رواية نبض الفصل الثامن عشر 18 - بقلم نور احمد

عند ادم بليل ادم بيكلم ملك في الفون ادم: هوه دا كل الي حصل لك ملك: ادم انا مصدومة لحد دلوقتي انت ازاي تسبها لوحدها وتمشي وانت مش عارف هتروح فين ادم: انا موجوع منها ملك: ادم انت مصدق انها تعمل كدا ادم: الصور وتحاليل الدكتور اكيد كل دا مش كذب ملك: بس يا ادم ما ممكن يكون التحاليل غلط ادم: غلط ازاي يا ملك الدكتور كان معانا من البيت واسم نبض على التحاليل والصور اللي اتبعتت هيكون إيه اللي غلط غير ثقتي الزايدة فيها انا

لازم اخلي بالي من ندى ملك: ادم اعقل كدا دول ندى ونبض انت اللي مربيهم ادم: خلاص يا ملك بجد مش قادر اتكلم ملك: اهرب يا ادم اهرب انا عارفة وواثقة دلوقتي إنك هتموت وتطمن عليها ادم: ملك خلاص بجد ملك: تمام يا ادم سلام ادم: ملك ملك يارب بقى وجاب رقم نبض وكان هيتصل ورجع في كلامه

أي يا ادم اعقل كدا دي تحاليل دكتور ومستشفى وصور اتبعتت وهما طالعين الشقة مع بعض بس الله في سماه يا يوسف لهجيبك وأعرفك ازاي تعمل كدا بس أما ترجع الواطي يعمل العملة ويهرب دانا هربيكوا من الأول اصبروا وراح أوضة ندى ندي: هههههه بجد يا نادر نادر: طبعًا يا بنتي طبعًا أنا آه أكبر منك بكام سنة بس هلاس ميغرّكش الجرافته والبدلة اللي بلبسهم الصبح ندي: بصراحة يعني كنت فاكرك أعقل من كدا نادر: آه آه خاف من دي لا بقولك إيه استر

عليا الله يستر عليكي ندي: هههه لا مش هستر لا نادر: أهون عليك يسونه يخاين ندي: ههههههه والله يا نادر ضحكتني وأنا مليش نفس أضحك نادر: حسيت عشان كدا اتصلت أتجنن معاكي شوية ندي: أنا كنت بتجنن مع أختي نادر: اللي هي نبض اللي حكتيلي عنها قبل كدا ندي: آه هي نادر: طب هي فين ندي بدموع: حصلت ظروف ومشيت ومش هترجع تاني نادر: طب ليه كدا ندي: ظروف نادر: ممم شكلك كدا مش عايزة تحكي ندي: والله لو حاجة تخصني لوحدي كنت حكيت

لكن للأسف مش هعرف نادر: خلاص ولا يهمك بس مش عايزك تزعلي وشدي حيلك الامتحانات قربت ندي: حاضر نادر: يا أحلى حاضر ندي: مممم طب أنا مش فاهمة حاجات في مادة••••• أصل الدكتور بتاعها مش بيفهمني نادر: ممممم عارف عارف الدكتور دا حتى بالمرة كدا مستني الامتحانات عشان يكمل نص دينه ندي: احم سلام وقفت ندي: هوه انت آه موز ومسخرة وكل حاجة بس مش عارفة بقى ادم: أقدر أدخل ندي: طبعًا يا حبيبي تعالي ادم: عاملة إيه ندي: كويسة وانت ادم:

مش عارف ندي: ادم أنا ادم: ندى متتكلميش في الموضوع دا ندي: بس يا ادم ادم وهوه قايم: أنا غلطان إني جيت ندي: ربنا يهديك يا ادم واتصلت بنبض ومردتش عند نبض صوت من وراها: إيدك لتوحشك نبض بصدمة ودموع: يوسف الشاب: إيه يا برنس تكفينا يوسف: وماله وطوح فيهم الضرب والشباب جريوا يوسف راح على نبض وزعق: لوحدك هنا دلوقتي بتعملي إيه نبض بدموع: يوسف أنا أنا يوسف: ممم انتي إيه نبض فضلت تعيط ويوسف جنبها وعمال يهديها

يوسف: خلاص بس بس أنا كنت خايف عليكي أنا لو مكنتش موجود معرفش العيال دول كانوا عملوا فيكي إيه وفضلت تعيط كمل بمرح: بس يروحي بس حبيبتي أجيبلك بنبوناية زيك كدا نبض بصتله وحضنته وفضلت تعيط يوسف حس إنها عايزة تعيط وتخرج كل اللي جواها وحس إن في موضوع كبير مزعلها عشان كدا سابها تعيط وهوه سكت وبقى يمسح على شعرها ويهديها بكلمات مطمئنة وبعد شوية بعدت عنه يوسف: بقيتي أحسن نبض هزت راسها يوسف: بتعملي إيه بقى دلوقتي هنا نبض:

