رواية نجمة في الصعيد الفصل الثاني والعشرون 22 - بقلم ملك نصر الله

نجمه: لا مش عادي، حمزه انت كنت تعرف بنات قبلي؟ حمزه كشر: بنات قبلك إزاي يعني؟ نجمه بضيق: بنات يا حمزه، هو إيه اللي بنات إزاي يعني. حمزه بهدوء: لا مكنتش أعرف حد. نجمه: طب عرفت تحط الروج إزاي؟ حمزه: عادي، هو جربت وظبط معايا. نجمه بهدوء: طيب، طلعتلك اللبس ده. حمزه هز رأسه وأخذ اللبس ودخل يلبس. شوية وخرج، وقف قدام المرايا وسرح شعره بعدين رش برفان. بص لنجمه بضيق. حمزه بضيق: نجمه، امسحي الروج ده. نجمه باستغراب: ليه؟

حمزه: كده وخلاص، محدش يشوفك حاطة روج غيري. نجمه بعند: مش همسحه، ده لون الشفايف يا حمزه. حمزه قرب من وشها وتكلم بهمس: هتمسحيه ولا أمسمحه بطريقتي أنا. نجمه بصت في عيونه بتوهان: بطريقتك إزاي؟ حمزه قرب من شفايفها بهدوء وباسها برغبة واشتياق. هي رفعت إيدها علشان تذقه. حمزه حضنها من وسطها فمعرفتش واستسلمت وحضنته. حمزه بعد لما حضنها بصلها، كان وشها أحمر جداً وباصه في الأرض. راح باسها تاني. ثواني عدت.

حمزه بعد لما حس إنها محتاجة أكسجين. وهي بصت في الأرض بتوتر وإحراج. حمزه جاب منديل ورفع وشها مسح الروج اللي حوالين شفايفها وهمس. حمزه بهمس: هتحطي روج تاني؟ نجمه هزت راسها بتوتر بمعني لا. حمزه ابتسم وأخذها في حضنه. حمزه بحنية: هتعملي فيا إيه تاني، شقلبتي حال حمزه رضوان وهو راضي بالشقلبة دي يا ست نجمه. نجمه ابتسمت بخفوت. حمزه بعد عنها وهو بيضحك وقال.

حمزه: يلا علشان كده هغير رأيي وهقعد هنا أنا وانتي والشيطان، واليوم طويل. نجمه بكسوف: يلا، بس في حاجة في شفايفك. حمزه ضحك: حاجة إيه، اسمه روج يا نجمتي. حمزه جاب منديل ومسح شفايفه وأخذها ونزلوا. فريال: ما تتأخروش يا نجمه. نجمه بحب: حاضر. حمزه بخفة: لا تتأخر إيه، احنا أصلاً مش هنيجي لكم تاني. عز بخبث: عايز تستفرد بيها برا صح؟ حمزه بكيد: مراتي وأنا حر، خليك في نفسك يا سينجل. عز بص له بغيظ وهو أخذ نجمه وخرجوا. في العربية.

نجمه قاعدة مكسوفة، وكل ما حمزه يبصلها تودي وشها الناحية التانية. حمزه ضحك: مكنتش بوسة يا نجمتي، أومال لما نتعمق بقى، دا لو فضلنا عايشين يعني. نجمه بصت في الأرض بكسوف. حمزه وقف العربية. حمزه بحنية: طب بصيلي طيب. نجمه رفعت راسها بتوتر. راح حمزه مسك وشها بحنية وقال: أنا جوزك يا نجمتي، متكسفيش مني. نجمه هزت راسها بتوهان. حمزه ساب وشها وشغل العربية وهو بيقول. حمزه بخفة: وقعتي على فكرة. نجمه ابتسمت بتوتر: لا لسه.

حمزه بخبث: كل دا ولسه، بتبصي في عيني بتوهان. نجمه بإحراج: أتوه إيه يا جدع، وبعدين عيونك عاديين، مش كوباية قهوة زي بتوعي علشان أتوه فيهم. حمزه ضحك: لا يا تقيلة هانم، هما بني فاتح يعني، كوباية قهوة برضوا، مش عاديين خالص. نجمه ابتسمت بحب بتحاول على قد ما تقدر إنها تداريه. وصلوا لمكان في وسط البلد واتمشوا شوية. نجمه بطفولة: حمزه تعالا نجيب آيس كريم. حمزه ابتسم: تعالي. حمزه جاب لها آيس كريم. نجمه: انت مش هتجيب ليك؟

حمزه ضحك: لا يا ماما، برستيج. نجمه بضيق: يلا يا حمزه، برستيج إيه. حمزه: لا مش هينفع. نجمه بعيون القطط: وعشان خاطر نجمتك. حمزه ضحك بغيظ: ده اسمه استغلال. نجمه ضحكت: آه، يلا بقى. حمزه جاب كمان لنفسه وهي طلعت الكاميرا. نجمه بخفة: يلا، الزق الآيس كريم بتاعك في بتاعي كده. حمزه عمل زي ما قالت، راحت مصورة. حمزه ضحك: ده صح. نجمه ضحكت: آه، احنا هنعمل كتير، أنا متراكم عليا حاجات كتير كده.

