رواية نبض الفصل الثالث والعشرون 23 - بقلم نور احمد

أحمد: فتحي منه فتحت ولقيت الأقصر متزين بطريقة جميلة جداً. في ورد أبيض في كل حتة، وأهلها وأصحابها حواليها، وأحمد اللي واقف قدامها ببُوكيه ورد كبير. منه بدموع: هو إيه ده؟ أحمد راح عليها واداها الورد. أحمد: احم، أنا مش عارف أبدأ بأي... بس كنت محضر كتير بس نسيته كله. عارفة ليه؟

لأني لما بشوفك مبسوطة، وبشوفك قدامي، وبشوف عينك فيها لمعة ليا، وبتضحكي، بنسى كل الكلام، بنسى إن في ناس معانا، بنسى كل حاجة، وبكون عايش في واقع واحد بس، هو إنتِ. يا قطتي، يا أحلى خطفانية، يا أحلى بنت قبلتها في حياتي. أه، بقولهالك قدام كل الناس دي. أنا عرفت قبلك بنات بعدد شعر راسي، بس أحلفلك إني أول ما شفتك سلمت على طول. شوفت براءتك، وجمالك، ورقتك، ضحكتك، عيونك، رموشك، حتى الغمازة الصغيرة اللي بتبان وإنتي بتضحكي، هبلك،

صوتك، كل ده أسرني وخلاني عايش في أحلى حلم. آه، خطفتيني من أول لحظة شفتك فيها. آه، حبيتك من أول يوم شفتك فيه. آه، استكفيت بيكي عن كل الناس، مبقاش عايز غيرك، ولا عايز أشوف غيرك. يا أحلى البنات وست البنات كلهم، بقولك كل الكلام ده من قلبي. يا منه، عارفة بعدتي عني شهر؟

كنت حاسس إني بموت. كنت عصبي ومتوتر. كنت بجيلك كل يوم بليل وأفضل أشكي لك وأترجاكي ترجعي لحياتي تاني. عارفة رجعتيني أحمد إنسان. أنا مكنتش عارفه، بس حبيته علشان هو منك إنتِ. غيرتي فيا حاجات كتير. اليوم اللي فوقتي فيه هو يوم ميلادي التاني. والنهاردة لو وافقتي هيكون يوم ميلادي التالت. منه، أنا فكرت كتير، ملقتش غيرك اللي عايز أكمل معاه بقية حياتي كلها. بحبك. وقعد على ركبته وطلع علبة فيها خاتم. أحمد: تتجوزيني؟

تقبلي تعيشي معايا لحد آخر العمر؟ تقبلي تشاركيني تفاصيل حياتي اللي جاية؟ تقبلي تكوني بطلة كل لحظة في عمري؟ تتجوزيني يا قطتي؟ منه بدموع بصت لكل اللي حواليها، بباها، مامتها، ناس باين عليها إنها أهل أحمد، صحابها، كل الناس حواليها. أحمد! أحمد حب حياتها اللي ولا حبت قبله ولا هتحب بعده. أحمد بيقولها تتجوزيني؟

أحمد عايزها هي، اختارها هي من دون كل البنات اللي عرفها. اعترف لها بحبه قد إيه بيحبها وعايزها معاه. يااااه، يا أحمد لو تعرف أنا بحبك قد إيه؟ طب ردي؟ أرد؟ أرد أقول إيه؟ حاسة إن لساني عاجز عن الكلام. بتحبيه؟ بحبه دي كلمة صغيرة أوي على اللي بحسه معاه. هتعمل فيا إيه يا أحمد؟ بحبك. أحمد: منه، رحتي فين؟ ركبتي وجعتني. منه بدموع: مش عارفة. أحمد بترقب: يعني إيه؟ منه بدموع: مش عارفة أتكلم.

أحمد: طيب لو موافقة تتجوزيني، خدي الخاتم. لو مش موافقة، غمضي عينك. منه غمضت عينها واتنهدت. وهو ظهر عليه الحزن بسرعة. رفضته؟ مبتحبوش؟ مش عايزاه؟ وقام من مكانه ولسه هيلف. منه: موافقة. أحمد بص لها بترقب: موافقة إيه؟ إنتي مش لسه رافضة؟ منه: كان نفسي أقولها وقولتها. موافقة يا أحمد، موافقة.