أصل أصل يوسف: هممم نبض: بس هقولك أصلي مش لاقية غيرك يوسف: ومش هتلاقي غيري يا نبض جمبك على طول نبض بدموع: بس أنت مشيت يوسف: مبعدتش كتير ده هو يوم ونص نبض: بس بعدت يوسف: حقك عليا يا ستي وادي راسك أهي وباس راسها نبض: خلاص سامحتك بس يوسف: بس إيه ثم أصلاً بتعملي إيه هنا تعالي أروحك يلا نبض بحرج: لا منا معنديش حتة أروح فيها يوسف: لا سوري وبيت عمك ده نبض: كان بيتي يوسف: يعني نبض: اللي حصل إنو

وحكتله كل حاجة وإن في حد صورهم وتحاليل المستشفى وكل ده يوسف بغضب: ا************ إزاي أهلك يصدقوا حاجة زي دي نبض بدموع: معرفش بس هي مجتش عليهم أنا اتغدر بيا من كل الناس اللي حواليا مجتش على ادم وندى يوسف: طب تعالي نروح لهم وأجيب بيبو ونشرح لهم اللي حصل نبض: يوسف ممكن توعدني إنك هتعمل اللي أنا عايزاه يوسف: أوعدك بس إيه

نبض: مش عايزك تيجي جنب الموضوع ده خالص ولا عايزة حتى أثبت لهم إني مظلومة مش عايزهم تاني أو حاليًا بجد تعبت يا يوسف أنا كل حاجة وحشة بتحصلي ورا بعضها مش عايزة مشاكل وأنت وعدتني يوسف بهدوء: ماشي هتعملي إيه دلوقتي نبض: مش عارفة بس هفضل في العربية وأقفل اللوك وخلاص يوسف: يا حبيبة أمك نبض: يوووسف يوسف: يوسف إيه اركبي العربية وامشي معايا يلا نبض: فين يوسف: هوديكي عند بيبو نبض: لا لا لا يوسف: ليه نبض: لا هتسأل

وأنا مش عايزة أقولها يوسف: مممم خلاص تعالي شقتي نبض: أنت قليل الأدب يوسف: مش قصدي يا محترمة أنا قصدي الشقة اللي جايبها أتجوز فيها إن شاء الله روحي اقعدي فيها نبض: وأنت يوسف: أنا كدا كدا قاعد مع الشباب نبض: يوسف: مفيش بس خليكي واثقة فيا شوية نبض: على فكرة أنا لو مش واثقة فيك مكنتش حكيتلك يوسف: أنا يا بنتي شكراً على ثقتك الغالية نبض: هاهاها طب يلا يا خفيف يوسف: يلا يا أختي سليم: نبض نبض اتصدمت وخافت لتحصل حاجة وخصوصاً

يوسف معاها نبض: ن نعم يا سليم يوسف: بقولك إيه وحياة أبوك لتمشي عشان مموتكش بجد سليم طنشه: نبض عايز أتكلم معاكي شوية ينفع نبض: مفيش كلام بينا يا سليم سليم: طب اسمعيني لآخر مرة نبض بصت ليوسف يوسف: إيه بتبصي لي نبض: هتكلم معاه يا يوسف استني شوية سليم: شكراً يوسف: والله ماشي يا نبض خمس دقايق نبض ابتسمت: خمس دقايق يوسف راح وقف على العربية سليم: مكنتش أعرف إني اتنسي بسهولة دي نبض: سليم لو هتتكلم كدا همشي

سليم: لا متمشيش أنا بس هقول كلمتين ويا ريت تسمعيني نبض: اتفضل بس بسرعة سليم: حبيتي نبض بصتله: ارتحت له وباطمن معاه

سليم ابتسم بوجع: يبقى حبيتي يبقى المهم مش مشكلتي ربنا يسعدكم مع بعض المهم متقطعنيش في اللي بقوله نبض أنا من أول يوم شوفتك فيه وأنا بحبك ومش حبيتك بس أنا عشقتك عشقت ضحكتك ابتسامتك البرفيوم بتاعك أسرني النمش اللي مشفتش واحدة عندها نمش بجمالك حتى لون عينك لما بشوفها بحس إني في إيدي الدنيا بحالها عشقت ثقتك بنفسك عشقتك يا نبض والحمد لله خطبت أحلى إنسانة في الدنيا حتى لو كانوا يومين فما كانوا أحلى يومين في الدنيا اللي عايز

