رواية نبض الفصل الخامس 5 - بقلم نور احمد

في الجامعه، نبض وسليم يوزعان شوكولاتة بمناسبة الخطوبة. مؤمن: طب إيه يعني ما عزمتونيش ولا حتى اديتوني شوكولاتة الخطوبة؟ دا ينفع؟ سليم هيتنرفز. نبض مسكته من إيده: والنبي بلاش، خلينا مبسوطين وحياتي. سليم بص لها وبص لمؤمن: معلش، ما جاش في دماغنا نعزمك. اتفضل. مؤمن وهو بياكل الشوكولاتة: ممم، لا مبروك. يلا هسيبكم تتهنوا يومين كدا علشان أنا هعمل اللي عاوزه. تشاااو يا شباب. سليم: روح ربنا يولعك.

نبض: هههه، خلاص اهدي. أنا مبسوطة وانت كمان، سيبك منه. سليم: نكد عليا. نبض: هههه، خلاص بقى يا حبيبي. سليم: يا إيه؟ نبض: حبيبي. سليم: هموت وأبو*س إيدك بس هيأفشونا فعل فاضح في الحرم الجامعي. نبض: ههههههه، بس يسليم بس. سليم: اللي مصبرني عليكي. على الجانب الآخر، عيون تراقبهم. منال: أنت هتسيبهم كدا يا مؤمن؟ مؤمن: لا طبعاً، أنا هاخد نبض منه مهما حصل. منال: وأنا عايزة سليم. مؤمن: مصلحتنا واحدة.

منال: أنا مستعدة أقت*لها بس آخد سليم منه. مؤمن: يبقى اتفقنا. أنا نبض وإنتي سليم. منال: اتفقنا. هنعمل إيه بقى؟ مؤمن: بسي... اتفقنا. منال: اتفقنا. نرجع تاني لسليم ونبض. قعدوا على سلم الجامعة. نبض: يا onي، خلاص رجلي تعبت. سليم: سلامة رجل قلبي. إن شاء الله البت منه. منه: وإنت مالك بمنه؟ يكنجن. نبض: مال وشك قالب ليه؟ سليم: لا، دا وشها طبيعي. منه: هاها، دمك خفيف. أنا متنرفزة جداً على فكرة. نبض: مالك بس؟

سليم: سيبك منها. تلاقي بسكوتيك بتاعتها دي تعبانة. منه: بسكولونيا؟ بسكولونيا يا جاهل. ثم لا، مش فيها حاجة وزي الفل. إن شاء الله إنت. سليم بوش القطة لنبض: شوفتي بتدعي عليا إزاي؟ نبض: لا يا قلبي، متزعلش. بت، ملكيش دعوة بحبيبي. منه: حبيبي إنت وهيا. دي هي مرارة اللي حيلتي. خفوا بجد علشان مدايقة جداً. نبض: منا بقولك مالك مش بتردي. منه: أصلي قابلت ولد رخ*م قدام الجامعة. سليم: معانا هنا؟ منه: تؤ، ظابط. نبض: عمل إيه يعني؟

منه: هو... Flashback. منه بتعدي الطريق وجت عربية بسرعة وكانت هتخبطها. منه: مش تحاسب يخربيت اللي ركبكوا عربيات. الشخص: على فكرة أنا كنت نازل أطمن عليكي بس طلعتي ما تستاهليش ولسانك طويل. منه: منت اللي كنت هتخبطني. الشخص: ما إنتي اللي غبية، حد يعدي وميبصش على العربيات جاية إزاي. منه: ما أخدتش بالي. الشخص: حصل خير. جاسر، سلام. ظابط. وإنتي؟ منه: منه موسي، طالبة في الجامعة. جاسر: ممم، بس فرسة. منه: أفندم.

جاسر: بُسي، خدي دا رقمي. كلميني بعد يومين. منه: إيه دا، إنت قليل الأدب جداً. جاسر: كل دا علشان قولتلك بعد يومين؟ هههه، خلاص كلميني في أي وقت. أنا بس كنت عايز وقت أعرف أفركش بـ البنت اللي معايا. منه بصدمة: أفندم؟ جاسر: إيه يا فرس، مالك بس؟ عجبتيني فحابب نتعرف. منه: إنت شخص حيوان جداً وبتلعب ببنات الناس. جاسر وهو بيبصلها: وماله يغزال. منه قطعت الكرت ورمته في وشه: أشكال زبالة على الصبح. جاسر بعد ما مشيت: الله يسامحني.

