رواية نبضات قلب الفصل العاشر 10 - بقلم منة مهران

ملاك: اتفضل. أدهم: اتفضل إيه؟ أوضتك فيها حاجة؟ ملاك: لا نضيفة. أدهم بص للشاب: thanks. ملاك بصتله بعصبية: كنت فين يا أستاذ؟ وإزاي تخرج من غير ما تقول؟ أدهم: في إيه؟ أهدي. أنا كنت بجيب حاجة من تحت. ملاك: حياة مش مبطلة عياط. أدهم: حياة! حياة جريت عليه: أنت كنت فين يا أونكل؟ أنا كنت خايفة عليك. أدهم: يا حبيبتي أنا آسف. حقك عليا. ههههههه طالما قولتي أونكل يبقى زعلانة مني أوي. حقك عليا. ملاك: قافل موبايلك ليه؟

رنيت عليك كتير. أدهم: فصل. ده أنا كنت نزلت أجيب شاحن لأن الشاحن بتاعي مش عارف فين. ملاك: ما هو لو كنت خبطت علينا كنت زمانك خدت شاحنك. الشاحن معايا في شنطتي من امبارح. إنت ناسي إنك ادتهولي أخلي معايا في شنطتي؟ أدهم: أووف نسيت خالص فعلاً. طيب حصل خير بقى. بلاش نكد بالله عليكم. وإنتي يا حياة أنا كويس. أدهم كويس أهو. حياة: مش مسامحاك. وكمان نزلت وجيت من غير شوكولاتة. أدهم: ممممم. وفكراك هنسى حاجة زي كده. حياة: هيييي.

ملاك: كفاية شوكولاتات بقى. البت سنانها هتسوس. أدهم: وجبتلك إنتي كمان. ملاك: طب ياسيدي تسلم. أدهم: هنروح فين انهارده؟ ملاك: أي حتة. أدهم: تعالوا ننزل نتمشى شوية ونتغدى بره. ملاك: ماشي. عدى اليوم واتغدوا بره ورجعوا الأوتيل. وكان يوم هادي وكانوا مبسوطين. بعد مرور أيام، جه معاد السفر. أدهم: بتعيطي ليه يا حياة؟ حياة: علشان ماشية. أدهم: هبقى أجيبك تاني. حياة: وعداد. أدهم: أوعدك إننا هنيجي تاني. متزعليش بقى.

ملاك: يلا أنا جهزت. أدهم: يلا بينا. بعد مرور ساعات، كانوا وصلوا مصر. في فيلا أدهم. أدهم: مامااا وحشتينيك. كوثر بحب: كده يا أدهم تغيب عني كل ده. أدهم: حقك عليا يا نور عينيا. كوثر: ملاك حمدلله على سلامتك يا عمري. ملاك: وحشتيني أوي يا ماما كوثر. كوثر: تعالي في حضني يا حبيبتي. ملاك: أومال داليا فين؟ كوثر: عرفت إنكم جاين راحت تجيب هدايا. بس اوعوا تقولولها إني قولتلكم عشان عاملاها مفاجأة.

أدهم: هههههه طيب. هطلع أنيم حياة في سريرها وهخش أفرد جسمي شوية لأني تعبان أوي. كوثر: ماشي يا حبيبي. وأنا هخلي خديجة تحضر الأكل عقبال ما ترتاح. ملاك: طيب. أنا هدخل أغير هدومي وأجي أحضر معاكم الغدا. مش هتأخر. بس فين الأوضة اللي كنت بقعد فيها؟ خديجة: لا يا هانم أنا هحضر الأكل. متعبيش نفسك. ملاك: ولا تعب ولا حاجة. أنا بحب الطبيخ. وبعدين سيبوني بقى أعملكم أكل النهارده لأني وحشني أوي أحضر أكلكم.

