رواية نبض الفصل الحادي والعشرون 21 - بقلم نور احمد

رنو الجرس ونبض متوترة جداً وماسكة في إيد يوسف وواقفة وراه. آدم فتح وشاف نبض واقفة ووراها يوسف. رفع حاجبه بصدمة وبصلهم أوي، وبعدها بص لنبض. آدم وهو بيقرب عليها: نبض حبيبتي. ولسه هيحضنها، نبض رجعت ووقفت ورا يوسف تاني. آدم: نبض أنا آسف والله، بتبعدي عني ليه؟ نبض: احم، أنا جاية عشان ندي. وبعد إذنك سبني أطلع ليها عشان ورايا مشوار بعد كده. آدم: نبض أنا... نبض: آسفة بس بعد إذنك لازم أطلع. يوسف مش هنتأخر.

وفعلاً عدت آدم وهي بتموت وتحضنه، بس دست على قلبها وطلعت لندي. آدم: اتفضلي. يوسف: شكراً، مبروك لآنسة ندي. آدم بحزن: الله يبارك فيك، شكراً. يوسف: احم، صدقني نبض هتموت أكتر منك، بس هي بتكابر. آدم: أنا عارف نبض كويس، مبتسامحش بسهولة. يوسف: اللي يخليها تسامح صاحبها، وندي هتسامحك أنت كمان. آدم: أنا هموت وهي بعيدة عني، عارف إني غلطان بس...

يوسف: متكملش، كلنا بنغلط، وهي لما حكتلي أي حد مكانك كان هيصدق. يعني صور وتقارير مستشفى وكده. آدم: بس أنا غلطان إني موثقتش فيها. يوسف: ربنا يسهل الأمور. عند ندي فوق. ندي كانت قاعدة بتعيط إن اليوم دا هي لوحدها، أمها مش معاها ولا نبض اللي بتعتبرها أختها فعلاً. محدش معاها. لحد ما الباب خبط. ندي وهي بتمسح دموعها: ادخل. آدم: يا أدم. نبض: طب ينفع نبض؟ ندي جريت عليها وفضلت تعيط.

نبض: خلاص يا ندي، في عروسة بتعيط، بوظتي الميك أب. ندي: أنا بحبك أوي إنك جيتي ومسبتنيش لوحدي. نبض: ياهبلة، ده أنا أختك، لو موقفتش جنبك هقف جنب مين؟ يلا بقى عايزة أظبط الميك أب. ندي: إيه رأيك في الفستان؟ نبض: قمر يا روحي. (كانت لابسة فستان أبيض قصير بكم طويل بومبي) ندي: وأنتِ كمان قمر أوي يا روحي، بجد مش عارفة من غيرك كنت هعمل إيه. نبض: يلا يا هبلة، يلا. ندي: شفتي آدم؟ نبض بحزن: آه. ندي: اتصالحتم؟ نبض: تؤ. ندي: ليه؟

نبض: ندي حبيبتي، النهار ده مش عايزين أي كلام، عايزين نفرح بيكي بس. ندي: طب جيتي لوحدك؟ نبض: لا، جيت مع يوسف. ندي: ممم، إيه الحكاية؟ نبض: هو كل ما حد يشوفني يقولي إيه الحكاية؟ والله ما في حكاية أصلاً، يوسف صاحبي وبس، والوحيد اللي شافني في كل حالاتي، والوحيد اللي جنبي. ندي: ربنا يخليكوا لبعض. نبض: يارب. المهم نادر إيه نظامه؟ ندي: بحبه يا نبض. نبض: وهو؟ ندي: بيحبني. نبض: مش قصدي يعني، هو كويس كده؟ يعني...

