رواية نغم وجاسر الفصل السابع 7 - بقلم يارا أحمد

جاسر بص على عيونها العسلية الشبه عيونه. جاسر: أنا مش فاهم هم بيتريقوا على إيه، إنتي ما فيكيش عيب عشان يتريقوا عليكي. حتى عيونك حلوة. عشق بصت على عيونه وضحكت. عشق: يعني عشان هما نفس لون عيون حضرتك يبقوا حلوين؟ انتبهت على نفسها وقالت بارتباك. عشق: آآآسفة حضرتك، أنا بجد مش قصدي أقلل منك بس اتكلمت تلقائيًا. جاسر بحب وحنية: بلاش رسميات، ممكن تعامليني عادي أوي زي أي حد كبير بتعرفيه. زي أبو يمنى مثلاً.

عشق بفرحة: بجد ممكن أعاملك عادي بدون رسميات؟ صراحة أنا مش عارفة ليه حاسة إني بعرفك وإنك قريب مني أوي، بس بجد مش هخذلك في الشغل. جاسر انبسط لما كلمته كده وابتسم. جاسر: أنا مبسوط لشعورك ده يا عشق. آه صح، اسمي جاسر، جاسر المالكي. وأنا متمني إنك تبقي معانا، أصلي مرة شفتك وإنتي بتشتغلي وعجبني شغلك ساعتها. عشق بابتسامة: اتشرفت بحضرتك، وأنا بجد مش عارفة أقولك إيه، شكراً أوي. جاسر: لا عادي، وبلاش شكراً دي. نحن من اليوم صحاب.

عشق: صحاب؟ جاسر بضحك: متفهمنيش غلط، أصل مش هحب أسمع كلمة عمو منك صدقني. كفاية عليا نغم هترجع وتصدعني بيها. صح، هي نغم هتكون مضايقة مني ومن موضوع العملية وموضوع العمية ده؟ أنا إزاي نسيت أكلمها؟ لا لا يا جاسر بقا أربعة أيام سايبها تعرف ساعتها أحسن. عشق: أستاذ جاسر... بتكمل بضيق. إنت بجد بتفصل زي نغم.

جاسر لما سمع اسمها من عشق اتذكر وهي بتقوله أختي سندريلا، واتذكر كلامه معاها وكل ما يقولها إنه هيموت، بيتذكر إجاباتها وبيغرق في موجة ضحك. جاسر وهو بيحاول يوقف ضحك: مش قادر. دي نغم مصيبة، إزاي استحملتيها 11 سنة وأنا كنت هجنن وهي معايا ليوم قبل ما أجيبها لك. بس هي نغم بنت طيبة أوي وذكية، بس مش بتحب تبان شخصيتها الذكية دي قدام حد وبتفكر كويس. والحاجة الأهم إنكم قدرتوا تساعدوا بعض يا عشق وكنتوا سند لبعض.

عشق: معلش، أصل نغم دي أختي الصغيرة. مصيبتك الصغيرة، عارف. جاسر: بجد؟ عندها كام؟ عشق: هتبقى 18 بعد أربعة أيام. جاسر بيعمل نفسه بيفكر بحاجة: هاه، صدفه غريبه. متهتميش بكلامي، ربنا يحفظها لك. عشق: آمين. وإنت عندك أولاد؟ جاسر مش اتوقع سؤالها بس جاوب بابتسامة. جاسر: آه، عندي ولد وبنتين. عشق بحب: يبقى ربنا يحفظهم لك. وكده نحن متعادلين، أصل مش بحب الديون وخصوصاً لو الموضوع بيخص نغم.