كوثر: متعبيش نفسك يا ملاك. أنا هعمل معاها. بس إنتي اطلعي ارتاحي يا بنتي. إنتي تلاقيكم تعبانة. لسه أوضتك اللي فوق على إيدك اليمين. أدهم: لا يا ملاك. أوضتك أهي في الدور الأرضي. ملاك: احم. هو لو مفيش مانع ممكن أنام في الأوضة اللي كنت بنام فيها في الأول؟ أدهم: يستي عمتا الاتنين فاضيين. شوفي إنتي حابة تنامي فين. ونامي. ملاك: شكراً. ليل. ملاك: حياة اصحي يا حبيبتي. يالا. حياة: شوية بس عايزة أنام لسه.

ملاك: شوية إيه يا بنتي. اصحي بقى. إنتي مأكلتيش حاجة من ساعة ما كنا في الطيارة. حياة: مش جعانة أصلًا. ملاك: أصلًا. طيب أنا هخلي أدهم ييجي يقومك وهقوله بقى ميجبلكيش شوكولاتة تاني. حياة: لا أنا قمت أهو. ملاك: أيوه كده. يلا روحي اغسلي وشك وإيدك وتعالي عشان ألبسك. حياة: اوكي. ملاك بصتلها بحب: ربنا يخليكي ليا وميحرمنيش منك أبداً. قد إيه إنتي جميلة من بره ومن جوه. مكنتش متخيلة إني ممكن أحب حد كده. حساكي بنتي وأكتر كمان.

في المستشفى. أدهم: عامل إيه؟ ـ الحمدلله. أدهم: في عمليات النهارده؟ ـ آه يا دكتور. أنا حطيت لك تقرير المريض على مكتبك. أدهم: طب تمام. ـ دكتور بس إنت لسه راجع من السفر. لو تعبان أنا ممكن... أدهم بمقاطعة: لالا. في فيلا أدهم. ملاك وحياة: مساء الخير. كوثر: مساء النور يا روح قلبي. تعالي يا حياة وحشتيني. تعالي تيته. حياة جريت عليها: وحشتيني يا تيته كوثر. كوثر: إنتي أكتر يا روح تيته وقلبه. ملاك: أومال أدهم فين؟

كوثر: في المستشفى يا حبيبتي. ملاك: هو هيبقا مركز ده تعبان أكيد. كوثر: ربنا معاه. ملاك: يارب. كوثر: يلا تعالوا يا حبايبي الأكل جاهز. ملاك: داليا فين؟ لسه مجتش؟ كوثر: جت بس طلعت تريح. هطلع أصحيها عشان تاكل. ملاك: خليكي إنتي. هطلع لها أنا. كوثر: ماشي يا حبيبتي. في أوضة داليا. داليا: ادخلي. ملاك: وحشتيني يا دودو. داليا حضنتها: إنتي أكتر يا حبيبتي. ملاك: إيه القمر ده؟ مكنتش أعرف إنك قمر كده. ما شاء الله.

داليا: حبيبتي إنتي أحلى. وبعدين إزاي مكنش بنشوف بعض قبل كده؟ ده إنتي كنتي في الفيلا اللي جنبنا بالظبط. ملاك: أنا لما كنت شغالة عند محمد الله يرحمه مكنتش بخرج أصلاً. داليا: ثانية واحدة. إنتي كنتي بتعيطي؟ ملاك: ها؟ لا خالص. داليا: في إيه بجد؟ احكيلي. هو أنا مش أختك ولا إيه؟ ملاك: أختي طبعاً. داليا: أكيد الموضوع ده في شاب مش كده؟ داليا هزت رأسها بنعم. ملاك: ممممم. ويترا ضحك عليكي ولا مش عايز يتقدم؟ داليا: ضحك عليا إزاي؟

لا طبعاً. الفكرة كلها إنه مش معاه فلوس. لأن الفلوس بتروح لجمعية كان داخلها لأخته عشان كان بيجهزها. وأهي اتجوزت. ودلوقتي بيسد فيها. ملاك: خلاص بسيطة. يستنى لما يخلص الجمعية ويكون نفسه وييجي يتقدملك. وكل تأخيرة وفيها خيره. ولا إنتي بقى مستعجلة؟ بصي يا دودو إنتي لسه صغيرة أصلاً. فـ عادي لو استنيتي لما يخلص الجمعية بتاعته براحته. وساعتها ييجي بقى يتقدم. إنتي ليه زعلانة كده؟

