رواية نغم وجاسر الفصل الرابع 4 - بقلم يارا أحمد

انتي ايه اللي هببتيه دا ي نغم؟ عمو جاسر هيموت. أنا عارفة هتستغربوا إزاي لسه بصدق كذبته الواضحة دي، بس عمر عمو جاسر ما كذب عليا. أنا عارفة إنه حياتي كانت في خطر بجد، وهو يمكن يكون هيموت فعلاً بطريقة غير مباشرة. هو أنقذني زي ما عشق أنقذتني. أنا مش عايزة عمو يموت. دماغها بتوجعها من التفكير وبتعيط. كلهم كانوا مصدومين من مسكتها لإيد فهد في اللحظة دي، بس صدمتهم بتحول لخوف لما يشوفوها بتعيط وبينسوا الموضوع من أساسه.

فهد بيشد إيد نغم بخوف: نغم... عشق بتشد نغم لحضنها بخوف: مالك ي نغم؟ في إيه؟ حاجة بتوجعك؟ نغم بعياط: ع... عشق، انتي هتسيبني؟ أنا مش بقدر أعيش من غيرك، وأنا مش عايزة عمو يموت. أنا لو حصل حاجة لعمو بسببي، مش بقدر أعيش ثانية وهنتحر وألحقه. (أنا) هببت الدنيا أكتر ما هو. أعملكم إيه؟

كل ما أترمى في حضنها بقول "اللي بزعلني من غير ما أحس". انتوا أكيد أعصابكم تعبانة وعايزين تعرفوا ردود فعلهم، يبقى أقلكم أنا. عشق أصلاً عارفة إني واحدة مجنونة واتعودت إني مرات بفصل من الموقف القدامي وأتكلم عن موضوع تاني تماماً، فالوضع ده عادي بنسبالها. أما فهد، أصلاً بحس روحه بتنسحب منه كل ما دموعي بتنزل، بالموضوع مش فارق معاه، المهم إنها تبطل عياط وخلاص. إنما الخطر هي يمنى، هي الوحيدة العاقلة هنا، بس هي مش هتتكلم قدامه وهتسألني الصبح وهتشوف.

عشق: اهدئي، أنا مش هسيبك ي نغم. ومحدش هيموت، محدش هيموت. طيب اهدئي وبطلي عياط. نغم بتمسكها وبتعيط. فهد بزعل: نغم اهدئي. عشق اعملي حاجة، سيبها توقف عياط. عشق بضيق: ما أنا حاولت. فهد بضيق: بس هي لسه بتعيط. "ياااااه يا جماعة شفتوا بموتوا فيني إزاي؟ دول بيتخانقوا عليا. ياااه بحبوني أوي." يمنى: سيبوها عليا. نغومة حبيبتي هتبطل عياط وأنا هجبلها شوية من كيكة الشوكولاتة.

"الله يفتح عليك ي يمنى ي بنتي، أكتر حد بيفهمني في العالم." نغم بتمسح دموعها وتقول ببراءة: بجد؟؟ كلهم بتهدأوا وبصوا عليها بحب. فهد بحب: لو عايزة الكيكة كلها تاخديها، المهم إنك بطلتي عياط. انتي مش عارفة دموعك دي بتعمل فيا إيه ي نغماااااا. "من ردوه ي جماعة انقذوني منه." نغم بحرج: ف... فهد ممكن تسيب إيدي. يمنى وهي بتضحك: وهو مين مسك إيد التاني أول؟ نغم بحرج: ا...

أنا كنت عايزة أمسك إيد عشق وحسيت بحركة وكنت فاكرها هي، بس طلعت فهد. "مش تفسير منطقي ي جمااااعة!! صدقوني وارحموني بقى." عشق: عادي. بس ي نغم انتي ليه كنتي بتعيطي ومين عمو دا؟ طبعاً يمنى مستنية الإجابة، ولو اتحايلت على عشق زي العادة هتفهم إني بكذب. ده بجد موقف صعب. نغم بصدق: عمو هو الجابني هنا. بتبعد عن حضن عشق. عشق: إزاي يعني جابك هنا؟ انتي مش جيتي لوحدك يعني؟

وبعدين إزاي مش رجع ياخدك ولا سأل عنك ولا جه يشوفك أصلاً وانتي بتعيطي علشان خايفة عليه؟ هو إزاي عنده قلب يسيب طفلة بعمر 7 سنين في الشارع؟ انتي أكيد اتجننتي. واحد زي ده يستاهل يموت مية مرة. انتي هتفضلي هبلة كده طول عمرك ي نغم؟ الكل مش ببرائتك. نغم بضيق: عشق ما تتكلميش عن عمو كده علشان ميحصلش مشاكل بينا. هو وعدني هيوفي بوعده. بجد عمو جاسر خط أحمر ي عشق. عشق بضيق: ولسه بتقولي عمو؟ هو اتخلى عنك ي هبلة.

