رواية نبضات قلب الاسد الفصل الثاني والثلاثون 32 - بقلم حليمة عدادي

مراد: اليوم اللي أخذت مننا كل حاجة، الفيلا وأملاك عمي، قررت إني هنتقم منك ومروة كمان دا كان رأيها، قالت لي نقطة ضعف أسد هي مراته وأنا اللي دخلت وضربتها بالسكين. أسد بغضب: يا ولاد الكالب، دا أنت والزفتة الثانية مش هتشوفوا الشمس بعد كدا. مراد: أرجوك سيبني، أنا قولت لك كل حاجة، أنا كمان عايز أنتقم من مروة. أسد: ههههه، فاكرني هصدقك؟ مش مروة دي هي حبيبة القلب وأم ابنك؟

مراد: مروة رمت ابني في الشارع والولد مات من البرد، أنا هقتلها زي ما قتلت ابني، لكن مش بسهولة. أسد: اللي بينكم دا حاجة ما تخصنيش، اقتلها أو موت معاها، زين كلمت البوليس؟ زين: البوليس وصل وهو تحت، مستنّينه علشان ياخذوه ومروة أخذوها. أسد: تمام، أخيرًا اتخلصنا من الأشكال الوسخة دي. زين: يلا يا أسد، سيب البوليس يشوف شغله. خرج أسد وساب مراد وراه بيصرخ. داخل القصر أول ما دخل أسد عمه جرى ناحيته.

حميد: أسد يا ابني، البوليس أخذ مروة، اعمل حاجة علشان خاطري. أسد: آسف يا عمي، مش هقدر أعمل حاجة. منة: أنا عارفة يا ابني إنك بتكرهها، لكن اعمل كدا علشان عمك. أسد بغضب: دي خانتني وقلت هسامحها علشان عمي، لكن توصل إنها تحاول تقتل مراتي، أنا مش هسكت، ميرا خط أحمر. ملاك حطت إيدها على بوقها بصدمة. ملاك: مش معقول، وصلت وساختها إنها تقتل. أسد: مروة لازم تتحاسب يا عمي، أنا مش هسامحها، أنا طالع لميرا.

منة: حميد اعمل حاجة، بنتي هتروح فيها، هي مش هتستحمل السجن. حميد زقها بقوة كانت هتقع، بصلها بغضب. حميد: إنتي ما عرفتيش تربي بنت، كل همك الفلوس والخروجات والحقد اللي مالي قلبك. منة: إنت قلبك حجر، دي بنتك ولا نسيت؟ واللي لاممهم حواليك دول ولاد شوارع. حميد ضربها قلم من شدته وشها لف للجهة الثانية. حميد بغضب: امشي من قدامي أحسن ما أعمل حاجة أندم عليها. ************************************************

بعد مرور أسبوع، ميرا حالتها اتحسنت، قررت ملاك إنهم يعملوا فرح زين ومالك في نفس اليوم. يوم الفرح في أوضة البنات، دخلت ميرا لاقتهم نايمين. ميرا بصوت عالي: إيه الغيبوبة دي، اصحووووو يا بشر. غزال اتفزعت، نطت من مكانها وقعدت على طرف السرير. غزال: إيه يا بت الصوت دا على الصبح؟ ميرا: صباحو يا عروسة، النهاردة فرحك. غزال: هههه، في حد بيصحي عروسة بالشكل دا؟ ميرا: بصي على الغيبوبة اللي جنبك دي، مش راضية تصحى.

غزال: هههه، نومها تقيل، مش هتصحى حتى لو قامت الحرب. ميرا ابتسمت بخبث وقربت منها. ودلقت المية فوقها. ليلى قامت مفزوعة: ااااااه بغرق بغرق، حد يلحقني. ميرا: هههههه، صحي النوم يا عروسة. ليلى: ميراااا، والله لأضربك يا بت. ميرا بتجري وليلى بتجري وراها وضحكهم مالي المكان. غزال: ههههه، والله إنتوا مجانين، تعالوا الوقت اتأخر، الميكب آرتست على وصول.

ميرا: هههه، يلا يا بنات، الفساتين وصلوا، جهزوا نفسكم، أنا هنزل أشوف لو كل حاجة جاهزة والميكب آرتست هيوصلوا بعد شوية. ليلى: ليه أسد أصر إن الفرح يتعمل هنا في القصر مش في القاعة؟ ميرا: القصر كبير وهيتزين أحسن من القاعة، يلا بلاش رغي هنتأخر. نزلت ميرا وهي من جواها حزينة، كان نفسها يتعملها فرح وتلبس فستان زي البنات، نزلت منها دمعة مسحتها بسرعة. حست بإيد بتسحبها داخل الأوضة. ميرا: أسد خوفتني.