ندي: آه، لأ كويس جداً جداً. نبض: ربنا يتمملك على خير يا حبي. ندي: يارب، نبض عقبالك. نبض سكتت ومتكلمتش وفضلت تظبط ميكب ندي. عند منة. بتكلم أحمد في الفون. أحمد: صاروخ قلبي. منة: ههههه، يبني بقى اسمها الو. أحمد: تصدقي، أنتِ خسارة فيكي الرومانسية. منة: مش كده يا شيخ ميدو، بس برضه هاخد على الدلع ده. أحمد: خُدي أنتِ بس عليه وعليا، وأنا هدلعك أحلى دلع يا قلب وعقل شيخ ميدو. منة: ههههه، بياع كلام أوي.

أحمد: الله مالك بس، ده أنا في شوية كلام في قلبي هموت وأقوله. منة: إيه؟ أحمد: لأ، منا مش هقوله دلوقتي، في الوقت المناسب. منة: مممم، ده امتى؟ أحمد: مش هقولك برضه، متحاوليش. منة: عشان خاطري يا ميدو. أحمد: على عيوني يا قلب ميدو، والله بس مش هعرف أعمل كنترول، متلوميش غير نفسك بقى. منة: هههه، لأ لأ خلاص مش عايزة. أحمد: مكان من الأول يا قطتي. منة: قلب قطتك أنت. أحمد: إيه؟ منة: وحياتك بتطلع مرة واحدة بس.

أحمد: ماشي يا غزال. هشوفك النهاردة ومحدش هيحلك من إيدي. منة: مش هتعرف. أحمد: هنشوف. أعدي عليكي امتى بقى؟ منة: لأ، نبض ويوسف هييجوا ياخدوني عشان مينفعش وكده. أحمد: نعم يختي؟ منة: إيه يا أحمد، خلاص. هشوفك هناك. أحمد: مش هيحصل يا منة. منة: أحمد، عشان خاطري. أنا مش عايزة أعمل حاجة من ورا ماما، هي عارفة كل حاجة، عشان كده هاجي مع نبض ويوسف. أحمد: يعني يوسف عادي؟ منة: نبض معانا، مقولتش لوحدي. أحمد: مش مقتنع.

منة: معلش حبيبي، استحمل. أحمد: استغفر الله العظيم. بقولك إيه صحيح، تلبسي حاجة مقفلة وطويلة، ها؟ مش هفرجك للناس. أنا. منة: بتغير؟ أحمد: أيوا بغير. ده اللي يخلي صعيدي يحبك، تبقى يغلبه. منة: حبيبي الصعيدي ده. أحمد: بحبك يا بنت قلبي، يا أحلى خطفايا اتخطفتها. منة: وأنا كمان. أحمد: إيه؟ منة: يوووه بقى. أحمد: ههههههه. نرجع للفيلا. نادر جه هو وأهله وقعد معاه يوسف وإبراهيم، وآدم طلع يجيب ندي. آدم وهو بيخبط على الباب:

ندي: ادخل يا آدم. آدم: نادر تحت. نبض: تمام، هسيبك أنا يا ندي. آدم وهو بيقف قدامها: طب بصي في وشي طيب. نبض: آدم، بعد إذنك، خلي يوم ندي يعدي من غير مشاكل، ممكن؟ آدم: هيعدي أحلى لو ريحتِ قلبي. نبض، والله والله بموت وأنتِ بعيدة عني. أنتِ بنتي، نبض، سامحيني عشان خاطري. نبض: أسامحك؟ آه، حاضر، هدوس على الزرار؟ طب هسألك سؤال، أنا كنت بنام فين الشهر ده؟ آدم سكت ومردش عليها. نبض بوجع: أنا مستنياكم تحت. ونزلت.

ندي راحت لآدم وحضنته: هتصالحك، متخافش، نبض بتحبك، هي بس موجوعة شوية. آدم: يارب يا حبيبتي، يلا بس عشان متأخرش. تحت. نبض نزلت والدموع في عينها. يوسف: أنتِ كويسة؟ نبض: آه، تمام. يوسف مسك إيدها وقعدوا بعد ما سلمت على الضيوف. نبض: إزيك يا عمو؟ إبراهيم: نبض، فرحت إنك رجعتي تاني. نبض: جيت عشان ندي وهمشي. إبراهيم: ااا... نبض: عمو، متتعبش نفسك، خلينا في ندي. آدم نزل بندي واتفقوا وقروا الفاتحة، ونادر لبسها خاتم.