فهد ويمنى حسوا بالجو المتوتر بينا، ودي أول مرة نتخانق بجد، فحبو يغيروا الجو. فهد بصوت عالي: مااااماااا! عشق ونغم ملو وعايزين الكيكة. عشق بخضة: يخربيت رخامتك! راعي لطبله أودانا شوية. بتكمل بضيق: نغم حاسة السمع عندها عالية. إزاي تصرخ كده وانت جنبها؟ قال أحوزك أختي قال. "أنا مش عارفة أقولكو إيه بس أنا بحبها أوي وبحب اهتمامها أوي!! فهد: هتجوزها غصب عنك. عشق: في أحلامك. يمنى: يوووه أنا هروح أشوف المسلسل. انتوا كملوا خناق.

"أوبا الكهرباء قطعت. إيه مسلسلك المنحوس ده ي يمنى؟ يمنى بضيق: مش معقول. "على فكرة أنا مفروض إني عمية، بسس أنا بخاف من الضلمة أوي. فده أصعب موقف بمر فيه بيومي. أنا مش بقدر أظهر خوفي لحد." نغم بتشد إيد فهد: فهد حصل إيه؟ أنا حاسة بحاجة متغيرة. فهد: دي الكهرباء قطعت، متخافيش.

عشق: نغم همسك إيدك ونتحرك، بس لو اتحركتي حركة غبية ووقعتي هقتلك. ساعتها أنا مش شايفة حاجة وأصلاً بسبب زنك نسيت الفون في البيت. فتمسكي إيدي وتتحركي زي الشطار، مش زي الأطفال المتعلمين المشي قبل أسبوع. "كرااااامتي ي عالمي." يمنى: فهد فونك لو معاك شغل الفلاش. أنا نسيت فوني في غرفتي. فهد: آه موجود. بيطلع بايده التانية لإن واحد مشغولة بمسك إيد نغم، بيفتح الفلاش.

"خدي ي يمنى انتوا علشان نغم ما تقعش. أنا قادرررررة أشوف يا جماعة، بس الفلاش أمان أكتر." وهوبا الكهرباء بتيجي. "الله ينور عليك ي ابني الجبتها." يمنى بفرحة: المسلسل مش هيفوتني. "إحنا في إيه ولا إيه ي منمن." عشق بضيق: انت ماسك إيدها لسه ليه؟ هي مش قالت لك تبعد إيدك؟ فهد: م... يمنى بتمسك إيد نغم وبتشدها: تعالي نشوف المسلسل وسيبك من النكديين دول. بيروحوا وفهد بيسيب إيد نغم. عشق بضيق: نغم خطر أحمر ي فهد.

فهد بضيق: أنا مش فاهم مالك ي عشق؟ أنا مش هاذي نغم في حياتي. عشق: أنا بحمي أختي من أي ح... نغم بصوت عالي: عشق!!! عشق وفهد بيجروا على صوتها فاكرين حصلها حاجة أو اتاذت، بيوقفوا لما يشوفوها دافنة وشها في إيديها. عشق بتقرب منها: نغم مالك؟ في إيه؟ يمنى عملتي إيه لنغم؟ يمنى: أنا معملتش حاجة. أنا نفسي اتخضيت من صوتها صدقيني. كنت بشوف الإعلان وفجأة لقيتها بتصرخ باسمك جنبي.

"إعلان.. ده أسوأ إعلان أشوفه أصلاً، بكره الإعلان ده. الإعلان عن شركة الكيلاني، أكبر شركة تصدير في البلد. وطبعاً هي ملك مين؟ أسير الكيلاني وعيلته. في كمان فنادق ومطاعم من الدرجة الأولى باسم عيلة الكيلاني. يعني إحنا مش أغنياء وبس، إحنا سوبر أغنياء. بس أنا عارفة كل دا ومش هصرخ من غير سبب أو علشان الإعادة طبعاً. إنما الإعلان ده فيه حاجة جديدة. اسم منافس بينافس شركة الكيلاني، واتوقعوا طلع مين!!