أحمد راح عليها بسرعة ولبسها الخاتم وباس راسها. نبض ويوسف وجاسر وبسنت وسالي وآدم وندي ونادر وملك، كلهم فرقعوا اللي في إيدهم ونزلوا عليهم وعمالين يصفروا وكلهم سقفوا. أحمد بوشوشة: نفسي أرزعك بوسة وحضن بس ورايا قطيع. منه: هههه، حظك بقى. بس فرحانة أوي. أحمد: ولسه هتفرحي. إنتي شوفتي حاجة. منه: في إيه تاني؟ أحمد بص لها وضحك ومسكها من إيدها وراح عرفها على أهله. رحبوا بيها وكانوا مبسوطين جداً بيها.

أحمد: احم، أما بقى المفاجأة التانية يا قطتي، إنك وافقتي تتجوزيني. وأنا بصراحة مبحبش أضيع وقت. وهكتب عليكي... وأشار لها إلى المأذون الجالس على الأريكة. منه بصدمة: إنت بتهزر صح؟ أحمد: هههه، لا مش بهزر يا قطتي. أنا اتكلمت مع باباكي وكل حاجة موافق عليها. وإنتي وافقتي تتجوزيني، وأنا بصراحة أخاف عليكي، فنكتب الكتاب علشان في مفاجأة تالتة. منه بصت لباباها، لقيته بيشاور لها، وراحت حضنته.

موسي: مبروك يا حبيبتي. أنا موافق طالما إنتي فرحانة. والواد ده لو عملك أي حاجة، تعالي قوليلي. أنا آه متفق مع صعايدة، بس برضه أي لعب كدا ولا كدا، هاخدك منه. منه: بحبك أوي يا بابا. ربنا يخليك ليا. موسي: ويخليكي ليا يا قلب أبوكي. منه خرجت من حضنه: بس أنا مش مستعدة. أنا لابس كاجوال. هكتب كتابي بكاجوال. نبض: هههه، ودي تيجي برضه؟ كل حاجة معمول حسابها يا قمر. فستانك فوق يلا بسرعة بسرعة.

وفعلاً أخدوا منه وطلعوا فوق، ولبسوها فستان هادي طويل وبكم منقوش وسمبل خالص. وده طبعاً كان برغبة أحمد إنه يكون مقفل. وعملوا لها الميك اب. وفضلوا فوق يغنوا ويرقصوا. وأخوات أحمد طلعوا لهم وفضلوا يزغرطوا. أما تحت، فكانت الرجالة بتظبط أحمد. مبسوطين جداً وبيرتبوا لكتب الكتاب. بسنت: عمو موسي، منه جهزت؟ موسي: تمام. وفعلاً موسي طلع أخدها. موسي: بسم الله، الله أكبر عليكي. مشاء الله. ربنا يحرسك من العين يا قلب أبوكي.

منه: حبيبي يا بابا. بحبك أوي. موسي: فرحانة؟ منه: أوي. أمها: لله أكبر عليكي يا قلب أمك. منه: ماما، والنبي متعيطيش. أنا فرحانة أوي وحاسة إني في حلم. موسي: لا يا حبيبتي، حقيقة. ويلا بقى علشان الواد هيموت تحت. منه: يلا يلا. أمها: شوفي البت مستعجلة إزاي. منه: ياماما بقى. ونزلوها وراحوا قعدوا. وأحمد مشلش عينه من عليها، ومكنش معاهم أصلاً. الشيخ: يا ابني، قول ورايا. أستاذ أحمد، يحضره الظابط. أحمد: ها.