حمزه ضحك وفضلوا يتمشوا ويتكلموا لوقت طويل. وبعدين حمزه قال. حمزه ضحك: مش بقولك، بحسك طفلة. نجمه بصت له بحنق. حمزه بخفة: ما تبصيليش كده علشان بخاف. نجمه ضحكت. حمزه: هوديكي مكان حلو هيعجبك، تعال. وصلوا المكان واكتشفت نجمه بسرعة إنه ملاهي. حمزه: عجبك؟ نجمه ضحكت بفرحة: واو، ملاهي، من زمان خالص وأنا نفسي أجي هنا، لا بصراحة أبهرتني، هتلعب معايا صح؟ حمزه بصدمة: ألعب إيه يا أختي!!! لااا. After 5 minutes:

حمزه: نجمه، هنركب قطر الموت. نجمه: لا، هنركب ديسكفري. حمزه: لا، قطر الموت. نجمه: هعيط واللهِ لو مركبناش ديسكفري. حمزه بغيظ: تعالي، دانتي عيوطة. ركبوا ديسكفري، وبعدين حمزه قال. حمزه: قطر الموت بقى. نجمه بتمثيل: لا، قطر الموت إيه يا جدع، دي لعبة فيستك. حمزه بخبث: فيستك فيستك، تعالي نركب وخلاص. نجمه بتمثيل: لا يا عم. حمزه ضحك: انتي أصلاً خوافة. نجمه بغيظ: خوافة إيه، لا مش خوافة. حمزه: طب تعالي نركب.

نجمه بغيظ: يلا، مانتا مش هتسكت النهارده ولا هتجيبها لبر. حمزه ضحك على غيظها، وأخذها وركبوا. نجمه قعدت تصرخ وهي بتقول. نجمه بصراخ: يخربيتك يا حمزه، منك لله يا بعيد، هموت يا حمزه وأنا لسه في عز شبابي. حمزه بصراخ: اسكتي يخربيتك، صوتك فضحتينه. نجمه بصراخ: هموت وصوتي هو اللي همك. حمزه ضحك: أهدي خلاص، قربنا ننزل. نجمه بصراخ: اضحك يا خويا اضحك، ما حقك. حمزه فضل يضحك وهي عمالة تشتم فيه. شويه ونزلوا. نجمه بغيظ: روحني يا حمزه.

حمزه ضحك: علشان قولتلك انتي خوافة. نجمه بتمثيل: لا مش خوافة، هو قطر الموت بخاف منه علشان عندي فوبيا من المرتفعات، وده طلعني فوق خالص. حمزه بخبث: تدخلي بيت الرعب طيب، وهقتنع إنك مش خوافة. نجمه برعب: يخربيتك، رعب إيه. حمزه بخفة: شوفتي علشان تعرفي إنك خوافة. نجمه بتوتر: لا مش خوافة، تعال ندخل. حمزه أخذها ولسه هيدخلوا. نجمه بسرعة: بقولك يا حمزه، أنا جوعت، تعال ناكل وبعدين ندخل.

حمزه ضحك: بقولك أنا بقى، مش هندخل علشان انتي خايفة، وأنا هتفهم ده. نجمه ابتسمت له بغيظ ومشيت معاه. حمزه: هتاكلي إيه؟ نجمه بتفكير: احم، كبدة من على عربية. حمزه ابتسم بغيظ: برستيجي بقى في الأرض النهارده بسببك. نجمه ضحكت: ده أنا بفسحك معايا. حمزه ضحك وأخذها عند عربية كبدة. حمزه: كام سندوتش؟ نجمه: انت هتاكل كام؟ حمزه: اتنين. نجمه بصت له بحنق: ليه، بطن عصفورة؟ حمزه ضحك: لا، بطن حمزه. نجمه ضحكت بخفة: طيب، أنا خمسة.

