رواية نجمة في الصعيد الفصل السابع والعشرون 27 - بقلم ملك نصر الله

رضوان بحدة: هتفضل تكذب وتغطي عليه لحد امتى؟ حمزه بهدوء: مش بكذب يا بابا، هو فعلاً كلمني. رضوان بحدة: اسمع يا حمزه، أنا مش نايم على ودني، أخوك مكلمكش، كفاية تغطي عليه، ده بيخليه يزيد في الغلط. حمزه بضيق: حاضر يابابا، مش هغطي عليه حاجة تانية. رضوان بهدوء: لأ، واعمل حسابك اجتماع ماجد زعفان النهارده. حمزه بتعجب: مش كان بعد يومين؟ رضوان بهدوء: مسافر، طلب يعمله قبل ما يسافر.

حمزه بضيق: فيه شروط يا بابا ماشيين عليها، مش تحت أمر اللي خلفوه. رضوان بهدوء: مش تحت أمر اللي خلفوه وكل حاجة، بس خلينا معاه للآخر. حمزه: طيب، عن إذنك يا بابا. رضوان: إذنك معاك. حمزه خرج وراح مكتبه، طلع موبايله ورن على زين. زين: عامل إيه يا حمزه؟ حمزه بهدوء: الحمد لله، وانت أخبارك؟ زين ابتسم: ما أنت عارف كل أخباري، ده أنت حاطط لي واحد بيراقبني يا حمزة.

حمزة: لسلامتك يا زين، لحد ما تعقل وترجع، بقالك 7 سنين اتعلمت نص علامك هناك واتعينت وعليت في شغلك هناك، مزهقتش من القعدة هنا؟ زين بهدوء: راجع... راجع النهاردة. حمزه: بجد يا زين ولا بتقول كده وخلاص؟ زين: بجد، هتجيلي المطار صح؟ حمزه بحب: أجيلك على عيني يا زين، أنت ابني ياض. زين ابتسم: أنت حبيبي اللي بتفهمني يا حمزاوي. حمزه: واخد على خاطري منك يا زين. زين بهدوء: لما أجي هراضيك.

حمزه: عايز تراضيني متسافرش تاني، حتى علشان أمك يا زين، هانت عليك كل ده متلمحش طيفها. زين بضيق: لما أجي يا حمزة هراضيكم كلكم، بس أنا هسافر تاني، أنا اتأقلمت على العيشة هنا. حمزه بحدة: على العيشة بين اليهود، كل يوم شرب صح؟

عارف أخبارك، عارف بتعمل إيه وبتاكل وبتتنيل تشرب إيه، أمك لو عرفت إنك بتشرب هتروح فيها، واسمع بقى أبوك قرب يجيب آخره، بيكلمك حلو وبيسايس فيك وأنت مش بتدي معاه، هيجي في مرة ويمنعك من السفر غصب عنك، وصدقني مش هقف معاك. زين بخنقة: أنا كبير وعارف أنا بعمل إيه. حمزه بحدة: هتفضل صغير في عيني، طيارتك امتى؟ زين بضيق: الساعة 11 المفروض أكون في المطار عندكم. حمزه: طيب خد بالك من نفسك.

زين بضيق: كفاية أنت واخده، حاطط حراسة ولا كأني رئيس دولة وراجل مراقبني مش بيسيبني، أنا ظابط مخابرات يا حمزه هعرف أحمي نفسي، وكمان أنا مش في غابة. حمزه بضيق: قدامي أنا أخويا الصغير، زين اللي لما الهوا يخبطه جامد شوية يجيلي يشكيلي، ولا أنت في غابة، أنت في دولة مش عربية، تبقى في غابة. زين بخنقة: طيب هستناك في المطار يا حمزه. حمزه بهدوء: ماشي. حمزه قفل مع زين، بص قدامه بشرود، يا ترى هيعرف يقنع زين يقعد وما يسافرش تاني؟

