رواية نبض الفصل الرابع والعشرون 24 - بقلم نور احمد

رجعوا أبطالنا الحلوين من الصعيد، وعدى الأسبوع وبقى كالتالي: نبض راحت قعدت مع آدم وندي وعمها في الفيلا اللي اشتروها جديدة وبعيدة عن كل الذكريات. أما عصافير الحب منه وأحمد، فهم رجعوا من أسبوع العسل وقعدوا في الشقة اللي أحمد كان مجهزها للجواز، وطبعًا قالها عدلي: "براحتك فيها"، وكانوا طايرين من السعادة. أما آدم وملك، هيكتبوا كتبهم بعد فرح بسنت. نفس الكلام قرره جاسر وسالي، وندي ونادر.

أما عند يوسف، فهو بدأ يحس بحريته شوية مع نبض، وبدأ يحس إنها بتتجاوب معاه في كل حاجة بيعملها، وزي العادة بنصيحة أحمد: "خدها وحدة وحدة، مرة تدلعها، مرة تغنيلها، مرة تقولها كلام هشتكة، خليك هلاس كده". والنهاردة هو فرح بسنت. البنات اتفقوا إنهم هيروحوا عندها من الظهر. *** عند أحمد ومنه: منه: أحمد أحمد ياشيخ ميدو اصحي بقا. أحمد: يصباح العسل يامهلبية. منه: كنت فين امبارح؟ أحمد: يصباح النكد.

منه: بكلمك متحطش المخده على وشك وتديني ضهرك. أحمد: منه اصطبحي، احنا مكملناش أسبوع متجوزين. منه: مهو عشان مكملناش أسبوع متجوزين، أنت هتزهق مني وهتخون. أحمد: مش صحبتك فرحها النهاردة، يلا روحيها. منه بدموع: شوفت مبقتش تحبني إزاي. أحمد: استغفر الله العظيم، مالك بس ي حبيبتي. منه: معرفش، مخنوقة. أحمد: من إيه؟ أنا زعلتك؟ منه: تؤ. أحمد: طب في إيه بقا؟ منه: كنت فين امبارح؟ أحمد: مع يوسف وجاسر.

منه: وتسبني في تاني أسبوع من جوزنا وتروح لأصحابك، للدرجة دي زهقت مني؟ أحمد: يحبيبتي كان بقالي أسبوع مشوفتهمش، فطبيعي كانوا عايزين يشوفوني ويقعدوا معايا. منه: بس سبتني لوحدي. أحمد: آسف، حقك عليا، وادي راسك أبوسها. منه: لا، اوعي، مش طايقاك. أحمد: لاااااا بجد لاااا، أنا كنت عايش سلطان زماني، أنا كان مالي ومال الجواز، أنا كنت واخد مقلب فيكي. منه بعيون قطة: لي، مش أنا الخاطفايه؟ أحمد: هاه؟

منه: هههههه، بقولك صباح الخير ي حبيبي. أحمد: تؤتؤتؤ، صباح الخير مش كده أبدا. منه وهيا بتبعده وبتخرج من الأوضة: الفطار ي حبيبي، ويلا عشان هتوديني لبسنت. أحمد: يخربيت الفصلان يارب، عيني عليهامنه: الفطار ياشيخ ميدو. أحمد بيأس: جاااي جاااي. *** عند آدم: ملك: صباح الخير ياعريسي. آدم: صباح النور ياعروستي. ملك: عامل إيه؟ آدم: تمام، وانتي؟ ملك: تمام، بقولك إيه. آدم: يصباح الطلبات. ملك: دا طلب صغنن خالص. آدم: أؤمري ياقمر.

ملك: عايزة أروح أجيب فستان عشان اللي عندي لو لبسته النهاردة أنت هتتضايق. آدم: ياتي شطورة، حبيبة قلبي اللي عارفة، بس ولا يهمك، أنا هبعتلك الفستان. ملك: إيه دا؟ لا، عايزة أنزل معاك أجيبه. آدم: تؤ، مفاجأة. ملك: آدم بطل رخامة بقا. آدم: خلاص يبت، فستانك وهيواصلك، انتي النهاردة بقا اعملي ماسكاتك وحركاتك، عقبال ماعدي عليكي بليل. ملك: آدم عايزة فستان حلو، مش فستان مقفل وطويل. آدم: لا، متقلقيش يقلبي، ثقي فيا. ملك: يخوفي.

