رواية نجمة الليل الفصل الرابع 4 - بقلم كيان بشرى

دخل هيثم المكتب و قال: طب ليه بتجيبى سيرتى يا زوجتى المستقبلي. نجمة بصدمة وخوف: ه هيثم. هيثم بخبث وهو يقرب منها: اه يا قلب هيثم، كدا كدا يا نجمتي تصدقي ليل وتسمعي كلامه وتتجوزي. نجمة: انت عاوز ايه وجاي ليه تاني. هيثم: عاوز ايه، عاوز مراتى حبيبتي، جاي ليه، جاي اخد مراتى حبيبتي. نجمة بدموع: ولا جاي تكلم خطتك وجاي تكسر قلب ليل، بس المرة دي أنا مش هسمح لك. هيثم قرب منها وقال بهدوء وخبث: هو اللي قال لكِ كده.

نجمة بخوف بتحاول تخفيه: مالكش دعوة مين اللي قال لي. هيثم بحزن مصطنع: ايه الطريقة الوحشة اللي بتعمليني بيها دي، أنا عذرك أكيد، واخدة عني فكرة وحشة من الزفت ليل. نجمة بغضب: مالكش دعوة بليل ومش تجيب سيرته تاني على لسانك. هيثم بغضب: ماشي يا نجمة، ماشي، بس ياريت تشوفي حقيقة ليل قبل فوات الأوان. وخرج وسبها. نجمة قعدت على الكرسي براحة وخوف في نفس الوقت.

يارب يارب ابعد عنا الشر واظهر الحقيقة، لو هيثم وحش فعلاً ابعده عنا يارب، أنا واثقة في ليل وعمر ثقتي ما هتقل، يارب أنا مش مصدقة هيثم، يارب مش تصدمني في ليل وكل اللي هيثم بيقوله عنه يبقى كذب، أنا متأكدة إن ليل مش كده، بس خايفة أنصدم. يارب. وبعد وقت ليل خلص الاجتماع وراح لنجمة اللي لقاها قاعدة خايفة غير لما سابها، كانت فرحانة. ليل قرب منها بقلق وقال: مالك يا نجمتي. نجمة: مالي، أنا كويسة. ليل بص ليها بشك وقال:

طب حصل حاجة. نجمة بتوتر: لا، هيحصل إيه، أنا بس تعبت شوية وعاوزة أروح. ليل بص ليها بشك أكبر وقال: يعني مش عاوزة تقولي بردوا. نجمة: أقول إيه، ما هو مافيش حاجة فعلاً. ليل قام وراح قعد على المكتب وقال: تمام. نجمة: إيه مش هنروح. ليل: لا هنروح، بس الأول هاخد حاجة من الكمبيوتر. نجمة قامت وبدأت تجهز حاجاتها وقالت: تمام. ليل: تحبي تنزلي تستنيني في العربية. نجمة بخوف: لا لا، أنا هنزل معاك انت. ليل: نجمة في إيه. نجمة:

صدقني مافيش حاجة، أنا بس خايفة من امبارح. ليل: يا نجمة لو مخبية حاجة قولي، لأني كدا كدا هعرف. نجمة بخوف: هتعرف إزاي. ليل: أنا مركب كاميرات في المكتب وسماعات، فممكن أفتح وأشوف. نجمة بخوف قالت بسرعة: لا لا مش تفتح، أنا هقول. ليل: طيب قولي يلا. نجمة بخوف: بس اوعدني إنك مش هتتعصب. ليل بنفاد صبر: قولي يا نجمة. نجمة بخوف: لا مش هقول غير لما توعدني. ليل بهدوء ما قبل العاصفة:

أوعدك مش هتتعصب عليكي، وبعدين أنا أصلاً مقدرش أتعصب عليكي. نجمة: مع إن مش هو ده الوعد، بس تمام. ليل: قولي بقى. نجمة: هيثم. ليل أول لما سمع اسمه حس بالغضب وقال وهو بيجز على أسنانه: ماله. نجمة بخوف زيادة: جه هنا. ليل قام بغضب وقال: إيييه. نجمة بخوف زاد أكتر: إيه اهدى كدا، أنت قلت إنك مش هتتعصب عليا. ليل بص ليها، لقاها خايفة وجسمها بيترعش. ليل خد نفس طويل وقام وبدأ يقرب منها. نجمة بخوف:

إيه مالك بتقرب ليه، يا عم اقف مكان لتولع. ليل وقف وبص عليها وانفجر من الضحك. نجمة: انت أهبل ولا مجنون، بتضحك على إيه. ليل بضحك: ها لا ولا حاجة. وقرب منها. نجمة: قولي بتقرب ليه بس رايح قلبي. ليل وهو لسه بيقرب منها: انتي خايفة مني. نجمة قامت وبدأت تبعد وهي بتقول: بص أنا عارفك من زمان وأنت مجنون ومحدش بيتوقع رد فعلك وأنت متعصب، فا ابعد عني دلوقتي عشان أنت متعصب. ليل ضحك وقال: بذمتك ده شكل واحد متعصب. نجمة:

ما أنا بقولك مجنون ومش أتوقع رد فعلك. ليل وقف قدامها وبص ليها وشدها لحضنها وقال: قالك إيه. نجمة بصدمة: لا دا أنت مجنون أوي بجد. ليل ضحك وقال: نجمة هيثم قال لكِ إيه. نجمة طلعت من حضنه وبصت له بدموع وخوف. ليل شدها وراحوا قعدوا على الكنبة اللي في المكتب. ليل وهو ماسك إيدها وبيحاول يطمنها: اهدّي يا قلبي وقولي لي قال لكِ إيه، متخافيش. نجمة حست براحة شوية وقربت حضنته وقالت بدموع:

قال لي إنك وحش وإني ياريت أكتشف حقيقتك قبل فوات الأوان. ليل بغضب: ابن الـ... طب والله ما هسيبه. نجمة بخوف: لا عشان خاطري يا ليل سيبه، أنا خايفة عليك. ليل باس راسها وضَمّها لحضنه أكتر وقال: متخافيش يا روحي أنا معاكي أهو. نجمة فضلت في حضنه فترة لحد ما ليل حس إنها تقلت عليه وبص لقاها نامت. ليل ضحك وقال: طفولة والله. وشالها وكان خارج من المكتب بس افتكر إن هو في الشركة وفي موظفين كتير.