هو مش عايز يقعده بالقوة، لازم يكون راضي يقعد مش غصب عنه. في البيت... فريال بحب: كلي يا نجمة التفاحة دي من إيدين... نجمه: يا ستي كلت واللهِ بقالكم ساعة بتضغطوا فيا. أميرة بخفة: النونو هيطلع بكرش نينينينين... نجمه ضحكت: ده هيطلع دُب صغنن واللهِ مش بكرش بصعوبة. بهدي بحنق: كُلي يا نجمة، الدكتورة قالت ناقصة تغذية. نجمه بحب: ربنا يخليكي يا هودهودة. سارة زقت نجمه وقعدت جنبها: بسسسس أنا اللي هضغطها... كملت بخفة...

كُلي دي من إيدي، ده أنا هسافر بليل حتى. نجمه بضيق: اقعدي شوية تاني بقا، أنتِ كمان لسة مصممة؟ سارة بخفة: يابنتي أبويا هيطلق أمي بسببي، إحنا كمان فينا عرق صعيدي. شيرين ضحكت: يخربيتك بتفولي عليها. سارة ابتسمت: يابنتي أبويا من ريحة الزمن الجميل، بقى عنده 50 سنة وبيقولها قدامنا كده بحبك، ولو الأكل باظ وكلنا قولنا الأكل وحش يقولها هو حلو، مش بس كده ده بياكل معاها. شيرين بحب: ربنا يخليهولكم يا حبيبتي. سارة: ويخليكي...

كلي بقا يا نجمة، ده أنا تعبت لك. نجمه ضحكت: على فكرة المسكن اللي الدكتور اديهولي خلاني بقيت كويسة، اشطا، وكفاية أكل النهارده علشان أنا كده هبقى فيلة. فاطمة ضحكت: فيلة إيه ياختي، ده أنتِ مفكيش لحم. نجمه كشرت: بتقوليها في وشي كده، مفكيش لحم. فريال بغيظ: طيب يا نجمه ماتكليش، لما يجي حمزه هقوله... عملتوا الغدا؟ هدي: آه يا حاجة، فاضل يستوي. فريال: طيب. في الشركة... عز دخل لحمزه. عز بخفة: بقولك يا حمزاوي عايزك في مصلحة.

حمزه بضيق: قول. عز: ما تخرجني من الكلية اللي أنا فيها وديني أي حاجة غيرها، أنا حتى لسه في أولى. حمزه: أيوه أنا كنت صاحب الكلية يعني. عز بحنق: حمزة ماتكذبش، ده أبوك هو يعتبر اللي بنى الجامعة كلها. حمزه بضيق: وانت من الأول بتختار فنون نيلة ليه؟ عز بحنق: خلاص ماتغيرش حاجة، كتر خيرك يابن عمي. حمزه: طيب برا بقا والباب وراك. عز بغيظ: مش هتمسك فيا. حمزه ببرود: لأ.

عز بخفة: أنا قلت كده برضه، كتلة البرود المتحركة دي هييجي منها إيه يعني. حمزه بحدة: عززز. عز بخوف: خلاص ياعم متنعرش، حول لي ورقي كلية سياسة واقتصاد مع شيرين، أنا جايب 93 في الثانوية، حرام عليك مستقبلي يروح. حمزة بضيق: ومين بقا اللي لعب في دماغك كوكو صح؟ انت ابعد عن البت دي، ماشي ولا مش ماشي؟

عز بشحتفة: دي صاحبتي يا حمزة وعملاني زي أخوها بس واللهِ، تعبت من الكورس يا حمزة دول شوية متخلفين مش فاهمين حاجة، حول الورق بقا اللهي تنستر وما تقع في ضيقة اللهي. حمزة بصراخ: خلاااص هحولك الورق حاضر، برا بقا خليني أتنيل أشوف الورق ده. عز قام حضنه بحب: حبيبي يابو الصحاب. حمزه بقرف: من بعيد طيب، بطل أحضانك دي. عز بحنق: ليه يا أخويا من بعيد فيا نمل وأنا معرفش. حمزه

