رواية نجمة القاسي الفصل الرابع والثلاثون 34 - بقلم شهد هاني

ليث بحزن: للأسف أختك طلعت هي اللي هربت، راحت مع ابن عمها صالح. ملاك بصدمة: فتحت عينيها بتقول: "انت بتقول إيه؟ مين اللي يهرب؟ مش فاهمة حاجة." ليث: "نجمة أختك هربت عشان هي بتحب ابن عمك، وقاسي طلقها يا ملاك." ملاك بصدمة: "استحالة أختي تعمل كده، في حاجة غلط. هي بتحب قاسي أوي، عشان كده قررت تديله فرصة. أنا عاوزة أروح ليها يا ليث بعد إذنك." ليث: "اهدي يا ملاك، أنا حاسس إن في حاجة غلط، بس اللي حصل حصل، هنعمل إيه يعني؟

المهم خشي انتي بس خدي شور، اطلعي عشان أنا عاوز أنام في حضنك بس." ملاك بحزن: "ماشي يا ليث." دخلت الحمام وبالها مع أختها. ليث: قعد على السرير يفكر في حال صاحبه، قرر يرن عليه. عند كبير: قاعد في المكتب، ضحكة على وشه بيقول: "جدع يا واد يا فارس، عشان عملت اللي أنا عاوزه. هعمل ليك مفاجأة على حسابك الخاص." فارس: "أنا والله حبيت صالح ابنك، مبسوط إنه جاب ليه نجمة."

كبير: "انت جدع يا فارس والله، من النهارده اعتبر نفسك أخ لصالح." فارس: "شرف ليا يا كبير، يا باشا. المهم هتعمل إيه مع البنت التانية اللي اسمها ملاك؟ كبير: "لا دي سيبها شوية، عقبال ما نضمن إن نجمة تحت رحمتنا." فارس: "امم تمام، ماشي، أنا معاك في أي حاجة انت عاوزها." كبير: "تمام يا فارس، انت لو عاوز حاجة أنا أبوك." فارس: "ربنا يديك طولت الصحة يا حج، عن إذنك."

عدى الليل بطوله على الأبطال. في صباح يوم جديد، صحي قاسي، لبس البدلة بتاعته، جهز الشنطة بتاعته للسفر، بعت رسالة لليث: "أنا مسافر لندن، أشوف وشك على خير يا صاحبي." ليث: كان نايم في حضن ملاك، الفون جنبه، قلق من صوت رسالة. فتح عينه، مسك الفون يشوف الرسالة، فتح عينه بصدمة، قام من على السرير مفزوع. ملاك: قلقت، فتحت عينيها بخضة وقالت: "في إيه يا ليث؟ حصل إيه؟ ليث:

وهو بيلبس بسرعة بيقول: "قاسي مسافر، هيسيب البلد. أنا لازم ألحقه." ملاك بصدمة: "ليه رايح فين؟ أجي معاك؟ ليث: خلص لبس قال: "لا، خليكي هنا، خلي بالك من نفسك، متخرجيش. أنا هروح أحاول أوقفه." ملاك: "تمام، خلي بالك من نفسك، ابقى طمني يا ليث." ليث: "إن شاء الله خير يا ملاك." نزل، ركب العربية بتاعته. عند نجمة: صحيت من النوم بتعب، قامت وقفت، دخلت الحمام، اتوضت وطلعت، سمعت الباب بيخبط. نجمة: "اتفضل ياللي على الباب."

الخدامة: "رؤوف بيه، صالح بيه ابنه بيقولك اتفضلي انزلي تحت عشان تفطري." نجمة: "آسفة، اعتذري ليهم، مش ليا نفس." دخل صالح: قال: "لألألألألأ، مالكيش نفس إزاي بس؟ تعالي يلا انزلي افطري معانا عشان آخدك تروحي تشوفي ملاك أختك." نجمة بفرحة: "طب هصلي، أنزل بسرعة، ماشي." صالح: ضحك وقال: "ماشي، المهم تخلصي تنزلي، أنا مش هفطر من غيرك، اوكي." نجمة: "اوكي يا صالح." صالح: "أسيبك، انتي ربنا يتقبل منك يارب."

