رواية نبض الفصل الرابع 4 - بقلم نور احمد

الجامعه سليم: مليش دعوه بيا. نبض: يا سليم وحياتي بقا والنبي متزعل، هوه ادم كده. سليم: ادم كده على نفسه مش عليا، مش انا اللي بكون برقص معاكي ويجي دا ياخدك من ايدي واقف انا زي كيس البطاطا، لا وانتي مصدقتي شبكتي في حضنه، ثم اصلا تحضنيه بتاع إيه ها، لا هوه اخوكي ولا اخوكي في الرضاعة، وشغل بقا حبيبي واخويا وعوضني عن ابويا اللي بتقوليه دا بجد بقت حاجة أوفر يا شيخة بقا.

نبض: والله انا اتفاجئت، ثم فعلا ادم زي أبويا واخويا كمان، انا اتفاجئت بيه، وبعدين ما انا شرحت. سليم: اه بأمارة مرقصتي معايا كنوع من أنواع الشكر أني ضربت مؤمن عشانك، صح. نبض: هههههه، متبقاش قافش، منا قولتلك مينفعش ارقص معاك وانت اللي شدتني، فطبيعي يحصل كدا، انت ولا خطيبي ولا حاجة، انت صاحبي وحبيبي. سليم: في السر، ثم تعالي هنا، هوه انا اللي معطل الدنيا ولا انتي، دانا هبوس ايدك عشان اجي اتقدملك. نبض: يا سليم.

سليم: سكتي يعني، نبض انتي بتحبيني بجد ولا. نبض: انت عارف. سليم قام: يبقى هروح لادم دلوقتي وهاخد منه معاد وهاجي اتقدملك. نبض: لا الشركة، لا. قابلوا برا. سليم: لـ. نبض: عشان لو امجد موجود. سليم: وامجد ماله. نبض: مالهوش. سليم: ملوش. سليم: تمام، اشوفك قريب يا قلبي. ومشي. نبض: يارب عدّيها على خير والنبي. ندي: مسا مسا يا رؤوف. نبض: ....... ندي: يا بنتي هااااي، أنا هنا. نبض: ها إيه يا ندي، إيه جابك الكلية بتاعتي.

ندي: مليش مزاج، قولت أجيلك، ناكل. نبض: لا كلي انتي، مليش نفس. ندي: إيه لا، أكيد الدنيا جري فيها حاجة، نبض مش جعانة. نبض: ندي بجد مش فايقة. ندي: طب مالك، أومال فين سليم ومنه وبسنت. نبض: سليم راح لادم يتقدمله. ندي: يا شيخة، إيه دا، دقيقة كدا، بتقولي إيه، سليم رايح فين، يخربيتك، وموقفتيهوش. نبض: هوه من امبارح شايط ومش بيرد عليا. ندي: عشان اللي عمله ادم امبارح. نبض: اه، شوفتي منظر سليم. ندي: بصراحة عنده حق.

نبض: ربنا يستر. ندي: متيجي نروح ليهم الشركة. نبض: تفتكري. ندي: يلا. مشوا وراحوا الشركة. في الشركة سليم: لو سمحت عايز أابل الأستاذ ادم. مني: عندك معاد سابق. سليم: لا، بس قوليله سليم بتاع حفلة امبارح، وهوة هيفهم. مني: تمام، ثانية واحدة. بلغته. مني: اتفضل حضرتك، مستنيك. سليم تم. دخل. سليم: السلام عليكم. ادم: عليكم السلام، اتفضل تشرب إيه. سليم: هشرب بعد ما نتكلم إن شاء الله. ادم: خير.

سليم: أنا بصراحة من غير لف ودوران، أنا جاي أطلب منك إيد نبض. ادم: ممم، وانت تعرفها. سليم: احم، اه، زملتي في الجامعة. ادم: اا. سليم: بدون قطع كلامك، أنا حابب أعرفك عني شوية، أنا اسمي سليم الهاشمي، حضرتك أكيد سمعت عن الاسم دا قبل كده، أنا بشتغل بعد الجامعة ومعتمد على نفسي جدا، وأي حاجة حضرتك عايز تعرفها قولي وأنا هجاوبك. ادم: مش لما أوافق الأول. سليم: يعني إيه.

ادم: يعني أنا شايف إن نبض لسه صغيرة ومش مستعدة للارتباط دلوقتي. سليم: لا حضرتك اسألها بس. ادم: وانت متأكدة كده. لسليم: مش حكاية متأكدة، بس اسألها، مش يمكن توافق، بتقرر عنها ليه. ادم: دا لو وافقت، وأنا مش موافق. سليم: ليه حضرتك، مين. ادم: أخوها وفي مقام أبوها. سليم: تمام، بس اسألها، ولو وافقت اتفضل الكرت بتاعي، كلمني وهجى أنا وأهلي. ادم: هشوف لسه. سليم بغيظ: انت اسألها زي ما قولتلك. ادم: هبقى أشوف الموضوع ده.

