رواية نفوس مريضه الفصل الثاني 2 - بقلم تسنيم حمدي

معتز شاف نورهان وشد كتف ياسين وهمس له: هو عمك خلف واد إيه؟ ياسين خبطه في إيده: سيب القميص، ودي تبقى دكتورة نور بنت عمك. معتز بصراخ: دكتورة المجانين! "نعم؟ انت بتقول إيه؟ " قالتها نور وهي بتبص له بتعالي وقربت منهم. ياسين همس لمعتز: اخرس. وقف قدام نور وابتسم: مبيقولش حاجة، ازيك يا آنسة نور. "عامل إيه يا عمي؟ نور تجاهلته وقعدت مقابل ليهم بغضب، وبجوارها قعد أبوها آدم. "احنا كويسين يا ياسين، انت ومراتك عاملين إيه؟

ياسين ابتسم بخفة: تمام يا عمي، تسلم على السؤال. قالها وقعد جانب معتز: عجبك كده، جبت لنا الكلام. تعرف تخرس؟ "ما أنا كنت نايم وساكت، انت اللي صحتني." قالها وهو بيتاوب ورجع حط رأسه على الطاولة من جديد. ياسين خبط على دماغه بيأس منه، وبص قدامه للمحامي اللي جاب الوصية وقعد قدامهم، وبجوار صلاح.

"مكرم المحامي.. أول حاجة حبب أقولها إن أستاذ صادق أبوكم كان بجد بيحبكم وكان كاره بعدكم عن بعض انت وأخوك يا أستاذ صلاح، وحب يجمع مابينكم حتى بعد ما اتوفى. عشان كده أستاذ صادق قرر إنه الورث هيتقسم مابينكم بعد سنة من دلوقتي وبعد ما تنفذوا وصيته." "يعني إيه بعد سنة الورث يتوزع؟ دا فين الشرع؟ مين دا؟ " صرخ بها صلاح بغضب. استيقظ معتز بفزع بعد صراخ صلاح: إيه؟ هو في إيه؟ قالها لياسين بجوارة: اششش. "آدم

بهدوء: ليه بابا وصى إن الورث يتوزع بعد سنة؟ وإيه هي وصيته اللي المفروض تتنفذ؟ اقعد يا صلاح خلينا نفهم." صلاح بغضب: أنا مش هفهم، والوصية دي ماتلزمنيش، والورث هيتوزع حالا عشان كل واحد يعرف حقه فين. تلقيك أنت اللي لعبت في دماغه يا آدم عشان تستولي على حقي قبل السنة. آدم بغضب مماثل: وأنا أعمل كده ليه؟ ما تبطل بقى حقدك وكرهك ليا، وخليك مرة واحدة تفهم وتحس فيها إنك أخويا الصغير.

ليتأفف معتز وهو يضع رأسه على الطاولة بيأس. في كل مرة يجتمع فيها عمه وأبوه لازم يتخانقوا بنفس الطريقة. صلاح وقف بغضب: أنا اللي بحقد عليك ولا أنت اللي بتحقد عليا؟ حاسس بالنقص مني دايماً وطمعان فيا، أكمن إنك معرفتش تخلف غير بنت واحدة عمرها ما هتكون لك سند. آدم: أنت بتعايرني إن... ازداد صوتهم العالي، ليصرخ بهم معتز: خلااااص! ممكن تهدوا شوية؟ نفهم. وانت يا عم اقرأ أم الوصية على طول وخلصنا، خلينا نروح ننام.

نظر له صلاح بغيظ. معتز: احم احم.. قصدي نروح الشغل، ورانا أشغال مش فاضيين إحنا. اقرأ يا عم مكرم بسرعة، ربنا يستر. وانت يا عمي حقك عليا ما تزعل. قعد آدم مكانه وصلاح بغضب. وجلس معتز مكانه وأغمض عينيه ليستريح مرة أخرى. "واتكلم مكرم.. يا جماعة ممكن تدوني فرصة أشرح قبل ما تتخانقوا كده؟ الوصية دي واجبة التنفيذ، وأستاذ صادق اعتبر أي واحد فيكم بيرفض تنفيذ الوصية إنه بكده بيتنازل عن حقه لأخوه."

