رواية نبض الفصل الثامن 8 - بقلم نور احمد

صحيت دمها وجعاها وفتحت عينها واستغربت المكان. نبض بتوهان: اااه اي حصل انا فين اااه قامت تروح للباب لقته مقفول وفضلت تحاول تفتكر. آخر حاجة فاكراها كلمة أمجد ليها: نبض مش عايزك تزعلي مني بس الي هعمله دا من حُبي ليكي. نبض بصراخ: لا لا مُستحيل امجد. وفضلت تخبط على الباب وتزعق. أمجد جه وفتح. أمجد: صباح الخير يا حبيبتي. نبض بخضة: انت جايبني هنا لي يا امجد ولي عملت كدا. أمجد بهدوء:

نبض أنا بحبك وانتي عارفه. انتي مش هتكوني غير ليا صدقيني هعمل أي حاجة علشان تكوني ليا لوحدي. نبض: انت مريض يبني فوق يا امجد. أنا نبض بنت عمك مش حبيبتك. انت أخويا عمري ما حبيتك. أنا بحب سليم فاهم. بحب سليم. قاطع كلماتها صفعة وغضب أعمى بمجرد ذكر اسم ذاك السليم. أمجد بغضب: سيرة سليم متجيش على لسانك. أنا بعتله الي يخليه لو شافك ميبصش في وشك اصلا. ويومين وهيتجوز وينساكي. وانتي هتتجوزيني غصب عنك فاهمة. نبض ببكاء:

لا يا امجد فوق. أنا مش هكون ليك مُستحيل اكون ليك. أنا بحب سليم وهفضل اقول كدا وسليم مش هيتجوز غيري فاااهم. ااااااااه. ضربها تاني. أمجد بصراحة: متخلنيش اندم اني بضربك ينبض. انسي سليم. أنا خليت سليم يندم على اليوم الي عرفك فيه اصلا. فاهمة. نبض بصراخ هي الأخرى: لا مش هصدق. مشيني من هنا. ادم هيجي وهيخدني. أمجد بسخرية: ههههه. مش لما يكون لسه عايز يبص في وشك. نبض بتوجس: انت عملت أي. أمجد بملل:

مفيش. بعتلهم ورقة مزورة إننا اتجوزنا مع جواب صغير كده مع رسالة من فونك لفون سليم. ظبط الدنيا. متخفيش. نبض بهستيريا: انت مش طبيعي. فوق يا امجد والنبي وحياتي سبني أمشي بقاااا. لو بتحبني زي ما بتقول سبني بقااا. أمجد: بتحلمي. وكمل بهدوء وقرب منها: نبض أنا بحبك. حسي بيا. اديني فرصة. مش هتلاقي حد يحبك زي. صدقيني. وسليم أهو صدق إنك اتجوزتيني وسبتيه. وصدقيني هيتجوز ويسيبك. نبض انسي كل الناس وركزي معايا. نبض زقته وبعدت عنه:

أمجد مش هسمحلك تقرب كدا تاني. ومش هصدق إن سليم يعمل كدا. أمجد: تمام ينبض. الأيام بينا. وانتي مش هتخرجي من هنا إلا على فرح سليم. وقريب وهوريك. وخرج وقفل الباب. نبض قعدت مكانها على الأرض وفضلت تعيط. نبض بعياط: لا سليم ميعملش كدا. يارب والنبي يسليم حس بيا ومتصدقتش. يا رب يا ادم تلاقيني. خرجوني من هنااا. يسليم بقا مع كل دا بتعيط وصوت عيطها بيعلى أكتر وأكتر. وعمالة تنادي على سليم وادم.

أما عند سليم فهو لسه قاعد مكانه على النيل ومش مصدق. مبين مصدوم ومجروح وزعلان. إزاي نبض تعمل كدا. سليم:

هُنت عليكي ينبض. هُنت عليكي تعملي فيا كدا. تدوسي على قلبي وتسبيني وراكي. طب أنا عملت أي لكل دا. حد يفهمني ويجبلي حاجة واحدة غلط أنا عملتها. أنا كنت معاها في كل وقت. اتغيرت كتير عشانها. حبها خلاني أتغير. وبعد ما اتغير تعملي فيا كدا وتكسريني. طب لي خلتيني قليل أوي كدا. الله يسامحك. طب وهيا كانت بتحبني بقا ولا لا. بس أنا بحبها. طب ترجع وأنا هسمحها. أرجعي هسامحك لو قولتيلي أسفة. مش هعاتبك. ارجعي بس ارجعي لقلبي عشان مش مستحمل فكرة بعدك عني. ااااه ينبض لي تعملي كدا.