أقولهولك إن اللي حصل لنا مكنش غلطتي أنا لوحدي ابن عمك الله يرحمه هو السبب في كل حاجة حصلت لنا بس عارفة برجع أقول إن لو كان حبنا كبير كان زمانك سمحتيني بس عارفة أنا لسه واقف عند النقطة اللي سبتيني فيها مش قادر أكمل حياتي عكسك أنت كملتي حياتك أهو بس أنا اللي حصلي مكنش قليل عشان كدا قررت أسافر هسافر وأسيبك وأسيب كل الأماكن بالذكريات هسيب كل حاجة بتفكرني بيكي يا نبض بس هسيبهم وأنا بحبك ولسه هحبك يا نبض ولحد ما ألاقي

واحدة نسخة منك هفضل أحبك .. مع إن صعب الواحد لما يعيش ينسى!!

وقال آخر جملة بدموع وسلم عليها ومشي نبض بدموع وراحت ليوسف يوسف: بتعيطي ليه قالك إيه الواد ده نبض: مقلش حاجة هو مسافر أصلًا يوسف: أحسن يلا امسحي دموعك نبض: اتصور شايف إنه هو مظلوم ميعرفش إني أكتر واحدة الدنيا جاية عليها يوسف: وأنا معاكي الدنيا هتبقى حلوة بس يلا امسحي دموعك خليني أوصلك عشان تنامي يلا وفعلاً وصلها لحد البيت وطلع وراها نبض: بجد ميرسي يا يوسف على كل اللي بتعمله معايا وعشاني يوسف: متشكرنيش يا هبلة

نبض: هوه أنت بتعمل معايا كدا ليه يوسف بغمزة: في الآخر هتعرف ومشي وسابها ونبض دخلت واتنهدت بحزن وغيرت هدومها وقعدت تفكر في كل اللي حصلها وفي ادم آخر واحد كانت تتوقعه منه إنه يعمل معاها كدا وغلبها النوم ونامت عدى شهر بحلوه ومرة شهر على كل أبطالنا عدى كأنه سنة على ناس وعلى ناس تاني عدى زي نسمة الشوق

نبض عاشت شهر بين الوجع وبعدها عن ادم وندى وزعلها على منه بس يوسف كان معوضها كتير كان بيوديها كل يوم عند منه وبيخرجها وبيخاف عليها وبيطمنها دايما إنه جنبها وعمره ما يسيبها يوسف كان دايما حاسس إنه بيكنترول على مشاعره بزيادة وده كان مدايقه جدًا لأنه عايز يعترف لنبض بحبه بس الخوف من الخسارة كان دايما بيمنعه بس كان وهيكون جنبها دايما وحبه ليها بيزيد كل يوم عن اليوم اللي قبله وعاهد نفسه إنه هيجي اليوم اللي تكون فيه مراته

منه هيا لسه في العناية بس اتحسنت كتير والكسور خفت بس هي لسه في الغيبوبة جاسر: فهو اتفق مع سالي خطيبته إنهم هيتجوزوا بس مستني عشان أحمد ادم: فهو قلبه واجعه على نبض أوووي بس كان في حاجة منعاه وكل ما يكلمها يرجع في كلامه بس كان كل يوم بيقرب لملك عن اليوم اللي قبله وقرر إنه مش هيسيبها مهما حصل فهما واجهت أهلها بعلاقتها بادم وعرفتهم إنها مستحيل تتخلي عنه تاني وإنها بتحبه لأنه أهلها جابولها عريس ورفضته

ندى: فهيا كانت هتموت وتشوف نبض وحشتها جدا وكمان قربت من نادر جدا وحست إنه الإنسان اللي ممكن تكمل معاه حياتها وحبته وهوه كان مستني الوقت المناسب عشان يتقدملها أحمد: فهو كان حاله حال كان كل يوم بيروح لمنه ويحكيلها عن تفاصيل يومه وقد إيه هي وحشته ونفسه إنها تقوم بسلامة عشان هي وحشته أوووي أما عند أحمد في الشغل هو بقى عصبي أكتر وده طبعًا بسبب خوفه على منه وبقى شخص تاني عند ادم في الشركة

سلمي سكرتيرة ادم الجديدة: أستاذ ادم في واحد برا بيقول عايز حضرتك في مسألة حياة أو موت ادم بستغراب: عايزني أنا سلمي: آه يا فندم ادم: تمام دخله أنا أشوف سلمي: تمام يا فندم عن إذنك وخرج ودخل الشاب ادم: مش أنت الشاب: آه أنا دكتور عادل ادم: خير عادل: طبعًا حضرتك فاكر من شهر تقريبًا أخت حضرتك تعبت وأنا جيت الفيلا وبعدها أختها على المستشفى ادم: آه حصل عادل: احم هوه التحاليل والكلام اللي قولته ده كان كله مزور ادم

