رواية نبض الفصل العاشر 10 - بقلم نور احمد

نبض كانت بتبكي ومش شايفة أي حاجة غير إن كل اللي حواليها خانوها. سليم، حب حياتها، اتجوز وسابها لوحدها. أما أصحابها، فكانوا معاه، وهي مكانتش فارقة معاهم. أما أمجد، أمجد... آه من أمجد واللي عمله فيها. إزاي يعمل كدا بعد كل العشرة اللي بينهم؟ إزاي يأذيها بأبشع الطرق كدا؟ نبض بعياط: يخسارة كل حاجة عملتها ليكم. يخسارة حبي ليكم. بكرهكم...

بكرهكم. ماشي يا سليم. وحياة كل لحظة استنيتك فيها ودموعي نزلت عشانك، لهوريك مين هي نبض رؤوف. وحياة كل لحظة حلوة بينا، لهخليك تندم عليها. وحياة جرح قلبي يا سليم، لهدفعك تمن كل دا. راحت على المكان بتاعهم وكانت مشغلة أغنية "وعد مني"، وكانت قاعدة وماسكة الدبلة في إيدها وبتعيط على حب حياتها. من الناحية التانية، عند سليم، بعد ما كل الناس مشيت من القاعة ومفضلش غير سليم ومنال وبسنت ومنه. منه بعياط: نبض...

أنا عايزة صحبتي. أنا عايزة نبض. بسنت: وأنا كمان. يا ريتنا ما كنا عملنا كدا. منال: عجبكم كدا؟ ست نبض بوظت لي فرحي. حتى فرحي معتقتوش. سليم قام وضربها بالقلم بعصبية: انتي اخرسي خالص. فاهمة؟ مش عايز أسمع صوتك. منال: انت بتضربني يا سليم؟ بتضرب مراتك عشان دي؟ سليم بعصبية: اللي بتقولي عليها دي تبقى ستك وست البنات كلهم. دي تبقى حبيبتي وملكت قلبي. دي اللي بعدها عني خلاني واقف مع واحدة زبالة زيك. فاهمة؟

مش عايز أشوف وشك تاني. فاهمة؟ منال بصراخ: مش هتعرف. يا سليم، أنا بقيت مراتك خلاص. سليم: بس كدا. وقلع الدبلة ورماها في وشها: انتي طالق يا مدام منال. وبثلاثة، مشي وسابها. وقلع الكرافت وكان مخنوق، بس هو عارف دوا خنقته فين... نبض في مكانهم، وهو متأكد. أما منه وبسنت، فهم خرجوا بيعيطوا ومنهارين على صحبتهم. وحاولوا يتصلوا بيها بس مش بترد. أما منال، فهي قعدت مكانها وبعياط:

وحياة حبي ليك يا سليم، ما هخليك تروح ليها. حتى لو هقتلك، فاهم؟ لو هقتلك، بس مش هتكون لحد غير ليا. ولو مبقتش ليا، مش هتعيش. سليم عشان تبقى لغيري، انت بتاعي. انت بتاعي أنا وبس. فاهم؟ سليم بتاعي أنا وبس. مؤمن بسخرية: عشان تبقي تلعبي من ورايا يا مدام منال. منال جايه تمشي. مؤمن مسكها من إيدها. مؤمن: رايحة فين؟ منال: ملكش دعوة. مؤمن: لا ليا. يا منال، طرقنا طول عمره واحد. منال: خلاص باظت يا مؤمن. مؤمن:

بس لسه في فرصة. حد فينا يكسب. منال: يعني إيه؟ مؤمن: يعني تعالي معايا نسهر ونتفق هنعمل فيهم إيه. منال بتردد: بس... مؤمن: مفيش بس. يلا. ومشت معاه. أما سليم، فهو خرج وقعد في عربيته وفضل يضرب الدريكسيون. إزاي دا حصل؟ إزاي نبض تكون كدا قدامه؟ وإزاي هيا اللي اتجوزت وباعت وخانت؟ سليم: أنا لازم أفهم. لازم. ومشي بالعربية للمكان بتاعه. نبض في نفس مكانها وكانت بتتصل بآدم. آدم بلهفة: نبض حبيبتي، انتي معايا؟ الو؟ نبض بعياط:

