رواية نبض الفصل العشرون 20 - بقلم نور احمد

عند نبض راحت عند أمجد المقابر. نبض بدموع: انت عارف انت عملت إيه؟

أنت مدرك للي حصلي بسببك يا أمجد. أنا مفيش حد جمبي، أنت بغلطتك أنا بعدت عن كُل الناس. أنا معرفش آذيتك في إيه يا أمجد بجد، بس عارف رغم كُل دا بشكرك. آه بشكرك يا أمجد وبقولك وحشتني أوووي ووحشني الكلام الي كُنا بنتكلمه. أنا جيالك أتكلم معاك لأن انت الي هتسمعني ومش هتعاتبني على أي كلمة هقولها. هحكيلك عن كُل حد في حياتي، أولهم أدم. رابعنا أنا وانت وندي. أدم أنا صدمتي فيه أكبر من إني أعذره، فاهم يعني إيه يا أمجد؟

أدم الي كنت بسبله روحي يعمل فيا كدا، يسيبني شهر بحاله من غير ما يسأل عليا، وكمان يشُك فيا. بجد صدمني. وفيه ومامتك الي طلعت بتكرهني أوي لدرجة إنها تعمل كدا. سليم الي طلعني ظالمة وأنا والله مظلمتش حد. بلعكس، أنا مفيش حد في حياتي مجاش عليا. يمكن كتير يشوفني ظالمة سليم، بس الخيانة لما بتيجي من أقرب الناس بتبقى صعبة. وسليم خاني واتجوز عليا وعمل فرح وانت خاطفني. يعني أنا معملتش حاجة بس طلعت ظالمة.

فضلت تتكلم معاه كتير وتعيط لحد ما الليل جه. ويوسف عمال يكلمها مش بترد وهيتجنن عليها. جاسر بهدوء: يبني اهدي بس، تلاقيها راحت أي حتة أو عايزة تقعد لوحدها شوية. يوسف بقلق: أهدي إيه بس؟ مبتردش وبقينا متأخر. دلوقتي هتكون راحت فين يعني؟ هموت يا جاسر، هموت لو جرالها حاجة. جاسر: مش متأخر أوووي يعني، اهدي بس هتلاقيها بتتصل دلوقتي. أحمد: إيه لقيتوها؟ جاسر: لا. أحمد: طب تعالي نروح البيت يمكن هنا. يوسف: وهتبقي في البيت إزاي؟

أنا قايلها متتنقلش من الجامع. أحمد: ممكن تكون روحت، يلا يلا. وفعلاً راحوا بيت نبض. ويوسف طلع وخبط ومفتحتش وخاف أكتر. وفتح الباب ودخل ملقهاش. ونزل زي المجنون. يوسف بجنان: مش فوق؟ مش فوق؟ جاسر بقلق: طب اهدي طيب، أنا بدأت أقلق. أحمد: أهي أهي يا يوسف. نبض كانت نازلة من التاكسي وباين عليها إنها معيطة جامد. يوسف راح عليها ومتكلمش خالص. معملش حاجة غير إنه أخدها من إيدها وطلع البيت. جاسر: منطلع وراهم ليه يعمل حاجة؟

أحمد: تؤ، متخافش مش هيعمل حاجة. جاسر: ربنا يستر. فوق عند نبض ويوسف دخلوا للبيت. نبض بعياط: يوسف، لو هتتكلم أنا مش قادرة. يوسف بص لها وأخدها في حضنه وهي اتعلقت فيه وفضلت تعيط وهو بيهديها. وبعد شوية. يوسف: همم، بقيتي أحسن؟ نبض: آه، كتير. يوسف: أنا مش هسألك إيه اللي مزعلك ومخليكي كدا، علشان أنتِ لو عايزة تحكي لي هتحكي لي. نبض: عايزة. يوسف: خلاص حبيبتي، خليكي بكرة. دلوقتي ادخلي خُدي شاور ونامي، وبكرة نتكلم.

