رواية ندم عاشق الفصل الحادي والعشرون 21 - بقلم سلمى عماد

ساره بصراخ وهي تجري على جميله ومراد يسندها: ايه ده؟ انتي مين وبتعملي إيه؟ ملاك بتوتر: ها.. استغليت انشغالها مع جميله وهربت بره الفيلا. ساره ببكاء: الحقها يا مراد، هربت. مراد يجري وراها وهي تجري وتبص حواليها، عربيه خبطتها، رمتها في الهوا ووقعت على الأرض. مراد بصدمه من المنظر: كان المنظر وحش أوي ويوجع القلب. الإسعاف جت وخدت ملاك وجميله، وبعد ساعه خرج الدكتور. الدكتور: البقاء لله، فقدنا المريضه.

عشق وهي في المطار بتركب الطياره، فتحت التليفون بتاعها قبل ما الطياره تطلع في الجو، وشافت أخبار: "تم القبض على مديحه أحمد السيد ورعد، 25 سنه سجن بسبب تهمة قتل أهل عشق". قفلت التليفون وغمضت عينيها وافتكرت. فلاش باك. عشق وهي طالعه الأوضه شافت أوضه تانيه في آخر الممر ومحطوط عليها لزق كده عليه كلمة "ممنوع الدخول" (بالانجليزي) دخلتها، ولقيتها فيها تراب كتير وأوراق وحاجات كتير أوي متربه.

لفت نظرها ملف نضيف شويه على جنب، لقت فيه أوراق كتير، قرتهم واتصدمت. دي وصلات أمانه وعقود فيها إمضة مديحه وإمضته وتنازلات، وإنه شريك معاها في الجريمه والورث يكون بالنص بينهم. اتصدمت وخدته معاها وخرجت. راحت أوضتها وقعدت فيها، عيطت كتير لحد الصبح وروحت القسم. وانتوا عارفين الباقي. عودة من الفلاش باك. ابتسمت براحة نفسيه وغمضت عينيها. الطياره وصلت بيها باريس، ظهر شخص كان مستنيها هناك في المطار. جريت عليه حضنته وهي بتضحك:

ابيه، وحشتني أوي بجد، أخيرا لقيتك. سليم وهو بيشيل الشنط: كنت مسافر ومعرفتش أوصلك، وإنتي كنتي حمايتي، أسف إني سبتك طول السنين دي. بصتله بحب وهي تبتسم: المهم إني بقيت معاك. ابتسم لها: تعالي عشان تشوفي بابا، انتي وحشاه أوي، وأعرفك على ميرا. عشق باستغراب: ميرا مين؟ سليم بحب: مراتي. كانت قاعده على المرجيحه ماسكه الفون بتلعب عليه. جه من وراها حضنها. ميرنا بخضه: يزن؟ حرام عليك خضتني. يزن بمشاكسه:

سلامتك من الخضه يا روح قلبي. ضربته في كتفه. يزن بألم: آآآه. ميرا بخضه: في إيه مالك؟ وجعتك؟ مقصدش والله. يزن بألم: قلبي بيوجعني. ميرا: طب طب تعالي نكشف، والله ما أقصد، وكمان أنا ضربتك في كتفك. مسك إيديها وحطها على قلبه: قلبي بيوجعني علشان نفسه تبقى ليا لوحدي. ميرا بمشاكسه: طب ما أنا ليكي لوحدي، أهو. يزن: لا لا بلاش دلع، أنا مش ناقص والله، أنا ماسك نفسي بالعافيه. ميرا وهي بتزقه:

طب سلام أنا بقى قبل ما تعمل حاجة يا مجنون. يزن بصوت عالي: لك يوم يا قمر. عند أسر، فاق من البنج لقى عدي صاحبه قاعد. عدي: هي فين جميله؟ وإيه اللي حصل؟ محمود: زين ضرب عليك نار، وجميله في العمليات دلوقتي. أسر قام من على السرير بسرعة وأتألم: آه. عدي: أهدي، أنت لسه خارج من عملية. أسر بألم: جميله دخلت العمليات ليه؟ إيه اللي جرالها؟ عدي بأسف: ملاك ضربتها على راسها ونزفت كتير. أسر وهو بيشيل الأسلاك والأجهزة:

عاوز أشوفها، خرجني. جري يقف، مقدرش. أسر: عدي تعالي اسندني. عدي وهو ساندُه: بس امشي براحه، أهدي. خرج من الأوضة ووصل عند أوضة العمليات، والدكتور بيقول: "البقاء لله، فقدنا المريض". أسر ساب عدي، وفي اللحظه دي نسي ألمه ونسي كل حاجة، بيفكر في حاجة واحدة بس: إزاي بعد كل ده هي تسيبه؟ هو ميقدرش على بعدها بعد ما بقت معاه. وهو ماسك الدكتور من رقبته: انت بتقول إيه؟ هي مين اللي ماتت؟ جميله مش هتسبني.

