رواية ندم عاشق الفصل الثامن 8 - بقلم سلمى عماد

ميرا بغرور: ومراته. عشق بصدمة: إيه؟ مالك ببرود: انتي خطيبتي من كام شهر بس، ومش هنتجوز دلوقتي، قولتلك بعد سنة. ميرا: بس في حكم مراتك. مالك: بس مش مراتي. ميرا: مين دي؟ عشق: أنا... قاطعها مالك: الخدامة الجديدة مكان كريمة. عشق بصتله بصدمة وانكسار، وبصت للأرض. ميرا: سنية يا سنية. سنية: نعم يا ست هانم، خديها للأوضة الخدم مكان كريمة. سنية: أمرك يا ست هانم. عشق صوبت نظرها لمالك اللي واقف ببرود. مالك لميرا: ماما فين؟

ميرا: خدت الدواء ونامت. مالك ببرود: تمام، أنا طالع أنام. سابها ومشي. طلع الأوضة واتصدم. **** عند جميلة. أنا هطلع أنام، تصبحوا على خير. كوثر: اتفضلي يا بنتي. طلعت أوضة سارة. سارة لجميلة: انتي لأمتى هتفضلي ضعيفة كده ومالكيش شخصية؟ ليه مردتيش عليهم تحت؟ جميلة بدموع: أعمل إيه؟ سكت.

سارة بقوة: لازم تتغيري وتغيري شخصيتك وتبقى قوية وتهتمي بنفسك، مش كل اهتمامك بيه وهو مش يستاهل اللي انتي بتعمليه ده، وكمان كل ده لنفسك مش ليه بس، ووريه إنك بحبه ومن غيره قوية. جميلة مسحت دموعها وقالت: تصبحي على خير. سارة: هنبدأ من بكرة، انتي حلوة بس مش ظاهرة جمالك، خليكي قوية بقى. جميلة: حاضر. **** عند مالك. اتصدم من وجود عشق بغرفته. عشق: ممكن أعرف إيه ده؟ بدل ما أنت خاطب اتجوزتني ليه؟ وإيه خدامة دي؟

أنا مش خدامة، أنا في كلية وقسم إدارة أعمال، بس موقفه الكلية بسبب عمي. مالك ببرود: هو انتي فاكرة إني اتجوزتك لجمال عيونك مثلاً؟ أكيد مش مالك الصياد اللي يتجوز أي حد من غير ما يعرفها. عشق بسخرية: بس انت اتجوزتني يا مالك الصياد، طلقني حالا. مالك: هو أنا اتجوزتك عشان أطلقك؟ عشق: تقصد إيه؟ مالك ببرود: ده عقد مضيتي عليه، وبمليون جنيه لو مدفعتيش الفلوس هتتسجني مثلاً 4

-5 سنين، وموافق متدفعيش الفلوس، بس بأنك تشتغلي هنا خدامة لمدة سنة، ولو معرفتيش بيه تتسجني خمس سنين. بسخرية باردة: وأكيد مش هتجوز أي حد من الشارع. صوت قلم صدع صوته في أركان الغرفة. عشق بغضب وقوة: انت حقير، وأنا اللي كنت بحسبك بني آدم وهتساعدني، طلعت أحقر من عمي ومراته. بعيون مليئة بالكره والألم: أنا بكرهك. مالك بأعين

مشتعلة غضب مسكها من شعرها: وحياة ربي لأوريكي جحيم على القلم وهندمك عليه، وهتبقى أسوأ سنة عدت عليكي يا بنت الشوارع يا بيئة، وهتلعني اليوم اللي شوفتيني فيه. زقها على الأرض جامد، واتخبطت في السرير، أغمي عليها. ........... فاقت على كوب ماء في وجهها، وكان الفاعل مالك. قومي تنضفي الأوضة دي مكان ما دخلتي بهدومك الزبالة دي، والبس لبس الخدم، والهدوم اللي جبتهالك هخصمها من مرتبك، ما أنا مش هصرف عليكي. ********

تسريع الأحداث تاني يوم صباحًا. عند جميلة بيفطروا. *********** جميلة: أنا هسافر بكرة الصبح. كوثر: ليه يا بنتي؟ جميلة: جاتلي منحة تعليم بره ووافقت عليها. زين: من غير أذننا. جميلة بقوة: ليه؟ وهو انت مالك؟ انت وصي عليا؟ زين: احترمي نفسك وانتي بتتكلمي معايا. جميلة بقوة: وإن محصلش. نظرت له بكره. كوثر: خلاص حصل خير، هتسافري فين؟ جميلة: نيويورك. رايحة لمصيرك برجلك يا جميلة.