قام وراح ماسكه من هدومه: أنت بتقول إيه إبراهيم وهوه بيدخل الأوضة: ادم بتعمل إيه ادم: الواد ده بيقول إن تحاليل نبض هوه اللي زورها عادل: أهدي بس وأنا أفهمك أنا معملتش كدا من دماغي ادم بزعيق: اومال عملت كدا إزاي ولا أصلاً عادل: مامتها هيا اللي قالتلي ادم: مامتها ميتة أصلًا هتقولك امتى

عادل: لحول ولا قوة إلا بالله ماتت زي والدي عشان كدا جاي أبرأ ذمتي أنا أبويا مات بغلط في الكشف وده كان سبب موته وأنا دكتور وعرفت إن غلطة واحدة ممكن تموت أكتر حد عزيز عليك واليوم ده مامتها كانت معايا في الأوضة هيا اللي قالتلي إني لازم أعمل كدا عشان أنقذها بصراحة أنا صدقتها وعملت كدا وزورت التحاليل إبراهيم: أنت بتقول إيه

عادل: والله هوه ده كل اللي حصل وأنا مستعد أكفر عن غلطي حتى لو هتحبس أنا أبويا ضاع بسبب إني عملت كدا أكيد ربنا له حكمة وأنا راضي ادم: يعني الست اللي كانت معاها في الأوضة هيا اللي قالتلك تعمل كدا عادل: ادم: مستحيل عادل: هوه أنا مش عارف أثبتهالك إزاي غير إني جايلك بنفسي وبعترف ودي ترجع لكم بس برحمة أبويا اللي بقوله حقيقي إبراهيم: عبير

ادم: نبض نبض غبي غبي غبي نبض مش هتسامحنا أنا عارف نبض لازم أعرف هي فين وأنت صدقني هتندم والله لتندم على اللي عملته .... ودي عشان وجع قلبي دلوقتي ..... ودي عشان أبوك اللي مات بسببك إبراهيم: ادم يلا نرجع البيت في حساب قديم لازم أقفل ادم: وده إبراهيم سكت ومشي وادم راح وراه في فيلا إبراهيم إبراهيم: عبير عبير ندى: إيه يا بابا في حاجة ماما فوق إبراهيم: طيب وطلع ليها ادم وهوه داخل بيجري: بابا فين ندى: طلع لماما هوه في إيه

ادم بص لها: أقولك إيه بس إذا كان أنا لحد دلوقتي مش مصدق إن ماما تعمل كدا ندى: عملت إيه ادم حكلها ندى بدموع: نبض أنا كنت حاسة بس ماما تعمل كدا أنا عارفة بتكرها بس مش لدرجة إنها تعمل كدا نبض مستحيل نسامحنا دي بقالها شهر منعرفش عنها حاجة ادم: اااااه نبض وجع قلبي عليها أنا لازم ألاقيها بس هشوف بابا هيعمل إيه ندى بدموع: ليه كدا يا ماما فوق عند إبراهيم إبراهيم: عبير عبير: يختي بسم الله الرحمن الرحيم مالك يا إبراهيم

إيه جابك دلوقتي إبراهيم: كنت فاكر إن كرهك ليها عشان معرفتيش تاخدي أبوها لأ، ده انتي طلعتي سودا أوووي كانت غلطة كبيرة أوووي مني أكمل معاكي وأنا عارف ****** اللي كنتي بتحاولي تعمليها مع أخويا عبير: أنت بتقول إيه

إبراهيم: بقول ليه تكوني فاكرة إني معرفش أنا عارف كل حاجة وكنت بطنش وبعمل مش واخد بالي كنت مغفل يا مدام بس ال****** توصل بيكي لحد إنك توسخي شرف بنت أخويا وتخلينا نصدق إنها تعمل كدا ونطردها وبقالها شهر منعرفش عنها حاجة خلتيني أخسر أمانة أخويا وأرميها في الشارع منك لله منك لله عبير: محصلش محصلش إبراهيم: انتي لسه بتكذبي ترررراخ بالقلم. *فرحانة فيكي🙂*