الو يا آدم. آدم: مالك يا حبيبتي؟ انتي فين؟ قوليلي انتي وامجد فين؟ نبض بضعف: أنا محتاجة ليك يا آدم. أنا مبقاش حد جنبي. يا آدم، أنا مخنوقة ومكسورة أوي. آدم بحنية: انتي فين يا قلب آدم؟ وأنا هكون عندك في ثواني. بس قوليلي. نبض بتردد: آدم، قبل ما أقولك أنا فين، انت مدورتش عليا ليه؟ آدم: حبيبتي والله دورت كتير بس ملقتكيش. انتي تعرفي إن آدم يسيبك بعيد عنه؟ انتي فين يا نبضي؟ قوليلي يا حبيبتي أجلك على طول. نبض ببكاء:

سليم خاني يا آدم. آدم: يقلب آدم، قوليلي بس انتي فين وهجيلك نتكلم. نبض: أنا في... آدم: مسافة السكة يا قلب آدم. متتحركيش من مكانك. فاهمة؟ نبض: حاضر. وقفل. في نفس الوقت، سليم راح هناك ولقى نبض قاعدة بتعيط. سليم: نبض. نبض أول ما سمعت صوته لفت، لقيته واقف وراها. نبض عيطت وسكتت. سليم قعد جنبها: ليه عملتي فينا كدا؟ نبض بزعيق قامت وقفت: عملت إيه أنا؟ عملت إيه؟

حد يقولي أنا معملتش حاجة. أنا اتغدر بيا واتلعب بيا لعبة زبالة. أنا اتخنت من أقرب الناس ليا. كلكم عاملين نفسكم ملايكة وأنا اللي ظلمتكم وجيت عليكم. بس الحقيقة إني أنا اللي كلكم جيتوا عليها. محدش كان جنبي. يسليم، كلكم بعتوني وأنا في أكتر وقت كنت محتاجاكم فيه. حتى انت يا سليم، حتى انت روحت اتجوزت وأنا بتعذب وبضرب عشانك. سليم، ليه عملت كدا؟ ليه؟ رد. قولي. ليه؟ سليم بصراخ: أنا بردو اللي عملت كدا؟ أنا اللي روحت اتجوزت؟

بعدت عنك؟ أنا اللي كنت ببعتلك مسدجات توجع؟ أنا اللي خليتك تعملي أكتر حاجة غلط؟ نبض بزعيق ودموع هستيريا: أنا معملتش حااااجة. افهم بقى. أنا معملتش حاجة. أنا أمجد خطفني في شقة أنا معرفهاش. وهو اللي كان بيبعت كل الحاجات دي ليكم. أنا كنت مستنياك يا سليم. كنت مستنية إنك تيجي تخرجني. بس كنت غلطانة. بعد ما ضربت عشانك وعشان كنت بدافع عن حبي ليك، وانت قدمت ليا إيه في المقابل؟ رد عليا. قدمت ليا إيه غير وجع وكسرة وحرقة قلب؟

وأنا جايه وبشوف أكتر واحد حبيته في حياتي بيتجوز أكتر واحدة بكرهها. ليه يا سليم؟ ليه تعمل فيا كدا؟ وبعد دا كله جاي تقولي بسببك؟ بسببي؟ إيه؟ بسببي صحابي كانوا بيحضروا فرحك؟ اسكت يا سليم. اسكت. سليم بصدمة: نبض، والله أنا مكنتش أعرف كل دا. أنا اتصدمت وكنت معمي من المسدجات وعقد الجواز واختفاءك عني. صدقيني، أنا كنت مضروب على دماغي. أنا... أنا آسف. والله آسف. نبض بسخرية: آسف؟ أصرف منين أسفك دا يا سليم؟ أرجع بيه قلبي؟

ولا أرجع حبي ليك؟ سليم بصدمة: ترجعي حبك ليا؟ نبض بسخرية أكبر: هو انت فاكر إني لسه بحبك وهرجعلك؟ فوق يا سليم. أنا نبض رؤوف. انت بعد اللي عملته بقيت صفحة سودا اتقفلت من حياتي. ولا هستنى منك اعتذار، ولا تستنى مني إني أرجع ليك. سليم، انسي نبض بتاعت زمان. انسي نبض اللي كانت بتحبك. من النهاردا، هتكون نبض الكراهية. نبض اللي هتبقى مستعدة تعمل أي حاجة عشان تعذبك بالبطيء. سليم. سليم لسه هيحط إيده على خدها. آدم بغضب:

إيدك عشان متتوحش لك. وقام ضربه وفضل يضرب فيه. وبعد كدا شاور للحارس. آدم بصراخ: خدوا الكلب دا على المخزن اللي في... وعايزكم تمسوا عليه كل نص ساعة ولا حاجة. سليم بتعب من كتر الضرب: نبض... نبض متسبنيش. أنا مصدقت رجعتي. آآآه. نبض ببكاء: آدم. آدم بص لها وخدها في حضنه، وهي مصدقت لقت حضن آدم واترمت فيه. وفضلت تعيط وخرجت كل حاجة محوشاها من أسبوع. كل الوجع والغدر، وجع القلب، جرح أقرب الناس ليها، بعدها عن آدم، كل حاجة.

