رواية نبضات قلب الاسد الفصل الثالث والثلاثون 33 - بقلم حليمة عدادي

ملاك بدموع: ألف مبروك ياحبايبي أنا مبسوطة أوي استنيت اليوم دا كتير. أسد: الله يبارك فيكي ياقلبي. حميد: مبروك ياولاد ربنا يسعدكم. زين: الله يبارك فيك ياعمي. ملاك: عقبال ماشوف ولادكم إن شاء الله. جميلة: مبروك يابنتي كنت باتمنى أشوف اليوم دا. غزال: الله يبارك فيك ياماما يانور عيني. سالم: ألف مبروك ياولاد خلي بالك منها ماتزعلهاش. مالك: دي في عيني مستحيل أزعلها. ياسر: الف مبروك ياقلب أخوكي.

مالك بغيره: قلب مين يالا شيلوا الواد دا من وشي قبل ما أضربه. ياسر: ألف مبروك ياشباب ربنا يسعدكم. زين: الله يبارك فيك وعقبالك لما نحضر فرحك. اشتغلت الموسيقى كل واحد قام يرقص مع عروسته. كانت تتمايل بين إيديه زي الفراشة والسعادة تغمرها مش مصدقة إنه عملها فرح. ميرا: أسد إنت كنت عايز تعملي فرح ولا لما لقيتني لابسة الفستان؟ أسد: ههه ياقلب أسد أنا اللي بعت الفستان وطلبت من البنات يقولولك تلبسيه.

ميرا: يعني كنت مخطط من فترة إنك تعملي فرح زيهم؟ أسد: أيوه من لما قلبي دق لك إنتي أميرتي ومافيش أميرة من غير فستانها. ميرا بحب: بحبك يا أجمل هدية في حياتي. أسد: وأنا بحبك يا نبض قلب الأسد. كل واحد كان بيرقص مع مراته وسط فرحة الجميع. خلصت الرقصة والصحافة أخذوا لهم كام صورة. الفرح خلص وكل واحد راح على بيته. زين خد عروسته وراح على الفيلا بتاعته هو وليلى. أسد خد ميرا على الفيلا بتاعته.

ومالك أخد غزال على شقته اللي كان مجهزها قبل الفرح. *** في أوضة أسد ميرا غيرت هدومها لبست روب أحمر حريري وأسد غير البدلة أخذها في حضنه وهو حاسس إن فرحته اكتملت أخيراً. ميرا: أسد إنت ليه عملت لي فرح مع إننا متجوزين؟ أسد: أنا بفهمك من قبل ما تتكلمي ياميرا أنا كنت عارف إنك زعلانة لأن ماتعملكيش فرح ومن حقك إنتي كمان إنك تلبسي الفستان. ميرا بحب: أنا بحبك يا أسودي بعشقك كل يوم حبي ليك بيزيد. أسد: إنتي نبض قلبي ياميرو.

ميرا: يلا خلينا نصلي ركعتين مع بعض علشان ربنا يباركلنا في حياتنا. *** عند مالك وغزال بعد ما غيروا وصلوا ركعتين مع بعض. غزال كانت لابسة روب أبيض جميل. مالك: يااااه أنا استنيت اليوم ده من أول يوم شوفتك فيه. غزال: في كل صلاة بشكر ربنا علشان رزقني بيك أجمل زوج عوضني عن كل اللي شفته. مالك بخبث: بس إيه الجمال ده لما كنتي في الشغل كنتي شكلك قالب على واحد صاحبي. غزال بغرور: أنا قمر بس في ناس مش بتشوف كويس.

مالك باس ايديها بحب: قمر وقمرين بحبك ياغزالي. غزال: إنت بطل الغزال اللي كان تايه. *** عند زين وليلى غيروا هدومهم. زين اخذها في حضنه وناموا على السرير. زين: إيه الجمال ده. ليلى: زين بس بقى أنا باتكسف. زين: قلب زين إيه الرقة دي أنا مش مصدق القمر ده ليا لوحدي. *** الليل مر بهدوء وسعادة عليهم كلهم. أسد بابتسامة: صباح الفل والياسمين على أميرتي. ميرا: صباح الخير ياقلبي. أسد: يلا قومي بسرعة هاخذك لمكان هيعجبك.