سليم: اا. أمجد: ادم، إيه ده، مش انت الواد بتاع الجامعة. ادم بقلق: طب يا سليم، أنا هبقى أكلمك، تقدر تتفضل. أمجد: كنت جاي. لسليم: أنا. ادم: خلاص، يسليم أنا هقوله، اتفضل انت. سليم: تمام، عن إذنك. أمجد: كان عايز إيه. ادم: مفيش، كان بس عايز يشتغل وكده. أمجد بشك: متأكد. ادم: كنت عايز حاجة. أمجد: اه، الفلل دي ا. واتكلموا في الشغل. الشركة من تحت سليم شاف نبض وندي وراح عليهم: بتعملي إيه هنا. نبض: كنت جايلك.

سليم: ليه، عيل هيتخطف، ابن عمك ده تقيل وقليل الذوق. نبض: ليه بس. ندي: لو سمحت متشتمش أخويا. سليم: بس يسمرا، والنبي. ندي: يا ابني اسمي ندي. سليم: لا، سمر. نبض: باااااس، سليم، ادم عملك إيه أو اتكلمتوا في إيه، قل لي كل حاجة. نبض: ربنا يستر من أمجد. ندي: أنا طالعة. سليم: مالها. نبض: أكيد زعلت عشان أخوها. سليم: ادم. نبض: لا، امجد. سليم: وتزعل ليه، ما ادم اللي سكت. نبض: مشكلة. سليم: مشكلة.

لينبض: هبقى أقولك بعدين، لازم أطلع ورا ندي. سليم: تمام، كلميني. نبض: اوكي، باي يا قلبي. سليم: باي يا حبي. في مكتب ادم دخلت نبض وندي. ادم: وأنا أقول المكتب منور. ليندي: هههه، طبعاً طبعاً، أنا ونبض موجودين لازم ننور. أمجد: انتي جايه عشان سليم كان. نبض بتوتر: اا، لا، أصل. ندي: ادم امبارح قالي تعالي اعملي ديكور للمكتب وأنا جيت وجبت نبض معايا. ادم بعدم صدق لكلامهم: اها، طب يلا شوفوا هتعملي إيه. ندي: تمام.

أمجد: وأنا هاخد نبض وننزل عقبال ما تخلصوا. ادم: لا، نبض هتفضل مع ندي. نبض: اوكي. أمجد: وأنا هخطفها. نبض لطلطف الجو: خلاص يا امجد، أنا أصلاً لسه طالعة، هتنزلني. أمجد خرج وسابه. نبض: هوه زعل. ندي: كنتي روحي يا نبض، مكنش هيعملك حاجة يعني. نبض: يووه، مش عارفة بقا، اللي حصل. ادم: خلاص، خلصي بسرعة يا ندي ونروح. نبض: اه، جعانة. ادم: هههههه، يخربيتك يا شيخة. نبض: مهو بيت أبوك يا حبيبي. فضلوا يضحكوا كل ده تحت مسامع أمجد.

في فيلا ادم قاعد مع أبوه في المكتب. إبراهيم: وانت سألت عنهم. ادم: اه، وانت عارف عيلة الهاشمي. إبراهيم: قصدي الولد. ادم: هوه كويس من كذا مرة قابلته فيها. إبراهيم: ممم، خلاص، كلمه يجي هوة وأهله. ادم: تمام. وخرج. ادم لنفسه: يتري امجد هيعمل إيه لما يعرف، دا مش بعيد يقلب الدنيا علينا أو يعمل فيهم حاجة، ربنا يستر. وطلع أوضة نبض. في أوضة نبض نبض: ههههه، بس يا سليم، بطني وجعتني من كتر الضحك.

سليم: تسلملي ضحكة القمر، امتي يبت تبقي في حضني بعيد عن أهلك. نبض: قريب حبيبي إن شاء الله. سليم: بحبك يا بنت قلبي، يا نبض عمري، يا كل حاجة حلوة في عمري، يا اللي كل مرة بشوفك بقع في حبك كأن أول مرة أشوفك فيها، يا اللي كل نبضة في قلبي انتي نبضها، بحبك من هنا للصبح. نبض: كل الكلام الحلو ده ليا، My mine. أو. سليم: أمشي يا نبض من هنا. نبض: ههههههه. ادم دخل الأوضة على غفلة. ادم: بتكلمي مين. نبض: اا، أنا بكلم بسنت ومنه.

ادم بشك: طب اقفلي معاهم عشان عايزك. نبض: ح. حاضر. سليم: إيه قلة الذوق دي، إزاي يدخل كده. نبض: طب يا بنات هقفل عشان أشوف ادم وهكلمكم تاني. سليم: نبض اتعدلي، متقفليش. نبض: باي، سوري بجد. ادم: ممم، متأكدة إنك بتكلمي بسنت. نبض: ا. اه. ادم: من امتى وانتي بتكذبي عليا. نبض: كذبت عليك امتى بس.