نبض: شكراً يا بيبي. يوسف ابتسم وباسها من دماغها وخرج. وهيا دخلت أخدت شاور ونامت فعلاً. تاني يوم الصبح. نبض في الفون: ألو؟ بنت: ألو، أنتِ نبض؟ نبض: آه، أنا. بنت: طب أنا محتاجة أقابلك ضروري. نبض: حضرتك تعرفيني؟ بنت: آه طبعاً أعرفك. نبض: حضرتك مين؟ بنت: أنا من شركة… ومحتاجة أتكلم معاكي بخصوص شغلك وكده. نبض: شغل إيه؟ بنت: نتقابل بس ونتفق. نبض: ممم، خلاص تمم، أشوفك الساعة 3 في… بنت: تمم تمم، باي. نبض: باي.

عند نبض لما البنت قفلت معاها. على الواتس أب. يوسف: صباح الخير يا نبض. نبض: صباح الفل يا يوسف. يوسف: عاملة إيه النهاردة؟ نبض: الحمد لله كويسة. يوسف: طب الحمد لله. ننزل نفطر قبل نروح الشغل؟ نبض: مش عارفة، بس أنا ورايا محاضرات وكده وهخلص. وفي واحدة اتصلت بيا. يوسف: واحدة مين؟ نبض: واحدة قالت لي من شركة… وعايزاني في شغل. يوسف: شغل؟ ممم، طب أنا هبقى معاكي علشان مش مطمن. نبض: هههه، خلاص تمم. عدي عليا.

يوسف: تمم. أحب أشوفك، باي. وفعلاً نبض نزلت الكلية وشافت بسنت. نبض: عروستنا الحلوة. بسنت: قلبي يارب. هنروح لبسنت بعد السيكشن. نبض: تؤ، راحة أنا ويوسف مشوار وهنروح عليه. بسنت بغمزة: يحلووو انت يحلو. إيه حكاية يوسف؟ نبض: ولا حكاية ولا حاجة يا بنتي، هوه عادي يعني صاحبي. بسنت: نبض؟ نبض: إيه؟ ولله ما في حاجة. بس هقولك يعني أنا برتاح معاه وبحب أتكلم معاه وبطمن وأنا جنبه كدا. لاكن مش عايزة أكتر من كدا. بسنت: لسه بتحبي سليم؟

نبض: لا، سليم صفحة واتقفلت. يبسنت أنا وهو كنا ضحايا للعبة. بس للأسف هو زود حاجات أنا مكنتش هقبل بيه. بسنت: بس بتحبوا بعض؟ نبض: أنا مبقتش أحب سليم. بسنت: مش مصدقاكي. نبض: براحتك. بس سليم سافر وبنى حياته. وأنا كمان بحاول أبني حياتي لوحدي. بسنت: مع يوسف؟ نبض: بمساعدة يوسف. الوحيد اللي واقف جمبي بجد. بسنت: ممم، وأنا ومنه نتركن على الرف؟

نبض: بسنت، أنتوا صحاب. لاكن يوسف كان جمبي لما كلكم مكنتوش جمبي. فطبيعي أكون عايزاه في حياتي. يوسف راجل بجد وجمبي في أوحش لحظات عمري. كفاية إنه الوحيد اللي بيشوف لحظات ضعفي. بسنت: ربنا يكتب لكم الخير. نبض: يارب. بسنت: لا بس إيه الشياكة دي يبت؟ نبض: هههه، مش قوي يعني. دا أوت فيت عادي يعني، جامعة بقى وكده. كانت لابسة بوي فريند وتيشيرت أبيض وجاكت أصفر قصير والكوتش الأبيض والشنطة البيضا. بسنت: بركاتك يا يوسف.

نبض: يلا يا أختي ندخل المحاضرة. بسنت: يلا. عند الشباب. جاسر: إيه يا ولاد مش هنفرح بيكوا ولا إيه؟ يوسف: لما نفرح بيك أنت وسالي الأول. عاملة إيه صحيح؟ جاسر: كويسة الحمد لله. عيد ميلادها بكرة وهعملهولها في كافيه… يوسف: كل سنة وهي طيبة. جاسر: هات نبض وتعالي بقا. يوسف: تمم. جاسر: فين أحمد؟ يوسف: يخربيته، واكل ودن البت هتخرج النهاردة وهيموت ويروح لها، بس عشان أبوها بقى معاها على الفون. جاسر: طب والله الواد دا رومانسي أوي.

