رواية نجمة القاسي الفصل السابع والعشرون 27 - بقلم شهد هاني

عدي اليومين بطولهم وعرضهم على الأبطال، جه وقت الحماس والمفاجآت واليوم الموعود. نجمة: قاعدة في أوضتها بتفرك إيدها جامد بتقول، "أنا خلاص يا ملاك هبقى مرات حق وحقيقي لقاسي." ملاك: "آه يا حبيبتي، أنا بجد فرحانة ليكي لأني شايفه فعلاً حب قاسي ليكي اللي باين في عيونه." نجمة بحب: "عارفة، فرحانة جداً لأني حبيته، بس مش عارفة قلبي مقبوض، حاسة إن في حاجة هتحصل في اليوم، ربنا يستر."

ملاك: حضنت أختها وقالت، "متخافيش، بس هو تفكيرك زايد عشان علاقتك الأول أنتِ وقاسي جت كده، بس إن شاء الله خير، قومي كده صلي واجهزي عشان قاسي لما ياخدنا نروح السنتر." نجمة: "عندك حق، هقوم أصلي يمكن ربنا يريح قلبي، وأجهز." ملاك: "ربنا يريح قلبك يا روح قلبي ويتمم ليكي على خير." نجمة: سابتها ودخلت الحمام، هي بالها مشحون من التوتر.

ملاك: قعدت على كنبة بتفكر في اللي خطف قلبها وعقلها، بتقول، "يا ترى يجي اليوم تحبني يا ليث، أكون عروستك نعيش في بيت واحد سوا... ولا إيه؟ نجمة: دخلت الحمام، حسّت بدوخة بس اتغلبت عليها، اتوضت وطلعت، لبست الإسدال، فضلت تدعي لربنا إن اليوم يعدي على خير. ملاك: قامت وقفت، لبست فستانها اللي جايباه معاها وجهزت، وقالت، "اجهزي يا نجمة، أنا جهزت، هنزل أستناكي تحت." *** عند قاسي: قاعد في المكتب بيشتغل في الورق.

دخل ليث عليه بغضب قال، "هو فرح مين النهاردة يابني؟ أنت بتعمل إيه هنا؟ قاسي: "عايز إيه يا ليث؟ اسكت خليني أخلص اللي في إيدي عشان متأخرش على نجمة وملاك." ليث: "يارب يارب، برود قاسي ده عشان... الواحد خلاص جاضضض." قاسي: "اطلع بره يا ليث خليني أخلص اللي معايا، ما أنت كمان عريس ولا ناسي؟ ليث: "لا فاكر يا خويا، فرحان جدًا، عايز أشوف شكل ملاك، هي مصدومة." قاسي: بص في ساعة قال، "أوبس، لازم أكون عندهم دلوقتي."

ليث: قام وقف قال، "في إيه؟ أجي معاك صح؟ قاسي: "تؤتؤ، أنت هتيجي تقعد مكاني هنا تخلص الشغل اللي كنت بعمله عقبال ما أودي نجمة وملاك السنتر." ليث: فتح عينه بصدمة وقال، "أنت بتقول إيه؟ أنا عريس، دا يوم فرحي، شغل إيه اللي أعمله؟ لا مع السلامة أنت." قاسي بخبث: "خلاص مفيش فرح، مفيش جواز ليك." ليث: قعد وقال، "حد قبل كده قالك إن عندك برود على الكلي ولا لسه؟ قاسي: "خلي بالك، ورق الصفقة مهم، عن إذنك."

ليث: "منك لله يا قاسي الكلب." قعد يشتغل في الورق عشان يلحق يروح يجهز. قاسي: طلع من الشركة، لبس النضارة بتاعته، راح عند العربية، ركبها، راح في طريقه على الفلا. *** الكبير: بغضب، "أنت تحاول يا فارس إنك تجيبلي انهارده ملاك في الفرح... عشان أكيد هتكون هناك، ما هي مدورها مع اللي اسمه ليث دا." فارس: "حاضر، حقك عليا يا باشا، معرفتش أجيبها الأيام اللي فاتت دي لأنها دايماً لازقة في اللي اسمه ليث دا."