آدم: عيب عليكي، أنا خذلتك قبل كده. ملك: الصراحة، لا. طب بقولك إيه. آدم: ألعب باليه؟ ملك: بلوك ي حبيبي. آدم: ههههه، خلاص خلاص، أصل البت نبض عملتها فيا امبارح. ملك: حبيبي، علاقتكم أخوات، مش أي حاجة تقولهالك تقولهال، يعني مينفعش تقول لمراتك في وسط الكلام ألعب باليه. آدم: ههههه، خلاص يست، يلا اقفلي عشان الحق أنا. ملك: تمام، متنساش الفستان يا آدم. آدم: حاضر، باي. ملك: باي. *** عند نبض النايمة أصلاً:

يوسف في الفون: إيه ينبض، دي خامس مرة أتصل بيكي. نبض: ممم. يوسف: في حاجة؟ نبض: لا، مفيش. يوسف: انتي إزاي صاحية كده؟ احنا مش بنتكلم لحد الفجر. نبض: حكم الشغل يقلبي، يلا قومي. يوسف: ممم، خلاص نامي، بس مش عايز أفكرك إن فرح بسنت النهاردة، وإنتي قولتي إنك هتروحي ليها بالنهار. نبض: آه، صح. يوسف: ممم. نبض: عدي عليا، مش قادرة أسوق. يوسف: حاضر، يلا بقا عشان شغل. نبض: يوسف. يوسف: مممم.

نبض: عايزة أفطر فول وطعمية عند الراجل اللي أنت كلت عنده إنت وجاسر وأحمد. يوسف: ممم، وعرفتي منين الراجل ده؟ نبض: هااا، آآآه، أصل، أصل عادي، أي حد، انتوا ظباط، أكيد أكلتوا عند حد قبل كده. يوسف بخبث: أيوة، أه، بس ده بعيد. نبض: بعيد إزاي؟ ده في الزمالك، آآآآآآآآآي. يوسف: ههههه. نبض: على فكرة، أنت بايخ أوي بجد. يوسف: متلعبيش مع ظابط يقلبي. نبض: ماشي، يلا هفوق وأنزل أفطر، وتعدي عليا. يوسف: حاضر. نبض: تمام، يلا باي.

يوسف: باي. *** تحت على السفرة: ندي ونبض قاعدين بيتكلموا ومش مع الباقي. إبراهيم: ندي، نادر كلمني وعايز يتجوز. ندي: أيوا يبابا، مهو قالي. إبراهيم: قالك إنه بعد عشر أيام؟ هوه قالي إن الشقة جاهزة. ندي: أيوا جاهزة، روحنا أنا وآدم مرة وشوفناه. نبض: وإنتي حجتك جاهزة أصلاً، هو بس الفستان، وده هنظبطه، متقلقيش. ندي: تمام يقلبي، تسلمي. إبراهيم: يعني أقوله تم؟ ندي: أيوا. إبراهيم: مبروك ي حبيبتي. ندي: الله يبارك فيك يبابا.

إبراهيم: عقبالك ينبض. آدم: ضحكت. نبض: الله يبارك فيك يا عمو، وانت يا آدم، هنشوف موضوع الضحكة ده بعدين. آدم: هههه، جبتي فستانك يم نص لسان ولا لسه؟ نبض: جبته. آدم: لي؟ نبض: مفيش، أصلي رايح أجيب لملك فستان على زوقي. نبض بغيرة: ممممم، طب هاتلي معاك. آدم: انتي مش قولتي جبتي؟ نبض: وانت مالك؟ هاتلي وخلاص. ندي: وأنا. آدم: انتي هجيبلك فستان فرحك. ندي: هييييي. نبض: متجبش لملك، هيا عندها.

