رواية نجمة الليل الفصل الخامس 5 - بقلم كيان بشرى

نجمة نزلت جري بفرحة وقربت من محل. ليل نزل وراها وقرب علشان يعرف هي ليه صوتت ونزلت جري. ليل قرب لقى نجمة واقفة قدام محل حاجات حلوة. ليل بص ليها وقال: -نجمة ما جبت ليك حلويات كتير. نجمة: -لا لا أنا عاوزة من ده. قالتها بطفولة شديدة وشاورت على حاجة. ليل بص لقى كريب نوتيلا. ليل ابتسم وقرب من الراجل وقال: -عاوز واحد كريب نوتيلا. الراجل: -حاجة تانية؟ ليل: -لا شكرا. نجمة قربت بفرحة وقالت: -أنت مش هتجيب لنفسك؟ ليل:

-لا أنا مش عاوز. نجمة سكتت بفرحة. ليل بص بغيظ وقال لنفسه: -و الله لو أوريكي يا نجمة على جنانك ده بس لما نروح العربية. نجمة بصت ليه لقته بيبصلها بغيظ فقالت: -مالك يا ليل بتبص لي كده؟ ليل بغيظ: -ولا حاجة. نجمة سكتت بخوف وبعد وقت خدوا الحاجة وراحوا العربية ونجمة بدأت تاكل وهي فرحانة. ليل:

-نجمة بطلي جنان احنا في الشارع مينفعش تصوتي كده افترضي حد كان سمعك كان هيقولوا إيه وما ينفعش تنزلي جري كده افترض كان في عربية جاي كان حصلك إيه بعد الشر يعني وكان المفروض تقوليلي وأنا في العربية وأنا كنت هنزل أجيبلك كل اللي أنتي عاوزة بس اللي أنتي عملتيه ده مكنش ينفع. نجمة: -آسفة. ليل بحنية: -مش تتأسفي بصي يا نجمتي احنا قولنا إن مش أي حاجة في الروايات تتعمل لأن في حاجات فيها غلط كتير زي اللي أنتي عملتيه ده. نجمة:

-آسفة. ليل مسك يدها بحب وحنية وقال: -أنا مش بقولك كده علشان تتأسفي أنا بقولك كده علشان خايف عليكي أنتي لسه صغيرة مش فاهمة الدنيا اه أنتي كبيرة سنًا بس عقلك لسه صغير. نجمة ابتسمت ليه. ليل: -يلا يا قلبي كلي الكريب علشان تشربي العصير وتكلي الحلويات علشان أقولك حاجة. نجمة بحماس: -حاضر هو أنت هتفضل واقف؟ ليل: -لا هعمل مكالمة وهتحرك. نجمة: -أوكي. وبدأت تاكل. وليل طلع الفون بتاعه واتصل بالاستقبال بتاع الشركة. الاستقبال:

-نعم يا ليل بيه. ليل: -هيثم ميدخلش الشركة تاني من هنا ورايح. الاستقبال: -تحت أمرك يا بيه. وقفلوا. نجمة: -هو أنت كنت مش قولت ليهم؟ ليل: -لا كنت نسيت. نجمة: -علشان كده عرف يدخل الشركة وعرف يدخل المكتب. ليل: -اه ما هو كان بيدخل من غير إذن كان بيدخل المكتب عادي. ليل اتصل بالسكرتيرة وقال: -بلغي الموظفين كلهم إن هيثم من هنا ورايح مالهوش حاجة في الشركة ومحدش يديه أي معلومات. السكرتيرة: -تحت أمر حضرتك. ليل:

-ألغي كل المواعيد اللي جاي كلها لمدة شهر ونص. السكرتيرة: -حاضر تحت أمرك. وقفلت. ليل بدأ يسوق ونجمة قاعدة جنبه بتاكل الحلويات. نجمة: -ليل ممكن تليفونك؟ ليل: -خدي. نجمة عملت بسبورد بس الفون مش فتح. نجمة: -أنت غيرت الباسبورد؟ ليل: -اه. نجمة: -طب إيه هو؟ ليل: -29/9/2017. نجمة باستغراب: -تاريخ مين ده ده مش تاريخ ميلادك. ليل وهو بيبص على الطريق ومركز فيه قال: -تاريخ ميلاد سوزي. نجمة باستغراب أكبر: -سوزي مين؟ ليل:

