رواية نجمة في الصعيد الفصل الخامس والعشرون 25 - بقلم ملك نصر الله

في المطبخ. حمزه: مش عايز قهوة. نجمه: أنا أصلاً مش هعملك قهوة. حمزه بص لها ورفع واحد من حواجبه. نجمه بحنية: هتفطر الأول، أنت ما أكلتش برا. حمزه بهدوء: خلاص شبعت يا نجمة. نجمه بخفة: ماهو هتفطر يعني هتفطر، اديني بقى ثواني أغرف. نجمه راحت تغرف الأكل وهو ابتسم بخفوت. حضرت الأكل وحطيته على الترابيزة الصغيرة الموجودة في المطبخ. نجمة قعدت وحمزة بيبصلها. راحت ضربته في كتفه بخفة: اخلص يا حمزة كُل، متبقاش قماص كده.

حمزه بحنق: بقولك أبويا بيبص علينا وأنتي برضوا بتردي. نجمه بغيظ: وهو فين الغلط في اللي قولته يعني، جدو لو سمع مش هيقول حاجة، دا حبيبي. حمزه قاطعها بحدة: أنتي هتتنيلي تقولي إيه. نجمة بتوتر: إيه، مكنتش هقول. حمزه بصلها وكمل أكل وهي سكتت شوية وقالت. نجمة: حمزه. حمزه بهدوء: امم. نجمة ابتسمت: الشوكولاتة اللي كنت جايبها لي خلصت. حمزه بحنية: حاضر. نجمة بحب: حضر لك الخير يا روحي. حمزه بغزل: أنتي كل الخير.

نجمة ابتسمت بحب واضح في عيونها. نجمة: حمزه هتشرب كام كوباية قهوة في الشركة. حمزة: اللي هشربه بقى. نجمة بتحذير: هما كوبايتين بس. حمزة بهدوء: حاضر. لية بقى. نجمة بخفة: يا تي عسل وأنتي هادية كده. حمزه بحدة: نجمة. نجمة بتوتر: بهزر يا مرضان في إيه مبتهزرش. حمزه ابتسم من تحت لتحت وقال بجدية: أشرب كوبايتين ليه. نجمة: عشان القهوة الكتير غلط. حمزه بخبث: وأنتي بقى خايفة عليا. نجمة بحنية: أيوه طبعاً، أنت بقيت روحي يا حمزة.

كملت بخفة: ويلا بقى عشان متتأخرش. حمزه ضحك: أيوه أنتي اتوترتي فقولتي تترقي. نجمة ضربته في كتفه وضحكت بغباء: يابن النبية يا حمزاوي. حمزه بغيظ: أنتي مالك بتهزري معايا كده ليه ولا كأني ابن اختك. نجمة ضحكت بتوتر: لا مش كده، بقولك أنت مش هتقوم تمشي بقى. قعدت على السفرة. مراد كان بيبص لسارة من تحت لتحت وهي أخدت بالها راح ابتسم وهي بصت في طبقها بتوتر. شيرين بخفوت: هو ماله بيبحلق لك كده ليه.

سارة بتوتر: ماهو ماهو بصي طلب إيدي امبارح. شيرين بصراخ: وما قولتيليش يا سارة. ميرنا بغيظ: مقولتيش ليه يا بت. سارة بصت على مراد لقيته ابتسم لها جامد راحت قالت لشيرين وميرنا بخفوت. ساره بحنق: يخربيتكم فضحتوني. إبراهيم: في إيه يا شيرين يا حبيبتي أنتي على الأكل. شيرين بإحراج: معلش يا بابا. سارة ضحكت بخفوت على منظر شيرين. فراحت ميرنا وشيرين أخدوها وطلعوا فوق. عند حمزه. حمزه بصلها بغيظ: قايم كان زماني مشيت.

نجمه بحنية: يعني أسيبك تمشي من غير فطار يا حمزة. كملت بتحذير: هما كوبايتين قهوة يا حمزة، هتحتاج تزود ترجع وتنام. حمزه قام حضنها وابتسم: حاضر هما كوبايتين. عز كان داخل بعد ما خلصوا فطار برا. عز: قول بقى كده يا باشا قايم من برا عشان تفطر جوا معاها على انفراد. حمزه بعد عن نجمه بغيظ: ولاا مالك بيا يا ض. عز بخفة: مفيش يا حمزاوي، بس عارف أنت أنا سينجل المفروض تراعي مشاعري.

حمزه بتريقة: سينجل أه قولتلي طيب يا كوكو، بقا بالله عليك سايب كل بنات الكلية ملقيتش غير كوكو كوكو! عز بغيظ: مالها كوكو. نجمه بحدة: وأنت تعرف كوكو منين يا حمزه. حمزه ضحك: طالبة عندي في الكلية وأصلاً في القسم بتاعي طبيعي هعرفها وبتتدرب في الشركة اومال استاذ عز حب الشركة ليه وكل شوية ينط. نجمة براحة: طيب. عز بحنق: دا آخرك، أنا قولت هتعملي خناقة عظيمة كده. حمزه ضحك: يخربيتك ارحمني بقى يا ض.