آدم: هههه، بتغيري يبطة، انتي بتغيري، وهيا بتغير، أجيبها من مين فيكم؟ نبض: أكيد أنا. فونها رن، وكان يوسف. نبض: احم، طب يلا باي بقا، أنا عند بسنت، هتيجي معايا يا ندي؟ ندي: لا، شوية وجيالكم، هروح أنا ونادر نجيب حاجة وهيوصلني. نبض: يلا باي. آدم: طب والفستان؟ نبض: هاتلي وخلاص، أنا معايا فستان. إبراهيم: ده استخسار مش غيره. آدم: تعبت منهم والله، يلا أقوم أنا. إبراهيم: خدني معاك. ندي: إيه دا؟ وأنا؟

آدم: ممم، خلاص، هستنى معاكي عقبال ما نادر يجي. إبراهيم: أنا رايح الشركة، يلا سلام. ندي: باااي. نبض: ندي، مشوفتيش الباور بانك بتاعي؟ آدم: انتي لسه ممشيتيش؟ نبض: لا، نسيت الباور، فقولت آخده، مشوفتيهوش؟ ندي: آه، في أوضة آدم، كان واخده امبارح. نبض: أوكي. الجرس رن. آدم: تلاقي يوسف. ندي: هقوم أفتح. ندي فتحت الباب: عمو جمال. جمال: إزيك يندي؟ بابا جوه؟ ندي: احم، لا، آدم بس جوه، اتفضل، اتفضل، حمدلله على سلامتك.

جمال: الله يسلمك. آدم: احم، أستاذ جمال إزاي حضرتك؟ جمال: كويس، ها، نبض موجودة ولا. نبض نزلت: احم، سلامو عليكوا، أنا ماشية يدومي. جمال: نبض، انتي نبض؟ صح؟ نبض: أيوا، مين حضرتك؟ جمال: أنا خالك ي حبيبتي. نبض: خالو جمال؟ جمال: أيوا ي حبيبتي، تعالي في حضني يبنت الغالية. نبض حضنته. جمال: ياااا، نبض وحشتيني أوي، نسخة من أمك الله يرحمها. نبض: الله يرحمهم.

جمال: وحشاني ي حبيبتي، أنا جيت قبل كده وجيت الفيلا القديمة، بس ملقتكيش. نبض: طب حضرتك مستنتنيش لي؟ جمال: سافرت ي حبيبتي، شغل. آدم: جي ساعة موضوع أمجد الأولاني. نبض: مممم، طب مفكرتش تطمن عليا يخالو؟ جمال: مزعلشيش ي حبيبتي مني، بس عشان اضطريت أسافر، أنا سايب ولادي ومراتي خالكنبض: أيوا معاك حق، ولادك أهم. جمال: انتي عاملة إيه ي حبيبتي؟ وحشتيني، انتي من ريحة الغالية.

نبض: كويسة يخالو، بس ابقي اسأل عليا، انت بردك أخو ماما الله يرحمها. جمال: متزعليش ي حبيبتي، أنا أصلاً جاي آخدك معايا. آدم: تاخدها فين؟ جمال: آخدها معايا، نسافر وتعيشي معايا، أنا اتحرمت منها كتير، جي وقت اللي آخدها معايا بقا. ندي: إيه دا؟ لا طبعاً، نبض مش هتسبنا. نبض: ومين قالكم إننا هسافر؟ أنا حياتي وأصحابي كلهم هنا. جمال: وأنا وولاد خالك هنا.

نبض: انت عايزني أسيب آدم وعمو وندي، أسيب يوسف وجاسر وأحمد وسالي وملك وبسنت ومنه وأحمد، عايزني أسيب كل اللي بحبهم وأجي معاك، وأنا أصلاً معرفش حد هناك؟ بص يخالو، أنا بنت اختك، تيجي تشوفني في أي وقت، بس أنا أسافر، لا، مش هسافر. جمال: أنا مقدر إنك دلوقتي زعلانة، بس أنا قاعد أسبوعين في مصر علشان شغلي، وقاعد في فندق...

بس هكون فرحان إنك تيجي وتسافري معايا عشان أعوضك عن كل حاجة يابنت الغالية. أسيبك دلوقتي عشان شاكلك كنتي خارجة، يلا سلام ي حبيبتي. آدم: نورتنا يا جمال باشا. نبض قعدت على الكنبة ومسكت راسها. ندي: نبض، انتي كويسة؟ نبض: تؤ، شكلي مش مكتوبلي أفرح يندي. ندي: متقوليش كده ينبض. آدم قعد جمبها واخدها في حضنه: حبيبتي، متقوليش كده، أنا معاكي، مش أنا إندومي ودومي، وبتغيري عليا، وحياتك ينبضي، مهخلي حاجة تانية وحشة تحصل.

