رواية ندم عاشق الفصل الأول 1 - بقلم سلمى عماد

جاااي جاااي جاااي أنا مبسوطة أوي أوي أوي، أخيرا هيجي تاني. وحشني أوي يا سارة. *كانت بتتكلم وهي مبسوطة وفرحانة أوي، وكانت مشغلة أغاني هو بيحب يسمعها.* سارة بضحك: يا بنتي اهدّي مش كده، مكنش كام شهر يعني يعمل كل ده. جميلة بحب: أنا بحبه أوي يا سارة، أوي. والكام شهر دول عدوا عليا سنة. *أكملت بصراخ:* بس مبسوطة أوي، خلاص هشوفه. كلها ساعتين بس. عاااا، فرحانة أوي. سارة بضحك: يا بنتي اتقلّي شوية مش كده.

جميلة بضحك: أعمل إيه، مش قادرة. فرحانة أوي إني هشوفه يا سارة. سارة بحب: ربنا يسعدك يا حبيبتي. جميلة: هبقى سعيدة لو فضل معايا وبخير دايماً. *** كله كان واقف في بهو الفيلا مستنيين زين بعد غياب 4 شهور سفر. كان في عيون واقفة متابعة الموقف وبتحسب الثانية والدقيقة، وطبعاً دي كانت جميلة. وسط تفكيرها سمعت صوت العربية بره الفيلا. وقفت بسرعة وكلهم خرجوا لاستقباله. سلموا عليه، وبعد السلامات قربت منه بعيون لامعة.

جميلة بعيون لامعة: ازيك يا زين. زين: الحمد لله يا جميلة. جميلة: وحشت... مامت زين اتدخلت: يلا يا زين ادخل استريح من السفر. زين بتعب: آه، أنا تعبان أوي. هطلع آخد شاور وهنام شوية وهبقى أنزل على العشاء. *أهل جميلة متوفين من سنين، ومامت زين هي اللي مربياها، وجميلة عايشة معاهم.* "زين طلع" سارة شدت جميلة من إيديها وقالت: عن إذنك يا ماما، هنطلع ويبقى ننزل على العشاء. مامت زين (كوثر) : ماشي يا حبيبتي، اطلعوا.

سارة بضيق: إيه الهبل اللي كان هيحصل تحت ده لولا ماما اتدخلت؟ كنتي هتعترفي ليه بحبك! جميلة بحب: أعمل إيه، واحشني أوي أوي. وأول ما جه مكنتش قادرة إني مشوفهوش ولا أكلمه. *وأكملت بعبوس:* وكمان شفتي كان بيعاملني عادي إزاي؟ سارة: يا بنتي بقى حرام كده. وكمان انتي لسه متعرفيش هو بيحبك ولا لأ. إيه متجرحيش نفسك. جميلة: ما أنا قولتلك اسأليه، وانتِ مسألتيهوش. سارة: أعمل إيه؟ قالي ملكيش دعوة بالكلام الفاضي ده.

جميلة بضيق: كلام فاضي؟ يعني هو شايف إن حبه ليا كلام فاضي. سارة: انتي عارفة كويس إنه مش في دماغه غير شغله وشغل بابا الله يرحمه. جميلة: خلاص، جاتلي فكرة علشان أعرف بيحبني ولا لأ. سارة: إيه هي؟ جميلة: /////////// سارة: هتجرحي نفسك وتقللي منها؟ لأنه بيحب البنت اللي شخصيتها قوية ومش بتبين. جميلة: وأنا أعمل كده أبقى أقلل من نفسي؟ انتوا فاهمين غلط. في الحب مفيش كده خالص. سارة: يا بنتي... قاطعهم خبط الباب، كانت الخدامة.

الخدامة: سارة هانم، كوثر هانم قالتلي أنادي حضراتكم. سارة: تمام، نازلين. *** نزلوا واتعشوا. جه مكالمة لزين خرج يرد بره. جميلة: عن إذنكم، هخرج برا شوية. كوثر: اتفضلي يا بنتي.