شاف جميله وهي على الترولي والممرضين بيجروها. جري عليها: جميله، جميله، فوقي يا حبيبتي، متسبنيش. الدكتور وهو بياخد نفسه: مش هي اللي فقدناها، هي بخير وهننقلها في أوضه عاديه، المريضه اللي جت معاها هي اللي فقدناها. بهمس غير مسموع: ملاك ماتت؟ أسر: الحمد لله، الحمد لله أنها بخير، ده أهم من أي حد. هتتكلم إمتى؟ هتصحي. كان قاعد على البحر بيبص على النجوم والبحر وهو بيخبط في الصخور. جت من وراه واحده حضنته من ورا.

"حبيبي، انت روحت فين؟ قلقت عليك." مالك بابتسامه: قولت أقعد على البحر شوية. "قلقتني عليك لما صحيت وملقتكش جنبي." مالك بتنهيده: أسف يا رزان. رزان: أنا عارفه إنك لسه محبتنيش. قاطعها وهو بيقعدها جنبه: أنا أه لسه محبتكيش، بس هندي لبعض فرصه. "وإننا متفاهمين وده الأهم، والحب كده كده جاي، وإنتي لطيفه وتتحبي، بس محتاج وقت، وأول ما نرجع مصر هعلن جوازنا." رزان: وأنا بموت فيك، مش بحبك يا مالك. بصلها بابتسامه وباس إيديها.

أسر كان قاعد في نفس أوضة جميله وكان مستنيها تصحى، وخلى عدي يتكفل بدفن ملاك. كان قاعد في الأوضة هو وإسعاد ومراد. ساره كانت قاعده في آخر الأوضة وحاسة إنها تايهة. وبعد اللي عرفته، وأخوها عمل إيه في جميله، حست إنها عاوزة تعيط. خرجت برا، وخرج وراها مراد. ساره ببرود: جاي ورايا ليه؟ مراد باستغراب: مالك يا ساره؟ ساره ببرود: جاي ورايا ليه؟ مراد بتنهيده: علشان مأسيبكيش لوحدك. ساره بسخريه وبرود:

لا ما أنا لوحدي دايما، مجتش على مرة. وكمان بصفتك إيه تبقى معايا؟ خلاص الفيلم خلص، وأنا اللي طلعت الضحيه. عاوز إيه مني تاني؟ أهو انتقمت لأختك مني، وزين اتقتل، عاوز إيه تاني؟ بصتله جامد: ولا عاوز موتي؟ كده كده أنا ميته بالحياة. مراد بخوف: تقصدي إيه؟ ساره: لو عاوز موتي حاضر، اطمن على جميله بس. شدها ليه وحضنها: اسكتي يا مجنونه، متقوليش كده تاني، كل حاجة هتبقى بخير. زقته بعيد عنها جامد:

ابعد عني، إياك تلمسني تاني، إنت فاهم؟ وإيه اللي هيبقى بخير؟ هترجعلي أخويا؟ ولا اللي خدته مني؟ بسببك إنت وأخويا، وبسبب... كنت أنا الضحيه، وأختك. إياك تقرب مني تاني يا مراد، في الخير ولا في الشر. ولو كنت فاكر شغل الروايات إن إني أرجعلك ونتجوز وأسامحك. ضربته في صدره جامد: تبقى غلطاااااااااان. بصتله بكره علشان أنا مبكرهش قدك يا مراد. وسابته ومشيت. مراد بص مكانها وضغط على إيده ودموعه نزلت منه من غير ما يحس. يعني إيه خلاص؟

دي النهاية؟ بسبب كره وغله خسر أكتر حد حبه. دخلت لجميله، ولقتها فاقت، جريت عليها وحضنتها: وحشتيني، وحشتيني والله، أسفه، أسفه بسبب اللي عمله فيكي زين. جميله بدموع: وإنتي كمان وحشتيني أوي. ساره: أسفه إني مكنتش معاكي في كل ده. جميله: متتأسفيش يا روحي. بصت حواليها بحزن: فين ملاك؟ ساره: هـ هـ... بصي، إنتي تعبانه، استريحي الأول. جميله بعياط: فين ملاااااك؟ أسر بجمود: ماتت. بعد ما ضربتك هربت وعربية خبطتها واتوفت.

