رواية نبض الفصل السابع 7 - بقلم نور احمد

فجأة رن الجرس وكلهم راحوا على الباب واتفاجئوا بجمال. جمال: السلام عليكم، ما شاء الله، انتوا آدم وأمجد كبرتوا يا ولاد. ادم: احم، حضرتك جمال صح؟ جمال: هه، آه أنا، يا سيدي، انت بقى آدم ولا أمجد؟ ادم: لا، أنا آدم. سليم: مين دا؟ ادم: احم، خال نبض. جمال: إيه يا أمجد، مش فاكرني ولا إيه؟ سليم: لا، أنا مش أمجد، أنا سليم، وابقى... ادم: احم، صاحبي. سليم بص لآدم باستغراب: ااا، اتفضل، اتفضل جوه. جمال دخل. جمال: اومال فين نبض؟

مش ظاهرة، يعني وحشتني أوي، آخر ذكرى ليا من أمها. آدم وسليم سكتوا. إبراهيم وهو جاي عليهم: إيه يا آدم، عرفت حاجة عن نب... إيه دا، جمال، جيت امتى؟ جمال: ههه، أمشي يعني ولا إيه؟ إبراهيم: ودي تيجي، عامل إيه، وحشني والله. جمال: والله انت أكتر، يلا يا آدم، اطلع هات نبض، وحشتني جدا. ندي: لقيتوا حاجة؟ جمال باستغراب: لا، أكيد، انتي مش نبض؟ ندي: لا، أنا ندي، حضرتك مين؟ إبراهيم: ندي بنتي، جبتها بعد ما انت سافرت.

جمال: آه، ازيك يا حبيبتي، أنا عمك جمال، خال نبض. ندي: بجد، إزاي حضرتك؟ جمال: كويس، والنبي، اطلعي اندهي نبض، عايز أشوفها، هوه أنا هشحتها منكوا ولا إيه؟ ندي: ااا، لا، بس أصل... ادم: هيا مع أمجد، كانوا في المول. جمال: لحد دلوقتي؟ دي الساعة داخلة على 11. سليم: والنبي، متفكرني. جمال: أفندم؟ ادم: لا، هوه ميقصدش حاجة. سليم نفخ وفضل يكلمهم ومش لاقي أي استجابة. سليم: لا بقى، أنا مش هسكت، يا آدم، متعملش حاجة، انت مش قلقان؟

ادم: أكيد، متزفت يا سليم. جمال: متفهوموني يا جماعة. سليم بنرفزة: أفهمك أنا بقى، أنا سليم، خطيب نبض، وهنتجوز، أما بقى أمجد، فهو أكيد عمل حاجة في نبض، وأنا مش هسكت. ادم بنرفزة: سليم، متنساش نفسك، انت في بيتي، وبتتكلم على أخويا، ونبض دي أختي وبنتي، فاهم؟ كلنا قلقانين عليها، وكمان قلقانين على أمجد، فنهدى كدا. ندي: صح يا سليم، هما إخواتنا، وإحنا كلنا قلقانين عليهم. جمال: كلام إيه دا يا إبراهيم؟

إزاي يعني مش عارفين توصلوا لهم؟ إبراهيم: إن شاء الله هيظهروا. رن جرس الباب، وآدم جري يفتح، شاف جواب، فتحه واتصدم. سليم: في إيه؟ ادم: ... سليم شد الورقة منه، وأخد صدمة أضعاف أضعاف أضعاف. سليم: إيه، إيه دا؟ مين اللي اداك البتاعة دي؟ ادم بنفس الصدمة: معرفش. فتحه لقى... سليم بضياع: لا، لا، الكلام دا مش حقيقي، لا، لا، نبض بتحبني. ادم رد. إبراهيم: في إيه؟ ادم بصدمة: نبض وأمجد اتجوزوا، وبعتين ورقة الجواز. جمال: نعم؟ إزاي؟

هيا مش خطبتك بنت أختي؟ ابنك وداها فين يا إبراهيم؟ دانا أهد البيت دا على راسكوا. عبير: تلاقيها لفت عليه الحرباية، وخلته يقطعنا. إبراهيم: بس يا عبير، مش عايز أسمع صوتك. سليم بصدمة ماسك الورقة وحاسس بضياع. راح على ندي. سليم: ندي، بسي، أنا مش مصدق، طب خدي شوفي، قوليلي دا مش صح، وإني مش نبض، والنبين... ندي: معرفش، أنا مش مستوعبة، إزاي يعملوا كدا. سليم بصراخ: لا، لا، مش حقيقي، لا، نبض بتحبني، أنا فاهمين؟ نبض بتحبني أنا.

ادم لقي جواب مع الورقة وقرأه. ادم بتوهان: مستحيل. سليم شد الورقة منه وقرأها، ولقى خط نبض مكتوب ونفس إمضتها. سليم: مستحيل، نبض متعملش كدا، لا، حد يرد عليا يجدعان. نبض، نبض بتحبني، اتخطبنا، وهيا بتحبني، هـ... هتتجوز أمجد لي؟ دي بتعتبره أخوها، حد يرد عليا. إبراهيم: إحنا لازم نعرف منهم اللي حصل، انتوا متأكدين إنها إمضتهم؟ ندي: آه، إمضتهم، بس دا شيء مستحيل، نبض بتحب سليم، إزاي يتجوز...