يوسف: أنا اكتشفته في موضوع منه دا. جاسر: هموت وأشوفها، اللي تعمل في أحمد كدا دي. يوسف: يبني بنت عادية هي. موزة، بس بردك عرف أحلى منها بكتير. جاسر: مش كله بالشكل، يكن يا باشا. يوسف: فعلاً. جاسر: ممم، وأخبارك أنت ونبض إيه؟ يوسف: تعبت يا جاسر، تعبت معاها أوووي. بسيطر على نفسي أوووي وأنا معاها. في كلام كتير عايز أقولهالها بس مبعرفش علشان مخسرهاش. وهي شيفاني صاحبتها بس.

جاسر: أنا قولتلك من أول يوم حسيت إنك حبتها إنك هتتعب معاها وهتحتاج إنك تبني الثقة من أول وجديد. استحمل بقى. يوسف: طب أنا ليه أحاسب على غلطة واحد تاني عملها؟ جاسر: الحب يا كين لازم لما تحب تاخد الحلو والوحش. وأنت بسم الله ما شاء الله واخد على قفاك من أولها. ههههههه. يوسف: أنت بتضحك يا جاسر؟ تصدق إن أنا غلطان إني بفُك معاك بالكلام. جاسر: سوري يا كين. أحمد: اتأخرت عليك. يوسف: اقعد اقعد. لازق لها البت هتزهق.

أحمد: تؤ، أنا ميتزهقش مني. جاسر: طب يا شحات الغرام أنت، ادي لأخوك شوية نصايح. أحمد: البت تحب الحنية، الهدايا، الغيرة، الكلام الحلو، الشوكولاتة كدا. وأنا من ساعة مشوفت منه وأنا هاريها كلام حلو. جاسر: هههه، آه وشاش وقطن وجبس وأي مدلعها على الآخر. أحمد: هاهاها، يا خفيفي. يوسف: اصبر بس يا جاسر. أنا هطرب أسمع كلامها. أحمد: اسمع مني مش هتندم. يعني أنت النهاردة هتشوفها؟ يوسف: آه.

أحمد: خلاص خد لها معاك آيس كريم شوكولاتة، ورد. لما تشوفها قول لها: حببتي يا فرسة يا جامدة يا صرخة يا قلبي. اغمز بعينك، أغاني حلوة. خدها وطير بالعربية مع أغاني وغني معاها. يوسف: بس دي مش شخصيتي. أحمد: مهو عشان كدا أنت جد جداً. لاكن هي مش هتحب كدا. اللي عرفته من منه إن الواد سليم كان هلاس وبياع كلام. لازم تتدلع شوية. يوسف: أنت عايزني أقلده؟ هي عايزة تحبني تحبني بشخصيتي. جاسر: موت يا حمار بقى.

أحمد: عقبال ما ده يحصل هكون خلفت يا با. جاسر: صحيح، قبل ما أنسى. عيد ميلاد سالي بكرة. هات الشحرورة بتاعتك وتعالي. عايز أشوفها. يوسف: يبني عايز أشوفها، عايز أشوفها. خلاص فلقتنا. أحمد: هيموت ويشوف الخطافة. والله لأقول لسالي. جاسر: آه، فكرتني. بكرة مش عايز حوراتك اللي بتعملها وسالي وحبيبتي وقمر والكلام دا. يوسف: لا دي كانت منه، تعلقها. أحمد: عيب عليك يا كينج. أنا مفيش حد يعلقني. أنا أعاكس اللي أعاكسه ولا حد يجي جمبي.