"ياسين: وايه هي الوصية دي يا أستاذ مكرم؟ خرج المحامي ظرف: اهي الوصية، وعشان كل واحد ياخد حقه لازم بشرط بسيط.. إن معتز ابنك يا أستاذ صلاح يتجوز من الدكتورة نورهان بنت أستاذ آدم. بس و... قطعه معتز ووقف بصدمة: .. نعم! مين دا اللي يتجوز؟ نور وقفت قصاده بغضب: انت بتقول إيه؟ أنا اتجوز البني آدم دا؟ معتز بص لها بقرف وزعق: تتجوزي مين يا جعفر؟ انت تحلمي إني أبصلك أصلاً. دا أنا أول ما شفتك اتخضيت.

نور: لا أوعى، أنت بجمالك اللي عماك. أنا أصلاً أقرف لو بصتلي. دا أنا الدكتورة نور يا فاشل، اتجوزك انت؟ معتز: انت فاخرة بنفسك كده ليه؟ دا انتي دكتورة مجانين. نور: والله ما في مجنون غيرك يا فاشل. معتز: أنا بكلم مين؟ مانتي تلقى مخك لسع من اللي بتتعاملي معاهم. نور بقرف: مش أحسن من اللي ماسك كاميرا وماشي يصور البنات في الشارع ويقول أنا فوتوغرافي. معتز: أنا برد عليكي ليه أصلاً؟

بص يا مكرم، أنا الوصية دي ماتلزمنيش، ولا عايز ورث ولا زفت. قرب معتز من آدم وسلم عليه وحضنه: حلال عليك الورث يا عمي.. سلام. قالها وخرج من المكتب بسرعة. صلاح بغضب: شوف المتخلف دا وهاته. قالها لياسين اللي جري وراه معتز. ياسين: معتز استنى هنا.. معتز يا معتز. معتز ماشي بيبرطم: بلا معتز بلا نيلة، أنا إيه اللي جابني هنا أصلاً؟ هو الكل عايزني اتجوز ليه؟ هو أنا عانس؟

دا أنا مستحيل نفسي أجبر خواطر، أجيب واحدة كمان تقرفني ومن مستشفى المجانين؟ هو أنا ناقص؟ معتز بقى بيكلم نفسه وهو خارج من المكتب بسرعة وركب عربيته بدون ما يهتم لأبوه وياسين اللي خرجوا وراه وبينادوا عليه يرجع. شغل العربية وجري بسرعة. رجع صلاح وياسين

للمكتب وبص صلاح لآدم: لعبتها صح يا آدم. وعرفت تضحك على أبوك عشان تاكل حقي، لأنك عارف إنه مستحيل ابني يبص لبنتك. بس برحمة أبوك.. لا أخليه يتجوزها ويحول حياتها لجحيم. اصبر عليا يا ابن أبويا، وإن ما قلبت اللعبة عليك وخليتك أنت اللي تتنازل عن حقك عشان أخليه يرحم بنتك دي، مابقاش أنا. نور: أنا ماسمحلكش يا عمي تغلط فيا وفي أبويا بالشكل ده. وأنا أصلاً اللي مستحيل أبص لابنك ومش موافقة على الكلام ده. آدم: نور...

نور بغضب: أنا مش هتجوز البني آدم ده، ولو على جثتي. قالتها وخرجت هي كمان بسرعة. مكرم بص لهم: أنتم قدامكم عشر أيام بس ويكونوا كتبوا الكتاب، وإلا الورث هيعتبر إنكم اتنزلتم عنه أنتم الاتنين. بص آدم وصلاح لبعض بتحدي وخرجوا من المكتب وياسين بيتفرج عليهم بعدم رضا. دخلت نور المستشفى وهي حزينة وبتعيد كل اللي حصل قدامها وهي بتكلم نفسها: ليه كده يا جدي تحطني في الموقف ده وأبقى واقفة أسمع غلطهم فيا وأنا باتفرج عليهم بسببك؟