Back. سليم: وإنتي مدايقة علشان طلع زبا*لة؟ منه: أكيد. إنت مشوفتش بصلي إزاي. نبض: إنتي غلطانة أصلاً إنك وقفتي اتكلمتي معاه. إنسان زبا*لة. الرجالة كلها كدا. سليم: اتعدلي يابت. أنا راجل. بدل ما أقوم أعدلكم. منه: ههههه. نبض: هههه، سوري يا سولي. مش قصدي إنت. قصدي على الرجالة. سليم: إنتي هبلة يابت. إنتي بتقولي إيه؟ نبض: هههههه، يا ابني مش قصدي والله. أنا قصدي إنك أحلى من الرجالة كلهم. سليم: بعد إيه بقى؟

نبض: والله مقصدي. يسيد الرجالة كلهم. سليم: بعد إيه بقى؟ منه: بس يا بابا، أنا قاعدة. متتخانقوش. نبض: يا شيخة اتنيلي كدا. كان شكله إيه؟ كان موز. سليم: إيه يا ماما؟ كيس جوافة. أنا ولا غير مرئي ولا إيه. نبض: ههههههه. يسليم بقى. منه: هو بصراحة، موز السنين. نبض: يخسارة، مشوفتوش. سليم وهو بيقلع الجز*مة: بل*جزمة في الحرم الجامعي. نبض قامت جريت: هههههه، خلاص وحياتي خلاص. سليم: وحياتي إيه؟ بتاعك. سي الواد قدام. نبض: سليـ...

سليم: إيه؟ نبض: غني. سليم: تؤ. منه: غني حزين. سليم: تؤ. بنت: مساء شباب. منه: مساء. سليم: اتلزم. بنت: إيه يا ابني داخل شمال ليه؟ منه: أصله لسه متخانقين. بنت: أهلاً. إنتوا بدأتوا؟ سليم: شششش، مش عايز صوت جز*مة منكم. نبض: على فكرة إنت رخ*م جداً. سليم: إنتي تانين. نبض: غني بقى. يسليم بقى. يااااا. وحياة نبضك غني. سليم: تؤ. خلي الواد الموز يغني لك. بنت: إيه الحوار؟ نبض: يا بنتي... بنت: اها. طب يسليم، مهما بيقولولك موز؟

سليم: يبقى جز*مة اللي صحابه بنات زيك. نبض ومنه وبنت: ههههههههههه. ندي: ضحكوني معااااا. سليم: أنا هاخد سمرا ونمشي من هنا. ندي: قلبي سمرا مين زعلك؟ سليم: البت دي. ندي: إنتي لحقتي؟ يا نبض. نبض بغيره: لا عادي. يسليم غني لي بقى. ندي: اه يلا غني. كان صوتك حلو. سليم: بجد عجبك. أغنيلك؟ نبض: والله. سليم: شوفتي بقى تزعل ولا لا؟ نبض: سوري. سليم: أغنيلك إيه يا قلب قلبي؟ نبض: بتصالحني وكده.

سليم: ميهونش عليا زعلك. هغنيلك بس قوليلي بحبك يا حبيبي. نبض: بحبك يا حبيبي. بحبك يا قلب نبض. سليم بدأ يغني "خليك معايا" لعمرو دياب. والبنات والولاد جم عليهم. وسليم فضل يغني ويبوس إيد نبض ويبصلها. ولما خلص، كله صقف. سليم: أنا بحبك يا أغلى حاجة في عمري كله. نبض: بحبك بجد. بحبك. آدم: هو الجو حلو ورومانسي وكل حاجة. بس هضطر آخد منك حبيبتي علشان هنمشي. نبض: آدم حبيبي. سليم: بل*جزمة في الحرم الجامعي.

آدم شد نبض لحضنه: بس يا بابا. يلا يا ندي. ندي راحت عليه وحضنها. آدم: أنا اللي كسبت بالـ قمرين اللي في حضني دول. نبض ضحكت على منظر سليم. سليم: وماله. لينا كلام تاني. آدم خدها وهما في حضنه ومشي. وسليم هيموت. آدم: خطيبك كان هيموت. نبض: اسمه سليم يا آدم. ندي: غيور إنت أوي. آدم: اه طبعاً. أغار عليكوا إنتوا الاتنين. دا لسه هطلع عين أهله. نبض: حرام والله كدا. آدم: شششش، اسكتي بقى. أنا جعان. تعالوا نروح نتغدى.