يوسف: أما نشوف يا حليتها. عند ندي ونادر في شركة أدم. ندي ونادر قاعدين قصاد أدم وسكتين. أدم: احم، منورين. نادر: بنورك. أدم: حلوة القهوة؟ نادر: آه. أدم: مريحة الكراسي؟ نادر: آه. أدم: حلو الديكور؟ نادر: آه. أدم بزعيق: متخلص يلا بقالك ساعة قاعد. شربت اتنين قهوة والتالت في السكة وحفظت ديكور المكتب أكتر مني. هنفضل ساكتين كتير؟ نادر بتوتر: احم، أصل أنا… ندي: إيه يا أدم براحة. أدم: اسكتي إنتِ. ندي: حاضر.

أدم: متخلص يبني. أنا أحب الراجل اللي يقف قدامي ويقول كل الكلام اللي عايزه. نادر: بصراحة يعني كدا، بصراحة يعني بأمانة كدا، أنا عايز ندي. ندي شتمته في سرها. أدم: نعم؟ يروح أمك عايز ندي فين؟ نادر: في الحلال، في الحلال. أدم: اسمها عايز ندي. نادر: منا نسيت بتتقال إيه. أنت متعصب قوي. أدم: اسمها جاي أطلب إيد أختك على سنة الله ورسوله. نادر: بالظبط كدا. أدم: ندي، استني مع سلمي. ندي: براندي؟ أدم: لي؟ ندي: ندي. أدم: ندي.

ندي: حاضر، حاضر. عن إذنك يا نادر. أدم بسخرية: شوفي السهوكه. نادر: احم، أنا أجيب أهلي إمتى؟ أدم: وأنت جاي بيها ليه؟ مجتش لوحدك ليه؟ يعني نادر. نادر: هي قالت لي أول مرة نروح مع بعض. أدم: وأنت بتسمع كلامها؟ صح؟ فين رأيك أنت؟ نادر: احم، معرفش بقى. أدم: تمم. بكرة الساعة 5 في البيت هستناك تجيب أهلك وتيجي. نادر: خلاص كدا؟ أدم: آه. أنت شكلك أهبل بقا وهتقرفني معاك؟ نادر: احم، متوتر. معلش أول مرة. أدم: وآخر مرة إن شاء الله.

نادر: إن شاء الله. أدم: ممم، اتفضل. نادر: احم، عن إذنك. وخرج. برا المكتب. ندي: ها؟ عملت إيه؟ نادر: أخوكي دا بجد رخم أوي. ندي: احترم نفسك يا نادر. نادر: أعمل إيه بس؟ مهو عمال نازل إحراج فيا. ندي: معلش يا نادور. قالك تيجي امتى؟ نادر: بكرة. ندي: واخيرًا يا نادور. نادر: يا قلبي يا ناااس. أدم: أنت لسه هنا؟ نادر: لا، مشيت. وجري من قدامه. أدم بص لندي بطرف عينه: بتحبيه؟ ندي: احم، يعني هوه… أدم: اه.

باسها من دماغها: مبروك يا حبيبتي. بس بردك الواد دا أهبل. مش شكل دكتور خالص. ندي: هههه، هوه يبان كدا بس طيب والله. أدم: هوه أنا هجوزه. أهم حاجة أنتِ عايزاه. ندي: ممم، يخليك ليا بس. أدم: بس إيه؟ ندي: ماما سافرت البلد. ولو قولت لبابا إني هقولها تيجي هيزعل. بس أنا محتاجة حد جمبي. أدم وهو تفكيره في نبض: متقلقيش يا حبيبتي، أنا هتصرف. ندي: ماما غلطت جامد يا أدم. بس بردك هي أمي. أدم: آه.

ندي: الله يرحمك يا أمجد. أدم، ممكن نروح لأمجد؟ وحشني أوي. أدم بتنهيدة: حاضر يا حبيبتي، حاضر. وفعلاً راحوا لأمجد. في الجامعة. بسنت: أوووف، بقا. نبض: أخيراً فعلاً. بسنت: ها، هتروحي معايا لمنه؟ نبض: قولتلك راحة مشوار مع يوسف الأول. بسنت: خلاص يا أختي، بنسي. تمم، نتقابل في بيتها بقى. نبض: أوك. باين عليها الفون. نبض: فينك يا يوسف؟ يوسف: أنا داخل أهو على الجامعة. اقفي بره. نبض: أوك. باي. بعد دقايق. يوسف: يلا، اركبي.