جاسر بضحك بخفة: ماشي يا ستي. عطلتك عن شغلك، اتفضلي. وهو أنا لو بإيدي مش هسيبك ترفعي ورقة من الأرض، بس إنتي عنيدة أوي وهتتعبينا أنا ونغم جامد. عشق: عن إذنك. بتكون عايزة تطلع بس بتفتكر القلم. بتقرب من مكتبه. عشق: هو القلم ده المدير القديم قالي أحطه في المكتب وهو مهم. جاسر: آه، هو القلم ده بتاعي. خديه معاك يمكن تحتاجيه. وأنا هحتاجه عشان أطمئن عليكي إنتي ونغم. وأسمع صوت الشقية دي من قريب، أصلها وحشاني. عشق: ماشي.

بتطلع بتروح شغلها. جاسر كان متابعها لحد ما راحت من قدامه. جاسر بتنهد: الأربعة أيام دي تخلص إمتى بقا ونرتاح كلنا يا رب. خلصنا من العذاب ده، كفاية التحملوه نغم وعشق لحد اللحظة دي. بكمل بنبرة جدية وهدوء. جاسر: أنا بعد أربعة أيام هقلب كل حاجة وهيرجع كل واحد لمكانه الطبيعي. اليوم بيعدي وعشق بتنبسط أوي بسبب تعامل زملائها الجدد. بتخرج. جاسر: عشق تعالي أوصلك. عشق: لا ي أستاذ جاسر، بلاش تتعب نفسك. جاسر: مفيش تعب، يلا.

عشق: آسفة بجد مش قصدي أضايقك، بس بجد مش هعرف أركب معاك العربية لوحدنا. أنا مش بحب الأجواء اللي زي دي وأنا واثقة فيك وكل حاجة، بس مش بقدر. جاسر بتنهد بحزن لأنها مفكرة إنه ممكن يأذيها، فاهم إنها مش بتقدر تتأقلم على البشر اللي زيه وبتشوفهم بمكانة أعلى منها. جاسر: لا عادي. طب ماشي، أنا هروح. تصبحي على خير. عشق: أتمنى متكونش زعلت مني. جاسر بيلبس نظارته الشمسية. جاسر: لا مزعلتيش ولا حاجة. المهم عندي راحتك.

ببص على جزمتها وبشوف واحدة مش مربوطة. بنزل وربطها لها وهي بتتصدم أوي منه. عشق بصدمة: إنت بتعمل إيه حضرتك؟ يا ريت تقوم قبل محد يشوفك. جاسر بص عليها بعدم فهم. جاسر: ويعني إيه لو شافني حد؟ إنتي كنتي هتقعي لو مش ربطتهولك. شكلك مش بتعرفي تربطيه لوحدك. عشق: إزاي؟ مش فاهم، إزاي يعني؟ هو إنت ناسي إنك مدير المكان؟ جاسر: برضو مش فاهم، فيها إيه لما أساعدك يعني؟ هو عشان أنا مدير المكان أبقى زي الحمار اللي قبلي وأزعق فيك وأهينك؟

أنا مش زي غيري يا عشق. المال وكل حاجة دا كله مش بهمني، قدر ما يهمني إني أكون حد عابر في حياة شخص بس مش بسمح له ينساني من الذكرى الحلوة اللي بينا. العالم كبير وإنتي عارفة أنواع البشر، بس مش كلهم سيئين. أنا مش زيهم، فاهمة يا عشق؟ عشق: فاهمة، بس برضه ممكن تقوم بقا. أنا خايفة على صورتك قدام موظفينك. جاسر بتنهد بيأس وبص على عيونها وقام. جاسر: أهو قمت. عشق: شكراً. جاسر بضيق: عفواً. أنا همشي. بروح. عشق بزعل: هو اضايق مني؟

فونها بيرن. بتبص بتلاقيها يمنى. بتبتسم تلقائيًا بترد. عشق: حبيبتي، عايزة إيه؟ لو عايزة شوكولاتة قولي، مزاجي حلو وهجبلك من غير ما أنكد عليكي. نغم بتضحك. نغم: صدمة! اعترفتي إنك نكدية؟ إيه؟ في إيه؟ عشقي مبسوطة أوي. متكونيش بتستبدليني في الشغل؟ هقتلك ساعتها. عشق: نغم، أنا يوم هتبرأ منك بسبب غبائك، صدقيني. نغم بتضحك. عشق بتستغرب. في العادة نغم بترد. عشق: نغم، إنتي كويسة؟ حصل معاك حاجة؟ نغم: هاه؟ عرفتي إزاي؟

