رواية نجمة في الصعيد الفصل الرابع والعشرون 24 - بقلم ملك نصر الله

شيرين ابتسمت: مش عارفة بس بطمن لما بشوفك. أسر ابتسم: عايز حضن كتب الكتاب. شيرين ضحكت بكسوف. أسر قرب منها وحضنها وهي كمان حضنته وقالت: شيرين بهمس: خليك حنين معايا مهما حصل، حتى في خصامنا وخناقنا. أسر بغزل: هو في حد يبقي معاه انتي ويبقي قاسي معاها، انتي بنسبالي قطعة مارشيملو ماشية علي الارض. شيرين ضحكت بخفوت وبعدوا راحت قالت: شيرين بحب: بدلتك جميلة، شكلك علي بعضك جميل خالص. أسر ابتسم بخبث: جميل علشان بعيون محب وكدة.

شيرين ضحكت: انت علي فكرة بتوقعني. أسر ضحك: الصراحة أه. شيرين ضحكت وهو كمل بحب واضح في عنيه: انتي كمان شكلك قمر جدا عن قرب وعن بُعد برضوا، بس عن قرب أنا غرقت في جمال ملامحك وفستانك والميك اب، هحسدني عليكي. شيرين ابتسمت بعيون لامعة وقالت: دا برضوا علشان بعيون محب. أسر ضحك: بترُدهالي؟ شيرين هزت راسها وهي بتضحك وسمعوا رضوان بينادي فنزلوا. رضوان: يلا جهزوا الاكل. نجمة والبنات راحوا يجهزوا الاكل. شوية وعز دخل.

عز بخفة: انتوا هتقعدوا سنة علي ما تخلصوا، أنا جعااان. ميرنا بضيق: مش بنعمل اهو ولا بنلعب. عز بتحزير: احترمي نفسك بقا، علشان انتي اخدتي علي... ميرنا بضيق: وأنا قولت أيه. عز بحدة: أنا قولت اللي عندي، اسمعي. ميرنا هزت راسها. سارة هزرت علشان تفك الجو: بطل اكل في السبمبوسة بقا. عز ضحك: هما أربعة اللي أكلتهم. نجمة ابتسمت علي هزارهم، وسارة قربت منهم بسرعة جدا ويعتبر بقت منهم. عز خرج، وهما شوية وخرجوا الاكل. علي السفرة.

حمزة بخفوت: كنتي قمر انهاردة. نجمة ابتسمت: بجد؟ حمزة علي وضعه: واللهِ، كلهم قالوا إنك كنتي قمر انهاردة صح؟ نجمة بحب: أها بس منهم مش زي منك، انت تختلف. حمزة ضحك بغيظ: عالسفرة، طب أنا عايز ابوسك الوقت. نجمة ضحكت بتوتر بعدين قالت: نجمة بغيظ: اسمع أما أقولك، مش كل شوية ابوسك ابوسك، أنا بأحرج يا جدع انت. حمزة بحنق: عارف إنك مش وش نعمة. مراد بخفة: حصل خير يا جماعة، دا شيطان. نجمة ضحكت بكسوف وحمزة قال:

حمزة ضحك بغيظ: ارمي ودنك بعيد عني. هدي ضحكت: مش عارفة مركز معاك لية. فريال بغيظ: علشان مش لاقي حاجة يعملها، ولا عارف يدور علي عروسة حتة. مراد ضحك: مانا قولتلكم لقيت العروسة، هي البعيدة تحس بس. نجمة همست لـ سارة: بت بيلمح. سارة بغيظ: يجي يقولي في وشي، مش بتاعت تلميحات أنا، مش بفهمها اصلان. نجمة بغيظ: طيب ياختي. رضوان بهدوء: عايزكم في المكتب بعد الاكل.

حمزة بخفوت: ابقي اطلعي انتي ارتاحي لو اتأخرت معاهم، انتي تعبتي انهاردة. نجمة بحب: حاضر. قضوا العشا في جو عائلي لطيف ودافي وخلصوا. راضوان اخد ابراهيم و الشباب وراحوا المكتب. في المكتب. رضوان: عملتوا أيه في موضوع العميل؟ مراد: لسة ماشين وراه وهو لسة ماشي في السليم. رضوان: والصفقات اللي اتعملت، مزانيتها أيه؟ حمزة: هما تمام كويسين بس في تلاتة منهم جايين من غير مكسب، بس هيشهروا شركتنا يعني. عند ميرنا.

كانت في اوضتها والباب خبط. ميرنا: ادخل. عز دخل لقاها قاعدة عالسرير قعد جنبها. عز بحنية: زعلانة مني لية، ومش نكشتيني اليوم كله؟ ميرنا بزعل: مش زعلانة. عز بهدوء: لا زعلانة ومخصماني باين عليكي، قوليلي. ميرنا بدموع: كلمتني ازاي في المطبخ. عز بحنية: مانتي اللي رديتي بطريقة مش كويسة و رديتي مرتين كمان مش مرة. ميرنا عيطت: أنا كنت مضايقة من حاجة، وضيقي طلع عليك. عز مسح وشها بحنية: طب أيه مضايقك؟

ميرنا: البت صاحبتي اللي الله يسامحها جابت 25 في الامتحان وأنا 24 ونص والمفروض إننا حلين سوا. عز بشك: كل دا علشان نص درجة؟ أيه دا؟ لا ثانية 24 ونص من كام؟ ميرنا بخفة: عايز الصراحة ولا بنت عمتها؟ عز بتوجس: الصراحة. ميرنا بحماس: من 50. عز تنح راحت قالت: ميرنا بغباء: أيه دا مالك، أنا بقول بنت عمتها احسن. عز ضربها بالمخدة وقال: عز بغيظ: بت أيه الدم اللي يلطش دا وداخلة علمي زفت علوم لية لما انتي فاشلة كدة؟

ميرنا بغيظ: شوف بتقولي أيه، ارد ازاي أنا الوقت. عز بحنق: طب جايبة الدرجة دي ازاي وانتي في علمي علوم يا دكتورة؟ ميرنا بجدية: يا عزوز دي كلها بدايات، أنا هبهرك في الاخر. عز بحنق: هتبهريني أه، طيب. ميرنا ضحكت: اسمع بقا يابو العزازيز. عز بغيظ: سامع ياختي، قولي اللي عايزاة علي طول. ميرنا بخفة: طلب بسيط ياخ بسيط خالص، أنا عايزة عربية. عز بصراخ: نععم يااختى عربية أيه، ما أنا اصلا مش عندي عربية.