نبض ركبت. نبض: عامل إيه؟ يوسف: أنتِ اللي عاملة إيه؟ نبض: كويسة، مفيش حاجة. يوسف: آه، ومبارح دا كان إيه؟ نبض: مش حاجة، كنت محتاجة أخرج اللي جوايا وخلاص. يوسف: مرتاحة يعني؟ نبض: شوية. يوسف: مين دي بقى؟ نبض: معرفش والله. هيا كلمتني وقالت لي اللي قولتهولك. يوسف: خلاص تمم، هنروح ونشوف. نبض: آه. يوسف جاب حاجة من ورا: اتفضلي. نبض: هههه، الله. حلوة أوي. كان جايب لها دبدوب وماسك في إيد آيس كريم، والإيد التانية شوكولاتة.

يوسف: عجبتك يا قلبي؟ نبض: آه جداً. وبدأت تاكل في الحاجة. وبعد ما خلصت. نبض: ميرسي يا يوسف بجد. حلوة أوي. ربنا يخليك ليا. يوسف: يخليكي ليا أنتِ يا حبيبتي. (في سره: بركاتك يلا يا أحمد) نبض: احم، وصلنا. يوسف: آه، انزلي. هلاقي ركنة وأجي. نبض: اوكي. ودخلت الكافيه. البنت من وراها وخبتت على كتفها: نبض! نبض لفت وشافت. نبض: ملك؟ ملك: عاملة إيه؟ نبض: أنا الحمد لله. أنتِ إيه أخبارك؟ عرفت إنك رجعتي لآدم. مبروك.

ملك: الله يبارك فيكي. تعالي بقى بما إنك فتحتي الحوار ده. نبض: لا معلش، أنا جايه في معاد شغل. ملك: احم، يعني أنا اللي جبتك. وعملت كدا عشان ترضي تيجي ونتكلم. نبض: في إيه؟ ملك: احم، أدم. نبض: ماله؟ ملك: تعبان من غيرك. ضميره واجعه أوي. وبذات بعد ما عرف إن كل دا تدبير من طنت عبير. نبض: أنا مبسوطة إنه عرف. بس قول له ميوجعش ضميره ويعيش عادي. ملك: نبض، بجد أدم متضايق من نفسه جداً. نبض: مش ذنبي يا ملك.

ملك: طب اهدي. أنا فاهمك ومقدرة اللي أنتِ فيه. بس بردك أدم معذور. هو شاف صور وتقرير المستشفى. يعني لوحده. نبض: بس فين الثقة؟ ملك: والله هو ندمان ومش عارف يوريكي وشه إزاي. نبض: مش عايزة أشوف حد. ملك: طب اديله فرصة. طب هو موحشكيش طيب؟ نبض سكتت. ملك: بكرة عريس ندي جاي. وهيا لوحدها. ومفيش حد جمبها. أنتِ لازم تكوني جمبه. نبض: روحي أنتِ. مش عايزة أروح. ملك: طب أنا هروح بصفتي إيه؟

نبض: أسفة. ورايا معاد تاني. أما ندي، فأنا هتصل بيها. عن إذنك. يلا يا يوسف. ملك: نبض. يوسف: أنا هقنعها. ملك: ياريت. يوسف خرج لقي نبض قاعدة في العربية ولابسة النظارة. ركب بسكات وراح عند المقطم فوق. وهيا نزلت. هو فضل جوانب. نبض كانت بتعيط وبتفتكر كل حاجة ليها مع أدم وذكرياتهم. مش مصدقة إنه يعمل كدا. وفي نفس الوقت واحشها جداً وعايزة تشوفه.