ليل حط نجمة على السرير وراح خد الفون اللي متوصل بالكاميرات بتاعت المكتب وقرب من نجمة وقال بهدوء: نجمة نجمتي. نجمة بنوم: نعم. ليل: قومي يلا عشان نروح. نجمة: لا أنا عاوزة أنام. ليل: لما ننزل العربية نامي، بس إحنا في الشركة قومي نخرج من الشركة ونامي في العربية. نجمة بغضب طفولي ونوم: ما تشلني زي بتوع الروايات. ليل:

نجمة مش هينفع، الكل هيبص عليكي، وبعدين قولنا إن الروايات مش حقيقة، مش كل حاجة فيها لازم نعملها. أنا هعمل لك الحلو اللي ينفع أعمله، بس غير اللي مش هينفع مش هعمله، زي إني أشيلك وسط الموظفين مثلاً. نجمة فتحت عينيها وبصت له وقالت: انت طيب أوي وعسول. ليل ضحك وقام وقومها وقال: طب يلا نمشي ونشوف الموضوع ده في الطريق. نجمة ضحكت وقالت: طويب. ليل مسك إيدها وخدها ونزل وخرج من الشركة وركبوا العربية. ليل:

نجمة عاوز إمضتك على الورق ده بس لما نروح. نجمة باستغراب: ورق إيه ده. ليل: مش تنسي إنك شريكة في الشركة ولازم الإمضة بتاعتك عشان الصفقة تتم. نجمة: تاني يا ليل، هو أنا مش قولت إني مش عاوزة الشراكة دي وإني الشركة تكون بتاعتك. ليل:

نجمة الاتفاق ده من سنتين، وساعتها أنا وافقت عشان كانوا 250 جنيه بس، أنا خدت ساعتها اتنين مليون على المليون اللي كان معايا اللي انتي ليكي فيه 250 جنيه عشان أفتح الشركة، يعني يعتبر انتي صاحبة الشركة. نجمة: ليل أنا قولت لك إن فلوسي فلوسك، وبعدين هو أنا لو كنت عاوزة فلوس منك كنت هتعمل كدا. ليل: لا طبعاً. نجمة:

طب إيه بقى، وبعدين سنتين إيه اللي بتتكلم فيهم، أنا لسه مكلمك في الموضوع ده الشهر اللي فات، والمفروض إنك فكيت الشراكة. ليل بضحك: كنت بضحك عليكي عشان تمضي على الورق وخلاص. نجمة بصت له بغيظ وقالت: خلاص، أنا بقى هروح أعمل تنازل لنصيبي في الشركة باسمك. ليل: وأنا مش همضي. نجمة: مش مهم. ليل: لا طبعاً مهم، لازم أمضتي. نجمة: إيه ده بجد. ليل: آه والله. نجمة:

خلاص أزورها. أه صح، مش قبل الفرح بأسبوع، هيثم كان عاوز نصيبي في الشركة بس أنا رافضة عشان كنت هكتبهم ليك عشان ده حلمك. ليل بص ليها بحب. نجمة بتركز في الطريق وقالت: ده مش طريق البيت. ليل بحب مسك إيدها وبسها وقال: أنا عارف إن نجمتي بتحب مرسى مطروح، فا هنروح نقعد هناك أسبوعين، وفي رأس البر أسبوعين، وهنختم بمرسى مطروح أسبوعين تاني. نجمة بفرحة: بجد. ليل بحب: آه. نجمة قامت وحضنته بفرحة. ليل بضحك:

ابعدي ابعدي يا مجنونة هنعمل حادثة. نجمة بعدت وقعدت على الكرسي وهي فرحانة. نجمة: ليل عندك أغاني. ليل: لا، بس عندي قرآن. نجمة بصت ليه وابتسمت وشغلت القرآن على سورة النبأ ورجعت راسها ورا على الكرسي وبدأت تروح في النوم وهي بتردد الآيات مع الشيخ. وبعد وقت نامت. ليل بص عليها وابتسم وقال: مش عارف هتعملي إيه فيا تاني، كل يوم حبي ليكي بيزيد.

وبعد وقت وقف في الاستراحة وبص لنجمة ونزل وقفل العربية عليها ودخل الاستراحة واشترى كل حاجة نجمة ممكن تعوزها، أكل وحلويات وكل حاجة، وخرج ركب العربية وكانت نجمة لسه نايمة، وليل بص عليها وبدأ يسوق تاني وفضل كدا أربع ساعات، وهو قاعد في هدوء وبيسمع القرآن وسايق ونجمة نايمة. وبعد وقت ليل وقف العربية في استراحة وقرب من نجمة وبدأ يصحيها. نجمة بنوم: عاوزة أنام. ليل:

نجمة انتي نايمة من أربع ساعات، قومي يلا عشان ناكل لأني جعان أوي ومش عاوز آكل من غيرك. نجمة فتحت عينيها وبصت له بنوم وقامت قعدت. ليل جاب الأكل من ورا وبدأوا ياكلوا، وبعد وقت نجمة بصت على حاجة وملامح وشها اتغيرت ونزلت جري من العربية وهي بتصوت.