وقصاد دا، آدم كان بيهديها بكلمات مطمئنة وبيمسح على شعرها. وبعد مدة من عياطها، آدم خرجها من حضنه ومسح دموعها. آدم: بس بس يا قلب آدم. خلاص خلاص. أنا معاكي اهو ومش هسيبك تاني. وحياة كل دمعة من عيونك لهندمهم كلهم واحد واحد. وأولهم الكلب أمجد. والله مهسيبه وهخدلك حقك منه. يا نبض. نبض بعياط: كلهم غدروا بيا يا آدم. كلهم سابوني وباعوني. خانوني يا آدم. أنا قلبي بيوجعني أوي يا آدم. آدم:

سلامة قلبك من الوجع يا قلبي. والله لهخدلك حقك وأنا معاكي ومش هسيبك تاني. نبض: طب احلف إنك مش هتعمل حاجة تخليني أزعل منك. آدم: والله معامل حاجة. نبض: ولا صدقت اللي أمجد عمله. آدم: ولا صدقت يا قلب آدم. كنت عارف إن الموضوع فيه حاجة غلط من الأول. نبض: مش هتسبني؟ آدم بحنية: على موتين. نبض حضنته: بعد الشر عنك. متقولش كدا. آدم: طب يلا يا قلبي بقا نروح عشان انتي أكيد عايزة ترتاحي. نبض: يلا.

ومشوا بعربية نبض. والجارد مشيوا وراهم بعربياتهم وعربية آدم. أما نبض، فكانت مشغلة أغنية "جيت لك" وكانت باصة للشارع ودموعها بتنزل. وآدم بيبص عليها وهيموت وهو شايفها كدا. وقرر إنه يسبها تهدى وبعد كدا يعرف منها كل حاجة. وبلغ الجارد بتوعه يقلبوا الدنيا على أمجد. وعرف من نبض الشقة فين. روحوا البيت ومكنش حد صاحي. آدم طلعها الأوضة: حبيبتي، ادخلي خدي شاور وظبطي. وأنا هجبلك أكل وعصير. نبض: لا لا. أنا هاخد شاور وأنام. مش قادرة.

آدم: مفيش حاجة اسمها كدا. يا نبض، هتاكلي غصب عنك. اتفضلي يلا. نبض: حاضر يا آدم. حاضر. وأخدت مانوم بيت ودخلت أخدت شاور وخرجت، لقت آدم محضر ليها أكل وعصير وقاعد مستني. نبض: آدم، بجد مش عايزة. آدم: لا يلا. وأكلها بالعافية. وهوه اللي كان بياكلها وبيشربها العصير بإيده. آدم: نبض، أنا عارف إنه مش وقته، بس أنا لازم أفهم. احكيلي كل اللي حصل. نبض: حاضر.

وحكت لي كل حاجة حصلت من أول المول لضرب أمجد ليها، لكلامه اللي كان بيقوله. وحكت له كمان على لما راحت لسليم القاعة لحد الكلام اللي قالوه لما كانوا في المكان. نبض بدموع: بس هو دا اللي حصل كله. آدم وهو بيمسح دموعها: حبيبتي، والله لهندمهم كلهم على اليوم اللي اتولدوا فيه. نبض: واثقة فيك. بس أنا مش عايزة منهم حاجة. مش عايزة أعرفهم تاني. كلهم يا آدم. آدم: مش قبل ما أجيبلك حقك يا حبيبتي. نبض سكتت. آدم بتوجس:

نبض، هسألك. انتي لسه عايزة س... نبض بمقاطعة: متكملش يا آدم بليز. مش عايزة حد. صفحة واتقفلت. آدم: طب يلا نامي يا حبيبتي. نبض: حاضر. ونامت. وهوه خرج وراح لندي. ندي: ادخل. آدم: أنا. ندي: انت كنت فين يا آدم؟ دورت عليك كتير. آدم: كان في حاجة. ندي: لا، بس عرفت إن فرح سليم كان النهاردة. آدم: عرفت. ندي: نبض؟ فين؟ انت جبتها وجات؟ تقوم تروح ليها. آدم: تعالي هنا. هيا نامت. ندي: طب كانت فين؟ وامجد فين؟ وجات إزاي؟