يوسف: شوفيها يا نبض، واسمعي منه. أنتِ اديتهم كلهم فرص تانية. هو كمان من حقه فرصة. تسمعيه. نبض: أنا عارفة إنه معذور. بس أنا مش مصدقة إن أدم يتخلي عني بسهولة دي. يوسف: نبض، هو كان ضحية لعفة لوحده. نبض: طب والله ما في ضحايا غيري.

يوسف: نبض، فُوقي بقى. آخرجي من دور المظلومة دا شوية. تمم، تمم. كلنا عارفين إنكِ أكتر واحدة الدنيا جت عليها. بس دا مش معناه إنك تعملي كدا. من حق كل الناس إنها تاخد فرصة تانية. ودا أخوكي زي ما أنتِ بتقولي. أدم في إيه يا نبض؟ أنا اللي هقولك. أدم عندك. نبض بعياط: وحشني يا يوسف. بس والله مش هعرف. يوسف: طب خلاص. متعيطيش. طب أقولك؟

تعالي وأنا هروح معاكي. تروحي تقفي جمب ندي عشان متكونش لوحدها وتسمعي أدم. ومش هنقعد كتير عشان نروح عيد ميلاد سالي. نبض: بجد هتيجي معايا؟ يوسف: آه بجد. نبض: ربنا يخليك ليا يا يوسف. بجد وقفتك جمبي دي كبيرة أوي عندي. يوسف في سره: آه يا نبض لو تعرفي بحبك قد إيه. نبض: روحت فين؟ يوسف: ها؟ أنا هنا أهو. نبض: طب وصلني عند منه. يوسف: تمم. يلا. وفعلاً راحوا عند منه ولقوا بسنت واقفة مع واحدة منكبة. بس كانت طويلة وفيها حاجة غريبة.

نبض بستغراب: بسنت، مين دي؟ أنتِ لسه مطلعتيش؟ بسنت: الحمد لله إنك جيتي. لا، طلعت ونزلت تاني. نبض: هو في إيه؟ بسنت بصت للست المنكبة وسكتت. فوق عند منه. منه قاعدة وقدامها بسنت ونبض والست المنكبة. أم منه: منورين يا بنات. نبض وبسنت: بنورك يا طنط. أم منه: مين دي؟ فُكي يا حبيبتي النقاب كدا. إحنا كلنا ستات. بسنت بتوتر: لا، مهو أصلها… نبض: احم، بتتكسف يا طنط. أم منه: أيوا يعني مين دي؟ بسنت بتوتر: احم، أصلها… معرفش بقى.

نبض: هههه، طنط متعملي لنا قهوة. أم منه: حاضر. تشربي إيه يا أمنية؟ أمنية: …………. أم منه: يبنتي اتكلمي. نبض: هههه، معلش يا طنط بتتكسف. هاتي لها قهوة. بسنت: بتضحكي يا زفتة. نبض: أنا مع الحب دايمًا. أم منه: ممكن بقى أعرف مين دي؟ الست وعيا بتشيل النقاب. أنا يا حبيبتي. أم منه: جريت على الباب: احيه احيه! أنت إيه اللي جابك؟ أحمد: جيت أشوفك يا قلبي. بس إيه دا؟ يبت فرصة، فرصة.

منه: أحمد، الله يستر. امشي والنبي. أنا بردك عمالة أقول الجثة دي مش جثة ستات. أحمد: وحشتيني قولت أشوفك. أنا غلطان؟ منه بصت لهم: وحياة عيالكم اتصرفوا. مشوف أنا أمي أو أبويا عرفوا. مش بعيد أتأد فيا. نبض: ههههههه. بسنت: والله أنا مكنتش عايزة أطلعه. بس نبض. نبض: أنا من أنصار الحب دايماً. منه: الله يخربيتك يا شيخة. بسنت اتصرفي أنتِ. أحمد والنبي امشي. أحمد: أول مرة أجيلك البيت تقولي لي امشي. شكراً يا منه.

