رواية نفوس مشوهة الفصل الثاني 2 - بقلم سولييه نصار

قالها وهو مصدوم كانت دموعي نازلة وأنا ببص بوجع بصلي هو ومش فاهم حاجة بس أنا مشيت ومعبرتهوش مشيت وأنا بمسح دموعي وحاسة إني هموت أنا كنت فاكراه العوض فاكراه هيعوضني عن اللي حصلي واللي بيحصلي بنيت معاه في خيالي أحلام كنت مستنية بفارغ الصبر اليوم اللي هنتجوز فيه عشان يبعدني عن عيلتي اللي مقدرش أقول عليهم أصلاً عيلة نقدر نقول ناس من سلالة الشيطان عمرهم ما حبوني دايماً بيأذوني نفسياً وجسدياً

حتى إني حسيت إني هتجنن بسببهم أو هموت حتى ومن وسط السواد اللي كان في حياتي جه محمود عشان يمسك إيدي ويطلعني بس اتاريه هو اللي رماني في النار بإيديه صرخت وأنا بحس بحد بيمسك إيدي بصيت لقيت عربية كانت هتخبطني وحد شدني بصيت لقيت محمود عينيا كانت حمرا من الدموع وقولت ابعد بدل ما أصرخ وألم عليك أمة لا إله إلا الله يا محمود سيبني خلاص اللي بينا انتهي ولسه همشي تاني مسك إيدي وقال بعصبية لا مش هسيبك

أنا من حقي أعرف إيه اللي حصل إيه اللي مخليكي متضايقة مني مش فاهم كنا من يومين بنتكلم كويس إيه حصلك النهاردة يعني اتجننت ارتحت يالا بقا سيبني في حالي لا مش هسيبك انطقي مالك أنا عملت إيه خرجت موبايلي بعصبية وخرجت صورته هو والبنت وقولت اتفضل يا أستاذ عكك بقي بيوصلي أول بأول اتصدم واتوتر وهو باصص للصورة وقال حبيبة أنا انت حقير اخرسي قالها بغضب وبعدين كمل انتي مش خطيبتي ولا مراتي عشان تحاسبيني ضحكت بوجع وقولت فعلاً

إنسان حقير لأن وسط السواد اللي أنا عايشة فيه ورغم إني حكيتلك قد إيه أنا اتأذيت في حياتي انت كمان قررت تأذيني بس خلاص اللي بينا أنا بنهيه مش عاوز أشوف وشك تاني مأدتهوش فرصة يرد وجريت وأنا ببكي كنت ببكي غبائي إذا كانت عيلتي أذتني يبقي هو هيكون كويس معايا إزاي أمنتله قعدت ألوم نفسي لحد ما وصلت للبيت دخلت ووقفت فجأة لما شفت عمتي الصغيرة مروة اللي أنا كنت دايماً بنادي عليها إبليس بسبب اللي بتعمله معانا

ابتسمت بشر وهي بتشوف دموعي وقالت سابك صح رفعت راسي وقولت جواسيسك مبقوش ليهم فايدة يا عمتي لأني أنا اللي سيبته وعديت من جمبها طبطبت عليا وابتسمت حسيت جسمي اترعش روحت جريت على شقتنا اللي فوق بما إننا ساكنين في بيت عيلة وقفت لحظة قدام الباب وأنا حاسة بحاجة تقيلة على صدري مكنتش قادرة آخد نفسي وحسيت بحضور قوي لحاجة أنا عارفاها كويس يوووه بدأنا دخلت وأنا مستعدة للي هشوفه بس اللي شوفته فاق توقعاتي المرة دي

شوفت أمي ناكشة شعرها عينيها بيضا تماماً مبهاش سواد مبتسمة ابتسامة مرعبة وحاطة سكينة على رقبة أخويا الصغير