عشق: الحاسّة السادسة. ما تنطقي وتقولي في إيه يا هبلة. نغم بألم: أنا جرحت إيدي. عشق بخوف: إيه؟ بجد؟ جرح كبير؟ عقمتي الجرح؟ نغم بألم: آه، كبير أوي. عقمتُه بس هو بيوجعني أوي يا عشق. حاسة إيدي اتشلت. هي فكرة ممكن تتشل من الجرح؟ عشق: لا مش هتشل. طب دقائق وأكون عندك، ماشي. بتقفل. عشق: إزاي هشتغل مع البنت العيلة دي؟ يوووه! هي مش بتقدر تهتم بنفسها حتى؟ قال عشق أنا كبرت قال.

بتجري وتروح البيت وتتصل بسرعة، بتدخل وتروح الغرفة فوراً. بتلاقي يمنى مع نغم. عشق بتقرب من نغم. عشق: فين الجرح ده؟ هاتي أشوفه. نغم بتمد إيدها. عشق بتشوفه جرح صغير. عشق: وحياتك ي نغم، إنتي عايزة تجنيني؟ هو ده جرح كبير؟ لا وايدي هتشل ي عشق. نغم، محدش هينشل غيري من تصرفاتك. اعقلي بقا. أنا هرجع الشغل. يمنى بتقوم.

يمنى: أنا هروح أتخانقوا براحتكم. تصبحوا على خير. على فكرة، كده هي جرحت نفسها وهي قاصدة عشان ما تروحيش الشغل وتتعبي زي امبارح. بتروح. عشق: خربيتك ي يمنى، إنتي أطلقتي سراح الوحش وسيبتيني معاه. عشق بعصبية: أنا بجد عايزة أفهم، مالك إنتي؟ اتجننتي؟ إزاي بتعملي كده؟ تأذي نفسك عشان ما أروحش الشغل؟ إنتي أكيد حصل لدماغك حاجة. ي نغم، إمتى هتعقلي بقا؟ أنا بكلمك على فكرة. نغم عيونها بتملي دموع وبتعيط.

عشق بضيق من عياط نغم: بتعيطي ليه؟ نغم بعياط: إنتي بتزعقي فيا ي عشق. عشق: لأني واحدة هبلة وأنا لسه مبدأتِش أزعق فيكي. فأحسن تبطلي عياط وإلا هرميكي لكلاب. رجعنااااا. نغم بعياط: وشفتي؟ بتهدديني كمان. عشق: نغم، هتبطلي عياط وإلا هعملها بجد. نغم: أنا مش هنصدم لو عملتيها. نغم بتغطي نفسها بالغطا وبتعيط. عشق بتقرب منها وتبعد عن نغم الغطا.

عشق: نغم، أنا آسفة خلاص، بطلي عياط وهسيب الشغل الإضافي كمان، بس خلاص، متعيطيش أرجوك ي نغم. أنا مفيش حاجة بتوجعني أكتر من إني أشوف دموعك. بتكمل بمرح. عشق: قومي يلا، هخرجك ونروح ناكل آيس كريم ونبرد أعصابنا شوية. نغم: مش عايزة آكل ومش عايزة أكلمك. عشق: دي طريقة، والطريقة التانية هي... بتقرب من نغم ودغدغها ونغم بتضحك أوي وعشق بتضحك لما تشوفها كده. عشق بتكمل بحب وهي بتقرب راسها من راس نغم. عشق: هاه؟

كده بقدر أتنفس وقلبي بينبض. إنما لما أشوف دموعك دي بحس دمي وقف ونبض قلبي وقف معاه. ي نغم. نغم بابتسامة: بتحبيني لدرجة إني. عشق: أكتر ما تتخيلي ي نغم. نغم بتفرح أوي وتحضن عشق. نغم: وأنا بموت فيك ي عشق. عشق بتبادل نغم الحضن وهي مبسوطة لأنها قدرت توقف عياط نغم. جاسر بابتسامة وهو بيسمع كلامهم. جاسر: شكله حبايبت بعض أكتر ما أتخيل. عشق: هاه؟ يلا نروح ناكل الآيس كريم. نغم: لا مش عايزة، سيبنا كدا. بتمسك إيد عشق.

