رواية نغم وجاسر الفصل الثالث 3 - بقلم يارا أحمد

المشكلة أنا عايزة هندسة وبرضه محدش أعمى هيبقا مهندس. طب يا عمو جاسر، هننهي التمثيلية دي إمتى؟ نحن هنلعب بمستقبلي كمان!!! فهد بنبرة كلها حزن وندم: أنا مش قصدي أتريق عليكي يا نغم، والله أسف ويا ريت تسامحيني. على فكرة يا فهد، أنا بشوف وشايفه إنك أحلى ولد هنا وميت عليا، بس يعني هفضل صادة مشاعرك دي، ما هو أنا مش ممكن أعلقك فيا وأنا بحد نفسي مش عايزة أتعلق بنفسي بسبب كلام عمو جاسر. نغم بنبرة لطيفة: لا عادي يا فهد.

عشق بضيق: يبقى خد بالك في المستقبل. عشق يا بنتي اهدئي كدا، الواد مش قاصد والله. نغم بهمس جنب عشق: عشق غيرانة عليا معقول!! عشق بزعيق: أنا هتشل منك يوم على فكرة يا نغم!! نغم بتضحك: أهي دي عشق، أنا بقدر أنرفزها في ثانية. عشق: نفسي أدخل لعالمك دا مرة، انتي بتفصلي أكتر من الكهرباء في المنطقة دي!! هو هتقتليني لو دخلتي ثواني.. آه بخصوص الكهرباء، الكهرباء بتقطع فوق 9 ساعات.

نغم بتضحك: والله يا أختي اتعودي، مصيبة وابتليتي بيا. فهد بسرعة: وأحلى مصيبة. وشي بقا شبه الطماطم، بس أعمل إيه أنا خجولة أوي أوي!! أكيد عارفين الحاجة دي، أنا بنت مثالية رقة وجمال وحياء. عشق بضيق: وأنت مالك.. أحسن تلم عليك ابنك عشان ما يوحشك يا عم محمد. عم محمد بضحك: أعمل إيه، الواد غرقان في أخته. عشق: وأختي مش مهتمة، يبقى نقفل على السيرة.

عم محمد بضحك: خلاص يا ست عشق، أسفين.. طب أم فهد كانت عايزكم تيجوا تتعشوا معانا، ونغم هتحب تيجي عشان يمنى، صح يا نغم؟؟ آه دي صحبتي وزميلتي وجارتي وبنت عم محمد واخت فهد الصغيرة، وهي مجنونة كدا، بس الحاجة المختلفة إن عشق معندهاش مشكلة معاها، ودي الغريبة، هي مش بتطيق حد في الحي دا غير يمنى ومامتها وعم محمد أحياناً، يعني بعد ما يتنتهوا من خناقتهم، أصلهم بيتخانقوا زي الاتنين المتجوزين النكديين وكل واحد أنكد من التاني.

عشق: نغمممم!!! هتفصلي لحد إمتى.. عايزة تروحي ولا لا؟؟ نغم بتفكير: هممم.. بعدها حاولت أبص على عم محمد بدون محدش يلاحظ، شفت إنه هيزعل لو رفضت، أصله بحبنا زي بناته. فهد: ماما عملتلكم كيكة شيكولاتة. وأنت ما تنطق من الصبح وأنا شغالة همهمة!!! نغم بسرعة وطفولية: هنروح طبعاً، دي عزومة مش بتفوت. صح يا عشقا؟ هي البنت دي بجد بتفصلني وبتضحكني حتى لو مش عايزة أضحك، هو في لسه حد في براحتك دي يا نغم!! عشق بتضحك: ماشي هنروح.

نغم بابتسامة: بجد بجد؟؟ وهنفضل شوية بعد العشا عشان أتكلم مع يمنى براحتي. عشق: وماله نقعد، ما هو كلها سنتيمترات من البيت، المهم إنك تكوني مبسوطة. أنتو مش عارفين كلماتها دي بتعمل فيا إيه، أتخيل يكون عندك عيلة وهما مش بيحبوك زي دا ولا بيهتموا فيك زي دا!!!