أسد: ممكن أعرف القمر زعلان ليه؟ ميرا: لا حبيبي، أنا مش زعلانة، بالعكس أنا النهاردة مبسوطة أوي، النهاردة فرح إخواتي. أسد: اممم، بتخبي على أسدك، مش عايزة تقولي إيه اللي مزعلك؟ ميرا: كان نفسي ألبس فستان الفرح، لكن مش مشكلة، المهم عندي إني جنبك ومعاك. أسد: حبيبة قلبي، باس خدها. ميرا: أسد، أنا هروح أشوف البنات عملوا إيه علشان ما تتأخرش. أسد: تمام حبيبتي، وأنا هشوف مالك وزين وصلوا لفين.

ميرا نزلت تحت تشوف لو في حاجة ناقصة، وأسد دخل عند الشباب. أسد: ألف مبروك يا شباب. مالك: أخيرًا هتجوز، دا أنا كنت هخلل جنبكم. زين: مستعجل على الهم بدري. مالك: هههه، لا لازم نقول لليلى علشان تعرف إنها هم. زين: وحياة عيالك، أنا ما صدقت إنها وافقت وإن الفرح النهاردة. مالك: آه مش مصدق إن فاضل شوية وقت وغزالتي تكون معايا. زين: شيل النحنوح دا من جنبي. أسد: ههههه، يلا كل واحد يطلع يجيب عروسته، الضيوف وصلوا.

******************* في أوضة البنات كانوا جهزوا. الميكب آرتست: كدا إحنا خلصنا شغلنا، ناقص حاجة؟ ميرا: قمرات، تسلم إيديكي يا قمر. ليلى: إيه رأيك يا ميرو؟ ميرا: قمر، ربنا يحفظكم. غزال: دورك يا ميرا تحطي ميك آب. ميرا: لا أنا حطيت لمسات خفيفة بس. ليلى: كدا نزعل منك يا ميرو، اقعدي علشان يعملوا لك إنتي كمان. قعدت ميرا قدام المراية والبنت بدأت تعملها اللمسات، بعد مدة قصيرة خلصت. البنت: ما شاء الله إنتي كمان قمر.

ميرا: تسلمي يا روحي. ليلى: ما شاء الله عليكي قمر يا ميرو. غزال: ميرو جربي الفستان دا، عايزين نشوفه عليكي. ميرا: يا بنات دا فستان فرح، يلا بينا هنتأخر. ملاك: علشان خاطري جربيه يا ميرو. ليلى: جربيه بسرعة، نفسي أشوفك الفستان عليكي. ملاك: يلا يا ميرا، النهاردة فرحهم بلاش تزعليهم. ميرا بإستسلام: حاضر يا ست الكل. بصوا لبعض بخبث وابتسموا. ملاك: ادخلي جربيه في أوضتك، هبعت الشغالين يجيبوه على أوضتك.

ميرا دخلت أوضتها والشغالة دخلت لها الفستان. ليلى: المهمة تمت بنجاح، اتصلوا بأسد بسرعة. ملاك: إنتوا شوفوا ناقصكم إيه وأنا هكلم أسد. ******************************************** في الأوضة كانوا كأنهم ثلاثة أميرات. ميرا: أنا هقلع الفستان يا بنات، كدا هنتأخر. ملاك: مالك يا بت مستعجلة ليه؟ الباب خبط، ملاك فتحت لقت الشباب قدامها، دخلوا كل واحد وقف جنب عروسته. ميرا: أسد هما اللي أصروا عليا ألبسه، ثواني هغيره بسرعة.

أسد مسك إيدها وحضنها وهي مكسوفة. أسد: مش عايزك تغيريه. ميرا: أومال هروح الفرح إزاي وأنا بفستان عروسة؟ أسد: وإنتي فعلًا عروسة يا قلب أسد. قعد أسد قدامها على ركبته ومد إيده بعلبة قطيفة جواها خاتم ألماس. أسد: تقبلي تكملي حياتك معايا؟ تقبلي تتجوزيني من تاني وأعوضك عن كل حاجة حصلت لك؟ ميرا عيطت من الفرحة. ميرا: موافقة موافقة. لبسها الخاتم وباس إيدها. كل واحد مسك إيد عروسته ونزلوا تحت، كانت الموسيقى شغالة.

كل واحد مسك إيد عروسته وبدأوا يرقصوا مع بعض. خلصت الرقصة وأخذوا كام صورة مع بعض وأخيرًا كل واحد اجتمع مع حب حياته.