الشيخ: هههه، اللي واخد عقلك. أحمد: قاعدة قدامي أهي. يلا يلا بسرعة. كلهم فضلوا يضحكوا. الشيخ: بارك الله لكما، وبارك عليكما، وجمع بينكما في خير. يوسف شد المنديل، ونزلت الزغاريط والأدعية بالمباركة ليهم. وبعد ما حضنوا أهلهم، أحمد راح عليها وحضنها وقعد يلف بيها. أحمد بصوت عالي: بحباااااااااااااااااكم. منه: هههه، بحباااااااااااااااااك. أحمد نزلها: بحبك يا قطتي. منه: وأنا كمان بحبك يا عيون قطتك. يوسف: نحن هنا.

جاسر: كلنا هنا يا ابني، خف. أحمد: بقت مراتي خلاص. من حقي. وفضل أحمد يغني بونبونيا ويرقص منه، وكلهم بيسقفوا وفرحانين بيهم. وقضوا اليوم في الصور وسط الخضرة، ومغازلات أحمد ليها، وكل شوية يغني لها. منه: أحمد، مقلتليش إيه المفاجأة التالتة؟ نبض: مستعدة يا عروسة؟ منه: آه. يلا قولوا. أحمد: فرحنا يوم الخميس. منه بصدمة: إني خميس؟ أحمد: اللي بعد 4 أيام ده. منه: قول والله؟ أحمد: ههههه، والله.

منه: الله عاااااااااااااااا هيييييييييييييييه! هتجوز بعد أربع أيـــــــام ياااااااااااااخلي يووم في عمرييييييييييييييييي. وفضلت تتنطط. أحمد: هههه، مكنتش أعرف إني موز ومتعوضش تاني. منه: إنت بتاعي أنا وبس يا شيخ ميدو. وفضلوا فرحانين. وجاي الليل، وكل واحد طلع على الأوضة بتاعته، وكانت كالتالي: جاسر وأحمد. يوسف وآدم. أما نادر فهو سافر علشان شغله. نبض وندي. منه وبسنت. سالي وملك. في أوضة يوسف: يوسف: هو إنت بتبصلي كدا ليه؟

آدم: هبصلك على إيه يعني؟ جمالك. يوسف: هو إنت كرهتني مرة واحدة لي؟ آدم: مكرهتكش، بس قفلت منك. يوسف: بسبب نبض وغيرتك عليها؟ آدم بمكر: وأغير عليها منك إنت لي؟ هي قالت لي إنك صاحبها. يوسف: هي قالت لك كدا؟ آدم: آه والله. قالت لي صاحبها. يوسف: تمام. آدم: اتلحلح شوية. إنت قفل أوي. شايف صاحبك عمل إيه؟

يوسف: هي مش عايزة كدا. كل ما أبدأ أقرب منها بتبعدني عنها. كل ما أبدأ آخد خطوة، تقولي مش دلوقتي. يا يوسف، معلقة عليا غلط واحد تاني. آدم: الحب بهدلة. أنا مش هقولك أنا شفت إيه ولا استحملت إيه، لأنك لو عرفت هتبوس إيدك إنها بتعمل كدا معاك ومحصلش فيك اللي حصل فيا. بس أنا استحملت. آه، محبتش. لا، هحب بعدها. وأهي في الآخر هتبقى نصيبي، مع إن كان مستحيل، بس أهو بقى. يوسف: بس أنا بحبها.

آدم: ممم، وأنا شايف بوادر إعجاب بيك. هيا بس خايفة من الخطوة. يوسف: طب تشور عليا أعمل إيه؟ آدم: لازم تتلحلح شوية كدا. إنت جد، وده مش حلو. يوسف: بس دي شخصيتي. آدم: تمام. غش من صاحبك، مفيهاش جريمة يعني. يوسف: حاضر، هعمل كدا. وأنا مش هسيبها، لأني بحبها بجد. آدم: أما نشوف. لا، قسمًا بالله، تضايقها، تزعلها، هقلب عليك قلبه. إنت غني عنها. يوسف: لا، متخافش. مش هأذيها أبداً. عند نبض وندي: ندي: إيه برينسيسة؟

مش ناوية تحني على الواد؟ نبض: مين؟ ندي: يوسف. يا نبض. نبض: ماله يوسف؟ ندي: بيحبك. نبض: عارفة. ندي: ونبض: خايفة. ندي: من إيه؟ نبض: بعد كل اللي حصل دا، وبتسأليني من إيه؟ ندي: نبض، اطلعي من العقدة دي بقى. يوسف بيحبك، وإنتي حطاله قيود ومش عايزة يطلع برا القيود دي. وهوه زي أي بني آدم، هيزهق ويمل. نبض: هيسيبني؟ شوفتي؟ هيسيبني؟ ندي: أنا مقلتش هيسيبك، بس قولت هيمل. نبض: خايفة يا ندي. أنا اتخنت من تاني يوم خطوبة.

