رواية ندم العمر الفصل الرابع 4 - بقلم دنيا فادي

خلود بإبتسامة استغراب: انتي مين؟ يارا: انتي الي مين؟ خلود بتردد: احم... مراتك. يارا بصدمة: اييي! مرات زين؟ ازاي؟ زين بإستعجاب: يارا! اي الي جايبك في الوقت ده؟ يارا: جيت عشان أديك الساعة دي. وتنظر لخلود بإبتسامة: وقعت منك وإنت معايا امبارح... زين بتسرع: خلاص يا يارا. زين وينظر لخلود: انتي واقفة لي هنا؟ روحي اعملي أي حاجة. خلود بتمشي من قدامه. خلود بعصبية وصوت منخفض: اه يا مقرف! بتزعقلي أنا.

يارا: إنت مقلتليش إنك اتجوزت لي؟ زين: ما إنتِ عارفة إني هاتتجوز يا يارا. يارا: أيوا تتجوز أسيل اللي هي هربت خلاص. زين: أبويا بقى هو اللي اتصرف عشان منظري قدام الناس. يارا بجنون: طب لي مقلتليش أنا! أنا أكون مكانها وإنت بتحبني وأنا بحبك، أومال دي!! إنت مش طايقها. زين: يارا أنا صدعت وعايز أنام، ممكن تروحي. يارا بغيظ: ماشي يا زين. *** هاجر بتوتر: إنت بتتصل بيا لي دلوقتي؟ عمر بضحك: إيه يا بنتي في إيه؟ هو في حد جنبك؟

هاجر: لأ. عمر: اومال؟ هاجر: إنت عايز إيه؟ عمر: بعيداً عن طريقتك دي، هعرف لي بس بعدين. المهم كنت عايز آخد رأيك في حاجة. هاجر: وتاخد رأيي لي؟ كنت مين أنا؟ عمر: هاخد رأيك عشان إنتي أكتر حد فاهمني وحد مهم في حياتي، يعني بعتبرك زي أختي وأكتر. وبعدين مالك بجد؟ ما أنا باخد رأيك علطول، مش جديدة يعني. هاجر بحزن: طيب قول، أنا سامعة. عمر: أنا قابلت أسيل امبارح. هاجر: اممم... وبعدين؟ *** زين بخضة: بسم الله الرحمن الرحيم!

إنتي واقفة لي في الضلمة كده؟ خلود: هي مين الجامدة اللي كانت واقفة معاك دي؟ زين بإستيعاب: جامدة؟ إنتي بتتكلمي كده لي؟ خلود: قول بس. زين: وإنتي مالك؟ هي مين؟ خلود بهدوء: ماشي، أنا كده كده مش عايزة أعرف. زين: كدابة! الفضول هيقتلك. خلود: والله؟ زين بإبتسامة باردة: طب غوري من قدامي، عايز أنام. *** 7:00 AM الصبح ✨ خلود: استنى بقى لحد ما أفكر في فكرة يقتنع بيها. خلود بخوف: اسكت والنبي، هيصحى وأنا لسه مش عارفة أقول له إيه.

زين بإستغراب: مالك؟ خلود: مالي؟ مفيش حاجة، أنا كويسة أهو. زين: واقفة لي كده؟ ما توسعيلي عايز أدخل الحمام. خلود بتوتر: مش هينفع. زين: وده لي إن شاء الله!! ويسمع صوت كسر من الحمام. زين: إيه الصوت دا؟ مين في الحمام؟ خلود: مفيش حد. زين بشك: إنتي متوترة كده لي؟ مخبية إيه عني؟ خلود بضحك: أخبي إيه يا ابني؟ مفيش حاجة، بقولك. زين: طب أوعي إيديك دي. ويدخل الحمام. زين بصدمة: في بيتيييي يا حيوووو*انه!