هما آه عيلتي كانوا بيموتوا فيني، بس أكيد مش بيهتموا فيني زيها، لو كان صح كان زماني في حضن ماما.. اوفففف يا نغم، عمو جاسر كان بيقولي إنه هييجي ياخدني لهم ويكلمهم، أكيد هما فاكرين إني ضعت، ساعتها أكيد بيدوروا عني، بلاش تظلميهم يا نغم.. المهم عشق معايا. عشق: نغمممم!! والله العظيم المرة الجاية هرفض كل طلباتك. نغم بتضحك: آسفة حقك عليا.. المهم أنتو هتجوا إمتى يا عمو؟ فهد: طيران أوصلي إنتي الأول.

عشق بضيق: هنبدأااا والله أغير رأي. فهد: لا خلاص أسف أسف.. قصدي أصلاً الشغل انتهى وهنروح. عم محمد: روح معاهم يا فهد وأنا بلحقك بعد ما أقفل المحل. فهد بعناد: لا يا بابا هساعدك أول وبعدها أروح. أقلك روح وصلهم وأنا بقفله بسرعة وبجي.

يوم فهد بيكبر في عيني أكتر لحبه لأهله، هو ابن مثالي وأخ مثالي أكتر، آه هو ويمنى بيتخانقوا بس بيصالحها وبيرضيها بسرعة، وبيقولها هو أنا عندي مين أهم منك يا منمن. مش بحبه ولا حاجة، بس بيذكرني بعدي، يا ريت لو أشوفك يا عدي، وحشني أوي، أنت هتكون عامل إزاي، دا أنا حتى مش هعرفك لو مريت من قدامي.. بتنهد بزعل. فهد بيبص على نغم: نغم مالك في حاجة، انتي كويسة؟؟ عشق: لا بس واحشها عدي مش أكتر.

فهد: إن شاء الله ترجعوا تتقابلوا، ما تزعليش نفسك. آه ما تستغربوش، أصل الكل عارف قصتي، بما إنهم كلهم عارفين إن عشق معندهاش حد، فهي اضطرت تحكيلهم قصتي، بس العيلة دي زي عشق بالظبط، مش بيحسسوني بشفقة ولا حاجة، إنما بيحسسوني بدفء العيلة، وصراحة أنا وعشق مهما كان بنات ومحتاجين الدفء دا. عشق بسخرية: لا هي فصلت تاني، تزعل نفسها إيه يا فهد، وهي دي عندها وقت للزعل!! نغم بتضحك: سمعاك على فكرة.. بتقول بحب.. شكراً يا فهد.

فهد بحب: نغم وفهد مفيش بينهم حاجة. عشق: فهد والله لو مش هتسكت أنا مش هقبل بالعزومة دي. فهد: سكت أهو. عشق: يلا يا عم محمد نروح قبل ابنك يجيب لي الجلطة. عم محمد: وهو هتلاقي زي ابني فين.. بس يلا يا ستي، أصلاً جعان. عشق: جعان ولا وحشتك أم فهد.. بتضحك. عم محمد بضحك: طب الاتنين. بنروح ونحن بندخل بيتنا الأول نحط الحاجات اللي اشتريناها، وبعدها بنطلع وبنلقى فهد رجع. فهد: انتو لسه مدخلتوش؟

نغم: أصل كنا بندخل الأكياس، بس جبت شوكولاتة معايا. فهد: ليه؟؟ نغم: عشان ناكلها أنا وعشق ويمنى طبعاً. فهد: همم مفيش ليا أنا. أنا فكرت الحرب العالمية التالتة هتقوم هنا، والهتلر قصدي عشق هتولع الدنيا، بس هي ساكتة ودا مش من عادتها.. عملت نظرة خاطفة وبصيت لعيونها وشفت حزن فيهم، بس هي ليه زعلانة!! فهد: عشق، الحقي أختك فصلت تاني..!! هو تقريباً فهم علي واستغرب رد فعلها، زي فحاول يفوقها.