داليا: خايفة ييجيلي عريس ساعتها هقول لأهلي إيه بقى؟ وبعدين أنا مش حابة يكون في بينا حاجة رسمي. ملاك: خلاص خليه ييجي يتقدم ويقرأ فاتحة يا ستي دلوقتي. وبعد ما يخلص الجمعية يحدد معاد الخطوبة. داليا: لما ييجي يا ملاك هيقولهم إيه؟ أنا جاي أقرأ فاتحة وبحب بنتكم. بس مش هخطبها دلوقتي عشان بسدد جمعية أختي ومش معايا حتى دبله ألبسهالها. هو الصراحة عايز ييجي وعمال يتحايل عليا كتير إنه ييجي. بس أنا بقوله لأ عشان ميتحرجش.

ملاك: بصي إنتي طبعاً معاكي حق. بس طالما إنتي بتحبيه وهو بيحبك يبقى تحاربوا عشان توصلوا لبعض. وطالما هو مش معاه يبقى خلاص. خليه ييجي ويحاول كذا مرة. ولما أهلك يشوفوا قد إيه هو متمسك بيكي ساعتها مش هيقدروا يرفضوا. راجل زي ده متمسك ببنتهم. ويدخل البيت من بابه وبيجاهد عشان يوصلها في الحلال. غيره بيزهقوا. وكمان هو راجل لأنه اتحمل مسؤولية أخته وجوزها وسترها. خليه يتقدم يا حبيبتي. واللي فيه الخير يقدمه ربنا.

داليا: يعني أقوله ييجي؟ ملاك: طبعاً. خليه ييجي. داليا: خايفة أدهم يرفض.

ملاك: أنا مش بقالي كتير أعرف أدهم. بس الفترة اللي قعدت معاكم فيها عرفت إنه طيب ومش بيكسر خاطر حد أبدًا. ومش بيهمه الفلوس قد ما يهمه راحة البال. ولو شايف إن مستواه أقل من مستواكم. بس ده اللي هتبقي سعيدة معاه. فا هيوافق. لأنك كبيرة وواعية وعارفة إنتي بتعملي إيه. وكمان الفلوس مش كل حاجة. ممكن يكون معاه فلوس بس معاملته وحشة معاكي. وممكن العكس. يبقى مش معاه بس شاريكي وبيحبك وبيخاف عليكي.

داليا: معاكي حق. طيب خليني بقى ألحق أقوله ييجي. ملاك: طيب. مش هتأكلي؟ تعالي يلا ناكل. كنت طالعة أنادي عليكي عشان تاكلي. داليا: لا لا مش جعانة. هكلمه بقى الأول. وبعدين لو جوعت هنزل. ملاك: ماشي يا قلبي. وقامت فتحت الباب عشان تنزل بس اتصدمت. داليا بصدمة: ا... ادهم؟ إنت هنا من امتى؟ أدهم: مش هتأكلوا؟ ملاك براحة: وقعت قلبي. أدهم: بتتخضي بسرعة؟ إنتي إيه شوفتي عفريت؟ أومال لو شوفتي عفريت فعلاً هتعملي إيه؟

ده أنا حتى واد حليوة وقمر. ملاك: هيح! اوعى كده. أنا نازلة آكل. ونزلت تحت. وأدهم فضل باصص لداليا. داليا بتوتر: أنا هنزل آكل برضه. أدهم: مش هتكلميه الأول؟ داليا: احم. هو مين؟ أدهم: اللي كنتي بتتكلمي عنه إنتي وملاك. داليا: يعني إنت سمعت؟ أدهم قفل الباب ومسك إيدها وقعدها على السرير وقعد جنبها. داليا: أنا آسفة. أدهم: لو بتحبيه أنا مستحيل أقف قصاد سعادتك. طالما ده الشخص اللي اخترتيه. أنا مش هقف قصادك.