نغم: عايزة أفضل جنبك على طول. عشق بتضحك. عشق: وإنتي هتروحي فين يعني؟ ما أكيد هتبقي معايا وتجلطيني لحد ما أموت. ريت. نغم بحزن: آه، أنا مش عايزة أسيبك أبداً ي عشق. بس أنا خايفة إنتي اللي هتبعدي عني. هو أنا لو كذبت عليكي في حاجة هتسيبيني ساعتها؟ عشق بتبص على نغم وتقول بهدوء. عشق: أنا مبحبش الكذب، فيمكن أعمل كدا. الإجابة صدمت نغم وجاسر أوي. عشق بتضحك على تعبير وش نغم. عشق: بهزر ي هبلة، هو أنا مش بقدر أعيش من غيرك ثانية؟

هلحقلك فين ما تروحي. نغم قلبها كان هيوقف بس بتطمئن بعد كلام عشق. نغم: إنتي خضيتيني أوي على فكرة. عشق: وإنتي هبلة، إزاي مش واثقة فيني لدرجة دي؟ أنا مش بقدر أبعد عنك ي نغم. نغم بتستغل الفرصة وتقول ببراءة. نغم: بتحبيني قد إيه؟ عشق: هممم. بتمسك إيد نغم المساكة إيدها. عشق: اتخيلي إيدك دي قلبي ومساحة حبي ليك هي المكانة المغطية بإيد. نغم مش بتقدر تبص على إيدها بس بتحس إن إيدها كلها مغطية بإيد عشق. نغم: بس دي كلها مغطية؟

عشق بحب: يبقى كله ليك وحدك. نغم بفرحة: هيهيء! عشق بتحبني أوي. يا سلام. طب خففي تنمرك وتريقتك عليا شوية. عشق: آآآه صح، هو أغلب المساحة دي حب في التنمر والتريقة عليك، والباقي عشان جمال عيونك. نغم بتقلب وشها. نغم: والله!!! عشق بتضحك. عشق: لا. بتقرب راسها من راس نغم وتبوسها. عشق: يلا على النوم، تصبحي على خير. بنام. بعد 3 أيام.

عشق ونغم بيفوقوا وبيتجهزوا وبيروحوا مدرسة. نغم وعشق بيروحوا على شغلها بعدها. في الـ 3 أيام دول حبت جاسر أوي وحست إنه ملاك مش إنسان وبقت تحب تشوفه دايماً قدامها وبتحس بوجوده بأمان وبقت تحب الشغل أوي وزملائها الجدد واحترامهم لبعض. بتوصل المطعم بتروح مكتب جاسر بتدخل. عشق بمرح: صباح الخير ي معلم. جاسر بابتسامة حزينة: صباح الخير ي عشق. عشق: مالك زعلان؟ حصل حاجة؟

جاسر بتنهد بتعب: ابني عايز ينزل مصر وده هيسبب مشاكل في الوقت الحالي. بغمض عيونه. جاسر: هو عاقل وكل حاجة، بس المرة دي في أسباب تنسيه ده وهتخليه مجنون ويمكن يقتل واحد، وأنا مش ناقص مشاكل الفترة دي بالذات. عشق: بس هو أكيد وحشك. جاسر: آه، بجد عيالي وحشوني أوي. عشق: البنات مش عايشين معاك يعني؟ جاسر: بنتي الكبيرة متجوزة، والصغيرة مش معايا حالياً. عشق: هاه، أكيد بتحس بالوحدة جامد.