حمزه بص لها: خمسة إيه؟ نجمه ببساطة: سندوتشات يا حمزه، خمسة إيه، وقول له بقى يزود فلفل حراق. حمزه ضحك: يخربيتك، إيه ده كله؟ نجمه بغيظ: ما تقررش بقى، هقعد على الترابيزة دي. حمزه: هناكل في الشارع، تعالي ناكل في العربية. نجمه بخفة: لا، الشارع أحسن، فيه شراح وبراح. حمزه هز رأسه وهو بيضحك وراح جاب السندوتشات وجه. نجمه وهي بتاكل: حمزه. حمزه: اممم. نجمه: الكبدة طعمها حلو. حمزه ضحك: آه، أنا حبيتها.

نجمه ضحكت: الله عليا، عد الجمايل بقى. حمزه بخفة: عادد واللهِ، بس فاضل جميلة أنتِ معملتيهاش. نجمه بخفة: جميلة إيه، أنا رقبة سدادة. حمزه بقرف: قاعدة مع جعفر صاحبك. نجمه بغيظ: بقا كده طيب. حمزه ضحك: بهزر، ما تبقيش قفشة كده. نجمه بحنق: أومال أبقى إيه، قول الجميلة يا خويا. حمزه بغيظ: لا خلاص بقى، رجعت في كلامي. نجمه بحنق: أحسن. حمزه بص لها بغيظ وهي كملت أكل. شويه وخلصوا أكل وكملوا تمشية، وحمزه صورها بالكاميرا كتير.

كانوا ماشيين ونجمه ماسكة دراعه قالت. نجمه: هو إحنا كده رايحين فين؟ حمزه: رايحين العربية علشان نروح. نجمه: اممم، طيب، كنت عايزة أسألك سؤال. حمزه: اسأل. نجمه برقة: هو أنا قلت لك إني بحبك؟ حمزه وقف وبصلها. حمزه ضحك: بتقولي إيه؟ نجمه ضحكت بخفوت: بحبك يا أبرد خلق الله. حمزه ضحك جامد وحضنها: أخيراً نطقتي، نشفتي ريقي يا شيخة. نجمه ضحكت. راح قال: أرزعك بوسة في الشارع يعني، ونتمسك بفعل فاضح. الوقت. نجمه ضحكت بإحراج.

حمزه: بس أنا مش بحبك. نجمه بصت له بتوتر: أفندم!! حمزه بعشق: أنا بعشق أمك. نجمه ابتسمت بغيظ: وقعت قلبي. حمزه بغزل: سلامة قلبك. نجمه ابتسمت بخفوت وهو أخذها ومشيوا. وصلوا البيت. فريال بحب: حمد الله على السلامة. كل ده. عز بخفة: كان بيستفرد بيها يا عمتو، عقبالي لما ألاقي واحدة تكون... فريال بغيظ: اسكت يا سافل. انتح. حمزه ضحك: أنا أصلاً شاكك فيك واللهِ. هدي بحب: هحضر لكم الأكل هنا ولا فوق.

حمزه بحب: ربنا يخليكي يا ست الكل، إحنا أكلنا خلاص الحمد لله. فاطمة بحنية: ربنا يهديكم يا رب، حمزه، أبوك وعمك عايزينك في المكتب. حمزه بهدوء: حاضر، هطلع أغير وأنزل. نجمه قامت معاه وطلعوا. نجمه جهزت له الحمام وطلعت له لبس وهو أخده ودخل. شوية وكان خرج سرح شعره وهي قالت إنها هتقعد تستناه. حمزه: سلام عليكم. رضوان: اقعد يا حمزه. حمزه قعد ورضوان قال: شوف كده ميزانية الشركة. حمزه مسك الورق وقلب

فيه لمدة ربع ساعة وقال: كويس كده، الأرباح معقولة لحد النهارده. إبراهيم: طيب، شوف ورق الوفد الألماني ده كمان. حمزه بص عالورق وقال: أرباحها حلوة ومضمونة، بس الشرط الجزائي مليون جنيه، مش كتير؟ رضوان: ماهو علينا وعليهم، وهما مش هيرجعوا في حاجة، ولو رجعوا يدفعوا، واحنا كده برضوا. مراد: طيب، ما إحنا منعرفش تعاملهم. إبراهيم: لا، كان ليهم تعامل سابق معانا في الشركة اللي في أمريكا، الفكرة كلها في العميل الجديد، مش مرتاحه.

حمزه بهدوء: العميل الجديد، آه، طيب سيب موضوعه عليا أنا ومراد. إبراهيم بهدوء: تمام يا حبيبي، ربنا يقويكوا. حمزه ابتسم له بهدوء وطلع عند نجمه. دخل واتصدم لما لقاها...