ميرا: هتاخذني على فين؟ أسد: مفاجأة يلا قومي بسرعة. *** زين: صباح الخير ياقلبي. ليلى بكسوف: صباح النور. زين: هههه طلعتي بتتكسفي زي البنات. ليلى بغيظ: إنت كنت بتعرف بنات قبلي؟ زين: بعرف واحدة بس ومافيش في قلبي غيرها هي وبس. ليلى: وبعدين إيه زي البنات دي يلا قوم من هنا ياض. زين: ههههه قلبي ياناس مافيش غيرك أخذ قلبي. ليلى: فكر بس مجرد تفكير إنك تفكر في غيري دا أنا أقتلك.

زين: اللي عنده الجمال ده كله مش هيفكر في غيره يلا قومي جهزي نفسك هنروح مشوار. ليلى: هنروح فين؟ زين: لما نروح هتعرفي. *** عند مالك فتح عينيه شاف غزال بتبكي قام بخضة حضنها. مالك: مالك ياقلبي بتبكي ليه؟ غزال: مالك إنت ممكن في يوم تزهق مني. مالك: إنتي بتقولي إيه ياغزالي في حد يزهق من قلبه وروحه. غزال: بسبب الماضي بتاعي وإن عندي ولد.

مالك: إنتي بتقولي إيه أنا بحبك واللي حصل معاكي مكنش ذنبك ويوسف ابني زي ماهو ابنك ولو فكرتي بالشكل ده مرة تانية أنا هزعل منك. غزال: أنا بحبك يامالك إنت رجعت السعادة لقلبي. مالك: وأنا كمان بحبك وبعشقك ياقلبي يلا قومي إجهزي هنروح على مكان حلو زيك. *** قدام البحر وقفت سيارة أسد نزل منها. ميرا: إحنا بنعمل إيه هنا؟ أسد: خذي القماشة دي أربطيها على عينيك وأوعي تشوفي. ميرا: إيه هتخطفني ولا إيه ياأسد؟

أسد: أيوه عايز أخطف حبيبتي. ميرا: وحبيتك معاك. حطت ميرا القماشة على عينيها أسد مسك ايديها ومشى بيها. ميرا: افتح ولا لسه ياقلبي؟ أسد: واحد اتنين تلاتة فتحي. شالت ميرا الرباط من على عينيها وبصت قدامها بصدمة كان في يخت متزين ومكتوب عليه اسمها. نطت من الفرحة واتعلقت في رقبته. ميرا: أنا مش مصدقة عينيا يخت هنركب يخت. أسد: دا بتاعك ياقلبي تجيه في أي وقت.

مسك ايدها وطلعوا فوق اليخت بصت للمكان بصدمة كان اليخت متزين مليان بلالين وورد والموسيقى الهادية. *** عند ليلى وزين وصلوا قدام البحر قعدوا على الرمل وكان المكان مليان ورد. ليلى: أخيراً جيت على البحر والمكان ده. زين: أنا عارف إنك بتعشقي البحر والهدوء. طلع علبة قطيفة فتحها كان جواها خاتم ماس عليه فراشة صغيرة عليها فص. ليلى: أول مرة أكون فرحانة من قلبي بحبك يازين يا سندي وأماني.

زين: ربنا ما يحرمني منك يا أجمل وردة في حياتي. لبسها الخاتم وباس يدها وخذها في حضنه. *** غزال ومالك وصلوا على المزرعة كان المكان كله ورد ملون وشجر. غزال بفرحة: إنت جميل أوي يامالك دا أكثر مكان أنا بحبه. مالك: تعالي معايا المزرعة دي والمكان ده كله بتاعك. مسك ايدها أخذها لجنينة المزرعة كان في مرجيحة متزينة بالورد. قعدت عليها غزال مالك قعد جنبها وخذها في حضنه.

غزال: إنت عوض ربنا ليا إنت سندي يامالك رجعت الفرح والسعادة لقلبي. مالك: إنتي أجمل حاجة في حياتي. مر أسبوع على أبطالنا قضوا مع بعض أجمل أيام حياتهم.