رواية ندم العمر الفصل السابع 7 - بقلم هاجر العفيفي

ثائر كان ماشي بالعربية وشاف حور ماشية وكان معاها بنتها وخالد وسمر. اتجنن وقرب منهم بالعربية ونزل منها وقال بصوت غاضب: "حوووور! حور اتصدمت وقالت: "ثائر!!!! ثائر راح عندها ومسكها بغضب وقال: "أهلاً بالهانم اللي مقضياها." خالد زقه بغضب وقال: "انت مين يا جدع انت وازاي تتكلم معاها بالطريقة دي؟ ثائر بغضب وسخرية: "أنا جوز الهانم اللي مش لاقية حد يلمها." حور بغضب وانفعال:

"آخررررررس ياحيو"ان. أنا اشرف منك ومن عشرة زيك ومش هسمح إنك تقول عليا كلمة زيادة أبداً." ثائر بغضب: "إنتي مجنونة؟ إزاي تتكلمي معايا كده؟ ليكي عين؟ حور أعطت بنتها لسمر ووقفت قدامه وقالت: "تصدق بالله أنا كل مرة أندم على اختياري ليك." ثائر حاول يهدأ من نفسه وقال: "حور أنا ماسك أعصابي عنك بالعافية. قوللي مين دول وإنتي بتعملي إيه معاهم؟ حور بسخرية: "وأنا خوفت منك كده؟

صح. انت مالكش إنك تعرف حاجة عني تاني عشان إحنا بينا الطلاق. وكمان عايزة أعرف إن بقيت أك"رهك يا ثائر. عارف يعني إيه بكر"هك؟ وابعد عن طريقي عشان وربنا هصوّت وأقول عليك عايز تخطفني." ثائر بصّلها بغضب وقال: "ماااشي ياحور، أنا هعرف آخدك بطريقتي وصدقيني هتندمي." حور بسخرية: "وأنا عايزة أندم." ثائر رفع إيده ولسه هيضربها، كانت إيد خالد مسكته. خالد بابتسامة برود:

"كفاية بقى عشان الصراحة رجولتك بقت في الأرض. هتنزل من نظرنا إيه أكتر من كده؟ ثائر ضر"به لك"مة في وشه وسابهم ومشي ركب عربيته. حور بخضة: "انت كويس؟ سمر بقلق: "فيك حاجة يا خالد؟ خالد بوجع وهو ماسك وشه: "لأ لأ متخافوش أنا كويس. يلا نمشي." حور بحزن وإحراج: "أنا آسفة، أنا السبب." خالد بابتسامة: "متخافيش أنا كويس ويلا بقى عشان نجيب هدوم لمي'ان قبل ما تزعل."

حور ابتسمت على كلامه، بس من جواها خوف شديد من ثائر وعارفة إنه مش هيسيبها. ثائر طلع على بيته وابتدي يكس"ر في كل حاجة حواليه. مسك تليفونه وطلب رقم نبيلة، وبعد وقت ردت عليه. نبيلة بخبث: "أيوه يا جوز بنتي المستقبل." ثائر بجمود: "بنتك هترجع امتى؟ نبيلة بفرحة: "بكرة هتيجي بكرة." ثائر: "تمام. اعملي حسابك إننا هنتجوز أول ما هي ترجع. ويا ريت تديني عنوان حور اللي هي موجودة فيه حالياً عشان هبعتلها محضر بطلب الطاعة."

نبيلة بصدمة: "ننننعم؟ انت مش هتطلق وتخلصنا منها؟ هتجيب لبنتي ضرة؟ ثائر بخبث: "لأ طبعاً، أنا هجيبها عشان أذلها وبنتك بنفسها هي اللي هتقوم بالمهمة دي." نبيلة بخبث: "كده تعجبني يا جوز بنتي. تمام هبعتلك عنوانها." ثائر: "ماشي." تاني يوم، نادين بنت نبيلة نزلت المطار وشافت والدتها مستنياها، وكان معاها ثائر. نادين بفرحة: "مااااما! نبيلة حضنتها بفرحة: "وحشتيني ياحبيبتي." نادين: "وإنتي أكتر ياماما." ثائر:

"حمد الله على سلامتك." نادين بفرحة: "الله يسلمك يا ثائر." نبيلة بخبث: "عملالك حتة مفاجأة." نادين بحماس: "إيه؟ نبيلة: "إحنا دلوقتي مش هنروح على البيت، هنطلع على المأذون عشان هتتجوزي انتي وثائر." نادين نطت بفرحة وقالت: "بجد؟ أنا مش مصدقة! طب والزفتة حور راحت فين؟ نبيلة بهمس: "لأ ده هيمرمطها في المحاكم. هبقى أحكيلك بعدين." نادين بخبث: "ماشي ياماما ياقمر." ثائر بضيق: "مش يلا بقى عشان متتأخرش؟ نبيلة: "يلا طبعاً."

والتلاتة ركبوا عربية ثائر وطلعوا على المأذون. حور كانت بتلاعب بنتها هي وسمر، وكان خالد مش موجود. وفجأة الجرس رن. سمر بابتسامة: "ده أكيد خالد." قامت تفتح واتصدمت لما شافت محضر. سمر بقلق: "خير حضرتك؟ المحضر: "إنتي مدام حور محمد الصاوي؟ سمر: "لأ بس هي موجودة. حور ياحوور! حور جت من جوه باستغراب وقالت: "في إيه ياسمر؟ المحضر: "إنتي مطلوبة في بيت الزوجية بطلب السيد ثائر المحمدي." حور وسمر: "اييييه!!!!

حور مسكت راسها بتعب وقالت: "لأ لأ أكيد مش صح."