ندي: اشطا. يلا. نبض: راشقة. راحوا اتغدوا وأخدوا سيلفي. ونبض نزلته. وأمجد أول ما شافه اتنرفز جداً وأقسم إن نبض مش هتكون غير ليه. ويرجعوا. عبير قبلتهم. عبير: يا أهلاً بالهانم اللي واخده ولادي منين. نبض: أبداً يا طنط. والله. آدم: إيه يا أمي؟ محنا أهون؟ ندي: يسلم فمك. إنتي يا عسل. عبير: ولادي، حبايبي، يا حبايب ماما. هقولك إيه يا نبض؟ الأم بتفرح بلمة ولادها والعيال بيحبوها أمهم.

نبض بدموع: صح. معاكوا حق. ربنا يخليكوا لبعض. وجريت على الأوضة بتاعتها وقفلت على نفسها. آدم: إيه يا ماما؟ دا لي؟ لازم تنكدي عليها وتفكريها إنها يتيمة. لي بتكرهيها أوي كدا؟ ندي: زعلتيها جداً يا ماما. عبير: على طول كلكم كدا. جايين عليا. إيه؟ أنا بقولها إحساسي بيكوا. هيا اللي حساسه زيادة عن اللزوم. آدم: أنا هطلع أشوفها. طلع ولقى نبض بتعيط وقافلة على نفسها. آدم: طب وحياة آدم عندك افتحي الباب وبطلي عياط.

طب يرب أم*وت لو مفتحتش. نبض فتحت الباب واترمت في حضنه وفضلت تضربه. نبض ببكاء: متقوليش كدا تاني. متجيبش سيرة المو*ت. أنا بكره الكلمة دي. هتاخد مني كل الناس اللي بحبهم. آدم وهو هيمو*ت علشان دموعها دخلها الأوضة وقعد وقعدها في حضنه وفضل يمسح على شعرها: اهدي يا قلب آدم. وبعدين مش أنا بابا؟ مفيش بابا بيحب يشوف دموع بنته أبداً. دموعك بتحرق قلبي والله. نبض، متعيطيش.

نبض: أنا مش عملت ليها حاجة. هيا بتكرهني وبتقصد تفكرني إني يتيمة. أنا مش بنسى، بس إنت وندي وأمجد وسليم وبسنت ومنه مالين عليا حياتي ومش بتخلوني أحس بحاجة نقصاني. لاكن هيا على طول كدا. آدم: امسحيها فيا أنا. وحياتي مش عايز أشوف دموعك. نبض، وحياتي عندك امسحي دموعك. نبض: حاضر. مش هعيط تاني. آدم: شطرة يا قلب بابي. نبض: أنا بحبك أوي يا آدم.

آدم: وأنا كمان بحبك يا قلب آدم. يلا بقى امسحي دموعك. دانا حتى جايبلك مارشميلو اللي بتحبيه. نبض بفرحة: بجد؟ آدم: بجد. خدي كلي براحتك بقى. نبض: أحلى بابي دا ولا إيه؟ آدم: أحلى بنوتة دي ولا إيه؟ يلا كلي المارشميلو وخدى شور ونامي. نبض: حاضر. آدم: شطورة يا قلبي. يلا أسيبك. نبض: باي يا حبيبي. آدم: باي يا عمري. وخرج. وسليم اتصل. نبض: حبيبي حبيبي. جيت في وقتك. سليم: بتاكلي إيه؟ ولا حضن آدم والأكل اللي أكلهولك مش حلوين؟

نبض: ممم، دي غيرة بقى؟ سليم: اه بغير. ملكيش دعوة بيا. نبض: طب على العموم أنا باكل مارشميلو. سليم: مال صوتك؟ حاسك مش كويسة. أصلاً كنت هخصمك بس قلبي وجعني. فكلمتك أطمن عليكي. نبض: بجد. أنا فعلاً كنت بعيط. سليم: لي يا قلب سليم؟ مالك؟ نبض حكتله. سليم بنرفزة: إيه دا؟ حد يقول كدا؟ نبض: سليم عيب. سليم: طب البسي. أخرج. نبض: بجد؟ هنروح فين؟ سليم: مم، أي حتة. أقولك في باند صحابي عاملين حفلة النهاردة. تعالي نحضره.

نبض: الله. ماشي. هقول لآدم وألبس وأستناك. سليم: تمام. مسافة السكة. نبض فعلاً قالت لآدم ووافق بعد عذاب. وسليم خدها وراح الباند وطلع غنالها أغاني رومانسية. وهيا كانت فرحانة جداً. واتعشوا وبروحها. سليم: مش عايزك تزعلي تاني يقلب سليم. الوش الجميل دا اتخلق علشان الضحك وبس. بحبك أوي يا نبض. نبض: أنا اللي ربنا عوضني بيك في حياتي. يا كل حياتي. بحبك يا سليـ... مي. بحبك أووووي.