رواية ندم العمر الفصل السادس 6 - بقلم دنيا فادي

خلود بتوتر وتفكر في الرد وتقول وتستعد للمجادله معه. تفتح الباب ولكن لم يكن هو. خلود بتسرع: أسيل رجعت!!! جاسر: طب اسألي عليا الأول. خلود بابتسامة وتحضنه. خلود: آسفة يا جدو. يدخل ويغلق الباب. خلود: عامل إيه يا حبيبي؟ جاسر: الحمد لله، انتي أخبارك إيه؟ خلود بابتسامة: بقيت كويسة بعد ما شوفتك. جاسر: مرتاحة؟ خلود بزفير: هييح، اهو بتعود. المهم دلوقتي في أخبار جديدة عن أسيل؟ جاسر: كنت جايلك عشان أكلمك في الموضوع ده.

خلود بقلق: اتكلم يا جدو. *** هاجر: عايزة إيه يا أسيل، أنا دلوقتي في الشغل. أسيل: تمام. هاجر: باي، لما أرجع يبقى نتكلم. أسيل: باي. أسيل بعدم تصديق: لا مستحيل هاجر تكون كده. وتأتي لها رسالة مرة أخرى. أسيل بقلق: في إيه تاني؟ وتقرأ الرسالة ويكتب فيها: الرسالة: "طبعاً قالتلك إنها في الشغل." أسيل بتوتر: لا بجد ده هبل، هو في إيه أنا مش فاهمة حاجة. *** جاسر: فهمتي اللي قولتهولك يا بنتي؟ خلود: يا جدو بس...

جاسر: مفيش بس، هتنسيها يا خلود وتعيشي حياتك حتى لو هي رجعت، مفهوم؟ خلود بحزن: حاضر. جاسر: لا أوعديني بكده يا خلود يا بنتي. خلود بتردد: أوعدك إني هحاول والله. جاسر بحزن: ماشي، أنا همشي. خلود: طيب اسمع كلام ماما واقعد معاهم يا جدو، متقعدش لوحدك عشان خاطري، ولا أقولك إيه رأيك تقعد معايا هنا؟

جاسر بضحك: أقعد معاكي إيه يا خلود، ميصحش طبعاً، انتوا لسه متجوزين ومحتاجين تقربوا من بعض وتفهموا بعض، انتي طبعاً فاهماني يا خلود مش كده؟ خلود: طيب أوعدني إنك هتقعد مع ماما وبابا في البيت. جاسر: حاضر، ممكن أمشي بقى؟ خلود بابتسامة: هتوحشني ها، ابقى سلملي على بابا وماما. *** 7:00PM بليل خلود بدموع وتوجه كلامها لذلك الكلب. خلود: إزاي بس أعمل اللي طلبه مني جدو، إزاي؟؟

خلود: ده أنا بعامله بطريقة وحشة على أمل إن أسيل ترجعله، هو بيحبها هي مش أنا، حتى هو قالهالي بنفسه، مهما أعمل مش هاخد مكان أسيل. خلود بابتسامة: أنت إيه رأيك يا ريكو باشا، أنا صح مش كده؟ خلود: لا واللهِ، بصيت على الأرض لي، إن شاء الله. زين بنفاذ صبر: لسه الكلب موجوددد، هو أنا قولت إيه؟ خلود تنهض من مكانها وتلتفت له. خلود: أنت جيت إمتى؟ زين ملاحظاً احمرار عيونها ويفهم أنها كانت تبكي لأنه طلب منها هذا الطلب.

زين بهدوء: بصي، أنا مش هتكلم عن موضوع الكلب دلوقتي عشان جاي مبسوط ومش عايز أعكنن على نفسي وأتخانق معاكي، بس بكرا هنتكلم في الموضوع ده وتشوفي حل ليه، تمام؟ خلود بابتسامة: تمام. زين ينظر لها باستغراب ويخرج من غرفتها. *** أسيل: هو انتي اللي بعتيلي الصور والمسدجات؟ يارا بابتسامة: آه، أنا. أسيل بنظرات عدم فهم وقلق: وإنتي مين بقى عشان تبعتيلي كده؟ وتعرفيني منين أصلاً؟ يارا: مش هقدر أجاوبك على أي سؤال. أسيل: يعني؟

يارا: أنا كنت بفيدك. أسيل: وإنتي هتستفادي إيه بإنك تفيديني؟ يارا: مليكيش دعوة بقى، المهم اللي هتستفاديه إنتي. أسيل: كان قصدك إيه باللي بعتهولي ده؟ يارا بابتسامة: قصدي اللي فهمتيه، هاجر صاحبتك بتلف على عمر حبيبك. أسيل بذكاء: أيوا، وإنتي قولتيلي ليه، يعني مثلاً ليكي عداوة مع حد منهم عشان تخليني أشك فيهم؟ يارا بزهق: لا، أنا قولت أساعدك وأحذرك بس.

أسيل: إذا كان كده، لا متقلقيش عليا، أنا بعرف أتصرف كويس، يعني مش محتاجة مساعدتك، ويا ريت متدخليش في اللي ميخصكيش. *** زين: لو عايزة أجيبلك واحدة تساعدك في البيت، أنا معنديش مانع، اهو بالمرة ناكل أكل ليه طعم. خلود بنظرة تحذير: أنا شبعت وهشيل أكلي، وإنت بقى ابقى شيل أكلك. زين: لا لا استني، يا ماما شيلي كلو. خلود باستفزاز: ليه، هو انت معندكش إيدين تشيل بيهم أكلك؟ زين: وإنتي ليه متشيليهمش، مش انتي بنت؟

خلود وتتجه على المطبخ. خلود بعلو الصوت: أوووف، نسيت أشيل أكلك، هاتوه إنت بقى. زين بغيظ: تمام، إنتي اللي اضطرتيني أعمل فيكي كده. _:.after 5 minutes .. خلود بصراخ: يااا زيننننن. لم يستمع إليها. خلود: ززينننن تعالَ بسرعة. زين بهدوء: إيه الصدااع ده، عايزة إيه؟ ويضحك عندما رآها واقفة على سريرها خائفة وترتعش من شدة الخوف. خلود بإحراج: أنا عارفة إنك بتسأل نفسك إزاي خايفة من صرصار.

وتكمل برعشة: عندي فوبيا منهم، ممكن أموت قبل ما أنا اللي يغمي عليا. زين ببرود: بجد؟ طب ما توجهي خوفك. ويكمل بتريقة: قوي قلبك وواجهيه بدل ما انتي واقفة خايفة كده. خلود: مش وقت هزار، هيغمي عليا والله. وتنظر لهذه الحشرة بقرف ورعشة: أعععع. زين يغلق الباب ويتركها لوحدها في الداخل. زين بسخرية وهو يقف أمام الباب. خلود بخوف: ينهااااار اسوووود، ده طالع على السريررر، يازينننن افتححح الباب. زين كان يضحك بشدة وهو يسمع صراخها.

زين: قت*لتيه؟ خلود لم ترد. زين: هي، صوتها اختفى ليه؟ ويفتح الباب ويتصدم ويتجه إليها متسرعاً.