نبض: بحبك أوي يا دومي. آدم: وأنا بحبك ياعيون دومي. نبض: مممم، أنا شكلي هتجوزك وهخليك تفايق لملك. آدم: هههه، يالهوي لو سمعتك بس، على العموم، أنا القمر ده هيكون شرف ليا، إيه الحلاوة دي. نبض: عيب عليك يبني، بقولك يا باتين. ندي قعدت وزقت نبض وحضنته: قاعدين حب ولفلفة، وأنا واقفة قرطاس كده، أنا عروسة وهسيبكم قريب. آدم: لا لا، حبيبة آدم، يالهوي. نبض: كده يا دومي. آدم: لا يروح دومي، تعالي. وحضنهم هما الاتنين.

آدم: انتوا بناتي وأغلى حاجة في حياتي، بحبكم، انتوا روحي وقلبي وكل حاجة حلوة، ربنا يخليكوا ليا. نبض وندي: ويخليك لينا يحبيبي. الجرس رن. نبض: هقوم أفتح، شكله يوسف. نادر: إزيك ينبض؟ نبض: الحمد لله، يعريس، أخبارك؟ نادر: الحمد لله، تم. نبض: تعالي ادخل. دخل لقي ندي في حضن آدم. نادر: إيه دا؟ قومي يندي. ندي لسه هتقوم. آدم شدها: تقوم فين يالا؟ نادر بغيرة: حضناك كده لي أصلاً؟ آدم: وانت مالك؟ ندي: احم، نادر، ده آدم عادي، يعني.

نادر: والله؟ طب يلا عشان متأخر. آدم: متزعقش. نادر: هوه أنا زعقت؟ ندي: باااااس، أنا قايمة، باي دومي، باي نبضي. آدم: لو زعقلك تعالي قوليلي، ألغي الجوازة على طول. ندي: هههه، باي يا غيور. نبض: مراحة يا شبح. آدم: هو كل ده يوسف بره؟ نبض: إيه دا؟ يوسف. وخرجت تجري، لقت يوسف واقف مع نادر. نبض: سوري، اتأخرتي. يوسف طنشها: تمام ي نادر، باي يندي. نبض: على فكرة، قولتلك سوري. يوسف دخل العربية. نبض

غمضت عينها وشدت على إيدها: أهدي ينبض، أهدي، أهدي. ودخلت العربية. نبض: يوسف. يوسف بيكلمك. على فكرة، دي أكتر حركة بتضايقني. يوسف: والله؟ طب مرة من نفسي أعمل حاجة مبتحبيهاش؟ ما انتي من ساعة معرفتك وإنتي بتعملي كل حاجة مبحبهاش. نبض: إزاي بقا؟ يوسف: خلاص ينبض. نبض: لا، قولي.

يوسف: نبض، خلاص بجد، أنا مقفش أطلع الساعة قدام البيت عندك، ينبض وسايب شغلي وواقف مستني حضرتك، ودا خارج ودا داخل، وحضرتك أكيد قاعدة جوا مع آدم هي ميه ميه وأحضان ياشيخة بقا. نبض: يوسف، مبحبش حد يزعق جنبي. يوسف: قولتلك من الأول اسكتي. نبض فعلاً سكتت، ووصلها عند بيت بسنت. نبض: يوسف، آسفة، بس أصل خالي جي من السفر. يوسف: خالك مين؟ نبض: خالو جمال، نزل النهاردة وجي يشوفني، وعايزني أسافر معاه. يوسف: وإنتي هتسافري؟

نبض: تؤ، مش هسيبك، آآآه قصدي كلكوا يعني وكده. يوسف: مممم، محدش قالك أصلاً إني هخليكي تسافري. نبض: لي؟ يوسف وهوه ناسي زعله منها أصلاً: قلبي مش هيخليكي تسافري، وعقلي هيقلب الدنيا عشانك، وعلى رأي المغني الكبير: *أنا لما بحب بحن بجن، بهدم، بحرق، بقلب جن*. نبض: هههه، سوري، آسفة بجد، بس خالو لما جي لخبطني. يوسف: ولا يهمك، بس ممكن متعمليهاش تاني؟ نبض: حاضر، حاضر، بس متزعلش، جوزك غالي، بس صحيح، عملت إيه ليك؟ يوسف: إيه؟