جميله بصتلهم بجمود: هطلع إمتى من هنا؟ أسر بتنهيده: بكره الصبح. جميله بصتله بدموع محبوسه، وهو كان باصلها كأنه بيديها قوة. ساره شافت الوضع وانسحبت بهدوء. أسر قرب منها وحضنها، وهي مسكت فيه وصوت عياطها طلع مع شهقاتها وبتضمه أكتر وأكتر. أسر بحنان: جميله خلاص، أهدي يا حبيبتي. جميله وهي ماسكه فيه أكتر: كانت عاوزه تقتلني يا أسر، أنا، أنا والله فرحت إن بقى ليا أخت، وكنت هعوضها عن ماما وبابا الله يرحمهم.

مكنتش أعرف إنها بتكرهني كده وعاوزه تقتلني. صوت شهقاتها طلع: طب طب هو أنا وحشه علشان أبقى لوحدي؟ وأنا والله ما مزعلتش حد مني، ليه يحصل فيا كده؟ إيه؟ مفيش حد بيحبني يا أسر؟ أسر وهو بيضمها ليه أكتر: أنا بحبك، وساره، وكوثر، وماما، وكلنا معاكي. جميله وبصتله بحب: أنا بحبك يا أسر، اكتشفت إني بحبك وبموت فيك. أسر بفرحه: يفرح قلبي، نبي لتجوزك دلوقتي حالا. شالها وخرج بيها من المستشفى وسط استغراب الجميع وضحكهم عليه.

الحق جيب المأذون يلا. جميله بضحك: أهدي يا مجنون، مش دلوقتي، أنا لسه تعبانه. وهو بيركبها العربية: ده كتب كتاب بس، يلا. جميله: شوفي يا خالتو ابنك. إسعاد بضحك: ماليش دعوه يا اختي، الواد تعب بقاله سنين مستنيكي وبيراقبك في صمت، بلا تعب. جميله بضحك: بتبيعيني يا خالتو. إسعاد: بالغالي يا بنت الغالي. أسر وهو بيوقف العربية: كفايه كلام، وصلنا أهو. وقرب شالها. جميله بصدمه: إنت بتتكلم بجد؟ أسر بضحك:

جد الجد كمان يا قمر، كلها دقيقة وتبقى مراتي رسمي. بعد دقايق: "بارك الله لكما وبارك فيكما وجمع بينكما في خير". إسعاد: لولولولولولولولولولولوي، مبروك يا أولاد، ربنا يتمم على خير. أسر وهو بيشيل جميله: الله يبارك فيكي يا ماما، يلا علشان نجهز حاجات الفرح. جميله بضحك: مجنون والله مجنون. أسر بحب: مجنون بحبك يا نن العين. جميله بصتله بحب وحضنته أكتر: ربنا يخليك ليا يا عيوني. بعد شهرين. أسر وهو بيبص للمرايه بفرحه:

البدله مظبوطه صح يا مراد؟ مراد بضحك: يبني خلاص بقى، دي 10 مرة تسألني نفس السؤال، وهي مستنياك بقالها ربع ساعة. أسر: معلش فرحان، يلا يلا علشان نلحق الفرح. مراد بضحك: يلا يا عم، وألف مبروك. أسر: الله يبارك فيك، عقبالك. مراد بابتسامه حزينه: يا رب. أسر: والله هتحبك، بس اصبر شوية، الصدمة مقصرة عليها لسه. مالك كان بيلبس البدله، ورزان كانت بتربطله الكرافتة. شبكت وبسته من خده: زي القمر يا حبيبي. مالك وهو

بيبتسم لها وبييبوس إيديها: مفيش حد قمر غيرك. مسكت إيده ونزلت معاه: يلا زمان ماما مستنيانا. تحت مالك: يلا يا حبيبتي. بصتله بصدمه وفرحه: حبيبتك؟ بقيت بتحبني! مالك بتوتر: هستناكي تحت، يلا بسرعة. رزان وهي عيونها لامعه: والله حبني، ابتدا يحبني. في الشهرين دول مالك أعلن جوازهم، ومامته كانت مضايقه ورافضه في الأول، بس اتقبلتها لما لقتها طيبه وإنسانه كويسه، والعيلة كلها اتقبلتها، وميرا حبتها وبقوا صحاب.

في القاعة التانيه كان موجود يزن وميرا، وكانوا بيرقصوا، وهو بصصلها بحب بيزيد في قلبه. يزن: بحبك وبموت فيكي يا نور عيوني. ميرا بخجل وحب: بعشقك. أسر وهو شايل جميله وساب الفرح: بعشق أمك. جميله بضحك وحب: بحبك وبموت فيك. تمت رواية كاملة لو عاوزين جزء تاني هيبقى عشق فيه وأولادهم.