الكبير: "ماشي، سماح المرة دي يا فارس، بس في الفرح أنا عايز عيونك تكون في راسك، تبعد عن صالح عشان تعرف تعمل خطتك، أنت فاهم." فارس: "فاهم يا باشا، أنا هروح بقا أجهز عشان خلاص الغروب قرب يمشي الليل يعم." الكبير: "ماشي، روح لي صالح في الأوضة قوله يجهز عشان قرب الفرح يبدأ." فارس: "حاضر يا كبير." صالح: في الأوضة بتاعته، طلع البدلة اللي يلبسها، فجأة وقعت صورة نجمة وانكسرت.

صالح بزعل: نزل أخد الصورة اللي فيها، قال، "حتى الصورة اللي معايا ليكي يا نجمة راحت... تعرفي أنا عندي أمل كبير إني هشوفك انهارده إن شاء الله." فجأة قطع كلامه مع نفسه، خبط على باب. صالح: "اتفضل اللي على الباب." دخل فارس: قال، "هااااا يا صالح، اجهز عشان الفرح قرب." صالح: ضحك وقال، "ما طلع البدلة عشان ألبس، المهم أنت كمان البس عشان تيجي معانا." فارس: "أنا قولت أجيب أفكرك بس، ورايح ألبس اهو."

صالح: "متخافش ياعم، أنا هجهز، هطلع ليك ماشي." فارس: "ماشي يا نجم، عن إذنك." صالح: خد البدلة بتاعته، دخل الحمام، هو في قلبه أمل إن يشوف نجمة النهارده. *** قاسي: وصل عند الفلا وحاسس بتوتر، حاجة غير مريحة، ودخل الفلا، شاب نجمة قاعدة لوحدها. اتخض على نجمة وراح عند ملاك قال، "نجمة فين؟ منزلتش معاكي ليه؟ ملاك ضحكت: "اهدي اهدي بس كده، نجمة فوق بتلبس ونازلة، لو حابب تطلع ليها يعني."

قاسي: حط إيده على قلبه، نفخ براحة قال، "الحمدلله، طمنتني، طب أنا طالع ليها." ملاك: "ماشي يا عريس، براحتك، معاك ربنا." قاسي: ضحك وغمز وقال، "عقبالك يا ملاك أفندي." ملاك: سرحت في ليث وقالت، "ييجي هو بس." *** نجمة: واقفة قدام المرايا، لبست فستان أسمر، عمالة تحاول تقفل السوستة مش عارفة، فجأة شافت قاسي في المرايا. قاسي: "هااا يا بطتي، مش عارفة تقفلي السوستة وأنا موجود؟

نجمة ضحكت: "وقالت، ربنا يخليك ليا يا قاسي." كملت بتذمر، "أنا مش عارفة السوستة مش عايزة تقفل ليه." قاسي: ضحك عشان تخنتي يا نجمتي." نجمة بغيظ: "لا، على فكرة دا الهدوم هي اللي انكمشت خجلاً من جمال مش عشان تخنت." قاسي ضحك: لف ليه نجمة وبص ليها أوي، مسك إيدها باسها وقال، "معرفش يا نجمة، قلقان، خايف عليكي ليه؟ ربنا يستر اليوم يعدي على خير." نجمة: حضنت قاسي وقالت، "حقيقي نفس الإحساس، بس إن شاء الله خير يا قاسي."

قاسي: "خير خير، إن شاء الله، المهم يلا بقا عشان منتأخرش على البت السنجولة اللي تحت دي." نجمة: ضحكت وقالت، "أنا كان هاين عليا أعرفها في آخر لحظة إنها هتجوز معايا، بس مسكت لساني." قاسي: ضحك وقال، "شاطرة يا نجمتي." ونزل تحت لي ملاك. ملاك: "قمرات يا خواتي، ربنا يمنع عنكم العين، يارب أشوفكم أحلى عريس وعروسة انهارده." قاسي: بص لي نجمة، غمز وقال، "عقبالك إن شاء الله، أنتِ كمان نشوفك أحلى عروسة."