ندي: نبض، بعد إذنك، الماضي ماضي خلاص. نبض: حاضر. ندي: حاولي تفكي الواد شوية ها؟ نبض: حاضر، هحاول. ندي بغمزة: بس والله شكلنا وقعنا. نبض بكسوف وتغيير للحوار: اتفقتي إنتي ونادر على الجواز ولا لسه؟ ندي: توهي توهيت. تاني يوم الصبح بدري، نبض صحت ولبست بدلة أوف وايت والكوتشي الأبيض، وأخدت النظارة ونزلت تتمشى في الخضرة. في نفس الوقت، كان يوسف نازل بشورت وتيشيرت. يوسف: صباح الخير. نبض: صباح النور. يوسف: راحة فين دلوقتي؟

نبض: هتمشي شوية. وإنتي؟ يوسف: كنت هتمشي، بس هتمشي معاكي لو حابة، يعني. نبض: أكيد. يلا. وفعلاً فضلوا يتمشوا. يوسف: بس امبارح كان يومهم حلو. نبض: آه جداً. كانوا كيوت أوي. وكمان المفاجأة حلوة ومختلفة. يوسف: ممم، مش ناوية تفتحي قلبك؟ نبض بتوتر: هههه، إيه؟ جايب لي عريس؟ يوسف: وليه أجيب من برة؟ أنا موجود. نبض: ممم، يوسف أنا... يوسف: نبض، ممكن تديني فرصة؟

عايزك تسيبي نفسك. بطلي تسيطري عليا وعلى نفسك. سيبي الدنيا هي اللي تاخدنا وتودينا. أنا حاسس إني ببقى معاكي متأيد. عايز أقول كلام كتير ومش برضى أقوله علشان محسش إنك هتبعدي عني. نبض: يوسف، أنا والله غصب عني. يوسف: عارف. بس ممكن أطلب منك طلب؟ نبض: إيه؟ يوسف: تسيب لي نفسك. سبيني أخليكي تحبي يوسف السباعي زي ما هو بيحبك ومستعد يعمل لك حاجة عشان خاطرك، بس إنتي تحني. نبض بكسوف وهيا بتبص حواليها: مممم، تصدقي؟

كان نفسي طول عمري أجي مكان زي ده، وأركب خيل أوي. يوسف: عُلم وينفذ يا أميرتي. يلا. نبض: يلا. يوسف: هنركب خيل. نبض: بجدي؟ يوسف: آه والله. يلا. وفعلاً راحوا ركبوا خيل، ويوسف ركب نبض وهوه مشي وفضل يشد الخيل. يوسف: مبسوطة؟ نبض: أوي. يوسف: ممم، إيه رأيك في مغامرة على الفرس؟ نبض: إزاي؟ يوسف مردش وركب معاها وفضل يجري بالفرس، ونبض بتضحك ونسيت الناس ونسيت كل حاجة، وقررت إنها تسيب نفسها ليوسف. أحمد ومنه جمبهم بالفرس.

أحمد: نتسابق؟ يوسف: هتتكسف قدام مراتك؟ منه: هنكسب يا يوسف. نبض: لا، هنكسب إحنا. أحمد: يلا. يوسف: استعنا على الشقا بالله. وفعلاً فضلوا يجرو، ويوسف كسب ونزلوا. نبض: هييييييييي! كسبنا كسبنا. منه: عجبك كدا؟ أحمد: لا لا يا تي، متزعليش. تعالي نعمل مسابقة تاني علشان أكسبك فيها. يوسف: يا ابني بلاش. أحمد: يلا بس. نبض: تمم، وإحنا هنشجعكوا من هنا. منه: أيوا يلا اكسب بقى المرة دي يا أحمد. أحمد: عيون أحمد. نبض: هتكسب عشان خاطري؟