ادم: من أول معرفتي سليم وانتي بتكذبي، ونبض، ومتفكريش إني مش عارف حاجة، أنا عيني عليكي وكنت معاكي على طول، حتى عارف كل حاجة من يوم معرفتي سليم وكان بيجيلك يوصلك الجامعة وكل دا أنا عارفه، وكنت بقول دلوقتي تعقل وتيجي تحكيلي، من امتى وانتي بتكذبي يا نبض، من امتى. نبض بدموع: آسفة والله، آسفة يا ادم، متزعلش، مش هقدر، تزعل مني، أنا غلطانة والله، بس أنا معرفش مقولتش ليك لي، بس وحياة نبض عندك، متزعلش مني.

ادم: أولاً، متعيطيش، وانتي عارفة إني مش بحب أشوف دموعك دي خالص، انتي فاهمة، ثانياً، مش زعلان منك، بس متكذبيش عليا تاني، ممكن. نبض: حاضر. وعيطت. ادم خدها في حضنه: خلاص يا حبيبتي، متعيطيش، كفايا دموعك. نبض: أنا زعلانة عشان كذبت عليك وزعلتك مني. ادم: انسي يا حبيبتي، وجهزي لبكرة عشان سليم وأهله جاين. نبض: بجد. ادم: هههه، بجد يا عمري، هكلمه بعد ما أخرج وهقوله يجي بكرة. نبض: طب هوه انت قولت لعمو ومرات عمو وندي وامجد.

ادم: ماما وبابا وندي يعرفوا، امجد لسه. نبض: احم، تمام، ابقي قوله. ادم في سره: ربنا يستر، أنا خايف أقوله أصلاً، بس مش هقدر أغصبك عليه يا قلبي. ادم حضنه. نبض: انت كويس يا ادم. ادم: ممم، كويس، بس مدايق إنك قربتي تسبيني وتسيبي حضني. نبض حضنته أكتر: انت عمري، مسيبك يا أحلى ادم وأحلى بابا في الدنيا كلها، وحضنك ده بتاعي أنا وندي ومراتك المستقبلية، أو أقولك حضنك ده ملكي أنا بس. ادم: ممم، برنسيس. نبض: تأمر بسباس دماغي.

يلا يا عمري نامي. نبض: بون وي يا حبيبي. ادم: بون وي يا حبيبتي. وخرج وسابه. وشاف امجد في وشه. مسكه من إيده للجنيه. أمجد: إيه يا ادم، خارج من أوضة نبض دلوقتي وكمان ساحبني وراك، إيه في إيه. ادم: في عريس جاي لنبض بكرة وهي موافقة وبابا وافق. أمجد: انت بتهزر ولا بتتكلم بجد، نبض دي بتاعتي أنا بس، محدش يقدر ياخدها مني، والله في سماه، أقلبلكم الفيلا دي وأجيبهالكم الأرض، نبض بتاعتي أنا بس، وانت المفروض أخويا، لي بتعمل كدا لي.

ادم: امجد، اعقل وافتكر إنك بتكلم أخوك الكبير، فاهم، ونبض هتتخطب وتتجوز للإنسان اللي هي عايزاه، غير كده انت اللي هتشوف وش مني تاني، ولو مش عايز تحضر بكرة متجيش، بس مش عايزك تبوظ الدنيا بكرة، ولا ليك دعوة بنبض، فاهم، وشيل الموضوع ده من دماغك، اديني حذرتك يا امجد. ومشي وسابه. أمجد مسك راسه: لا يا نبض، لا، مش هسمح إنك تكوني لغيري، لا، لا، لو هتيجي، إني أقتله، هقتله، مش هسمح إنك تكوني لغيري يا نبض.

جي تاني يوم وأهل سليم جم وقروا الفاتحة واتفقوا على خطوبة بعد أسبوع. عدى الأسبوع وكانت نبض بتتجنب إنها تشوف امجد خالص، وهي وسليم طايرين حب، وادم اللي مدايق من علاقة سليم بنبض. واليوم كان خطوبة سليم ونبض. نبض لبست فستان كافيه بورد أبيض وسليم لبس بدلة نفس لون الفستان، وكانوا حلوين جدا، أما ندي لبست فستان أسود سواريه، وادم بدلة سودا، وامجد كان لابس بنطلون وقميص وجاكت بس.

أما سليم ونبض تقريباً مقعدوش خالص، كانوا مهيبرين وفرحانين وعمالين يرقصوا هما وصحابهم، وكانت ليلة حلوة، وسليم غنى لنبض، راسمها داير ميدور لعمرو دياب، وكانوا فرحانين، وادم اللي كل شوية يحضن نبض وسليم يضايق، بس كانت ليلة حلوة، وسليم اعترف بحبه في المايك، وكله كان فرحان بأحلى كابل سليم ونبض، في الحقيقة، هي نبض سليم.