ملاك: "احم، ابدأ، أنا زي الفريك ميحبش شريك." قاسي: "هاهاهاهاها، أما نشوف، يلا عشان منتأخرش على السنتر." *** ليث: خلص على قد ما يقدر الشغل اللي في إيده وطلع بره المكتب، راح الشقة بتاعته عشان يجهز عقبال ما قاسي يجي. ليث: طالع من المكتب، فجأة خبط في واحدة وقال، "حسبي." حبيبة: رفعت عنيها وقالت، "أوف، سوري بجد." ليث: بدون اهتمام، "عادي ولا يهمك، كنتي داخلة هنا عايزة إيه؟

حبيبة: "عايزة قاسي، بس مدام شوفتك أنت يبقى بلها قاسي." ليث بقرف: "هو انتي لسه فيكي داء نقص ده، مخافش ولا إيه؟ حبيبة بغضب: "خلي بالك من كلامك لو سمحت، أنا داخلة لي قاسي." ليث: "قاسي مش موجود دلوقتي، مع عروسته بيجهزوا." سابها ليث: ومشي، ركب العربية بتاعته وراح على الفلا يجهز. *** وصل قاسي: قدام سنتر، دخل مع نجمة وملاك، وكل مع صاحبه السنتر إن المكياج ميكونش أوفر. نجمة: فرحت جداً، واقفة متحمسة تشوف نفسها بالفستان.

قاسي: باس راسها وقال، "أنا همشي أنا بقا عشان أجهز، ألبس وأجي آخدك على فرحتا يا نجمة." نجمة: بحب، "ماشي يا حبيبي، خلي بالك من نفسك، أنا ملاك هنا، لا تقلق." قاسي: "ماشي يا حبيبتي." ونزل قاسي، ركب العربية راح الفلا عشان يلبس. صاحبه سنتر: قالت، "ملاك هانم، ممكن تلبسي الفستان دا ضروري عشان البنت المفروض نصورها بالفستان، مجتش هي نفس مقاسك باين." ملاك بصت لي نجمة: قالت، "مش فاهمة حاجة، أعمل إيه يا نجمة؟

نجمة: "روحي معاها، حسّي نفسك عروسة اهو، تلبسي فستان الفرح مرتين." ملاك: بصت لي البنت وقالت، "هو يعني فقرة تصوير كده؟ بنت: "أيوة، تعالي بقا معانا عشان منتأخرش." نجمة: بصت لي ملاك وقالت، "روحي يا حبيبتي معاهم." ملاك اتحمست: لي الفكرة، راحت معاهم القسم اللي فوق، بدأ كل واحد يجهز ليبدأ اليوم بتاعه. نجمة: جهزت، لبست الفستان، كان الميكب بتاعها هادي، واقفة قدام المرايا مش مصدقة نفسها إنها بالجمال دا.

البنت: "ما شاء الله، عروسة قمر بجد." نجمة: "مرسي، دا من زوقك بجد، وبعدين تسلم إيديكي، شغلك جميل جدآ." البنت: "على فكرة انتي اللي قمر فحليتي اللوك." وفجأة سمعوا صوت ملاك. ملاك بفرحة: "نجمة شوفيلي أنا، أنا عروسة قمر إزاي." هنا كان ليث وقاسي: جهزوا، وصلوا قدام السنتر، ودخل ليث بلهفة وسمع صوت ملاك وقال، "فعلاً عروسة قمر أوي." ملاك بصدمة: قالت، "نجمة، الصوت دا جاي منين؟

ليث: كان لابس بدلة السمر، كان شكله قمر جداً، راح وقف قدام ملاك ونزل على رجله وطلع خاتم وقال، "تقبلي تجوزي عبد الله المتواضع الغلبان دا؟ ملاك اتصدمت: وقالت، "أحلف إني أنا مش حلم، حد بسرعة يقرصني." ليث: مسك إيدها باسها وقال، "ردي يا بنتي، رجلي وجعتني." ملاك بفرحة: قالت، "موافقة يا ليث، بجد مبروك لينا، موافقة."

