رواية نجمة احتلت عرش قلبي الفصل السادس 6 - بقلم يارا الرويني

صلى على النبى بس الأول واذكر الله 🤎 وكانت لسه جاية تخرج واتزحلقت. نجمة بعياط: ااااهي. ياسمين وقتها طلعتلها هي ونور. نور: يلهوى ايه اللي حصل؟ نجمة بعياط: رجلى بتوجعني أوي. البنات راحوا عليها وساندوها ودخلوها أوضتها بعد ما نادوا على حد يمسح الزيت. نجمة بعياط: اااه يا رجلى يا أني يا ماي. ياسمين: اهدى يا نجمة. نور: يا رب دي أزرقِت. نجمة وهي بتبص على رجليها وبعياط: أيوا فعلاً أزرقت.

ياسمين: اهدى يا نجمة هحطلك عليها مرهم دلوقتي وهتبقى كويسة باذن الله. وقتها فهد دخل. فهد بخوف: فيه إيه؟ إيه اللي حصل؟ نور: نجمة اتزحلقت ورجلها أزرقِت. فهد وهو بيوطى يشوفها: بتوجعك أوي؟ نجمة بعياط: أه. إيه اللي جاب الزيت قدام أوضتي طيب؟ حد كان بيطبخ قدام الباب ولا إيه؟ وقتها ياسمين ونور ضحكوا. فهد: انتي في إيه ولا في إيه؟ هاتى يا ياسمين المرهم ده. ياسمين ادتله المرهم.

نجمة بصوت عالى: اااااااااه براحة هاتولي دكتور بيوجعني. فهد: ما هي لازم توجعك معلش شوية وهتروق. في الأسفل. ياسين: فرحة. فرحة: نعم. ياسين: انتي اللي عملتي كدا صح؟ فرحة بتوتر: ع عملت إيه؟ ياسين بحب: القميص بتاعي انتي اللي كوتيه. فرحة وهي بتاخد نفسها: اه أنا عديت من قدام باب أوضتك ولاقيته على السرير مش مكوي فكويته. ياسين: تمام. فرحة: عن إذنك. ياسين: اتفضلي. ياسين في نفسه: ليه قلبي حبك وهو عارف إنك بتحبي غيري؟

ربنا يطلع حبى ليكي من قلبي بدل ما أنا قلبي بيوجعني أوي كدا. فهد: خلاص يبنات كل واحدة تشوف كانت بتعمل إيه. ياسمين ونور خرجوا. نجمة وهي بترفع النقاب وقعدت تعيط. فهد بزعيق: ممكن تهدى بقى. نجمة بشهقات: هو انت بتزعقلي ليه دلوقتي وأنا بإيدي إيه يعني؟ فهد وهو بيطبطب عليها: طب خلاص أنا آسف اهدى بقى. نجمة وقتها دخلت جوا حضنه وفهد قلبه دق جامد وصوت نبضاته ونفسه كان بيزيد. فهد في نفسه: منك لله يا جدي كنت عايش مرتاح من غيرك.

نجمة: هو انت كنت فين؟ فهد: كنت في المدرسة بنقل ورقك ومن بكرة تقدري تروحي. نجمة بفرحة وهي بتطلع من حضنه: بجد؟ فهد: بجد. نجمة بزعل: بس أنا مش هبقى عارفة حد في المدرسة دي وهبقى وحيدة. فهد: شوية أيام وهتكوني صحاب بنات جداد. نجمة بطفولة: أيوا صح معاك حق. فهد: لسه بتوجعك؟ نجمة: شوية الحمد لله. شكراً. فهد: على إيه؟ نجمة: على اهتمامك أحلى أخ في الدنيا. فهد بزعل: أخ؟ نجمة: أيوا يا ابيه.

فهد بعصبية: بس أنا مش أخوكي يعني لا نفس الأب ولا نفس الأم ولا حتى أخوات في الرضعة. نجمة بعدم فهم: انت اتعصبت ليه؟ فهد: مفيش. نجمة: أنا آسفة لو قلت حاجة زعلتك. فهد: هو أنا مستاهلش إني أتحب؟ نجمة: لا طبعاً متقولش كدا تاني. وبإذن الله أما نطلق ربنا هيبعتلك نصيبك واحدة تحبك وانت تحبها. فهد: تمام. في المساء. نجمة كانت جاية تقوم بس معرفتش تتحرك وفهد كان بيشتغل على اللاب. فهد بخوف: حااسبى. وراح يسندها. فهد: عايزة تروحي فين؟

نجمة: عايزة أدخل الحمام عشان اتوضى. فهد: تمام تعالى أنا هوصلك لحد الباب. توضت نجمة وخرجت وصليت. نجمة فردت رجليها على السرير. نجمة: هي مش هتخف؟ فهد: لا هتخف بس مفيش حاجة بتخف من يوم وليلة. يلا حاولي تنامي وترتاحي. وذهبت نجمة في نوم عميق. في الصباح نجمة وفهد صحيوا ونزلوا يفطروا. فهد: يلا يا نجمة عشان أوصلك. نجمة: ماشي. فهد وصلها لحد باب المدرسة. فهد: هتعرفي تمشي ولا أسندك؟ نجمة: لا هعرف حاسة إنها بقت أحسن الحمد لله.

فهد: تمام خطة بالك على نفسك. نجمة: أوك يا ابيه. ودخلت نجمة المدرسة. في البريك. نجمة كانت قاعدة لوحدها. مريم: ازيك أنا مريم. انتي قاعدة لوحدك ليه؟ نجمة: مش لاقية حد أقعد معاهم. مريم: إيه رأيك نبقى صحاب؟ نجمة بفرحة: أوك. مريم: انتي اسمك إيه؟ نجمة: اسمي نجمة. مريم: اسمك حلو أوي يا نجمة. نجمة: انتي أحلى. وخلصوا اليوم الدراسي بتاعهم. فهد كان واقف مستني نجمة وكان ساند بضهره على العربية. مريم: اوبا مين القمر دا؟

نجمة بغيرة: جوزي. مريم: إيه دا انتي متجوزة؟ نجمة: أيوا. يلا سلام وأشوفك بكرة. مريم: سلام. فهد أخد نجمة ووصلوا البيت. نجمة قعدت تحكي لفهد كل حاجة حصلت معاها وهي مبسوطة وهو كمان كان فرحان جدا لفرحتها. وصلوا الڤيلا. ولاقوا كل العيلة موجودين وقاعدين. عز: أهو كدا العيلة اكتملت. قول بقى يا جدي إيه الموضوع اللي عايزنا فيه؟ الجد: .................