داليا: بس هو مش معاه يجيب شبكة دلوقتي. أدهم: أنا سمعت يا داليا. وسمعت إنه لسه طالع من جوازة أخته كمان. يبقى خلاص مش هنضغط عليه يجيب شبكة دلوقتي. خليه بس يتقدم رسمي ونلبس دبلة على الأقل. وبعدين الخطوبة بعد ما يخلص جمعيته. يجيب شبكة بالمبلغ اللي متوفر معاه. بس أهم حاجة يتقدم ويقرأ فاتحة دلوقتي عشان لما يتقدملك عرسان يبقى عندنا سبب لرفضهم. داليا: معاك حق. طيب أنا هقوله. أدهم: أديله رقمي. وإياكي تكلميه تاني. إنتي فاهمة؟

داليا بخوف: إنت قلبت كده ليه؟ أدهم: هههههه. احم. المهم أنا آسف. داليا: ليه؟ أدهم: عشان سمعتك إنتي وملاك. داليا: محصلش حاجة. عادي. كويس إنك سمعت. أدهم: طب يلا ننزل نتغدى. داليا: إنت مش كان عندك عملية؟ جيت ليه؟ أدهم: دكتور دخل مكاني لأني تعبت فجأة. جعان أوي الصراحة. داليا: يا حبيبي طيب يلا ننزل ناكل. أدهم: يلا يا حبيبتي. بعد شوية على الأكل. كوثر: جبت لك حتة عروسة يا أدهم. إيه جمال وأدب وأخلاق إيه! أدهم: كح كح.

داليا: أدهم خد يا حبيبي اشرب. أدهم: احم. كوثر: مالك يا حبيبي؟ أدهم: أنا كويس الحمدلله. ملاك: هههههه. طب إيه رأيك في العروسة يا عم؟ أدهم: يا بنتي إنتي عايزة تموتيني؟ ملاك: ههههههه. بعد مرور أيام، جه معاد قراية فاتحة داليا ومصطفى. داليا: شكلي حلو كده؟ ملاك: قمر يا ناس. يخراشي ما شاء الله. داليا: بجد حلو؟ ملاك: جميلة يا قلبي. حياة: مامي عايزة أحط روج. ملاك: تعالي يا قلبي. بس كده. داليا: وإنتي مش هتحطي حاجة بقى ولا إيه؟

ملاك: لالا مش عايزة يا داليا. داليا: ليه؟ ملاك: عادي. بس مش حابة أحط. داليا: طيب ماشي. يترا أدهم ومصطفى بيتكلموا في إيه دلوقتي؟ ملاك: أنا مش قادرة. عايزة أطلع. داليا: طيب اطلعي بالله عليكي وعرفيني بيقولوا إيه. ملاك: هههههه حاضر. يلا يا حياة نطلع. حياة مسكت إيدها وطلعوا هما الاتنين. أدهم بص لحياة: يا خلاثو. حياة راحت عنده وقعدت على رجليه بكسوف. أدهم: مش تسلمي على عمو مصطفى؟ حياة خبت وشها: تؤ تؤ.

مامت مصطفى: ما شاء الله. دي العروسة. تعالي يا حبيبتي في حضني. أدهم: لا مش دي العروسة. مش هي. مامت مصطفى: أنا آسفة. دي مراتك؟ ملاك برقت عينيها بصدمة وبصت لأدهم. أدهم ضحك على شكلها: لا يا طنط دي مش مراتي. ملاك راحت عندها وحضنتها: أنا زميلة داليا يا طنط. اتشرفت بمعرفتك. وسلمت عليها وراحت قعدت جنب كوثر.