استأذن آدم إنه ياخدها ويتعشوا برا، وآدم وافق. ندي طلعت غيرت هدومها ولبست زي طقم كدا أبيض بخطوط بيضة مع هيلز أسود وسابت شعرها ومشيت هي ونادر. يوسف: نبض يلا، اتأخرنا. نبض: تمام، يلا. آدم: نبض، استني. نبض: نعم؟ آدم: نبض، اديني فرصة. نبض: آدم، بجد مستعجلة وورايا مشوار مهم ومش فاضية للي أنت هتقوله عشان عارفاه. آدم: آسف يا نبض، بجد، سامحيني. نبض: يا ريته كان ينفع يا آدم، بجد. وخرجت ويوسف جري وراها.

آدم: آه يا نبض، يوجع قلبي، بس مش هسكت، هخليكي تسمحيني. أنتِ بنتي. في العربية. يوسف: نبض، مينفعش كده، لازم تسمحيه. نبض: هتصل بمنة تنزل، إحنا قربنا. يوسف: نبض، بكلمك. نبض بزعيق: يوسف، بجد مش عايزة أتكلم في الحوار ده، أنا مش بزرار أدوس عليه أسامح، أنا بني آدمة وليا طاقة، وأنت أكتر واحد عارف أنا فيا إيه وحصل فيا إيه كتير، بجد ارحموني شوية. يوسف: خلاص، أهدي طيب، أنا بس...

نبض: ولا بس ولا مبصش، يا يوسف، بجد تعبت من كل حاجة حواليا، عايزة أعيش حياة هادية خالص من غير مشاكل ولا خناقات، بجد. يوسف: خلاص، أهدي، حاضر، هعمل اللي أنتِ عايزاه وهسكت، بس مش هسكت كتير. نبض سكتت ومتكلمتش، وراحوا على بيت منة. يوسف: كلميها، اتأخرنا. نبض: بتكنسل. منة نزلت وكانت لابسة جامب سوت أسود بكم شفاف بفتحة مثلثية وعاملة شعرها ديل حصان وسابت القصة ولابسة هيلز، وكان شكلها حلو. نبض: يموزة.

منة: حبيبي، والله ما في أحلى منك. يوسف: أنا بقول، إداري من أحمد. منة: هههه، والنبي متجبلي سيرته، هيجنني بجد. نبض بغمزة: أحلى جنان ده ولا إيه؟ منة: الشيخ ميدو، لأ جنانه عسل خالص، ربنا يستر بقى. يوسف: مش صاحبي، بس ميضمنش. منة: الله يسترك، متسبنيش لوحدي. نبض: هههه، بس خليكي واقفه معانا. منة: وأنا هسيبكم. في عيد الميلاد واقف جاسر مع سالي. جاسر: حبيبتي، كل سنة وأنتِ معايا. سالي: وأنت معايا يا قلبي.

جاسر: إيه القمر ده يا بيبي؟ سالي: عيونك قمر يا حبي. (كانت لابسة فستان أحمر كب وشراب شيفون وهيلز) (أما جاسر كان لابس بدلة سودا بقميص أسود وفاتح أول الزراير) جاسر: بس الفستان كان عايز يتكمل حتتين. سالي: حبيبي، هو موضته كده. جاسر: موضة؟ سالي: مممم. جاسر: والنبي بحبك. سالي: وأنا بحبك. أحمد وهو جاي عليهم بهدية وبوكيه ورد. أحمد: كل سنة وأنتِ تكتر أكتر من اللي قبلها. جاسر: بدأ ناس.