قام مزقه برا واتكلم بضيق: يخربيتك عايز أخلص الورق برا ياض. عز مشي بغيظ. مر الوقت والاجتماع بدأ. في غرفة الاجتماعات. إبراهيم بهدوء: ماجد باشا فيه بند مش موجود. ماجد ببرود: مش موجود إزاي يعني؟ حمزه ببرود: قال مش موجود، خد الورق وشوف بنفسك. ماجد أخد الورق بص عليه وقال: بند إيه اللي مش موجود؟ رضوان بهدوء: الشرط الجزائي، اتفقنا كان على مليون، خليته 2 مليون إزاي وإحنا يعتبر ماضين العقود؟

ماجد ببرود: اللي عليك عليا، زيك زيي. حمزه ببرود: زيه مش زيك، انت فين وهو فين؟ إبراهيم بص لرضوان ورضوان هز رأسه، راح إبراهيم قال: عالعموم تمام موافقين، العربيات هتيجي وهتعدي من الجمارك بعد أسبوعين. ماجد بكرة: تمام. ماجد أخد العميل بتاعه ومشي. مراد بهمس: أنت عظمه، شوية كمان وكنت همسك فيه، أنا أصلاً مش طايقه الراجل ده.

حمزه بنفس الهمس: ثانية بس، بص رضوان باشا بيبصلي إزاي، هو عايز الراجل يكلمه بالطريقة دي وهو يفضل ثابت على هدوءه. رضوان بحدة: إيه شوف أنت فين وهو فين دي يا حمزه. حمزه بهدوء: إيه يا رضوان باشا، ماهو اللي بيتكلم وهو عينه في السما، وهو اللي بدأ بالمشاكل لما أخد الصفقة بتاعت الشركة اللبنانية بالسرقة. رضوان بحدة: محنا اللي أخدنا منه صفقة العربيات وصفقة الأجهزة الأمنية الأول.

حمزة بهدوء: إحنا ما أخدناش حاجة يا بابا وحضرتك عارف، هما العملاء راحوا ليه ومعجبوهمش سعره، جولنا واشترينا، يبقى مش سارقينهم زيه. رضوان بضيق: مش عايزك في مشاكل مع الراجل ده يا حمزه، ده راجل شراني واسمه في السوق مش حلو. حمزه: ماهو اللي بيجيب المشاكل وهو اللي بيغير الشروط من دماغه، وهو برضه اللي باع واحد بيراقب زين أكيد علشان يأذيه. إبراهيم: بيراقب زين إزاي، وبعدين كل ده علشان صفقتين مش ليهم لازمهم.

مراد: لأ علشان اسمه اتلغى من السوق مبقاش في ماجد زعفان. رضوان ابتسم بهدوء: كنت عارف إنه هيعمل كده، أمن أخوك يا حمزه. حمزه بهدوء: مأمنه يا بابا من غير ما تقول. رضوان: ربنا يخليك يا ابني ويحميك أنت وولاد عمك. حمزه بحب: ويخليك لينا يا رضوان باشا. إبراهيم: زين وصل النهارده صح كده؟ رضوان بفرحة: أيوه، ولاد عمه هيروحوا يجيبوه من المطار. مراد ابتسم: أخيرا بقى الواحد هيشوف أكبر ظابط مخابرات.

عز دخل بحنق: هو أنا ليه محضرتش الاجتماع ده؟ إبراهيم بضحك: مش هينفع يا عزوز، أنت لسه صغير. عز بضيق: صغير إيه يا إبراهيم باشا، عيب عليك. إبراهيم بغيظ: عيب عليا إيه يا حيوان. عز ضحك: مش قصدي يا إبراهيم باشا. إبراهيم ابتسم: ماشي يا عزوز، عارف. مراد بهمس: إبراهيم باشا شوه الاسم، من عز لعزوز. حمزه بنفس الهمس: كوكو لو سمعت الاسم ده هتسيبه واللهِ. مراد ضحك: أنت كمان عارف موضوع كوكو.