آدم أخد تنهيدة وحكلها كل حاجة. ندي بعياط: يالهوي! كل دا يحصل معاها؟ وامجد يعمل كدا؟ آدم: لما أجيبه، لازم أربيه. ندي: آدم، متنساش إن أمجد أخونا في الأول والآخر. آدم: عارف. عارف. يندي، بصي نامي دلوقتي وابقي روحي لنبض الصبح. ومتخليش ماما تيجي جمبها خالص. البنت مش ناقصة. فاهمة؟ ندي: وإنت هتعمل إيه؟ آدم: لا، أنا بقا ورايا شغل كتير أوي وهخلصه وأرجع. وسبها ونزل. ندي: ربنا يستر. وخرجت وراه وراحت لنبض ونامت جمبها وحضنتها.

أما عند آدم، فخلي الجارد يجيبوا منال ومؤمن، ووداهم ورا سليم على المخزن. وبعدها بشوية جابوا أمجد، اللي كان بيحاول يهرب من البيت بعد ما عرف من منال اللي حصل. وكلهم قاعدين قدامه. وهوه واقف قدامهم وبزعيق. آدم:

أنا مش عارف أبدأ بمين فيكم. أنا ممكن بدم بارد أموتكم واحد واحد دلوقتي. لاكن أنا مش هعمل كدا. أنا وعدت نبض إني مش هوصخ إيدي بيكم. بس ملحقوا. هعلم عليكم عشان تعرفوا اللي يجي جمب حاجة تخص آدم إبراهيم بيحصل. وانتوا جيتوا على أكتر إنسانة بحبها. جيتوا على قلبي. وانتوا هتشوفوا النار بتاعتي. وطاح فيهم الضرب. أما منال، فأمر إن محدش يجي جمبها. وهوه هيتصرف مع أهلها بعد ما عرف منها إن أمجد متفق معاها.

أما أمجد، فهو كان بيلطشه. وبعد كدا أمر الجارد إنهم يخرجوهم برا. وسابوا أمجد. آدم وهو بيضربه: ليه عملت كدا؟ ليه؟ دي طول عمرها بتثق فيك. ليه تجرحها وتخليها لعبة في إيديكم؟ ليه يا أمجد؟ هو دا جزاء العيش والملح؟ هيا دي كلمة شكرا؟ هيا دي الأمانة اللي عمك سابها لينا؟ بتخلي واحدة زي منال دي تكسر بنت عمك؟ أمجد بانفعال: أنا بحبها. ودي كانت الطريقة الوحيدة اللي هتخليها ليا. قلتلك بحبها، مسمعتنيش. وادتها لسليم أهو اتجوز وسابها.

آدم: حيوان. انت هتخرج من هنا وتنسانل خالص. فاهم؟ وربي وما أعبد، لو شفت كلب فيكم قدامي أو قدام نبض بالصدفة، ملكش أهل يا أمجد. خلاص. فاهم؟ خلصت. وبص للجارد: اطلعوه بره. وروح البيت. تاني يوم الصبح، نبض صحيت ولقت ندي جمبها. قامت من غير ما تعمل صوت. لبست ونزلت تحت. عبير بخضة: بسم الله الرحمن الرحيم. انتي جيتي إمتى؟ نبض بهدوء: جيت امبارح. عبير: مممم. وفين أمجد؟ اللي لفيت عليه. هيا دي كلمة شكرا اللي بتقوليها لينا؟

داحنا اللي لمناكي من الشوارع لما أهلك ماتوا وربناكي وأكلناكي وشربناكي ولبسناكي وعلمناكي. هيا دي كلمة شكرا. كسرتي ضهرنا ووطيتي راسنا. نبض بعياط: أنا معملتش حاجة. أمجد هو اللي كان حابسني ومخرجنيش غير امبارح. عبير: وإنتي مفكراني هصدقك؟ إنتي إن ابني يعمل كدا؟ منا هستنى إيه من واحدة زيك زبالة؟ ملقتش أهل يربوها. آدم بصراخ: ماما! إيه اللي انتي بتقوليه دا؟ عبير: إيه يا سي آدم؟