عز بخفة: لا مش هرحمك غير لما مبقاش سينجل. حمزه ضحك بغيظ وأخد نجمه وخرج. هو مشي وهي كانت بتشيل الأكل. ميرنا جات لها ساعدتها وأخدتها وطلعوا عند شيرين وسارة. نجمة بتساؤل: في إيه. شيرين بحماس: اتقدملها الحزين على عينها. نجمة ضحكت: أخيراً نطق. وأنتم قولتي إيه. سارة ضحكت ببلاهة: سبته ومشيت. ميرنا بعيد: هو العفريت اللي نازل عليكم اسمه سيبته ومشيت. نجمة بغيظ: كنتي قوليله تعالا لبابا أي حاجة كده.

سارة ضحكت بتوتر: أنا اتوترت أجدعان، يعني الواد كان تقيل مرة واحدة لقيته جيلي بالفراولة أعمل إيه. شيرين ضحكت: يا زيزي يا زيزي بقينا بنتغزل عيني عينك أهو. سارة ابتسمت بخفوت لما افتكرت كلامه امبارح وقالت: أعمل إيه بقى، كله من أخوكي. ميرنا بحب: مبارك يا سوسو. سارة بخفة: هو مبارك وكل حاجة بس أنا لسة موافقتش، هطلع عينه شوية. نجمة بخفة: أيوه بنتنا تتقل براحتها. ميرنا: هو أخويا وكل حاجة بس أنا هقف معاكي. شيرين ضحكت: وأنا.

سارة ضحكت بحب: تبقي اتعشت كده. في الشركة. مراد كان قاعد في مكتبه وعمال يفكر فيها، وإزاي سحرته من أول مقابلة لما شافها في الفرح بجنونها وهزارها، وإزاي أصلاً وقع فيها بسرعة كده بعد ما كان رافض. حمزه دخل وهو لسه على سرحانه. حمزه بصراخ: مراد مرراااد. مراد بغيظ: في إيه بتنعر ليه. حمزه بحنق: عشان مش معايا يا خوي، دانت حالتك صعبة خالص. مراد بغيظ: وأنت مالك صعبة ولا سهلة.

حمزه ضحك: حاضر، المهم شوف الورق ده وابقى وديه لأبوك في مكتبه. مراد بضيق: طيب. حمزه راح مكتبه. في البيت. نجمة بتعب: شيري. شيرين بقلق: إيه مال صوتك، احنا سايبينك كويسة. نجمة عيطت: مش عارفة بطني بتوجعني جامد. شيرين بتوتر: طب اهدي وهروح أنادي سارة وماما لا هنادي البيت كله. شيرين ندهت عليهم وهما طلعوا لها. فريال بقلق: مالك يا نجمة. نجمة بعياط: مش عارفة يا ستو هو التعب ده جالي امبارح قولت يمكن من الشطة.

هدي بهدوء: هبعت الغفير يجيب دكتورة من الوحدة على طول. فاطمة بقلق: طب بسرعة يا هدي وأنا هعملها حاجة دافية. بعد مرور القليل من الوقت. الدكتورة بابتسامة: ألف مبروك المدام حامل أنا اديتها مسكن، محتاجة تتغذي كويس لأنها ضعيفة جداً، وماتتحركش كتير لحد ما الجنين يثبت. فريال بفرحة حضنت نجمه: إيه حامل، ألف مبروك يا غالية يا بنت الغاليين. نجمة تنحت بعدين ضحكت بتعب: الله يبارك فيكي يا ستو. هدي وفاطمة

زغرطوا بفرحة وقالوا: ألف مبروك يا حبيبتي. نجمة بابتسامة مرهقة: الله يبارك فيكم. ميرنا أخدت موبايل نجمه ورنت على حمزه رد. حمزه بخفة: لحقت أوحشك، أنتي واحشاني الصراحة. ميرنا بكسوف: احم أنا سارة. حمزه بقلق: هو في حاجة فين نجمة. ميرنا: تعبت جداً من شوية والدكتورة جاتلها و. حمزه قام وهو بياخد مفاتيحه بتوتر. حمزه قاطعها بقلق: دكتورة! طيب أنا جاي. حمزه قفل الفون وكان خارج من المكتب قابله مراد.

مراد بتعجب: مالك بتجري كده ليه. حمزه بقلق: نجمة تعبت. مراد بهدوء: طب اهدي متقلقش تعالا هنروح لها. مراد أخده وركبوا شوية وكانوا وصلوا. حمزه طلع لها بسرعة لقي الكل موجود في الأوضة وهي نايمة على السرير. قعد جنبها بقلق فراحت فريال شاورت لهم يخرجوا راحوا خرجوا وهي خرجت معاهم. حمزه مسك راسها وقال. حمزه بقلق: مالك يا نجمة أنا سايبك كويسة. حمزه بتكشير: بخير إزاي وشك. نجمة ابتسمت: إيه مالك أنت علقت ولا إيه.

حمزه بتوتر: قولتي ابنك؟ نجمة هزت راسها بابتسامة وحمزه زي ما هو متنح. نجمة ابتسمت بحب: فرحان يا حمزة. حمزه: لا.