سليم وهو خلاص هيعيط: أنا زعلتها النهاردة، ودا من غيرتي عليها، والله، بس تعمل فيا كدا. ادم: اهدي بس، أنا مش مستوعب أصلاً. سليم: أهدي إيه؟ أهدي إيه؟ وأنا خطيبتي مختفية؟ ويوم ما يظهر ليها حاجة تكون ورقة جوزها؟ أنا عملت إيه؟ ما كل الناس بيحصل ما بينهم مشاكل، حد يرد عليا. جمال: أنا عايز بنت أختي، انتوا عملتوا إيه فيها؟ إبراهيم: بس، إحنا لازم نجيبهم هنا الأول، ونفهم منهم. ادم بنرفزة: نفهم منهم إيه يا بابا؟

دي إمضتهم، أنا متأكد، وكمان كاتبين رسالة إنهم اتجوزوا، وهيبعدوا فترة وهيرجعوا، نفهم إيه؟ أنا اللي مش قادر أستوعبه إن نبض تعمل كدا، إزاي؟ سليم بضياع: أنا كنت بحبها، وكنت بعمل كل حاجة عشانها، لي تعمل فيا كدا؟ ندي بدموع: سليم، بليز، اهدي، كلنا اتصدمنا. سليم: اتصدمتوا إيه؟ أنا خطيبتي اتجوزت؟

ههههههه، نبض، نبض، لا، لا، لا، نبض بتحبني، أوعى، أوعى، تلاقيها مستخبية مني كام يوم عشان زعلتها، بس أنا هروح أنام، والصبح هاجي هنا، هتكون جت، هههه، قال تتجوز قال. ندي: سليم، بعد إذنك، اهدي وفوق. سليم: أفوق إيه؟ أفوق من إيه؟ نبض، يندي، نبض... (ودمع) نبض بتحبني يا ندى، إزاي تتجوز أمجد، إزاي؟ ندي بعياط: طب اهدي، اهدي بس، وفوق عشان نعرف نفكر. سليم بنرفزة: متقوليش أهدي، أنا، نبض قتلتني بسكينة لمة، يا ندى.

ادم: سليم، اهدي، أنا حاسس إن نبض متعملش كدا. سليم: بعتين الورقة، وكمان جواب معاه، وتقولي حاجة غلط؟ كل دا عشان زعلتها النهاردة، منا صلحتها بعدها، لي تعمل كدا فيا؟ (وخرج وسبهم) ندي: الحقيه يا آدم. ادم: إزاي نبض تعمل كدا؟ إزاي؟ (وفضل يكسر في الحاجة) جمال: أنا ماشي، بس الله في سماه لهتندم يا إبراهيم، انت وابنك اللي أخد بنت أختي، هتندم. إبراهيم: آدم، دور على الزفت أخوك وهاته من تحت الأرض. عبير: منها لله.

ادم بنرفزة: ماما، مش عايز أسمع صوتك. عبير: لسه بتدافع عنها، وهيا هربت مع أخوك. ادم: ولحد ما نفهم إيه اللي حصل... (وطلع الأوضة وفضل يكسر في الحاجة) أما سليم، فركب عربيته وهو منهار وضايع، لقي رسالة من فون نبض، فتحها بسرعة، ولقى...

"سليم، أنا عارفة إنك دلوقتي عرفت إن أنا وأمجد اتجوزنا، متزعلش مني، بس مكنش قدامي حل تاني غير دا، أمجد طول عمره بيحبني، والي انت عملته النهاردة، أنا مستحملتوش، أنا عارفة إنك هتزعل زي ما أنا زعلانة، بس أنا اخترت الحاجة الصح، انساني يا سليم، انساني، وعيش حياتك، وأنا فترة وهظهر تاني أنا وأمجد، بس لما دا يحصل، مش عايزك تكون مستنيني، لأني مش هرجع ليك تاني، سامحني يا سليم، وشكراً على كل حاجة حلوة عملتها ليا، شكراً على كل الوقت اللي قضيناه مع بعض، باي."

