة حضنت عز. نوسة: مش قولت لك ما صدقتنيش؟ عز: سبيني أروح أشوف أي اللي بيحصل. نوسة: وهي ماسكة فيه وبخوف: لا والنبي ماتسيبني، أنا خايفة جوي. عز: طيب تعالي معايا. وهنا قطع النور وطلع شكل مخيف، وعز ونوسة حضنوا بعض وصوتوا. عز: دا من عمايلك السودة، جبتي لنا كلب مقتول في البيت، ادي البيت اتلبس منك لله ي شيخة. نوسة: أنا خايفة جوي ي عز بيه. عز: وأنا خايف أكتر منك، أقسم بالله.

في الوقت دا لاقى عز حاجة ماشية على رجليها، وكان النور قاطع مش شايف حاجة. عز: بيصرخ الحقيني ي نوسة، المرحوم عايز ياخدني معاه، قوليلوا لا والنبي، دا أنا لسه في عز شبابي. نوسة: خده ي مرحوم، وسيبني تنسطر، أنا غلبانة والله. في الوقت دا اشتغل النور، وكانت نور ويوسف بيضحكوا على شكل عز ونوسة وهما حضنين بعض. عز: بعد عن نوسة. انتوا اللي كنتوا بتعملوا كده. نور: أيوه قولنا نتسلى شوية. عز: بصوت جاد: ماينفعش اللي انتوا عملتوه دا.

نور: لي عادي ي عز هزار. نوسة قلعت الشبشب ونطت على نور. نوسة: وهي بتضربها: دا هزار دا، انتي ماتعرفينيش، دا أنا هطلع الخوف اللي جوايا دا فيكي انتي والأوز. نور: بتصوت: الحفني ي عز. عز: بيسحب نوسة: خلاص المسامح كريم. نوسة: روحي جيبي لي أي حاجة مسكرة آكلها ولا أشربها. نور: انتي مجنونة ي بت، أنا هقول لعمي يمشيكم من هنا. نوسة: يمشي مين ي عنيا، دا بيتي ومكاني، انتي اللي تمشي. وبتحدف بوسة ليوسف: أنا مسامحاك ي أوز الأوزز. عز:

بيبص ليوسف: ربنا معاك ي أوز الأوزز بعد المحبة دي. يوسف: انتوا بتتعاملوا معاها إزاي دي. عز: لا هي اللي بتتعامل معانا. يلا ي نور روحي أزقك انتي ويوسف، وبلاش هزار من دا تاني، وانتي ي نوسة مالكيش دعوة بيها. وراح كل واحد على أوضته، ونوسة طبعاً مش هتسكت على اللي نور عملته. ومر الليل وأتى نهار جديد، وقام الكل، وحضرت نوسة الفطار. نور: بقرف: انتي اعملي نسكافيه. نوسة: بصت لها بنظرات مخيفة: خلص ماعندناش اسكافيه. عز:

بصوت واطي جنب ودن سليم: البت نور دي بتلعب في عداد عمرها مع نوسة، حذرتها امبارح وهي حرة. سليم: سيبها تستاهل. عز: نوسة ممكن نسكافيه. نوسة: عنيا ي عز بيه. نور: انتي مش قولتي خلص؟ سألتها نوسة ومشت من غير ما ترد عليها. نور: أي دا انتوا مستحملنها إزاي دي؟ نهال: بصي ي نور اتعاملي معاها براحة، وهي هتحبك وهتعمل لك اللي انتي عايزاه. نور: هي بتشتغل هنا والمفروض تعمل اللي أنا عايزاه. عز:

بصوت واطي جنب ودن سليم: بنت عمك قلبها طيب أوي، ماتعرفش اللي إحنا فيه، وإن نوسة ما يقدرش عليها غير ربنا. سليم: لا دا إحنا هننبسط أوي. عز: أيوه ما أنا واخد بالي. نوسة جابت النسكافيه. نوسة: الاسكافيه ي عز بيه. عز: تسلم إيدك ي نوسة. نوسة: بصت ليوسف: عملت لك اسكافيه انت كمان ي أوز الأوزز. يوسف: شكر، بس ممكن طلب. نوسة: انت تأمر وأنا أنفذ ي أوز الأوزز. يوسف: ممكن بلاش اللي بتقولي دا، وقولي ي جوه. نوسة: عنيا ي جون قلبي.

يوسف: بيحط إيديه على وشه ورجع بص لها: جوه مش جون. نوسة: والنبي انت عسل بكل الأسامي ي سي الأستاذ جون قلبي. عز: الله عليك ي جوه، نوسة بدأت تنفذ عليك نصائح ياسمين عز. نوسة: بتضحك: جاتك إيه ي عز بيه، عارف كل حاجة كده. يوسف: بيوطي صوته جنب ودن عز: أنا قلقان من البت دي، اتعامل معاها انت وخليها تتكلم معايا عادي من غير الكلام اللي بتقولوه دا. عز: بص ي جوه، هي هتعمل اللي في دماغها، فحاول تعديها، ويلا بقى أنا ماشي.