وليه البني آدم ده اللي اتجوزه وفرضه عليا وتفرضني عليه؟ ربنا يرحمك ويسامحك يا جدي. ... ... "أهلاً وسهلا يا دكتور جاسر، نورت المستشفى. مستعد تستلم شغلك النهارده؟ جاسر: ياريت بسرعة يا دكتور خالد، أنا حابب أبدأ من دلوقتي. خالد: ياريت الحماس ده يفضل مستمر. سناء هتوريك المستشفى وبعدين توصلك لمكتبك، وهبعت لك حالا نسخة من ملفات الحالات اللي هتابعها. جاسر: تمام يا دكتور، متشكر جدا. سناء: اتفضل معايا يا دكتور جاسر.

سناء خدت جاسر بجولة بالمستشفى لحد ما وقفته قدام قسم العزل. سناء: ودا بقى قسم العزل، بتتحول عليه الحالات الصعبة. بس حالياً مافيهوش غير حالة واحدة. جاسر باستفسار: طيب افتحه. سناء بلعت ريقها بخوف: ما ينفعش يا دكتور. جاسر: والسبب؟ سناء: للأسف الحالة دي ممنوع الدخول ليها. مافيش حد بيدخلها غير دكتورة نور، وعايشة بس على المهدئات لأنها خطيرة جداً وحالتها بتتعب لما بتشوف قدامها أي راجل. جاسر: فين الملف بتاعها؟

سناء: مع دكتورة نور. اهي وصلت، صباح الخير يا دكتورة. قربت عليهم نور وابتسمت: صباح الخير يا سناء. مين دا؟ سناء: دكتور جاسر، الدكتور الجديد اللي هيستلم معاكي الشغل هنا. نور: أهلاً، أنا دكتورة نور. أتمنى الشغل يعجبك معانا. جاسر: أكيد هيعجبني لأنه هتعامل مع دكتورة شاطرة زيك. شكل الكل هنا بيحبك. سناء: طبعاً دكتورة نور دي قمر. أسيبكم أنا عشان عندي شغل. مشيت سناء واتكلم جاسر: إيه حكاية الحالة اللي في العزل هنا؟

نور: اسمها حنين محمود. بقالها هنا سنة ونص وللأسف حالتها صعبة جداً، ما بتستجبش للعلاج وكل ما تسمح لها الفرصة تحاول تنتحر. جاسر: طيب وإيه وصلها لحالة اليأس دي؟ نور بحزن: اتعرضت لحادث اختطاف هي وطفلها، واختفت أكتر من شهرين، وبعدها ظهرت لوحدها من غير ابنها وحالتها كانت صعبة. مش معرف حصل معاها إيه وزادت حالتها سوء لما زوجها طلقها وتحولت على المستشفى هنا. جاسر: طيب والعلاج؟

نور: مافيش أي استجابة، وبس مجرد مهدئات لأنها بقت عنيفة جداً مع أي حد بيتعامل معاها، وخاصة لو راجل. جاسر: طيب أنا كنت عايز الملف بتاعها. نور: بلاش يا دكتور، ما صدقنا تهدي شوية. جاسر: بس هي هنا مش عشان تهدأ، هي هنا عشان تتعالج، ولا إيه؟ نور: تمام، هبلغ دكتور خالد إني هبعت لك الملف بتاعها بعد إذنك. قالتها نور وبدأت تشوف شغلها وتلف على الحالات الخاصة بيها. عادل: مالك يا معتز قرفان ليه كده؟

معتز: بقولك إيه يا عادل، هو أنا شكلي فاشل؟ عادل بستغراب بص على معتز من تحت لفوق، بنطلونه المقطع وقميصه المفتوح نصه، والسلسلة اللي لابسها، وشعره اللي كأنه مكهرب، والكاميرا حوالين رقبته، بعيداً عن نظارة الشمس اللي دايماً لابسها. "لأ يا حبيبي، أبداً. أنت شكلك صايع." معتز بستغراب: الحمد لله يعني مش فاشل. اومال ليه كل اللي يشوفني يقولي يا فاشل؟ عادل: سيبك منهم، المهم أنت إيه مزعلك؟ معتز: جدي عايزني اتجوز......