رواية نجمة في الصعيد الفصل الثامن والعشرون 28 - بقلم ملك نصر الله

في المطار حمزة كان واقف متوتر، والشباب كانوا بيهزروا. شوية وزين كان جاي عليهم. حمزة راحله بفرحة وحضنه. زين عيط: واحشتني يا حمزة. حمزة بحب: وانت يا حبيبي، متعيطش يا زين. مراد بحب: يا ابني الواحد فخور إنك ابن عمه. زين بحب: واحشتني يا ميرو. عز ضحك: أيوه بقاااا بتتريق علي عزوز بقيت ميرو. مراد بحنق: اسكت ياض. عز حضن زين: بقيت ظابط قد الدنيا وليك اسمك تجيبلي حقك من أخوك ومن مراد. زين ضحك: من عنيا.

أسر حضن زين بحب: واحشتني يااض، وآية الحلاوة دي، مش كل اللي بيسافروا بيحلوا ولا عشان ظابط. زين بحب: تسلم يا صاحبي. حمزة بهدوء: يلا. حمزة أخدهم ومشيوا. في البيت زين كان واضح عليه التوتر وهو داخل. راح حمزة مسك إيده، زين بصله وحمزة إتك على عينه كأنه بيطمنه. حمزة دخل راح عند نجمة وقف جنبها. راحت قالت: نجمة بتوجس: قول الحق مين ساق. حمزة ابتسم: مراد واحنا رايحين وأسر واحنا راجعين. نجمة بخفوت: أشطر كتكوت بيسمع الكلام.

حمزة ابتسم من تحت لتحت وقال في سره: (واللهِ متجوز طفلة، هتخلف البيبي ويبقي عندي اتنين) نجمة بخفوت: حمزه دا زين. حمزة هز راسه راحت كملت: قمور واللهِ. حمزة بصلها بحدة وقال: افصلي عشان بقيتي بتعُكي في الكلام. نجمة بتوتر: حقك عليا دي لغبطة في الهرمونات واللهِ. حمزة مردش عليها وهي سكت بتوتر. زين دخل راحت فاطمه جريت عليه وفضلت تبوس في وشه وتحضنه. فاطمة بعياط: واحشتني يا زين، هونت عليك تبعد عني كل ده.

زين بدموع: واحشتني يا فطومة، حقك عليا متزعليش مني. فاطمة بحنية: مش زعلانه منك يا حبيبي، دانتَ الغالي. زين قرب من رضوان بتوتر ورضوان كان بيبصله. ثواني وقام حضنه، زين خبي وشه في رقبة باباه وعيط. زين عيط وقال بخفوت: حقك عليا ياحاج رضوان. رضوان مسح وش زين بحب: مش زعلان منك يا ولدي، كفي بُكي بقا معيزش حد يشوفك وانت بتبكي. فريال شدت زين بخفه: وعمتك موحشتكش عاد، بَعد يا رضوان. زين بحب: لا طبعاً وحشتيني، انتي الخير والبركة.

إبراهيم قرب منه وحضنه بحب: حمدالله على السلامه يا حضرت الظابط. زين بحب: الله يسلمك يا عمي. هدي ضحكت: تعالا سلم عليا يا زين باشا ولا نسيتني. زين راحلها وحضنها: أجـيلك علي عيني، واحشتيني يا هودهود. هدي بحنية: تسلملي عيونك، وانت واحشتني قد الدنيا. ميرنا بهمس: هو واحشتينى و وحشتني دي مش هتخلص بقا انا جضيت. شيرين بهمس زيها: اسكتي الواد بقاله 7 سنين مسافر طبيعي هيقول واحشتيني و واحشني.

سارة بهمس: الواد أوسم من توم كروز نفسه. شيرين بخفوت: اتنيلي مراد لو سمعك هيخانق معاكي. سارة بتوتر: واستاذ مراد ماله بيا. شيرين بحنق: الواد طالب ايدك انا غلطانه ياختي. بعد مرور القليل من الوقت، كانوا قاعدين علي السفرة والبنات بتحط الاكل. حمزة طلع غير هدومه ونزل. كانت نجمة بتحط معاهم. حمزة قالها بخفوت: اقعدي انتي تعبانة هما بيحطوا. نجمة بخفوت: بقيت كويسة الحمدلله، صالحتني يا حمزاوي. حمزة هز راسه بمعني “لا”.

نجمة كشرت وراحت تجيب الاكل معاهم. شوية والبنات حطت الاكل وقعدوا عالسفرة. زين بخفوت: انا مش عارف حد في البنات مين ولاد عمي ومين مرات زين، هما مالهم اتغيروا كدة ليه. عز بهمس: بُص يا زين باشا، دي شرين اختي الكبيرة بقت مرات أسر، ودي نجمة بنت ابن عمتك فريال ومرات حمزة اخوك، ودي سارة صاحبة نجمه بس الواد مراد هيجوزها انا حاسس كدة، ودي أختي الصغيرة ميرنا الصغيرة. زين في نفسه: (اسمها ميرنا خسارة فيها الاسم)

عز: سرحت فين ياباشا. زين: معاك، بطل بقا يا باشا دى. عز بخفة: مانتا باشا يابني انت ظابط مخابرات وليك وضعك يابني. زين ابتسم: حبيبي. فاطمة كانت بتشيل كفتة وبتحطها قدامه: كل الكفتة دي يا زين، انت بتحبها. زين بحب: تسلميلي يا فطومة. نجمة بخفوت: حقك عليا يا حمزه. حمزة بهدوء: لما نطلع نبقي نتكلم. نجمة هزت راسها وهي مكشرة. شوية وخلصوا اكل وقعدوا شوية وكل واحد طلع اوضته. عند حمزة

نجمة بحنية: تعبت انهاردة صح، اقعد بقا هات فيلم وهعملك حاجة حلوة. حمزة ابتسم من تحت لتحت: انا صالحتك لسه ؟؟ نجمة كشرت: لا، حقك عليا دي واللهِ بتبقي زلة لسان. حمزة بحده مصطنعة: بتغلطي كتير، وكل شوية تعيدي في الغلط. نجمة عيطت: ما قولتلك زلة لسان. حمزة قرب منها واخدها في حضنه: خلاص طيب بطلي عياط. نجمة: لما تصالحني هبطل. حمزة بحنق: انتي انتهازية علي فكره. نجمة بحب: واللهِ ابدا، علشان بحب وجودك. حمزة ابتسم: وانا بحبك.

نجمة شدته من ايده عالـمطبخ بحماس: تعالا بقا، هعملك كيكة العشر دقايق. حمزة قعد عالرخامة وهي قالت: احكيلي بقا عملت اية في يومك الطويل العريض. حمزة ابتسم بحب: صحيت علي وش بنت جميله، اجمل واحدة في عنيا اصلا، بعدين روحت الشغل رجعت من نص شغلي علي خبر أن البنت الجميلة دي هتجيلبي نونو صغير شبهها كدة، بعدين روحت جبت ابني من المطار. نجمة ضحكت: هتغر عليك يا حمزاوي عفكرة. حمزة بغزل: انت تتغر براحتك يا جميل.

نجمة ضحكت: انا بحبك يا جدع انت. حمزة ابتسم: وانا بعشقك لا عديت العشق بمراحل.