يوسف: انت هتسيبني مع الكائن ده. عز: ماتقلقش، كائن أليف. سابهم عز ومشي، وسليم نزل هو وسالم ونهال، واتبقى نور ويوسف ونوسة. سليم: عاملة إيه ي روحي؟ مي: الحمد لله تمام، نور ويوسف عاملين إيه؟ سليم: كويسين، بس نوسة قيمة بالواجب مع نور. مي: ليسليم: مش عارف، أكيد عملت لها حاجة. مي: طيب انت فين دلوقتي؟ سليم: عندي شغل. مي: ماشي ي روحي. وانهت المكالمة مع سليم، وكلمت مريم عشان تروح تقعد معاها.

في الوقت دا كانت نوسة بتفكر إزاي تنتقم من نور. دخلت نوسة أوضة نور ويوسف بعد ما تأكدت إنهم مش موجودين فيها، ورشت بودرة عفريت على سرير نور وهدومها اللي كانت محضراها عشان تلبسها لما تاخد شور، ودخلت الحمام ورشت شور كتير في الأرض. نور داخلة تاخد شور، اتزحلقت. نور: بتصوت: الحفني ي يوسف. يوسف: مالك في إيه؟ نور: مش عارفة، في حاجة في الأرض زحلطتني. يوسف: طيب هنادي نوسة تمسحها. ونادى يوسف على نوسة، وفعلاً سمعت كلامه ومسحتها.

نوسة: لنفسها: هو أنا بضعف ليه قدام أوز الأوزز كده؟ فين شخصيتك ي نوسة؟ أهدي ي جلبي عليا، أوعي تقعي في حبه وتجرحنا، إحنا مش ناقصين. وطلعت نور من الحمام وكانت عمالة بتتهرش. نور: أكيد الزفتة دي رشت حاجة في الهدوم، وبتنادي عليها: انتي ي زفتة. نوسة: ماسكة برطمان شوكولاتة بتاع نور وبتاكل منه: نعمة. نور: انتي إيه اللي أخدك الشوكولاتة بتاعتي، وكمان انتي حطالي إيه في الهدوم؟ نوسة: أنا ما حطتش حاجة، انتي شكلك جريانة. نور:

بعصبية: والشوكولاتة بتاعتي؟ نوسة: بتديها البرطمان عشان تعرفي إنها كريمة وقنوعة: سبت لك معلقة. وسابتها ومشيت، وكانت نور مضايقة منها. نور: لنفسها: يا أنا يا انتي ي زفتة. في الوقت دا جات صاحبة نوسة، وكانت نوسة واخدة فستان من لبس نور. نوسة: مبروك عليكي ي بت يا سوسن. سوسن: الله يبارك فيكي ي نوسة. في الوقت دا دخلت نور. نور: بصت لسوسن: انتي أخدتي فستان؟ نوسة: سلف وهترده. نور: شغل الهبل دا مش عليا. نوسة:

قربت منها وبنظرات مخيفة: بحولك ي عسل المواعين دي، عايزة أشوف وشي فيها. نور: أي الجنان دا؟ لا طبعاً. نوسة: هو اللي مش بيسمع كلامنا ي بت يا سوسن، بنعمل فيه إيه؟ سوسن: بنسلخه ي نوسة. نوسة: طيب ايدك معايا. نور: لا خلاص هعمل. ومشيت سوسن، وكانت نوسة قاعدة على كرسي ونور بتغسل المواعين، ونوسة بتخليها تعيد أكتر من عشر مرات. وفي الوقت دا جاه عز. نور: الحفني ي عز، خليها تبعد عني. عز:

بيبص لنوسة: ي قادرة، حرام عليكي البت، خفي عليها شوية. نوسة: بتبص لعز: يجولك إيه ي عز بيه، دا حوار بنات مع بعض، وأخرج بره. عز: انتي شايفة كده؟ نوسة: أيوه، أنا بأخذ حقي منها ي عز بيه. نور: أما عمو يجي هقوله. نوسة: ماتقولها حاجة ي عز بيه. عز: سامحيها ي نوسة واعفي عنها. نوسة: لما آخد حقي الأول. عز: بعد كل دا وما أخدتيش حقك؟ نوسة: لا ي عز بيه. وبصت لنور: شايفة الحلة الكبيرة دي ي بت؟ نور: ماله؟

نوسة: هاتي فيها مية سخنة ودلكيلي رجلي. نور: ي عز والنبي. عز: أنا حذرتك، وأنا والله ما عندي استعداد أدلك معاكي. وفعلاً جابت نور المية وبدأت تدلك لنوسة رجليها، وأول ما نوسة سمعت صوت سالم قامت بسرعة وقعدت نور على الكرسي ودخلتها تحط رجليها في المية، وعز كان واقف متنح. سالم: أي اللي بيحصل هنا؟ نوسة: أوامر نور هانم ي سالم بيه. سالم: عيب كده ي نور، ما يصحش. نور: متنحة أنا والله…. نوسة: يلا بقى أكل العيش ي سالم بيه.