يوسف: هكسب عشان عيونك. وفعلاً اتجهزوا للمسابقة، ويوسف جي قبل النهاية بشوية وبطئ وخلى أحمد يكسب. منه: هييييييييييييييي! الشيخ ميدو كسب. أحمد نزل حضنها: مش قولت لك هكسب يا قلب الشيخ ميدو. يوسف وهوه بيسلم عليه: مبروك يا عريس. أحمد بوشوشة: شكرًا علشان فرحتها. يوسف ابتسم وراح على نبض. نبض: عارف، كبرت في نظري قد إيه وفرحت قد إيه إنك عملت كدا. يوسف: قولت أفرحهم بقى. أحمد: هنمشي إحنا بقى. يوسف: تمم. مشيوا أحمد ومنه.

منه: أحمد، إنت عملت كل دا إزاي؟ وأنا محصلتش؟ أحمد: مش لوحدي، كلهم ساعدوني. بس فكرة السفر دي كانت فكرة سالي. أما الفساتين والحاجات دي بقى، البنات قاموا بالواجب بصراحة. منه: طب وأهلك؟ أحمد: أهلك دا أبوكي طلع عيني. *Flashback...... يااااه، يا عبد الصمد، بقالي كتير معملتش فلاش باك 😂🌚 اليوم اللي نبض أخدت منه، أحمد أخد شوكولاتة وراح على بيت منه. موسي: إنت خير؟ أحمد: تحم، كل خير. ممكن نتكلم مع حضرتك شوية؟

موسي: اتفضل. الشاي يا... أحمد: احم، بص حضرتك من غير لف ودوران، أنا جاي أطلب إيد منه بنت حضرتكم. موسي: مرفوض. أحمد: ليه حضرتك؟ موسي: علشان عايز بنت. أحمد: وأنا هشيلها في عيني. موسي: آه، منا لاحظت. أحمد: طب ممكن تسمعني الأول؟ موسي: ............

أحمد: أنا اسمي أحمد الألفي، ظابط شرطة. أهلي صعايدة وعايشين في البلد بتاعتنا. عايش مع صحابي جاسر ويوسف. كنت بتاع ستات، كل يومين مع واحدة تقريبًا. شوفت بنت حضرتك، لقيتها مختلفة. حبتها. كانت هتضيع مني وعرفت قيمتها. والله، والله حبتها وبحبها وهشيلها في رموش عيني. أنا بحكيلك عن حياتي علشان تكون عارف كل حاجة بتحصل. وربنا شاهد إني صادق في كل كلمة بقولها لك. موسي: وأنا إيه يضمن لي إنك هتحافظ على بنتي؟

أحمد: كلمة صعيدي. والله كلمتي سيف على رقبتي. وبعد مناقشات كتيرررر واقناع مراد بكل الطرق. أحمد نزل: أوووف، أخيرًا. الفون رن. جاسر: ها؟ سبع ولا ضبع؟ أحمد: سبع يا خويا، بعد معاناة. جاسر: وافق يعني؟ أحمد: آه. جاسر: طب كلم أهلك بقى. أحمد: تمم، سلام.

وأحمد فعلاً كلم أهله، وهما رحبوا جداً وفرحوا إن أحمد هيتجوز ويستقر. أحمد رتب مع الباقي وجهزوا كل حاجة، ونزل اشترى لمنه الفستان وكله بقى تمام. وقبل يوم السفر، اتفق مع أبو منه على الخطة وخلاهم يسافروا. *Back......... وعدت الأربع أيام كدا في فرح وغزل أحمد ومنه، نبض ويوسف اللي علاقتهم بقت أقوى، آدم وملك اتفقوا إنهم يكتبوا الكتاب بعد ما يرجعوا ويعملوا فرح عائلي ويكتفوا بي. يوم الفرح:

التجهيزات كانت على قدم وساق. كله بيشتغل، كله بيجهز أحلى فرح للعرسان. ظبطوا منه، وظبطوا أحمد، وظبطوا القصر، وزينوا بالورد الأبيض. عند منه اللي لبست فستانها الأبيض الطويل، بديل طويل وسابت شعرها وحطت بروش والطرحة وعملت ميكب. أما البنات فلبسوا فساتين سودا مفتوحة من الرجل وبكم شفاف منقوش وطويلة وهيلز أسود، وكانوا زي القمر كلهم. بسنت: تعالي تعالي، هقرصك في رقبتك. نبض: يختي، كلها أسبوع وهنقرصك إنتي.