لقى رسالة تانية من نبض. اتردد يفتحها كتير خايف لتكسره أكتر. بس خد القرار وفتحها. سليم:

أنا عارفة إنك دلوقتي زعلان ومدايق ومخنوق ومش مصدق. بس صدق أنا فعلا اتجوزت أمجد وعايشة وهعيش حياتي معاه. أنا عارفة إنك زعلان على فراقي والطريقة. بس أنا أهو برغم حبي ليك عديته واتجوزت وبعيش وهكمل عادي. متزعلش كتير يا سليم. وزي ما قلتلك بجد عايزة لما أرجع مش أشوفك ولا تيجي عندي لآني اتجوزت. يسليم خلاص كمل حياتك ومتقفش عليا. نصيحة من أخت. لأنك بالنسبة ليا أخ. أه ودبلتك قلعتها ومش معايا. كمل. يسليم. ودي آخر مسدج هتوصلك مني. سلام.

سليم: هههههههههه. أه دانا طلعت مغفل. هههههه. حاضر هكمل يا يا أختي. هههههههه. ااااااااااااه. ورمى الفون وكسره وكمل: ماشي ينبض. وحياة حبي ليكي لهندمك عليا. وهوريكي مين سليم الهاشمي. وهتجوز وهدوس عليكي وعلي قلبي. وهكمل. وأنا وانتي والزمن بينا. وبص للدبلة وقلعها وجاي يرميها. وقف. حوار بين العقل والقلب: العقل: يلا ارمي مستني أي. دي باعتك وراحت اتجوزت. القلب: بس أنا بحبها ومتاكد إنها بتحبني. العقل:

انت لسه هتقولي بتحبها. دي واحدة خاينة واتجوزت. فوق. القلب: أنا مش زرار هدوس عليه. انسي إنها خانتني وكسرتني. أنا بحبها. العقل: خلي عندك كرامة بقا واتخلص منها ومن أي ذكرى ليك معاها. القلب: مش هقدر. مش هقدر. سليم بوجع: مش هقدر. أعمل الي انتي عملتيه. مش قادر. لي عملتي كدا. لي. وبص للدبلة وخدها حطتها في جيبه ومشي. وشغل أغنية علامة استفهام وفضل ماشي بالعربية تايه ومش مصدق. أما عند ادم فهو حاله حال. مش مصدق إن نبض تعمل كدا.

ندي: ادم أنا مش مصدقة إن نبض وامجد يعملوا كدا. ادم: ولا أنا مصدق. بس إزاي دا خطها وامضتها واختفاءها مع أمجد. وإنها راحة معاه بإرادتها. أنا مش متخيل. أنا حاسس إن أمجد عمل حاجة في نبض. لأن نبض متعملش كدا. ولا تخبي عليا. دي بتحب سليم. ما أمجد كان قدامها طول الوقت. إيه اللي اتغير. ندي: قصدك إيه. أمجد مش ممكن يأذي نبض. ونبض مش عيلة. وعملت كدا بإرادتها. ادم: أنا لازم أجيبها. لازم أعرف مكانهم. لازم. ندي:

أنا خايفة لسليم يعمل في نفسه حاجة. ادم: أنا مشلول. مش عارف أفكر. ندي: الصدمة كبيرة جدا علينا كلنا. ربنا يستر. من خلال اللي ظهر في الوقت الغلط دا. ادم في سره: كدا ينبض تكسريني الكسرة دي وتخليني متربط ومش عارف أفكر. ولا عارف انتي فين. الله يسامحك انتي وأمجد على اللي عملتوه فينا دا. في الجامعة: بسنت: ولا نبض ولا سليم بيردوا. ولا البت ندي. منه:

أكيد حد جرى له حاجة. مش معقول كدا. سليم كان بيرد على طول. وعمره ما قفل الفون. وندي كمان. ونبض أكيد في حاجة حصلت. منال: هاي يا بنات. بسنت: منال إحنا مش فايقين للخناق. أقولك هنسبلك المكان كله. منال: طب لي. أنا جايه أقولكم اللي انتوا عايزين تعرفوه. مش انتوا بتدوروا على نبض وندي وسليم. منه بستغراب: آه. انتي علاقتك إيه وتعرفي إيه أصلا. منال: ههههه. يعني انتوا متعرفوش إن نبض اتجوزت أمجد. بسنت: بطلي كلام فارغ يلا يا منه.