منه: أحمد، أكيد مش قصدي. بس بجد امشي. مينفعش كدا. والنبي. أحمد: حاضر. بسنت: آه، أحسن بردك. منه: آه، يلا. وفعلاً أحمد نزل النقاب ومشي. أم منه: الله. أومال فين صحبتكم؟ نبض: هههه، اتكسفت ومشيت. منه: احم، آه. وقعدوا شوية ومشوا البنات. أم منه: على فكرة، محبيتش الحركة إنه يجي لحد البيت. منه بتوتر: احم، هو مين؟ أم منه: متستعبطيش يا منه. أبوكي لو كان شافه مكنش هيسكت. منه: يماما، أنا اتفاجأت. ولما عرفت مشيته.

أم منه: أما نشوف آخرتها يا منه. منه: كل خير إن شاء الله. ودخلت أوضتها. عند الشباب. يوسف: ههههههه، الله يخربيتك. جاسر: ههههههه، لا ملعوبة والله. يوسف: بارك الله فيكي يا أخت أمنية. أحمد: لا والله، بس إحنا لو كنا اتقفشنا كانت باظت. جاسر: اتعلم يا جو. من الولد دا دماغه حلوة. يوسف: يعم بقى. أحمد: اااه، بحبها. جاسر: هانت. هشوفها بكرة. يوسف: آه، صح. هنتاخر شوية أنا ونبض. جاسر: لي؟ يوسف حكى لهم حكاية أدم وندي وكده.

أحمد: والله البت دي صعبانة عليا جداً. جاسر: آه، وأنا كمان. يوسف: وأنا بس، أنا متضايق إني بعيد عنها. هموت وآخد خطوتها. أحمد: بص، اتقل شوية. يوسف: أكتر من كدا؟ أحمد: آه، أكتر. لسه حارب شوية حلوين. يوسف: ربنا معايا بجد. أدم وملك. أدم: ممم، بردك مش عايزة تقوليلي كنتي فين؟ ملك: هتعرف بكرة. أدم: طب متقولي دلوقتي. ملك: لا، بكرة بقى وخلاص. أدم: تمن. أنا أشوف. ملك: خير يا قلبي. أدم: إن شاء الله. لا بس وحشتيني.

ملك: وأنت كمان وحشتني أوووي يا حبيبي. أدم: طب هشوفك إمتى؟ ملك: معرفش. أدم: عايز أقابل أهلك يا ملك. ملك: ممم، مش عارفة. أدم: ملك، بجد مش هأجل أكتر من كدا. فاهمة؟ ملك: حاضر. أدم: أنا هتصرف بقى مع أبوكي. اخرجي أنتِ. ملك: حاضر، حاضر. أدم: تمم. يلا تصبحي على خير بقى علشان هموت وأنام. ملك: آه، وأنا. يلا جود نايت يا حبيبي. أدم: تصبحي وأنتِ حضني.

تاني يوم مشي عادي. بسنت ومنه ونبض نزلوا الجامعة وحضروا محاضرة واحدة. ونبض ومنه روحوا عشان يستعدوا لبليل. ونبض اتفقت مع منه إنها هتروح تاخدها هي ويوسف. عند نبض اللي استعدت إنها تروح الفيلا لندي. لبست فستان أسود شيفون طويل بكم، بس شفاف وسمبل جداً مع هيلز أسود. أما يوسف لبس بدلة رصاصي فاتح وتيشيرت من تحت أسود. يوسف وهو ساند على العربية وأول ما شاف نبض صفر زي محمد قاله بالظبط. نبض بكسوف: إيه؟ حلوة؟

يوسف: قمر، قمر مفيش كلام. نبض: وأنت كمان شكلك لذيذ. يوسف: دي عيونك اللي قمر يا قمر. يلا عشان نلحق. نبض مسكت إيده: أنا خايفة أوووي يا يوسف. يوسف: متخافيش، طول ما أنا معاكي يا حبيبتي. اتفقنا. نبض اتنهدت: تمم، اتفقنا. وفعلاً يوسف أخدها وراح على الفيلا ودخلوا وإيدهم في إيد بعض. ونبض قلبها بيدق جامد ورنوا الجرس و…