عشق: ما عادي، هي بتفصل كتير أوي، مش جديدة يعني. حتى وإنتي زعلانة مش هترحميني!!! نغم وفهد: على فكرة نحن كبرنا، وسيب الشر دا بقا. فهد بضحك: هاه شفتي القلوب على بعضها تلتقي. عشق بيأس: نحن كبرنا!! هو أنتو بتكبروا!! أنا يوم ههرب من الحي دا بسببكم، أنتو التلاتة.. آه هنا قاصدة يمنى، ما هو نحن كلنا بنبوظ أعصابها، تحسونا متفقين عليها. نغم بتضحك.

عشق: شفت شفت، هي لابسها جن، مش عارفة بتحبها على إيه، مش قولت لكم مش بترحمني، شفتوا مش كنت بهزر!! فهد: وماله يعني، طب جوزيها ليا وأنا قابل. عشق: لا أنا بهتم بأختي، شكراً. الحاجة الوحيدة اللي اتغيرت إنو سندريلا بقت تعتبرني أختها يا جماعة!!! بس يلا، أنا أصلاً أتحب أوي، وأهو الدليل قدامكم، بتموتوا فيا. فهد بضحك: طب هنفضل على الباب كدا، يلا ندخل بقا.

بندخل وهوباااااا جات يمنى ناطة عليا، لا معلش طلعت ناطة على عشق، هي مش ناطة فعلاً بس استخبت وراها. بالله عملتي إيه المرادي يا مصيبة!!! يمنى بخوف: عشق ماما هتقتلني، أقنعيها إني بريئة، والله أنا بريئة من التهمة دي. ميكنش في بالي!!! لاااا استوب، ما تروحوش بعيد، قصدي على كيكة الشوكولاتة، لو أكلت منها حتة يبقا موتها على إيدي أنا مش إيد خالتو. عشق: وإنتي خايفة ليه؟ يمنى: إزاي ما أخافش، دي هتقتلني بجد.

عشق: طب خلاص، مش هتعملك حاجة وأنا هنا. نغم بضيق: وإنتي بتدافعي عنها ليه؟ يمكن فعلاً تكون الغلطانة. بصوا علي كلهم باستغراب، أصلي بدافع عن يمنى دايماً، بس المرادي غير، بعدها كانهم رجعت لهم ذكرياتهم واتذكروا إني نغم، فقاموا يضحكوا كلهم، وفهموا أنا بفكر في إيه تقريباً. يمنى وهي ميتة من الضحك: هموووت، مش قادرة.. لا يا ست نغم وربنا الموضوع مش بخص الكيكة بتاعتكم. نغم: يبقى كدا أنا بصفك كمان، دا نحن صف واحد للابد..

بيضحكوا تاني، معلش، هو أنتو شايفني إيه بالظبط، ممكن أفهم. فهد بضحك: طبعاً صف واحد، ما إنتي مرات أخوها. عشق بضيق: تعالي يا نغم نروح البيت. فهد: سكت أهو ي ستي.. عملتي إيه يا منمن المرادي؟ يمنى: ما عملتش حاجة، بس الست هدى وبنتها الغيورين جايين يقولوا لماما إني على علاقة مع ابن عم حمزة بتاع المكتبة، وأنا أصلاً معرفش ابن عم حمزة اسمه إيه!!

هو صح محدش منكم يعرف اسمه إيه على الأقل يعني، أدافع باسمي واسم الواد السكر المعلقني معاه دايماً. تستغربوا، قلت لكم مجنونة. نغم بتضحك: محدش هيعرف.. وبعدين هي مامتك أكيد مش صدقتهم؟ يمنى: تعرفي ماما طيبة.. لو مش إنتي يا نغم، مش كنت هعرف أتجوز وأسيب ماما، أصل مش هثق في اختيار فهد، وبخاف يجيب مراته شريرة زيه كدا. عشق: نغم بجد أنا ضغطي نزل، يلا على البيت. يمنى بتضحك: بهزر والله بهزر.

فهد بضيق: يمنى سيبنا في الجد، هم بجد قالوا كدا.. أنا مش هسيبهم يشوهوا سمعتك بسبب الغيرة. كان هيروح بس نغم مسكت إيده بسرعة.