منال: ليكم حق متصدقونيش. بس دي الحقيقة. وسليم منهار طبعا. ونبض هايصة مع أمجد. عرسان جداد بقا. منه: انتي بتقولي إيه. امشي من قدامي حالا. بسنت: امشي فعلا. فاكرة إننا هنصدق كلامك ده. منال وهيا ماشية: تمام. شوية كدا وتتأكدوا. تشاااو يا بنات. منه: ت تفتكري بتتكلم بجد. بسنت: بجد إيه. انتي كمان لا طبعاً. دا تخاريف. منه: ممم. طب قومي نروح البيت عندها نشوف الدنيا. لا أحسن أنا قلقانة. بسنت: تمام. يلا.

راحوا عند نبض البيت وقابلتهم عبير. عبير: يا أهلًا بصحاب السنيورة. بسنت: أهلًا يا طنط. هوه فين نبض وندي. منه: اه مش باينين. عبير: انتوا متعرفوش إن صحبتكوا السنيورة لفت على أمجد ابني واتجوزوا هربوا مع بعض. منه وبسنت بصدمة: يعني إزاي. منه: إزاي يا طنط دي بتحب سليم. عبير: أنا معرفش حاجة غير إنها ممرتش فيها التربية. وحطت راس عمها وابن عمها في الأرض. وخانت خطبتها. ندي: ماما إيه ده. انتوا عرفتوا. منه:

إزاي متقوليلناش يا ندي. وفين سليم. ندي: إحنا عرفنا بليل. وسليم كان معانا وعرف. ومن ساعة ما مشي وهو مش بيرد. ومعرفش عنه حاجة. بسنت: وازاي اصلا نبض تعمل كدا. ندي: معرفش والله. إحنا مصدومين من امبارح ومش مصدقين. بس بعتوا ورقة الجواز. وكمان جواب. بيقولوا إنهم اتجوزوا وهيبعدوا فترة. منه: لا لا الحوار فيه غلط. دا نبض بتحب سليم جدا. ومستحيل تبص لامجد. ندي:

بعيدًا إنها تبص لامجد اصلا. تخون سليم إزاي. هوه دا اللي مش قادرة أفهمه. بسنت: طب إحنا لازم نشوف سليم فين. لي يعمل حاجة في نفسه هو كمان. منه: اه. ندي: استنوا البس وأجي معاكم. ندي راحت لبست. وهيا نازلة قابلت ادم. ادم: رايحة فين. ندي: بسنت ومنه هنا رايحين نشوف سليم. ادم: أنا بعت حد يدور على أمجد. وهجيبه في أسرع وقت. ندي: تفتكر يكونوا ااا يعني. ادم: بس يندي. متفكرنيش. بس. ندي: أنا بفكر معاك بصوت عالي يا ادم. ادم:

روحي معاهم. ولو عرفتي حاجة قوليلي. عشان بتصل بيه الفون مقفول. ندي: تمام يا ادم. ادم في سره بعد ما مشيت: يارب. لا يارب متكملش الكسرة. يارب يكون في حاجة غلط في الموضوع. وميكنش احساسي كدب. متكسرنيش ينبض. متكسرنيش مع أخويا. مش هستحمل إنكم تأكدوا الموضوع. يارب كن معايا. في شقة أمجد: أمجد فتح الأوضة ودخل: أنا جبتلك لبس أهو عشان تلبسي. ودا الفطار. نبض ببكاء: مش عايزة. أمجد:

نبض يا حبيبتي مينفعش كدا. لازم تفطري. حلو وتتغذي وتتعودي على كدا. أنا قولتلك مش هتخرجي من هنا إلا على فرح سليم. يلا يا حبيبتي كُلي يلا بقا. نبض: لا سليم مش هيعمل كدا. أمجد بنرفزة: إيه سليم سليم سليم. آخر مرة بقولك. سيرته متتفتحش. وهتاكلي غصب عنك. نبض: انت لي بقيت وحش كدا. أمجد: من ساعة ما رميتي حبي ليكي ورا ضهرك. واخترتي سليم وحبتيه. وأنا أقسمت إني هعمل أي حاجة عشان تكوني ليا أنا بس لوحدي. ومش هتكوني لسليم. نبض:

وانت فاكر إني ممكن أتجوزك. ده يبقى آخر يوم في عمري. أمجد: وانا هيبقى آخر يوم في عمري. لو خليت سليم يقربلك. على جثتي. نبض فاهمة. انتي بتاعتي أنا وبس. نبض: انت مريض. مريض يا مجد. فوق بقا فوق. أمجد خرج وسابها بتعيط. نبض:

يارب بقااا. خرجني من هنا. يسليم تعالي خدني. يارب متصدق أي حاجة من اللي هوه بيقولها. يرب بقا انت فين يا ادم. تعالي خدني. يارب متخلهمش يكرهوني ولا يصدقوه. يرب أكيد سليم منهار. أنا عايزة سليم. بحبك وهفضل أحبك طول عمري. يسليم يرب بقااا. أما البنات فراحوا لسليم الشقة ومش لقوه. ودوروا كتير ومعرفوش يوصلوا له. بليل في النايت كلب: سليم قاعد سكران وشرب كتير وبيكلم نفسه. سليم:

هههههه. طلعت أهبل في الآخر. لا بتقولي نصيحة من أخت. ودبلتك رميتها. لا برافوا. أنا كنت خاطب إبليس. ههههه. انتي ينبض تعملي كدا. دانتي مشفتيش مني غير الحلو وبس. لي ينبض. لي. وافتكر اليوم اللي اعترف لها بحبه. Flashback…… كانوا في شرم. رحلة تبع الجامعة. وسليم ظبط على الشط منظر جميل خالص. منه: كده كله تمام. سليم: ههه. تمام. متشكرين يا رجالة. بس أوعى بسنت تقولها كل حاجة. هضيع. منه: لا لا عيب عليك. كله تحت السيطرة.

حد من الشباب بتوع الديكور: كده كله تمام. إحنا جاهزين وكل حاجة جاهزة. سليم: تمام. منه خلي بسنت تلبس نبض الفستان اللي جبته. منه: تمام. هبعتلها. وانت روح البس. وأنا هكمل الديكوريشن اللي ناقص. سليم: تمام. تمام. ندي: أنا خلصت. منه: وأنا كمان. كده الدنيا زي الفل. ندي: والنبي أنا بنت عمو. وقعت. وقفة الواد عملها منظر ولا أروع. تعالي ناخد كام سيلفي وصور كده جنب المنظر. منه: ههه. شور يقلبي. يلا.

وفضلوا يتصوروا. أما عند نبض وبسنت. نبض: يا بنتي لي ألبس الفستان ده. مش فاهمة. ولي حبساني في الأوضة. بسنت: يووووه ينبض بقى. البسيه. في حفلة معموله. وكلنا هنلبس وننزل. نبض: تتم حفلة. مش هلبس فستان. هلبس أي حاجة كلاسك. مش لابسة فستان. بسنت: نبض لو سمحتي. كلنا هنلبس كدا. نبض: فين ندي ومنه. منه: إحنا أهو. نهارك أسود. لسه ملبستيش. نبض: آه. مش هلبس للفساتين دي. ندي: لا يلا. هتلبسي.

ولبسوها غصب عنها الفستان. وكان عبارة عن فستان سيموني طويل وفي ورد كتير وشيفون. وكان جميل. وسابت شعرها وحطت تاج ورصص صغير وميكب هادي. أما عند سليم فهو لبس بدلة سودا وكان موز. ونزل استناها على البحر. ونبض نزلت. وفى طريقها قبلت الدفعة بتاعتها. كل واحد ماسك ورقة ومكتوب عليها حاجة. من أول ورقة مكتوب: "قبلتك صُدفه فأحببتك" "غيرت لي تفاصيل حياتي" "اكتفيت بيكي عن الناس" "غيرت من نفسي كتير" "ومستعد أضحي بحياتي"

"بس انتي ترضي تنوريها" "بوجودك جمبي حياتي بتكمل" "يمكن أول مرة هقولها ليكي" "تقبلي تتجوزيني" وبعد الجملة الأخيرة سليم ظهر من وسط صحابه وماسك ورد وقالها: "بحبك تتجوزيني ينبض. تقبلي تشركيني حياتي وتكوني ملكة قلبي وبطلة كل يوم في عمري. تتجوزيني." نبض كانت فرحانة جدا ووافقت. والشباب سقفوا وهيصوا. وهو لبسها خاتم ألماس في فص شكله حكايه ولبسه ليها. وكانوا فرحانين وغنوا لها أغاني كتير. وكانوا حلوين جدا. Back…… سليم:

يخسارة كل حاجة ينبض. يخسارة. منال جت عليه: أنا جنبك ومش هسيبك أبدا يا سليم. سليم: أنا تعبان. أنا عايز نبض. منال: تعالي معايا يا سليم. نروح نرتاح. وانت لازم تنام. سليم: أنا تعبان. تعبان. ومنال أخدته لبيتها. سليم: نبض لي عملتي كدا. أنا بحبك أوي. منال: وأنا كمان بحبك أوووي يا سليم. سليم حضنها وفضل معاها لحد الصبح. وهوه فاكرها نبض.

سليم صحي الصبح وشافها جنبه. اتخض واتنفض. وفضل يفتكر. أي اللي جابه هنا. مش عارف أي حاجة. ولا فاكر أي حاجة. منال: صباح النور يا حبيبي. سليم بصدمة: …………