سالي: ههههه، وانت طيب يا حمد، ميرسي تعبت نفسك. أحمد: وأنا لو متعبتش للقمر ده، هتعب عشان مين بس؟ جاسر: أمك. أحمد: إيه؟ جاسر: قصدي، عاملة لي وحشاني من آخر مرة. أحمد: بتسلم على أمك. جاسر: مالها؟ أحمد: وحشاني من آخر مرة. سالي: ههههه. جاسر: عجبتك يا ختي؟ أحمد: يالوي على الضحكة اللي مسيبالي أعصاب قلبي. جاسر: يبني أنت مرتبط، فوووق. سالي: إيه ده بجد؟ أحمد ارتبط؟ لا لا، إيه حصل في الدنيا؟

أحمد وهو بيشدها من إيدها: لا لا، أحكيلك. جاسر: ولا بت، موتك على إيدي يا أحمد. يوسف حط إيده على كتفه: إيه يا شبح، مالك؟ جاسر: أحمد هيجيبلي شلل. خد سالي ومشي. يوسف: أحمد، كل عيد ميلاد بيلم سالي وصاحبها حواليه. جاسر: همووووت بجد، منه، أومال فين نبض ومنة؟ يوسف: في التويلت. جاسر: تمام، تعالي نروح لهم. عند سالي وأحمد. أحمد: وبس يا موزة. سالي: لا لا، أشوفها اللي قلبت حالك كده. أحمد: هتشوفيها، أهي جت طالما يوسف ظهر.

يوسف: كل سنة وأنتِ طيبة يا سالي، وداها هديته. سالي: وأنت طيب يا يوسف، تعبت نفسك، ميرسي بجد. يوسف: مفيش تعب ولا حاجة. جاسر: شايف الناس المحترمة. أحمد: يعم، بقا خليه هو كده، أنا هلس بحب أدلع كل البنات اللي حواليا. نبض ومنة وهما رايحين عليهم. أحمد: أهي الموزة بتاعتي جت أهي. أحمد راح عليهم، وجاسر لف وشه واتصدم لما شاف منة. أحمد وهو بيسلم عليهم: نبض قلبي، نورتي الدنيا، إيه العسل ده يختي، حلوة يا ناس.

منة: الشيخ ميدو لجبر الخواطر. أحمد: يا قلب الشيخ ميدو يا ناس. نبض ضحكت وسابتهم وراحت ليوسف وسلمت على سالي وجاسر وأدتها الهدية. أحمد: تعالي يلا أعرفك عليهم. منة: أوك. ومنّة راحت عليهم وشافت جاسر اتصدمت. منة: أنت؟ جاسر: أنتِ؟ أحمد: انتوا تعرفوا بعض؟ منة: اااه. جاسر: شفتها مرة قبل كده قدام الجامعة. نبض: في إيه يا منة؟ منة: فاكرة يا نبض اللي حكيتلكم عليه؟ هو ده. نبض: بجد جاسر؟ جاسر: احم، فرصة سعيدة.

أحمد: لا ثانية، تعرفوا بعض فين وإزاي وامتى؟ منة: احم، هو أصله... نبض: بس إزاي؟ أحمد بزعيق: محدش يفهمني. سالي: آه، وأنا كمان. منة: هو أنا... (فاكرين جاسر قبل كده شاف منة قدام الجامعة وكان هيخبطها بالعربية ومنة ساعتها دخلت حكت لنبض وسليم عليه، فاكرين؟ منة: شفته مرة قدام الجامعة وكان هيخبطني بالعربية وبس، وفضل يقول كلام مش ظريف. سالي وهي بتبص لجاسر: مممم، والله كلام إيه بقى؟

جاسر بسرعة: والله والله والله، كان حُكم عليا اليوم اللي أحمد حكم عليا فيه إنّي أقلد شخصيته، وكان مركب ليا ميك، فاكر؟ يوسف: اااه، البنت اللي عكستها دي. جاسر: بالظبط، هي دي. منة: يعنى... أحمد: هي كانت منة؟ جاسر: آه. سالي: اااه، لما حكتلي على الحكم ده، هي دي البنت. نبض: يعني كان حكم إنك تقلد أحمد وجت في منة؟ يوسف: شوفي الصدف. منة: وهي جت فيا أنا؟ أحمد: يخربيت كده، بجد.