عز بغيظ: يابني ده عارف كل حاجة، معاه أخبار شباب البيت أصلاً، تقولش أبونا. حمزه ابتسم: أيوه مانا أبوكم، مين اللي بيهريكم لعب؟ عز ضحك: حمزه. حمزه كمل: مين لما تكح اترعب؟ عز: حمزه. رضوان ضحك: دول مديرين لشركة اسمها بيسمع في الشرق الأوسط. مراد بخفة: مش لايق علينا أنا عارف. إبراهيم ضحك: لأ بس حمزه جامد، بيعرف يسيطر. عز بخفة: دشمل اللي اسمه ماجد زعلان ده، مانا كنت متابع من الكاميرات.

حمزه بغرور: أنا مش أي حد يا ابني، وبعدين اسمع ماجد زعفان. عز ضحك: لأ بقا اسمع ماجد زعلان بعد اللي قولتهوله. رضوان ابتسم بحب وهو بيدعيلهم ربنا يديم لمتهم ويهدي ابنه زين وخرج هو وإبراهيم روحوا البيت. على السفرة. حمزه كان بيوشوش نجمه بخفوت. حمزه بخفوت: واحشتيني. نجمه ابتسمت بحب: وأنت كمان، أنت طول عمرك واحشني. حمزه بغزل: ماهو لو مش الشركة ما كنتش قمت من جنبها. نجمه ابتسمت بكسوف. حمزه كمل بخفوت: أكلتي كويس وأنا مش هنام.

نجمه ابتسمت: أيوه كلهم ضغطوني زي البطة النهارده. حمزه بغزل: أيوا أنا عايزك كده بطة. نجمه كشرت: هبقى شكلي وحش في الحمل وهبقى فيل مش بطة. حمزه بحب: وأنا أحبك بكل حالاتك، بطة وزه وفيل كله. نجمه بخفوت: هو أنا قولتلك إني بحبك؟ حمزه ابتسم: آه بس عايز أسمعها تاني. نجمه بحب: بحبك يا حمزاوي. حمزة ضحك: أنا وقعت في حب حمزاوي ده. نجمه ضحكت وهو كان بيحط قدامها أكل. عز بخفوت: شيري. مراد بحدة: لما نفسك يا إسراء.

عز بغيظ: ياعم واحد ومراته، أنت مالك؟ وبعدين أنا لحقت قولت حاجة. حمزه ضحك: يابني ده وأخوه داخلين، طالما بتقول حاجة بصوت واطي هيدخلوا. عز بمقاطعه: خلاص مش هرخم. حمزه ابتسم وقال بخفوت: هزلك بعد كده بيها. عز بصاله بغيظ. قضوا العشا في جو عائلي لطيف مليان هزار. بعدين الشباب راحوا الاستراحة مع رضوان وإبراهيم. عند نجمه. نجمه بحب: شفت علشان قولتلك هيرجع. حمزه ابتسم: الحمد لله. نجمه: البس بقا إيه؟

حمزه وقف قدام الدولاب وطلع بلوزة لونها أصفر عليها ورد هاند ميد صغنن جدا من عند الكم وبنطلون وايد ليج أبيض. نجمه ضحكت: أوقات بستغرب إزاي ذوقك جميل بالطريقة دي. حمزه ضحك، راحت قالت: هعملك بقا معايا ماتشينج. نجمه طلعت شميز لونه أصفر وبنطلون جينز أبيض. حمزه ضحك: أنا مش بحب الشميز ده خالص. نجمه كشرت: امم خلاص مش تلبسه. حمزه ابتسم: لأ هلبسه عشانك. نجمه ابتسمت بحب واضح في عينيها وهي بتقول في نفسها:

(إزاي الشخص ده قادر يفرحها وياخد باله منها ومن أخوه ومن الشركة ومن ولاد عمه، افتكرت لما عز حكالها أنه دشمل الراجل ماجد زعلان أقصد زعفان علشان كلم باباه بطريقة مش كويسة، وأنه هيظبطله ورق الكلية، إزاي قادر يعمل كل ده) لبسوا وحمزه أخدها وراحوا يطمنوا عليه. نجمه كانت نايمة على السرير، حمزه قاعد قدامها والدكتورة بتحرك في شاشة قدامهم وحمزه قاعد باصلها ببلاهة. الدكتورة: ده البيبي، مدام نجمة لسه في الشهر الأول.

حمزه برضه باصصلها على وضعه. نجمه مسكت إيده: حمزه ده النونو، بس هو لسه صغنن. حمزه ابتسم بحب: ربنا يقومك بالسلامة يا حبيبتي. نجمه ابتسمت بعيون فياضة بالحب، مش بحب بقا خلينا نغير: ربنا يخليك ليا... كملت بهمس: يا حمزاوي. حمزه ضحك وشكر الدكتور اللي كانت واقفة ومشوا. في البيت. نجمه كانت واقفة جنب حمزة وهو بيسرح شعره. نجمه بضيق: مش تسوق أنت بقا يا حمزه، خلي أي حد من الشباب يسوق. حمزه بحب: حاضر، فكي التكشيرة دي بقا.

نجمه بغيظ: ما أنت السبب. حمزه بهدوء: وأنا عملت إيه؟ نجمه: تروح معايا لدكتورة وكمان وتروح تجيب زين من المطار وتروح الشركة وتيجي علشاني وبعدين تروح تاني، كنا نروح الدكتورة بكرة. حمزه باس راسها بحب وقال: بروح بالعربية مش بتعب واللهِ. نجمه بغيظ: السواقة بتتعب مش تقول مش بتعب. حمزه ضحك: حاضر ياستي مش هعمل كذا حاجة في اليوم كده، اضحكي بقا مش هعرف أمشي وانتي مكشرة كده.

نجمه ابتسمت: خد بالك من نفسك، ومتأسفش على زين يا حمزه، هو لسه صغير برضه، وحد غيرك هو اللي يسوق. حمزه بحب: حاضر. حمزه أخدها ونزلوا وهي قعدت تحت معاهم وهو أخد الشباب ومشي. عند رضوان. رضوان بحب: فاطمة عايز أقولك حاجة. فاطمة: قول وأنت مزاجك رايق. رضوان ضحك: أنتي كمان مزاجك هيروق لما أقولك. فاطمة ابتسمت: طيب قول يلا. رضوان بحب: زين راجع النهارده. رضوان هز رأسه راحت فاطمة ضحكت وهي بتعيط،

فراح أخدها في حضنه وهمس: راجع علشان واحشتيه. فاطمة بعياط: وهو كمان واحشني، واحشني واللهِ يا رضوان من اليوم اللي مشي فيه. رضوان بحنيه: كفى عياط بقا، أنا بقولك كده علشان تعيطي، ما أحبكش وأنتي بتبكي أكده. فاطمة ابتسمت بدموع: واحشني الصعيدي بتاعك يابو حمزه وزين. رضوان ضحك: الشركة بقا الله يسامحها. فاطمة ابتسمت: ربنا يوفقكم فيها ويبعد عنكم الشر. رضوان باس راسها بحنيه ومسح وشها، وقال: يارب، يلا علشان ننزل نستناه معاهم تحت.

فاطمة: هما كلهم عارفين. رضوان بحنيه: آه بس استنيت لما أتأكد إنه جاي علشان أقولك أنتِ، ما يهونش عليا أشوفك متعشمة يرجع وميجيش. فاطمة ابتسمت بفرحة: أيوه وهو وفي بوعده ورجع. رضوان ابتسم: الحمد لله ربنا هداه.