منه: هههه، حد عايز يحصلني؟ متيجي تاخدي لك قرصتين يا نبض. نبض: ممم، لا أنا كفايا عليا لبستك وجهزتك يا قلبي. منه: بجد فرحانة، فرحانة أسبوع ولا في الأحلام. بجد كل حاجة حلوة أوي ومختلفة. نبض: يكملك فرحتك على خير يا حبيبتي. ملك: يارب. بجد طالعة زي القمر. سالي: الله أكبر، الله أكبر. ندي: موزة يموزة. أحمد طالع ورايا. يلا علشان هنعمل اللاست سين. نبض: الله يلا.

وفعلاً استعدوا، ومنه وقفت بضهرها. أحمد دخل ببُوكيه الورد وراح على منه. أول ما شافها: أحمد: إيه يا بت الحلاوة دي؟ يخربيت أمك، بتعرفي تزغرطي؟ منه: هههه، آه. ليا. أحمد: زغرتي يا لوزة، أحمد بقى جوزك. كلهم زغرطوا.

كلهم ضحكوا عليهم، وأحمد حضنها وفضل يقولها قد إيه هي جميلة. ومش كدا وبس، تؤتؤ، فضل يعاكس في كل البنات ويتصور معاهم. وأخد منه ونزلوا اتصوروا، وبعدها منه طلعت تاني وفضلت تتصور مع البنات. وباباها طلع أخدها ونزلت بالزفة، لأنهم كانوا جايبين ناس بتاعت الزفة ومجهزين القصر بشكل خيالي، ميقلش إنهم في الصعيد، عملوه فرح مدني وقهراوي في وسط الصعيد. موسي وهوه بيسلم منه لأحمد: خلي بالك منها، أنا معنديش أغلى منها.

أحمد: في عيني والله. وكملوا الزفة وفضلوا يرقصوا، وخرجوا على الكوشة بتاعتهم اللي عملوها في الجنينة، وجابوا دي جي وظبطوا الدنيا. وقعدوا على الكوشة. منه: مبسوط يا أحمد؟ أحمد: أنا الفرحة مش سايعاني يا قطتي. وإنتي؟ منه: أنا حاسة إني في حلم جميل ومش عايزة أفووق منه. بحبك أوي. أحمد: وأنا بحبك بكل ذرة في كياني يا قلب أحمد. ورقصوا الفرست دانس على أغنية: *Because you loved me* 💙

وكل واحد جاب حبيبته ورقصوا. أحمد ومنه. نادر وندي. آدم وملك. بسنت وأحمد. سالي وجاسر. أما نبص فيها، كانت واقفة ويوسف جي عليها. يوسف: احم، شكلهم حلو أوي. نبض: أوي. يوسف: داخلين على موسم تزاوج. إحنا بدأناها بمنه وأحمد. نبض: فعلًا. ورانا أفراح كتير. يوسف: عقبالنا. نبض اتكسف وبصت قدامها. يوسف: طب متيجي نرقص؟ جت علينا. نبض: ممم، مش عارفة آدم هيكون رد فعله إيه. يوسف: تعالي بس.

وفعلاً أخدها وراحوا رقصوا. وآدم كان لسه هيروح عليهم. ملك وقفته ومردتش تخليه يروح. وعدت الليلة وسط الرقص والغنا، وأحمد غنى لمنه أغنية *نقول مبروك*. وفضلوا يرقصوا وخلصوا الفرح. وأحمد أخد منه وسافروا إسكندرية يقضوا شهر العسل. والباقي روحوا تاني يوم ..........