رواية نبضات قلب الاسد الفصل الثالث عشر 13 - بقلم حليمة عدادي

الزعيم: عندك دليل إن أسد هو اللي عمل كدا؟ قصي: إحنا بينا عداوة وهو عاوز ينتقم مني، مافيش حد هيعمل كدا غيره. الزعيم: لما أسد يجي هنعرف كل حاجة، ولو طلعت بتكذب عليا يبقى ياويلك. قصي: أوامرك يازعيم، دي آخر غلطة. الزعيم: إحنا عايزين تاخدوا الشحنة دي لأن العملية الأولى فشلت، لازم دي تنجح. قصي: إطمن يازعيم، هتوصل بسلام. *** عدى أسبوع، أسد خرج من المشفى وميرا رجعت معاه للقصر.

ليلى إطلقت من قصي اللي وافق بسرعة لما خاف من المشاكل، وراحت مع زين على القصر. في أوضة ميرا، كانت خايفة من القرار اللي أخدته. ليلى: ياحبيبتي، إنتي خايفة ليه؟ هيكون جواز على ورق علشان يقدر يحميكي. ميرا: خايفة أكون أخدت القرار الغلط. ليلى: خليكي واثقة فيهم، أنا صحيح معرفهمش كويس، لكن كفاية إنهم خلصوني من الزفت اللي اسمه قصي وسمحولي أعيش معاهم هنا. ميرا: تمام، تعالي ننزل علشان أسد مايتعصبش، أنا عارفاه.

ليلى: ههههه، بقيتي بتخافي منه يابت، دا هيبقى جوزك. ميرا: ههه، جوزي، ربنا يستر. نزلت ميرا هي وليلى، كتبوا الكتاب. زين: ألف مبروك يا بطل. ليلى: ألف مبروك يا قلبي. أسد: الله يبارك فيك، وعقبالك علشان أخلص منك. زين: هتقدر يا أسودي تخلص مني؟ أهون عليك؟ ميرا: هههه، شكلك مسخرة يا زين وإنت بتتكلم كدا. زين: إيه، مش عاجبك ياختي؟ أسد: يللا بينا، عندنا شغل مهم النهاردة. ميرا، خلي بالك على ماما، لو أي حاجة حصلت إتصلي فوراً.

ميرا: أسد، في إيه؟ خوفتني، أنا مش مطمنة. أسد: ما فيش حاجة، إطمني، يللا بينا يازين. زين وأسد خرجوا من القصر، ركبوا العربية. ليلى: أنا هروح أشوف يوسف، وإنتي روحي إطمني على ماما ملاك. ميرا: ماشي ياقلبي، وهغير لها هدومها. منة: بيتنا بقى عامل زي الملجأ، كل مرة تيجي واحدة من الشارع. ميرا: دا بيت أسد، زي ماهو بيتك، وأنا أبقى مرات أسد ياقلبي. منة: ماتفكريش إن أسد اتجوزك علشان سواد عيونك، يومين وهيزهق منك. ميرا: تعرفي حاجة؟

الأسبوع اللي سافرتي فيه إحنا أخدنا راحتنا، ياريت بلاش تزعجيني. *** الزعيم: حمدالله على السلامة يا أسد، عرفت مين اللي ضرب عليك نار؟ أسد: عرفته وهحاسبه بنفسي، أنا جيت علشان حاجة مهمة. الزعيم: أي هي الحاجة المهمة؟ أسد: شغلي معاكم أنا هوقفه، ومش هقول لحد عن شغلكم دا، كان آخر طلب لأمي هي إني أبعد عن الشغل دا. الزعيم: ههههه، هو دخول الحمام زي خروجه، شغلنا دا اللي يفكر يخرج منه هيروح على قبره.

أسد: كون مطمن، أنا مش هعمل أي حاجة ضدكم، بس شغلي معاكم انتهى من دلوقتي. الزعيم: فكر كويس يا أسد علشان ماتندمش. أسد: أنا خلاص أخدت قراري، هستأذن دلوقتي. خرج أسد وزين. الزعيم بغضب: أسد خرج عن طوعي، بس لازم يتحاسب. نيار: ناوي على إيه يا زعيم؟ *** عند قصي. أخد حمام ونام على السرير براحة. سمع صوت عالي جاي من تحت، نزل وهو متعصب. قصي: إيه الصوت دا؟ إيه اللي بيحصل هنا؟ الجارد: يابيه، الحق، الشركة كلها اتحرقت. ***

بالليل، في وقت متأخر، رجع أسد البيت وهو حاسس بالتعب. نزل من العربية، دخل القصر، لكنه اتصدم من اللي شافه.