مصطفى باحراج: احم. أكيد طبعاً داليا قالت لك إنها هقرأ فاتحة الأول والخطوبة بعدين. حضرتك هيبقا عندك مشكلة في إني أفضل على الأقل سنة على معاد الخطوبة؟ أدهم: بص. طالما إنت مش معاك دلوقتي وظروفك متسمحش إنك تجيب دهب دلوقتي وتجيب بعدين. فا أنا موافق. وبعدين كل تأخيرة وفيها خيره. وبص لملاك. ملاك بصتله وهمست له بصوت واطي: إنت سمعتني؟

أدهم بص لمصطفى: إحنا بنشتري راجل. أنا آخر همي الفلوس يا مصطفى. أهم حاجة أنا عايزك تراعي ربنا فيها. داليا أختي الوحيدة. يا ريت متخيبش ظني فيك وتاخد بالك منها ومتزعلهاش وتخلي بالك منها. خلي بالك الكلام اللي بقوله ده ليك وليها. مش ليك إنت لوحدك. وربنا يقدم اللي فيه الخير. نقرا الفاتحة. مصطفى: داليا هتكون بنتي قبل ما تكون مراتي. جوزهالي إنت بس ومتقلقش. أدهم: هههههه. وأنا واثق فيكم. ملاك: لولولولولوليييي.

داليا خرجت من أوضتها وسلمت على أهل العريس. وتمت قراية الفاتحة على خير. أدهم باس راس داليا بحب: مبروك يا روح قلبي. بنتي بقت عروسة. داليا بدموع: هتخليني أعيط بقى يا أدهم. أدهم مسح دموعها: بس بقى. بلاش نكد. أحسن الواد يقول علينا عيلة قفوش. داليا: هههه. أدهم: مبروك يا حبيبتي. داليا: الله يبارك فيك. اليوم خلص وكل واحد طلع أوضته ونام.

بعد مرور أيام وشهور، والحال زي ما هو. أدهم بيروح المستشفى ويرجع يقعد معاهم ويطمن عليهم ويدخل أوضته وهكذا الوضع. وملاك كان أغلب وقتها في أوضتها. ويوم الجمعة أدهم بياخدها هي وحياة ويروحوا لمحمد ودعاء. ملاك: أدهم. أدهم: أيوه. ملاك: أدهم أنا الحمدلله بقيت كويسة واتحسنت كتير أوي عن الأول. أنا عايزة آخد شقة أقعد فيها أنا وحياة. مينفعش قعدتي تطول أكتر من كده. أنا كل اللي عايزاه منك تشوف لي شغل بس.

أدهم: ملاك ياريت متفتحيش الموضوع ده تاني. وبعدين يا بنتي إنتي قاعدة معايا. لوحدي ما إنتي قاعدة مع عيلتي أهو. وبعدين أنا مش هقدر أبعد عن حياة. حياة محتاجاني. هتقعدوا إنتوا الاتنين لوحدكم إزاي؟ ملاك: أنا الصراحة مضايقة من نفسي وإني قاعدة كده حمل عليك. أدهم: ممكن متقوليش كده تاني. إيه حمل عليكو دي؟ لا طبعاً.

كوثر: يا بنتي أنا اتعودت عليكي يا حبيبتي جداً. ومستحيل بقى كده أسيبك غير وإنتي في بيت جوزك يا حبيبتي. إنتي متعرفيش إنتي غلاوتك عندي بقت عاملة إزاي. ربنا يعلم إنك بقيتي عندي زي داليا بنتي. داليا: أيوه ماما معاها حق. ياريت بقى تشيلي الموضوع ده من دماغك. وخلي بالك محدش هيشتري معايا جهازي غيرك. ملاك بابتسامة: أنا مش عارفة أقول لكم إيه. إنتوا بجد عيلتي اللي ربنا عوضني بيها. وفجأة قاطعتها صوت بنت داخلة من باب الفيلا.