-سوزي اللي جت لينا بعد الفرح. نجمة افتكرتها وقالت بحزن: -اه تمام. ليل بص ليها وقال: -مالك؟ نجمة بصت ليه وقالت: -مالي. ليل: -طب متزعليش أنا كنت بهزر وبعدين سوزي شكلها كبيرة والتاريخ ده لبنت عندها 5 أو 6 سنين. وشاور على دماغها وقال: -شغلي ده. نجمة ضحكت وقالت: -اه صح. وكملت باستغراب: -طب ده تاريخ مين؟ ليل بحب: -ده تاريخ أول يوم اتقبلنا فيه وعرفنا بعضنا. نجمة ابتسمت وقالت: -أنت فاكر التاريخ كله ده؟ ليل:

-طبعًا ده كان يوم مميز أنا كمان فاكر اليوم والساعة والمكان. نجمة: -طب إيه؟ ليل: -29/9/2017 يوم الأربعاء الساعة 5 الصبح ساعة الشروق على البحر في مرسى مطروح. نجمة: -اه بجد كان يوم حلو أوي. ليل بضحك: -بس إيدك كانت تقيلة أوي. نجمة ضحكت وقالت: -أنت لسه فاكر قلبك أبيض بقى. ليل: -عارفة لولا الحركة دي وإنك ضربتني أول لما حاولت أمسك إيدك مكنتش اتشديت ليكي. نجمة ابتسمت بكسوف. ليل بص عليها لقاها مكسوفة ولقاها مخلصة كل الحلويات.

ليل ضحك وقال: -نظفي العربية ولمي كل الأكياس بتاعة الشيبسي في الكيس الكبير ورجعيه ورا علشان عاوز أقولك حاجة. نجمة: -حاضر. وفعلاً عملت اللي قال عليه وبعدها قالت: -قول بقى عاوز إيه؟ ليل بص ليها وقال: -لما نوصل. نجمة بغيظ: -أنت رخم. ليل ضحك وقال: -عارف.

نجمة بصت عليه بغيظ وبعدها رجعت راسها وبصت على الشباك وبدأت تفكر لو كان ليل مش موجود كان حصل فيها إيه وكانت الناس هتقول عليها بسبب هيثم وبدأت دموعها تنزل من غير ما تحس ومش واخدة بالها باللي بيبص عليها وهو زعلان. وبعد وقت نجمة نامت من العياط وليل فضل يسوق لحد ما وصل ووقف العربية قدام شاليه صغير على البحر بس شكله جميل.

ليل نزل من العربية وخد الشنط ودخلهم ورجع شال نجمة ودخل بيها ودخل الأوضة وحطها على السرير ودخل الحمام خد شاور وخرج وقرب من نجمة وقال: -نجمة يا نجمة اصحي. نجمة فتحت عينيها وقالت: -إيه؟ ليل بابتسامة جميلة: -يلا قومي خدي شاور واتوضي وتعالي علشان نصلي. نجمة قامت بابتسامة وقالت: -حاضر. ودخلت خدت الشاور بس افتكرت إنها معاهاش لبس فتحت الباب شوية لقت ليل بيوضب الهدوم ولقت في بيجامة قدام الحمام.

نجمة ابتسمت وخدت البيجامة ودخلت ولبست واتوضأت وخرجت. ليل بص ليها وقال: -تعالي يا نجمة. نجمة قربت منه ليل مسك يدها وقعدها على الكرسي ولفها خالة وشها قدام ومسك الفرشة وبدأ يسرح شعرها. نجمة لفت وشها وبصت ليه وقالت: -ليه؟ ليل: -يا نجمة يا حبيبتي بطلي نكد وانبسطي. نجمة: -أنا نكدية؟ ليل: -اه كل لما نجي ننبسط لازم تسألي أسئلة تنكد علينا. نجمة: -طيب خلاص. ليل فضل يسرح ليها وبعد ما خلص قال: -عاوزة أعملك شعرك إيه؟ نجمة:

-سيبه مفروض ينشف وبعد ما ينشف هعمله كحكة علشان نلبس وننزل. ليل: -نلبس وننزل اه لا يا حبيبتي مافيش نزول النهاردة أنا عاوز أنام. نجمة لفت ليه وقالت: -لا لا أنا عاوزة أنزل البحر. ليل: -طب بصي تعالي ننام. نجمة قطعته وقالت: -أنا مش عاوزة أنام. ليل: -اه ما علشان أنتي نايمة طول الطريق. نجمة: -اه يلا بقى. ليل: -يا نجمة يا حبيبتي أنا تعبان وعاوز أنام سيبني أنام ولما أصحى هاخدك وننزل. نجمة بزعل: -طيب. ليل بص ليها وقال:

-برضو مش هنزل. نجمة ضحكت وقالت: -طيب. ليل قام وقال: -يلا قومي البسي الإسدال علشان نصلي. نجمة بابتسامة: -حاضر. وفعلاً قاموا ولبسوا وصلوا. وبعدها ليل خد نجمة وقعد على الكنبة وحضنها وقال: -أنا عارف أنتي حاسة بإيه وعارف إنك بتتضحك وتهزري علشان متبينيش زعلك وحزنك وعارف إنك كل شوية بتفكري في اللي كان حصل عارف كل علشان كده مش عاوزك تمثلي قدامي إنك بخير لأني عارف إنك مكسورة. نجمة بعياط:

-أنا كنت هتفضح أنت السبب إن مش يحصل حاجة بجد عمري ما هنسى ليك الحركة دي والجميل ده. ليل بحب: -أنا من ساعة ما عرفتك وأنتي من مسؤوليتي أنا وأكيد مكنش ينفع أسيبك في أكتر وقت أنتي عاوزاني فيه. نجمة بدموع: -أنا آسفة. ليل: -على إيه؟ نجمة: -على كل حاجة على إني تعبتك معايا وإني بوظت مستقبلك و... ليل قطعها وقال:

-مافيش حاجة من دي حصلت وبعدين مستقبل إيه يا أم مستقبل مستقبلي كان هيضيع بجد لو كان حصل ليكي حاجة وبطلي هبل بقى وتعالي بننام علشان نصحى بالليل ونخرج أفسحك. نجمة بحماس: -يلا. ليل ضحك وخدها وراحوا ناموا. نجمة: -ليل فين الأوضة بتاعتي؟ ليل: -هي دي. نجمة: -طب وأنت؟ ليل: -ما أنا معاكي. نجمة: -لا متهزرش. ليل شدها ونايمها جنبه وقال: -نامي يا نجمة نامي يا حبيبتي أنتي بقالك كام يوم بتنامي معايا أصلاً. نجمة زقته وجابت

مخدة وحطتها بينهم وقالت: -طيب نام بقى. ليل بص بغيظ وشال المخدة وشدها وحضنها وقال: -أنتي كنتي في غيبوبة ولسه فايقة ولا إيه بقالك يومين بتنامي في حضني جيه تفوقي دلوقتي؟ نجمة كانت هتتكلم بس ليل قال: -نامي يا نجمة. نجمة غمضت عينيها جامد ونامت. و عند هيثم. حسام: -افهم بقى أنت ليه روحت ليه ودخلت كلمتها؟ هيثم: -طلما مش فاهم اسكت. حسام:

-يا هيثم أنت غبي وليل ذكي ليل مش سيبها علشان أنت تعرف تتضحك عليها وتكرهها فيه وتطلع قدمها الضحية ليل معاها في كل وقت حتى في شغله خدها معاها وعلشان يفرحها خد إجازة من شغله اللي كان مش بيحب يسيبه يوم واحد خد إجازة ومش يوم ولا يومين لا ده خد شهر وأسبوعين علشانها علشان يفرحها ويسفرها أنت فاكر باللي ليل بيعمله ده أنت هتعرف تخده منه ده وهي خطيبتك كانت مع ليل أكتر منك كانت أي مشكلة بتقع فيها كان أول حد بتفكر فيه هو ليل كانت مع ليل في كل حاجة ولو كانت هتخرج مع ليل وأنت تعرض عليها الخروج في نفس اليوم ترفض علشانه كل ده وهي خطيبتك أنت فاكر بقى لما تكون مراته أنت هتعرف تخدها منه ده أنت معرفتش تخده وهي خطيبتك هتعرف تخدها وهي مراته؟

هيثم بص عليه بغضب وجنون وقال: -لا أنا هخدها يعني هخدها حتى لو هخدها غصب عنها بس مش هيكسب هو مش هيخدها هو مش هيخد كل حاجة. وخرج وحسام بينادي عليه. هيثم ركب العربية ومتجه لنجمة وليل.