نجمة: ابتسمت وفردت المصلية، بتصلي، بتدعي ربنا إن يجمع ما بينها وبين قاسي. صالح: نزل. "أكلم رؤوف ها؟ فين نجمة؟ منزلتش معاك ليه؟ صالح: "هتصلي، هتنزل، آخدها مشوار كده." صالح: قلق، "لا تهرب." وقالت: "ما بلاش يا بني، خليها بعد كتب الكتاب." صالح: "لا يا حج، عاوز آخدها، أطلعها من المأزق اللي هي فيه، أقدر أسعدها بأي حاجة." صالح: "طب خلي بالك منها، أوعى تخليها تروح كده ولا كده." صالح بستغراب: "إزاي؟

هي اللي جايه ليا. المهم أنا هروح مشوار أنا، هي بعد كده أرجعها، أروح الشركة بتاعتي أشوف حوار صفقة." رؤوف: "ماشي يا صالح، خلي بالك من نفسك." نزلت نجمة: لبست فستان هادي موجود في الدولاب، لبسته ونزلت. هي مش طايقة رؤوف، مسلمتش، قعدت. صالح: لاحظ وقال: "مش بتسلمي على عمك ليه يا نجمة؟ نجمة: "هااا، ما أخدتش بالي، إزيك يا عمي، عامل إيه؟

رؤوف بشر: "الحمد لله يا بنت أخويا، انتي. المهم عرفتي تنامي كويس عشان مهم، لأنه يهمنا راحتك." نجمة: "بكرة أكيد هكون مرتاحة، مش في بيتك برضه يا عمي، ولا إيه؟ صالح: ضحك وقال: "أنا حاسس من طريقتكم لبعض، واحد أهلي وواحد زمالك، يردوا الهجمة لبعض." رؤوف: ضحك عشان ابنه ما ياخدش باله وقال: "لا يا بني، ده حتى أنا بحب نجمة، نجمة بتحبني، مش كده يا نجمة؟ نجمة: "هااااا، أكيد يا عمي، بحبك من كل قلبي." سابت المعلقة،

قالت: "الحمد لله، كلت يا صالح، مش يلا." صالح: بيمسح بوقه بالمناديل، "هو انتي لحقتي تاكلي يا نجمة؟ نجمة: قامت وقفت قالت: "آه الحمد لله، انت لو لسه مخلصتش، هقعد هنا أستناك، خد راحتك عادي." رؤوف: "أوعى حاجة تحصل كده ولا كده، ماشي يا صالح." كلامه كان موجه لنجمة مش لصالح. عند ملاك: قامت خدت شور، لبست هدوم بيت، قعدت على السرير بتقول: "مين ابن عمي ده اللي نجمة بتحبه؟ افتكرت، قالت: "آه، صالح ابن عم رؤوف."

قالت: "بس إزاي بتحبه؟ هو أصلاً كان بره البلد. إحنا كنا لسه صغيرين، لو بتحبه أنا ليه معرفش؟ أنا ياربي حاسة إن في حاجة غلط." قامت وقفت ملاك: نزلت تحت وقالت: "دادة، ممكن تعملي ليا كوباية قهوة." دادة: "حاضر يا ست ملاك." قعدت ملاك: وهي بتفكر في حال أختها وقاسي اللي قرر يسافر من غير ما يحط أعذار لنجمة. نجمة: طلعت مع صالح، ركبت العربية، شارده في عالم تاني.

صالح: "نجمة، إن شاء الله بعد ما نرجع من المشوار بتاعنا، أنا هروح الشركة بتاعتي، كده عاوز بالليل أعزمك على العشا." نجمة: اتعدلت وقالت: "بلاش يا صالح، بصراحة مفياش دماغ." صالح: "بس أنا عملتلك مفاجأة جميلة أوي أوي، هتعجبك." نجمة: "طب تمام، ماشي، إن شاء الله أروح، بس أشوف أختي عشان وحشتني." صالح: "خلاص، إحنا وصلنا أهو، دي فيلا ليث، صح؟ نجمة: "مرحتش قبل كده، بس أكيد هي. يلا."