نبض: يعيون جو. نبض طلعت زي ورقة صغيرة كده، وكانت راسم فيها الكاب بتاع الظابط، وتحته اسم "كين" بس بحروف كروكي كده. يوسف: حلوة أوي، انتي اللي رسماها؟ نبض: آه، عجبتك؟ يوسف: أوووي ي حبيبتي، ربنا يخليكي ليا. نبض: ويخليك ليا، يلا باي بقا، متتأخرش بليل ها؟ انت هتيجي عشان تاخدني؟ يوسف: حاضر، مش هتأخر. نبض: اوكي، باااي. ونزل. يوسف بتنهيدة: يا وجعة قلبي، انتي، بس هعمل إيه، بحبك. وحط الورقة في جيبه ومشي. ***

أما عند توم وجيري، قصدي، منه وأحمد: منه: على فكرة، اتأخرنا، كلهم راحوا وأنا لسه. أحمد: كلهم مش متجوزين ي حبيبتي، وبعدين انتي لسه عروسة كميلة. منه: أنا كميلة يميدو؟ أحمد: يقلب ميدو. منه: طب يلا، يلا. أحمد: هادمة اللذات، يلا يختي. وفعلاً نزلوا ومشيوا، وأحمد كان مشغل أغاني كعدته، ووقف عند بتاع الورد، ومنه نزلت معاه وجاب لها ورد، وخرجوا. *أحمد قابل سمر، فكرنها اللي كلمت أحمد في الفون بعد مراح لمنه الجامعة، فكرين ولا؟

بس أكيد لأ😂* أحمد: هار أسود. منه باستغراب: مالك؟ أحمد: لا، تعالي تعالي، ودخل المحل تاني. منه: يبني، مالك؟ أحمد بتوتر: مفيش، مفيش. سمر دخلت المحل وشافت أحمد وهوه بيحاول ميبينش وشه، وراحت عليه. سمر: مش معقول، ميدو، إزيك؟ ليك وحشة والله. منه: انتي مين؟ أحمد بسرعة: احم احم، دي، دي. سمر: كنا فترة متجوزين. منه بصدمة: نعم؟ سمر: مالك يقطة؟ ما انتي أكيد في لستة ميدو زينا. أحمد: دي ندي، مراتي. سمر: إيه؟ أحمد اتجوز؟

لا لا، دا الدنيا لسه فيها أمل بقا. وكملت بخبث: بس أكيد متجوزها عرفي. منه باستفزاز ثعباني اللي بيدخل في النص الجبهة ده، ردت عليها بابتسامة سمجة: تؤتؤ، عرفي دا لا، شكلك لا، لكن أنا متجوزني قصاد الناس، أصلها الحياة كده، ناس تتجوز وتداري عشان مش من المستوى، وناس تاني الدنيا كلها تعرفها، أصلها مقامات ي... وبصتلها من تحت لفوق: يا مدام، يلا يميدو، اتأخرنا.

ومسكت إيد أحمد اللي مصدوم من رد فعلها ومشيت وركبت العربية وشغلت أغاني تاني، وكل ده وأحمد مصدوم وساكت. منه: إيه ساكت لي؟ فاكرني هغضب وهزعق وكده؟ أحمد: والله، والله متجوزتها، هوه قضيت معاها يومين وكده، وأصلاً محصلش بينا حاجة، دي كدابة. منه: خلاص يبيبي، وانت مالك؟ أهدي كده، بص يا أحمد، أنا عارفة من أول يوم إنك ليك ماضي مشرف، مشاء الله، بس أنا واثقة إنك اتغيرت، ومبقتش تعرف بنات من يوم متجوزتني. أحمد: والله من يوم محبيتك.