ميرنا بخفة: يابني اهدي، قصدي يعني تكلم ابوك، دا بقا فاتح شركة يابني وبقا غني، مش بقر عليه علشان متفهمنيش صح. عز قام ومشي وهي بصتله بغيظ. ميرنا بصوت عالي: طب خاصمتك تاني يا عز. مراد كان خارج وشاف سارة قاعدة في جنينة البيت راحلها وقعد جنبها بهدوء. سارة بهدوء: أيه قلة الذوق دي حضرتكم. مراد بخفوت: دبش يخربيتك. سارة بغيظ: محتاج حاجة طيب. مراد: أه. سارة بغيظ: محتاج أيه. مراد بهدوء: هو انتي دكتورة قلب؟ سارة باستغراب: ليه؟

مراد بغزل: يعني تكشفي علي قلبي كل ما يشوفك ضرباته بتزيد. سارة ابتسمت بخفوت. مراد ضحك: بما إنك مش بتاعت تلميحات ومش بتفهميها اصلا، أنا وقعت في حبك. سارة بصتله ببلاهه: ها. مراد ضحك: ها أيه، بحبك وعايز اتجوزك ونجيب عيال ونعمل أسرة. ساره قامت مشيت بسرعه راح قال: (أيه بنت المجانين دي) فوق عند حمزه ونجمه. حمزه دخل البلكونه كانت نجمة بتلون في لوحة. حمزه دخل قعد عالكنبة ونجمة كانت في التويلت شوية وخرجت وشها كان اصفر ودبلان.

حمزة جري عليها وسندها. حمزة بقلق: مالك وشك دبلان لية؟ نجمة بتعب: مفيش حاجة، زودت شطة بس في الاكل لما كنت عند شيرين. حمزة بعتاب: طب وأنا قولت أيه، مش قولت بلاش الشطة علشان بتتعبي منه؟ نجمة هزت راسها بتعب وهو رقدها عالسرير وشاف حرارتها لاقاها عالية الي حد ما. جاب شوية ماية و فوطة وفضل يعملها كمادات لوقت طويل واخيرا حرارتها نزلت ونامت. شال المية و دخل اخد شاور شويه و خرج اخدها في حضنه ونام. علي الساعة 4 الفجر.

حمزة صحي علي كلام متلغبط من نجمة بتقوله وهي نايمة، شاف حرارتها كانت زادت تاني، نزل وراح جابلها علاج ورجع. حمزة: نجمه نجمه قومي، جيبتلك خافض للحرارة. نجمة بهزيان: مش عايزة يا حمزة، عايزة انام. حمزة بزعل: طب اشربي العلاج بس ونامي. حمزة شربها العلاج وقعد جنبها. الصبح. نجمة صحيت بارهاق لقت حمزة نايم وهو قاعد وجنبها بولة فيها فوطه، عرفت انه عملها كمادات. بصتله بشفقه وحب قربت منه وحضنته بجامد. حمزة اخد باله بحركتها صحي،

حط أيده علي جبينها وقال: عاملة أيه. نجمة بحب: طالما انت جنبي هبقي بخير. حمزة بتحزير: شطة تاني لا مفهوم. نجمة هزت راسها وقالت: نجمة بحنيه: نام بقا انت سهرت طول الليل. حمزة: لا عندي شغل. نجمة: مش لازم يا حمزه تروح انهاردة خلي مراد يروح مكانك. حمزة بهدوء: عادي يانجمتي هشرب قهوه واروح. نجمة قامت بضيق: علي فكرة المفروض تقعد، اقعد يا حمزه وخلاص دا يوم. حمزة: مش هينفع في صفقات عايزة تتراجع. نجمة: أجلها لبكره مش فيها حاجة.

حمزة نفخ بنفاذ صبر: مش هينفع يا نجمة خلاص، يلا علشان منتأخرش علي الفطار. نجمة طلعتله لبس بضيق وهو اخده لبس وخرج ونجمة لبست ونزلوا. تحت عالسفرة. ابراهيم: حمزه راجعت الصفقات. حمزة: لسه، هراجعها انهاردة. رضوان: طيب و شد حيلك شوية. حمزة هز رأسه. نجمة بخفوت: هو مفيش غيرك في الشركه يعني. حمزة بخفوت زيها: دا شغلي انا. نجمة بضيق: ايوا بس بتتعب وجهده كبير عليك. حمزة بنفاذ صبر: خلاص بقا اسكتي، بابا بيبص عليا.

نجمة بصت لحمزه بحنق: وأنا قولت حاجة غلط يعني. حمزة بحنق: أنا قايم. حمزة قام. فاطمة بحنية: لحقت فطرت يا حمزه اقعد كمل اكلك. حمزة بص لنجمة وقال بهدوء: شبعت يا ست الكل الحمدلله. نجمة قامت: تعالا طيب هعملك قهوة. في المطبخ. حمزة: مش عايز قهوه. نجمة: أنا اصلا مش هعملك قهوه.