ليث: قام وقف وشالها ولف بيها وقال، "بحبكككككككك يا ملاك." وشالها وطلع حطها في العربية بتاعته، وصل عند القاعة بتاعت الفرح. نجمة: واقفة مكسوفة، باصة على الأرض، عمالة تفرك بي إيدها. قاسي: راح وقف عندها، لابس البدلة السمر اللي نجمة اختارتها ليه، حط إيده تحت دقن نجمة وقال، "نجمة." نجمة: رفعت عنيها ليه ومكلمتش غير ضحكة على وشها. قاسي: "إيه القمر دا يا نجمتي، ما شاء الله، حورية نازلة من الجنة." ومسك إيدها وباسها بحب.

نجمة بحب: عيونها دمعت وقالت، "أنت اللي قمر أوي يا قاسي." قاسي: ضحك بفرحة وشالها لف بيها وقال، "بحبك يا نجمة القاسي." وشالها قدام الناس كلها، نزل بيها راح عند العربية، ركبه عشان يوصله لي قاعة الفرح. *** عند كبير: لبس العبايه بتاعته وجهز وقال، "هااا يا صالح، جهزت يابني." صالح: طالع وقال، "أنا مش عارف أربط أم الكرفتة الباردة دي." كبير: "تعالي أنا أربطها ليك يا حبيبي." صالح: "ربنا يخليك يا حج، اتفضل."

دخل فارس: وقال، "أوف، أنا مش عارف أربط كرفتة دي، مش داعي ألبسها." كبير ضحك: قال، "تعالي هعملها ليك بعد ما أعملها لي صالح." صالح ضحك: قال، "أنا بحسبك نمس هتعملها صح يا فارس." فارس: "أعملها صح إزاي؟ هو أنا عمري في حياتي ربطت كرفتة يا بني؟ كبير: "هااا، خلصت يا صالح، تعالي يا فارس." عمل كبير لفارس الكرفتة. فارس وصالح: في نفس واحد، "منتحرمش منك يا حج." كبير: "يلا عشان منتأخرش."

صالح: "يلا بينا." وفعلاً ركبوا العربية، بعد فترة وصلوا على القاعة قبل العريس والعروسة. *** حبيبة: بتلبس بتقول، "أنا لازم أروح الفرح، يعني أروح أشوف بقا صاحبة الشرف المصون دي." ريناد صحبت حبيبة: "فكك، هو باين عليه فلاح، اختار واحدة فلاحة زيه، بكرة يندم إنه فضلها عليكي." حبيبة: "بس إيه رأيك في الفستان؟ جامد صح عليا؟ ريناد: "جميل ياروحي، هنروح امتى؟ عايزين نوصل بدري."

حبيبة: "أهو خلصت، هاتي الشنطة بتاعتي، هي الشلة هتيجي معانا ولا كسلت؟ ريناد: "دا فرح يا بنتي، الإمبراطور قاسي أكيد هييجوا ورانا، ما أنتِ عارفة." حبيبة: "أوكي، تعالي ناخد احنا أوبر نوصل بسرعة عشان أنا هموت أشوف ست نجمة دي." ريناد: "تيجي لي الحق، وأنا كمان عايزة أشوفها أوي." حبيبه: "طب يلا بينا." بكده كل الأعداء وصلوا الفرح. *** حصل صوت تصفير في القاعة، كل انتبه لي العرسان، اشتغلت أغنية "طلّي بالبيضا".

وقف صالح: عشان يسلم على قاسي وهو داخل نجمة في إيده، اتصدم، نزلت عليه صاعقة وقال، "نجمة؟