القلم ده يا هانم عشان اللي خلتيني أعمله والعيبك ****** اللي بتعمليها الدكتور اللي اتفقتي معاه جي واعترف وقال كل حاجة وأنا في إيدي أحبسك بس عارفة مش هعمل كدا عشان ولادك وبنتك بس انتي طالق يا عبير طااالق لمي حاجتك ومش عايز أشوف وشك هنا تاني عبير بعياط: سامحني بالله عليك عشان ولادك إبراهيم: أنا عشان ولادي بعمل كدا لمي حاجتك وبرا يا عبير برااااااااا ونزل إبراهيم: ادم اقلب الدنيا على نبض وتجبها لازم أعتذر لها

على اللي عملته فيها ادم: وماما إبراهيم: متجبش سيرتها أنا طلقتها خلاص مش عايز أسمع سيرتها هتاخد هدومها وتمشي وخلص وخرج ندى بدموع: ماما وجريت على فوق ادم: ااااااه يارب ريحنا بقى تعبنا في المستشفى بليل وفي يوم كان قاعد مع منه وبيحكلها وقام يصلي عشان يدعيلها أحمد على سجادة الصلاة: يارب قومهالي بسلامة يارب مليش غيرها يارب جيت لك بقلب مكسور يارب ردها لي وفضل يدعي كتير صوت: ههه الشيخ ميدو لجبر الخواطر حرما يا شيخ ميدو

أحمد بصدمة: بسم الله الرحمن الرحيم أتهيأ لي إني سمعت صوتها يارب وحشتني أوووي صوت تاني: عيني عليك يا شيخ ميدو قوم هاتلي ميه عطشانة أحمد لف وشه وشاف منه فاقت أحمد جري عليها: منه منه انتي انتي منه: مممم أنا إيه أحمد بفرح: الحمد لله الحمد لله أنا كنت خايف تموتي قبل ما أبوسك منه: يا حبيبي أحمد: يا إيه منه: على فكرة المفروض تعمل زي الأفلام وتجري تنادي الدكتور وكدا

أحمد: لا أنا دكتورك اصبري كدا وحضنها وفضل يعيط في حضنها ويقولها قد إيه هي وحشته وإنه اتغير وهيتغير عشانها منه: خلاص يا شيخ ميدو أنا كويسة أهو وبعدين مين كان عالم أنا لو مكنتش عملت الحادثة دي كنت عملت فيك إيه أحمد: بحبك منه بكسوف: طب يرضيك تضيع عليا اللحظة الحلوة دي هنا في المستشفى أنت مبتتفرجش على مسلسلات ولا إيه يا شيخنا أحمد بنفس النظرة: بحبك يا شيخنا بحبك يا قطتي منه: يا أدي الكسوف يا بني مبتتقلش هنا

أحمد: يعني لو في حتة تانية كنتي هتردي عليا منه: مين عالم يلا انده الدكتور عايزة أخرج من هنا أحمد: هوه ب بس أنت فوقتي إمتى منه: وأنت داخل تتوضأ بصراحة فوقت وفضلت مراقباك كدا ولما صليت فرحت بيك أووي يا شيخ قلبي أحمد بغمزة: عقبال ما تصلي ورايا في بيتي منه: هههه شكل ولا هيبقى في دكتور ولا نيلة بس بقولك إيه اتعلمت إيه بقى من قعدتك جنبي وبعدي عنك أحمد وهوه

بيقرب منها بابتسامة خبيثة: اتعلمت الرقص اتعلمت أزغرط اتعلمت البوس اتعلمت حاجات كتير أوي وقرب منها: متخدلك واحدة منه بتوهان: إيه أحمد بغمزة: بوسة منه زقته: ده لما تشوف شعر قفاك يا أحمد أبقى خدها أحمد وهوه خارج: الله على الرومانسية يا قلبي وفعلاً نادى الدكتور وأهلها دخلوا وهيا عرفت إنهم ميعرفوش بدخول أحمد هنا من الممرضة وزعلت إنها مشافته في الليل نبض عرفت معاد طيارة سليم لبست وراحت له المطار

وكان يوسف بايت في العربية عشان نبض كانت خايفة تقعد لوحدها شافها ومشي وراها نبض شافته وندهت عليه: سلييييم سلييييم سلييييم استني وجريت عليه وحضنته نبض بدموع: حاولت أبعد عنك معرفتش يا حبيبي بحبك بحبك متبعدش عني يا سليم سليم بفرحة: ياااه يا نبضي أخيرًا أخيرًا يا حبيبتي رجعتي تاني في حضني بحبك يا نبضي بحبك يوسف بصدمة: نبض نبض بتوتر: يوسف يوسف: إيه بيحصل يا نبض وإيه اللي سمعته ده

نبض: أسفة يا يوسف حاولت مقدرتش بحب سليم أسفة بجد أسفة