سليم ضحك ضحك هستيري بوجع ودموع وعياط. مش مصدق، مش مستوعب إيه اللي بيحصل. نبض تعمل كدا فيه؟ تتجوز غيره؟ تعمل كدا فيه؟ سليم بعياط: هههههه، أسامحك؟ أسامحك يا نبض؟ ااااااااه، أسامحك؟ أسامحك، بعد ما اتجوزتي عليا؟ هههه، لا، وبتطلبيه بثقة أوي. (كمل بعياط هستيري) أنا عملتلك إيه؟

أنا معملتش حاجة، أنا متجوزتش زي ما انتي عملتي، أنا بس كنت عايزك تغيري شوية وتضايقي زي ما أنا ضايقت، يارب يكون حلم، يارب أصحى، مش عايز دا يكون حقيقة، لا، لا. (وكمل عياط ومشي بالعربية، وشغل أغنية "سلمتلك"، وراح على النيل للمكان اللي كان بيقعد فيه هو ونبض) على الناحية التانية، في شقة أمجد. أمجد: أنا مش فاهم، أنا سمعت كلامك إزاي؟ وإيه غرضك من الموضوع دا؟ منال بخبث: غرضي سليم، أنا بقى، انت رضيت لي؟

لأني سمعت نبض قبل كدا بتقول لصاحبتها إنك بتحبها، مصلحتنا واحدة، يعني... (Flashback) منال بعد ما سليم مشي وسابها: ماشي يا سليم، والله لهتكون ليا غصب عنك، أما ست نبض بقى، فأنا هعرف إزاي أبعدها عنك، وفي أسرع وقت، لعب مؤمن بطيء، أنا لازم ألعب أسرع منه، مقدامييش غير أمجد، أما نشوف هتلحقها إزاي. (بعتت لامجد رسالة وكتبتله) "تمام"، وهو رد عليها. (وافتكرت بخبث) (Flashback) أمجد، نمرة غريبة اتصل بيه. أمجد: الو.

منال: الو، انت أمجد ابن عم نبض؟ أمجد: آه، في حاجة؟ منال: في مصلحة مشتركة بينا. أمجد: أنا معرفكيش أصلاً. منال: أنا منال، صاحبة نبض، وسليم معاهم في الجامعة. أمجد: أفندم؟ يعني... منال: من غير لف ودوران كدا، أنا عارفة إنك بتحب نبض. أمجد: وعرفتي منين؟ هيا اللي قالت لكم؟ منال: تؤ، سمعتها بتقول كدا. المهم، أنا بحب سليم، وعايزة أبعد نبض عنه، وانت اللي هتساعدني. أمجد: وأنا هستفاد إيه؟

منال: تعجبني، انت هتاخد نبض، وأنا هاخد سليم. أمجد: وأنا إيه اللي يضمنلي كلامكم؟ منال: مفيش ضمانات هقدر أدهالك، غير إنك هتمشي على الخطة اللي هنعملها، ولو عملناها صح، انت هتكسب نبض، وأنا هخلي سليم يتجوزني، ويبقى كدا إحنا الاتنين كسبانين. أمجد: ... منال: ها، معايا؟ أمجد: معاكي، هنعمل إيه؟ بس أهم حاجة نبض، مفيش حاجة تمسها.

منال: متقلقش، انت هتبقى معاها خطوة بخطوة. اللي هيحصل إنك هتقولها تعالي معايا في أي حتة، بس في وقت تشغلها فيه، علشان متلحقش تقول لسليم. وأنا هكون مهمتي إني لما أشوفهم أضايقها وأشغل سليم عنها، انت هتاخدها معاك. (وشرحتله بقية الخطه) أمجد: وافرض محصلش كل التخطيط دا؟ منال: لو مشيت على الخطة، تمام، هنكسب، صدقني. أمجد: وهنعمل كدا امتى؟ منال: بكرا. أمجد: تمام. منال: بس لازم نكون ماشيين مع بعض خطوة بخطوة. أمجد: اتفقنا.

(بعد ما قفل معاها) أمجد: أسف يا نبض، بس انتي مش هتكوني غير ليا أنا بس، ودي فرصة وجات لحد عندي، ومش هضيعها، وكدا هضمن إن سليم يبعد عنك، ومش هتلاقي غيري اللي هيبقى جنبك، بعد ما هيا هتتجوز سليم، ااااه، بكرا تبقي في حضني للأبد يا قلب أمجد، بكرا كل حاجة هتتصلح، يا حبيبتي. (ويفعل، خطتهم مشيت زي ما خططوا، وأمجد قدر إنه ياخد نبض) (Back) أمجد: وانتي هتعملي إيه؟ وهتخلي سليم يتجوزك إزاي؟

منال: دي بقى مهمتي، متقلقش، لازم أمشي دلوقتي، ومن بكرا هبدأ اللعب. (مشيت، وأمجد دخل الأوضة عند نبض)

أمجد: أنا آسف، بس أنا بحبك من وإنتي عيلة صغيرة، وأنا كبرت وحبك في قلبي زاد، مكنش ينفع حد يجي ياخدك مني بسهولة كدا، ودي فرصة وجاتلي لحد عندي، عارفة هتزعلي شوية، بس صدقيني، مش هتلاقي حد بيحبك زي، ولا هيكون عايزك جنبه زي، أنا بحبك، ونفسي تحسي بيا، كل مرة كنت بشوف معاملتك ليا، ومعاملتك لآدم، رفضك ليا، وإنتي عارفة إن بحبك، وحبك لسليم مكنش ينفع أقف أتفرج عليكي، اسمحيني يا نبض، اسمحيني.