جريدوووووومييييييييي. أدهم: ملحقش يتكلم كانت جريت عليه حضنته. حنين: وحشتني أوي. ملاك: مين دي يا أوختي؟ داليا: دي حنين. ملاك: مممم. أدهم طلعها من حضنه: عاملة إيه؟ حنين: أحسن منك. إده مين المزة دي؟ إنت اتجوزت يا أدهم؟ أدهم: لا مش مراتي. حنين: أومال؟ أدهم: قصة طويلة. هبقى أحكيهالك بعدين. حنين راحت عندها وسلمت عليها: أنا حنين بنت عم أدهم. ملاك: اتشرفت بمعرفتك. أنا ملاك. حنين: دودوووو.

داليا: لسه فاكرة يا أختي. ما إنتي جريتي على أدهم على طول. كوثر: الوحشة نسيتني برضوه. أخصص أنا مش أمك يا بت. حنين: ده أنا هنام في حضنك النهارده يا كوثر. وحشتيني أوي. كوثر: إنتي أكتر يا حبيبتي. حياة نزلت وجريت على أدهم: صباح الخير. أدهم شالها: صباح النور يا حياتي. حنين: اده مين الصغننة الحلوة دي؟ إنت خلفت يا أدهم ولا إيه؟ أدهم: يا بنتي اتنيلت. قولتلك إني متجوزتش. هخلف إزاي بس. حنين: مين الصغننة؟

حياة بصتلها من تحت لفوق: مين دي يا بيه؟ أدهم: معرفهاش. حنين: بقه كده. حياة: نزلني يا أدهم. أدهم نزلها وراحت عند حنين. حياة: انزلي شوية يا حلوة كده. حنين: أيوه يا لولو. حياة: اسمي حياة مش لولو. وبعدين إنتي مين أصلاً؟ حنين: أنا بنت عم دومي. حياة: إيه دومي دي؟ اسمه أدهم. دومي دي بتاعتي أنا. أدهم: ههههههه. تعالي يا غيورة. حنين: يا خراشي. لقيت حد بيغير عليك. ملاك: جدعة يا بت. داليا: بتقولي إيه؟

ملاك: لا مقولتش حاجة. إنتي سمعتي حاجة؟ داليا: لالا. حنين: أيوه. مين الصغننة دي برضه؟ أدهم: دي بنت محمد لو تفتكريه. حنين: ما شاء الله. طيب هو فين؟ أنا فكراه طبعاً. أدهم: اتوفى من سنة. حنين: لا حول ولا قوة إلا بالله. ربنا يرحمه يا رب. أدهم: يارب. بعد شوية. حنين: ملاك مشوفتيش أدهم؟ ملاك: باين في أوضته. حنين: طيب. ماشية. ملاك: إنتي راحة فين؟ حنين: أوضته. ملاك: استني. تعالي هنا. هتروحي أوضته إزاي؟

يعني عيب إزاي أصلاً كده تخشي أوضته وتبقوا لوحدكم؟ إنتي فهماني؟ مينفعش. حنين: خلاص تعالي معايا يا ستي. ملاك: آه كده. ماشي. في أوضة أدهم كان بيلعب ضغط. حنين خبطت وهو أذن لها بالدخول. ملاك بصدمة: عااااا! إيه ده؟ تلبس حاجة؟ تعالي إنتي بتبصي على إيه؟ إنتي كمان اخرجي برا. وإنت البس حاجة. عيب كده. أدهم اتعدل: آسف. آسف. أدهم قام ولبس التيشيرت وفتح الباب. كانوا واقفين هما الاتنين. حنين: كنت عايزة أتكلم معاك.

أدهم بص لملاك: وإنتي عايزة حاجة؟ حنين: لا ياسيدي. طلعت معايا عشان منبقاش لوحدنا. أدهم بص لملاك: اشمعنى يعني؟ ملاك: عادي. أصل بص مش حلو يعني تفضلوا لوحدكم. ولا إنتوا عندكم عادي؟ طيب أنا خارجة. أدهم مسك إيدها: لا تعالي استني. ملاك بصت لإيده اللي ماسكة إيدها وشالتها بسرعة. أدهم: أنا آسف والله مش قصدي. ملاك: جدع. لو اتكررت تاني هتلاقي كف نازل على خدودك. يتبع.