عدي أدهم أسير الكيلاني. آه عدي أخويا. أنا اسمي الكامل نغم أدهم أسير الكيلاني. إزاي عدي بينافسهم؟ هو اتجنن؟ عايز يموت!!؟؟ جدي أسير مش هيسكت له. لا وكمان الحربوقة مرات عمي مش هتسكت، ما هي أصلاً عايزة ابنها حبيبها ياخد مكان عدي. وأكيد بتكون خطتها نجحت بعد ما عدي عمل الحركة الغبية دي. انت عايز تجلطني قبل ما أشوفك حتى ي عدي؟ انت إزاي بتكون بالغباء ده؟؟

لازم عمو جاسر يفهمني كل حاجة. بجد أنا مش قادرة أستنى إمتى هيخلص الأسبوع ده." عشق: نغم مالك؟ في إيه؟ نغم: مفيش. أنا آسفة، حسيت بحاجة بتمشي على رجلي بس طلعت منملة. "هو كويس إنك مش قولتي مكسورة زي زمان." عشق: خوفتيني عليكي ي مجنونة. أم فهد: يمنى تعالي ساعديني. يمنى: فهد فهودي حبيبي، روح ساعد أمك يلا. نغم بضيق: وليه إن شاء الله؟ هي مش قالت يمنى؟ يمنى بتضحك: وانتي مالك مضايقة ولا مش راضية حبيب القلب يشتغل شغل البيت؟

عشق: أنا هروح أساعدها بس بالمقابل أقتلك انتي وفهد. يمنى: لا خليك في مكانك، أنا لسه صغننة وعايزة أعيش حياتي. فهد: هروح أساعد ماما. بروح. "جدع ي فهد، ده انت أصلاً جدع لإنك بتستحمل يمنى أختك دي. دي عشق أحسن منها تصدق."

وبعده مدة بتعشوا وبيكون الجو مليان ضحك وهزار. نغم كانت مبسوطة أوي بالجو ده وبتقارنه مع ذكرياتها المتبقية ليها من الفيلا وبتقارن الناس هنا بالناس بالفيلا، بتحس إنها مش عايزة ترجع وعايزة تعيش الحياة البسيطة دي للأبد. يمنى وعشق بيروحوا يغسلوا الصحون، ومحمد ومراته بيروحوا يشربوا قهوة. نغم وفهد بيفضلوا لوحدهم. نغم بحرج: ف... فهد هو يعني ممكن طلب؟ بس بلاش عشق تعرف إني طلبت منك.

فهد بحب: انتي لو طلبتي القمر أنا مستعد أنزلهولك. ممكن تسيب ردودك دي أصلي مش هعرف أتكلم من الإحراج. نغم بحرج: ه... هو... هو يعني أنا.. أنا عايزة تشتري ليا جزمة لو ممكن يعني. فهد بضحك: الخجل ده كله علشان جزمة؟ طبعاً هجبهالك، بس انتي مقاسك كام؟

نغم: بس هي مش ليا، هي لعشق. أنا عايزة أجبلها جزمة برباط، مع إني عارفة إنها مرتاحة بنوع جزمتها البدون رباط، بس ده غريب أصل يعني محدش بيلبس الجزمة بدون رباط وأنا متأكدة إنه العالم بيضايقوها بالموضوع ده مع إنها مش قالت بس بردو أنا حاسة كده. فهد بحب: انتي جبتي القلب الكبير ده منين بجد؟ أنا كل يوم بحبك أكتر من القبله. بكمل بمرح: ماشي ي ستي، هجبلها جزمة متعرفش تربطها حتى، علشان تعرف تاني إزاي تزعج فهد.

نغم بتضحك: ماشي ي أستاذ فهد. "بموضوع الفلو.." فهد: نغم مش هنتكلم في الموضوع ده. أنا مش متخيل نفسي يوم بآخد منك فلوس ي نغم. كفاية إني بستحمل إنك بتدفعي الحاجات اللي بتشتريها من الدكان ومش بتخليهم على حسابي. "ياااااناااا مش مراتك وربنا ي فهد." نغم: شكراً ي فهد. فهد: نغم وفهد مش بينهم شكر. نغم بتضحك: آه. بس أنا هرد ليك الفلوس في عيد ميلادي الـ 18، مش هقبل غير كده. فهد كان هيرد بس عشق بتيجي فبيسكت.

عشق: انت بتعمل إيه مع نغم لوحدكم؟ نغم: مفيش.