رواية ندم العمر الفصل السادس 6 - بقلم هاجر العفيفي

ثائر بضيق: موافق على كلامك بس متأذيش بنتي وكمان فين حور؟ نبيلة: مش هقولك فين حور دلوقتي، هي أصلاً عايشة في بيت واحد غريب لوحدها. ثائر بغضب: انتي بتقولي إيه!!! نبيلة ببرود وهي بتفتح صورة في تليفونها وبتوريها له: والله الصورة دي تثبت. ثائر اتصدم لما شاف حور شايلة بنتها ومعاها خالد وداخلة معاه البيت. ثائر بصدمة وغضب: هي فين!!!! قوللي مكانها وجبتي الصورة دي منين؟

نبيلة: هتعرفي كل حاجة في وقتها، ها هتعمل إيه مع بنتي اللي حبتك بصدق ومخانتكش زي ناس. ثائر تمالك أعصابه وقال: هعمل اللي انتي عايزاه. نبيلة بخبث: يبقى اتفقنا. خالد: أنا كنت عايز أسألك سؤال يا حور. حور بهدوء: أكيد طبعاً. خالد باحراج: احم، هو يعني والد ميان فين دلوقتي؟ حور بشرود: موجود. خالد باستغراب: طب هو إزاي مسألش عنكم كل الفترة دي؟ حور بتنهيدة طويلة: عشان هو أصلاً واقفين على الطلاق. خالد بصدمة: طلاق!!! حور: هحكيلك.

وقصت عليه قصتها واللي عمله ثائر معاها وطرد والدتها ليها. خالد بصدمة وحزن: هو في ناس بالبجاحة دي. حور بسخرية: وأكتر بكتير، هما أصلاً مفكروش فيا ولا إني حامل أصلاً، وكمان أنا كل اللي واجع قلبي هو بابا، ياترى عامل إيه من غيري دلوقتي. خالد: وإنتي ناويه على إيه؟ حور بقوة: هقف على رجلي وأشتغل وأربي بنتي طبعاً، وبعدين هوصل لبابا، بس حالياً مقدرش أواجههم. خالد بابتسامة: وأنا مستعد أساعدك.

حور بخجل: شكراً ليك يا خالد، عن إذنك هدخل أشوف ميان. خالد: اتفضلي. دخلت حور وهو قام مشي. بعد يومين ثائر كان ماشي بعربيته وهو شارد وبيفكر في حور وإزاي هي دلوقتي مع راجل غريب، ياترى بتعمل كده عشان تحسسه بنفس الشعور اللي هي حسته، شعور الخيانة. ثائر بغضب لنفسه: مااااشي ياحور، لو شوفتك مش هرحمك، مااااشي. وفجأة وهو ماشي لمح واحدة زي حور ماشية ومعاها طفلة صغيرة، وكان معاها بنت وشاب.

ثائر قرب أكتر منهم واتأكد إنها حور، وقف فجأة ونزل من العربية وقال بصوت غاضب: حوووور. حور كانت ماشية هي وخالد وسمر وانتبهت لصوته وبصتله بصدمة: ثائر!!!