جاسر: احم، أنا آسف يا آنسة منة، بجد، بس أنا خاطب وبحب خطيبتي، وده كان حكم، دي مش شخصيتي. سالي: أيوه، هو حكالي على فكرة، وكان مدايق جدًا. منة: حصل خير. وبصت لأحمد، بس يارب نعقل بجد. أحمد: ههه، لأ لأ، عقلت. منة: أما نشوف. وفضلوا يتكلموا، وأحمد زي العادة جمع البنات حواليه وفضل يتصور معاهم، وجاسر ويوسف واقفين هيموتوا.

والعيد ميلاد عدى بسلام، وطبعًا منة كانت هتموت من الغيرة على أحمد اللي البنات كلها أعجبت بشخصيته وكلامه الحلو. أحمد بقى فهو كان فرحان إن منة معاه وجمبه، وكان عايز يشوف بتغير عليه ولا لأ. يوسف اللي كان فرحان بوجود نبض جنبه وضحكتها. نبض كانت مبسوطة. جاسر وسالي عصافير حب، ملناش دعوة بيهم. وطفوا الشمع وفنوا ورقصوا، وأحمد طبعًا مسكتش، وفضل يرقص كتير ويرقص البنات معاه. وراحوا. تاني يوم. البنات في الجامعة، والشباب في الشغل.

نبض وبسنت تليفوناتهم رنت إن فيه رسالة على الواتس أب، وفي نفس الوقت جاسر ويوسف كلهم كانوا في جروب. *Operation for love*❤️✨ الكلام في الجروب هيبقى بالحرف بتاع الاسم، تمام. N: إيه الحوار؟ Y: معرفش. G: أحمد مش فاهم، عامل إيه؟ B: منة مش في الجروب ليه؟ A: أولاً، مش عايز منة تعرف حاجة عن الجروب ده، ثانياً، كده أنا محتاجكم معايا وعايز مساعدتكم جداً عشان أنا داخل على حرب. Y: أيوا، بردك إيه الحوار؟

A: عايز أتقدم لمنة، بس قبل ما أتقدم عايز أعملها مفاجأة حلوة كده عشان أعرض عليها الجواز. G: مش قولتلك يا يوسف، الواد ده رومانسي. N: الفكرة حلوة، أنا معاك. B: وأنا. A: أومال أنا مدخل القمرات دول لي؟ أنتوا موزز وفرساات، آخر حاجة بجد. N: ربنا يخليك. B: أول مرة تشكر فيا. A: مش عارف دخلتك لي، بس قولت هحتاجك أكيد. Y: فكرت في حاجة طيب؟

A: منا لو كان في حاجة في دماغي، مكنتش عملت الجروب. عشان كده هنفكر مع بعض. يلا أشوفكم بليل بقى، باي. منة: إيه؟ متسيبوا الفونات من إيديكم، بتعملوا إيه انتوا الاتنين؟ نبض: مفيش يا حبي. يوسف اتصل. نبض: إيه يا يوسف، عامل إيه؟ يوسف: كويس، أنتِ فين؟ نبض: في الكلية. يوسف: خلصتي محاضرات؟ نبض: آه. يوسف: طب يلا، أنا جاي آخدك أروحك. نبض: هقعد شوية مع البنات. يوسف: لأ، يلا. نبض: تمام، تعالي. يوسف: تمام، باي.

بسنت: إيه يا بنتي، اتفقنا نقعد مع بعض شوية. نبض: معرفش، يوسف ماله. منة: حرام، مبترفضيش لي طلبه؟ نبض: بحاول أفكس الخناق النهاردة، بجد، بما إني أموري يعني. بسنت: حلو ده. نبض: آه، المهم، كنا بنقول إيه؟ وفضلوا يتكلموا، ويوسف جه أخد نبض وروحوا للبيت، ولما روحت دخلت واتفاجأت بي.........