منه بابتسامة: ودي حاجة تكفيني. وأه صح، باست خده. ميرسي ي حبيبي على الورد. أحمد: بحبك أوي يقطتي. منه: وأنا بحبك أكتر، يعيون قطتي. ومشوا ووصلها عند بسنت وطلعت. *** عند بسنت: نبض: يبنتي اتأخرتي لي؟ سالي: عروسة بقا، الله يسهلها. منه: اسكتوا بقا، حصل معايا حتة موقف النهاردة. بسنت: احكي يا لالا. منه حكت ليهم على سمر واللي حصل. سالي: تعجبني دماغك يبت، انتي. بسنت: إيه دا؟ دانا كنت فرجت عليهم الشارع كله.

نبض: هبلة، اللي عملته منه صح كده، هي كسفت أحمد لو فكر يلعب بديله. منه: وبصراحة، هو اتغير، ومبقاش زي الأول. نبض: فعلاً، يوسف قالي كده. سالي: أيوا، أنا أعرف أحمد من قبلكم، وأبصملك بالعشرة، الواد ده اتبدل، يماما، ده أنا لو مش عارفة إنه بيهزر، لقول كان بيشقطني. منه: ههههه، الشيخ ميدو لجبر خواطر النساء يابنتين. نبض: طب يلا عشان ورانا حاجات كتيرررر. بسنت: آه، يلا، أنا عروسة. منه: أيووووو، شغلوا أغاني يلا.

وفعلاً شغلوا أغاني وفضلوا يرقصوا، وندي راحت عليهم وكملوا باقي اليوم. والميكب أرتست وصلت وعملت ليهم ميكب، ولبسوها الفستان الأبيض الطويل والمنفوش، هاف شولدر مع تاج وطرحة طويلة. أما البنات لبسوا فساتين زرقا، هاف شولدر طويله، ومفتوحة من عند الركبة لحد الآخر من جنب واحد، وهيلز. وأحمد جي، وخلوه يعمل لاست سين، وفضلوا يصوروهم، وبعد كده نزلوا وركبوا وراحوا مكان الفوتوسيشن، وفضلوا يتصوروا، وراحوا على القاعة بتاعت الفرح.

وكل ده مكنش أحمد الألفي، ولا جاسر، ولا يوسف جم، ولا ملك وادم، ونادر. بس الشباب التلاتة جم مع بعض، وكل واحد راح على حببته، خطيبته، مراته. وبعدها بشوية جم ملك وادم، اللي ملك كانت لبسة فستان أحمر بكم شفاف طويل. وفضلوا يغنوا ويرقصوا، وفي الآخر خالص رقصوا كل كابل على أغنية *نسمة شوق*. والفرح خلص، ووصلوهم المطار، وبسنت سافرت وسط دموع البنات وأهلها، ودموع بسنت. وكلهم روحوا.

*آدم طبعاً راح يوصل ملك، ونادر معاه ندي، ويوسف معاه نبض.* *** عربية يوسف قدام فيلا آدم: ندي: متتأخريش ها، باي يندي. نبض: ههه، عارفة، على قد ما أنا مبسوطة إن بسنت اتجوزت، على قد ما أنا زعلانة إنها سافرت ومش هشوفها تاني. يوسف: حبيبتي، هترجع إجازات، متخافيش، وبعدين يعني، سكايب والنت مخلاش. نبض: أيوا صح، ربنا يخليهم لبعض. يوسف: يارب. نبض: ممم، يلا جود نايت بقا يجوجو. يوسف: إيه دا، متصبريش شوية.

نبض: تؤ، بقا عشان مينفعش أفضل أكتر من كده. يوسف: ماشي، أشوفك. نبض: أوكي، باااي. يوسف: باي. يوسف نزل من العربية معاها، ووقف برا عقبال ما دخلت، وفونه رن. نبض بعد ما طلعت افتكرت إنها نسيت فونها في عربية يوسف، وشافته من البلكونة، لقيته واقف، فنزل تاني تجيبه، وسمعت يوسف بيتكلم في الفون. يوسف: لا ي حبيبتي، هجيلك أنا، مقدرش أنساكي... لا، انتي عارفة، مصدقت إن نبض تحبني، واقعها في حبي... لا ي حبيبتي، انتي حبي الأول والأخير...

هههه، لا، هجيلك يقلبي... باي، آه، بحبك أووووي. يوسف قفل ولف شاف نبض و...