بقولها الكلام اللي المفروض تسمعه. وزي ما انت حلو كدا وجبتها، أمال فين أخوك؟ مرجعتوش لي؟ آدم: لا، منا جبته ولقيته وقولتله ميرجعش. عبير: انت بتقول إيه؟ فين ابني يا آدم؟ نبض ببكاء: آدم، والنبي أنا عايزة أمشي من هنا. مش عايزة أقعد هنا. ندي: نبض، نبض، انتي هنا؟ وأنا كنت بدور عليكِ. عبير: حتى انتوا كلكم. مش فارق معاكوا أخوكم؟ وبتطمنوا على ست نبض. آدم: أمجد غلط يا أمي. خلصت. نبض: والنبي نمشي. عبير:

يلا. المركب اللي تودي. غورِ من هنا. منك لله. زي ما بعدتي ابني عني، أشوف فيكي يوم يا نبض يا بنت رؤوف. ندي: ماما، لو نبض مشيت أنا همشي معاها. عبير: وأخوكي يست ندي؟ مش خايفة عليه؟ ندي: أمجد كبير وغلط. وغلطه كبير. لاكن نبض محتاجانا أكتر. نبض: أنا همشي لوحدي. آدم: لا. يلا اطلعوا. نبض بعياط: أنا همشي. مش عايزة أقعد هنا. فاهم؟ مش هقعد هنا ثانية واحدة. عبير: غوري في ستين داهية. تكونيش فاكرة إننا هنتحايل عليكِ.

نبض طلعت تجري على فوق. وندي طلعت وراها. آدم: ماشي يا أمي. بس نبض لو خرجت، أنا هخرج أنا وندي بعدها. وطلع وسابها. أما نبض، فكانت حطت هدومها في الشنط. وندي بتهديها، مفيش فايدة. وكانت عايزة تمشي. وفعلا آدم خدها هما الاتنين وراحوا قعدوا في شقة بتاعة آدم.

وعدت الأيام على نبض وهي بتحاول تنسى. وبدأت تنزل الجامعة تاني. منه وبسنت حاولوا يكلموها، بس هي رفضت أصلا تكلمهم ولا تسمعهم. أما سليم، فلما عرف إن نبض هناك، راح ليها وحاول يتكلم معاها، بس نبض متكلمتش معاه بردو. وخلصت محاضرتها ومشيت. وكانت مشغلة أغنية "دا كان وكان" و"افتكرت". روحت فتحت الفيس بوك بعد أيام كتير مقفول، وشافت بوست الاعتذار بتاع سليم. وفضلت تعيط. وبعدها نشرت على صفحتها وكتبت: سلامآ على قلب كنت له الأمان…

سلامآ على قلب خضت الحروب من أجله… سلامآ عليك وعلي قلبك الذي لم يكن لي محبآ بل كان لي عدوآ… سلامآ من أجل شخص قال لي لا تهن هذه الدنيا من غيرك وهان عليه قلبي الذي ينبض بحبه ذكرآ وعشقآ وحبآ وخوفآ… سلامآ عليك أن تسمع قلبي وتعلم ما فيهِ وتسحقهُ… سلامآ عليك… سلامآ على قلبك… سلامآ على نبض قلبي لكٰ 🤍✨

وعدت الأيام وفضل سليم يحاول يكلمها ويعتذر لها، بس هي مكنتش قابلة تكلمه أو تسمعه. وعملت له بلوكات من كله. وكانت عايزة تخرجه من حياتها نهائي.

في يوم بليل، جالها مسدج من موبايل آدم بيقولها إنها تروح المكان… عشان عايزها. استغربت من الطلب والمكان، بس لبست وراحت ليه. أول ما راحت، لقته مكان غريب. واتفاجأت بأمجد مقتول. اتصدمت أول ما شافته. رجليها اتشلت. جريت عليه وفضلت تزعق وتنادي عليه. مفيش بعدها سمعت سرينة البوليس. وخدوها على القسم، وهي كانت مصدومة تمامًا. …………… باك…………… يوسف:

اهدي كدا واحكيلنا انتي مين وإزاي وصلتي لهنا. انتي باين عليكي بنت ناس ومتعمليش كدا. وإيه علاقتك بالمجني عليه؟ نبض بدموع: اسمي نبض رؤوف… *علامة _الاستفهام الجديدة: يتري مين قتل أمجد؟! #نبض #بقلم _نور _أحمد الفلاش باك خلص والرواية هتبدأ أخيرًا 🙈. عايزكم كلكم بقا تقولوا مين اللي قتل أمجد؟ وإيه رأيكم في موقف نبض من أصحابها وسليم؟ وآدم وموقفه مع أمجد؟ وعبير مرات عمها واللي عملته معاها؟

الرواية هتبدأ من الحلقة الجاية وهنعرف مين الأبطال الرئيسيين معانا 🙈❤️. متحمسين!!