رواية نجمة في الصعيد الفصل الثالث والعشرون 23 - بقلم ملك نصر الله

الصبح حمزة صحي وكانت نجمة في حضنه، ابتسم لما افتكر اللي حصل امبارح. *** **Flash back** حمزة دخل واتصدم لما شافها لابسة فستان أسود طويل والضهر بتاعه مثلث مفتوح، وكانت مسيبة شعرها وبتحط روج. حمزة قرب منها وقال: "إيه اللي لابساه ده؟ نجمة بكسوف: "فستان." حمزة بخفوت: "نجمة، انتي موافقة تبقي مراتي بجد؟ نجمة هزت راسها بكسوف. **End flash pack** حمزة بص لها وابتسم على أنها بقت مراته. وبعدين هزها: "نجمتي، يلا قومي."

نجمة بكسوف: "عايزة أنام." حمزة ضحك: "الساعة 2." نجمة بهمس: "محنا نمنا متأخر." حمزة ابتسم: "ماهو بسببك." نجمة ضحكت بخفوت: "وأنا مالي." حمزة بغزل: "كنتي بطل." نجمة بخجل: "بس بقا علشان بتكسف." حمزة ضحك: "حاضر، هروح آخد شاور وأنتي نامي شوية على ما أخرج." نجمة بتساؤل: "في صوت أغاني تحت صح؟ حمزة بغزل: "ماهو انهارده خطوبة شيرين، لو مش الخطوبة، ما كنتش وريتهم وشوشنا تاني يا قمر." نجمة بخضة: "بتهزر! انهارده خطوبتها إزاي يعني؟

حمزة بهدوء: "هما اتفقوا قبل ما ننزلهم امبارح، هو في حاجة؟ نجمة: "كان المفروض أصحى من بدري أروح لها أوضتها علشان نقعد معاها أنا والبنات." حمزة: "خلاص هتلاقي البنات راحوا، جهزي أنتي وروحي، هي صحبتك جاية انهارده صح؟ نجمة: "آه.. بتسأل ليه؟ حمزة بهدوء: "أقولك بس متقوليش لحد." نجمة هزت راسها: "والله مش هقول لحد." حمزة كمل: "مراد واقع وكل شوية يسأل عليها." نجمة ضحكت:

"أنا لاحظت نظراته ليها واحنا بنبقى قاعدين على الأكل.. بس هو قال إنه حب حد وهي زعلت." حمزة ضحك: "هي كمان واقعة، هو أصلاً يقصدها هي بالحد ده." نجمة ابتسمت: "سارة جميلة وطيبة وتستاهل كل خير، ومراد كـ... حمزة بحده: "مراد إيه؟ اقعدي ساكتة." نجمة بتوتر: "إيه بقا علشان بقيت مراتك هتكلمني كده؟ حمزة بحنية: "لا طبعاً، بس أنا بغير عليكي من الهوا وأنتي عارفة، يبقى متجيبيش سيرة راجل تاني على لسانك." نجمة بخفوت: "بس دا ابن عمك."

حمزة بهدوء: "وأخويا برضوا، متجيبيش سيرة راجل غيره." نجمة ابتسمت برقة: "حاضر." حمزة باس راسها وقام دخل أخد شاور وخرج، كان مش لابس تي شيرت. نجمة بصت له بغيظ. نجمة بغيظ: "هنبدأ بقا السفالة أهو." حمزة بحنق: "هي عضلاتي دي مبتغركيش؟ نجمة ضحكت: "لا بتغريني." حمزة ابتسم بخفوت: "مش باين يا أم قلب سيليكون." نجمة ضحكت: "لا والله بتغريني." حمزة بخبث: "إزاي طيب؟ نجمة بكسوف: "بحس إني عايزة أحضنك يا حمزة."

حمزة قرب منها وحضنها بحنية وهي تبكي فيه وهي بتقول: "حمزة متبعدش عني تاني، الدنيا كلها كانت مضلمة وأنت مش موجود، يعني أنا حسيتك بابايا وبعدين لقيتك مشيت زيه." حمزة بحنية: "مش هبعد واللهِ، وحقك على عيني يا نور عيني." نجمة ابتسمت بشر: "أنت أصلاً مش هتبعد تاني علشان لو عملتها هجيبك من قفاك وهوريك نجمة الشريرة بجد." حمزة بعد برعب مصطنع: "وليه يا شريرة أقصد يا نجمتي الطيبة أحسن."

نجمة عملت له علامة لايك بإيدها وأخدت لبس ودخلت. حمزة ابتسم وقعد على الكنبة استناها لحد ما خرجت، كانت بتنشف شعرها. حمزة ضحك: "عارفة امبارح كنت هقولك إيه قبل ما ننام؟ نجمة: "إيه؟ حمزة بغزل: "صراحة كنت هقولك ابقي غطي شعرك وانتي خارجة من الحمام، يعني بتغريني وكنت هتهور وأقوم أرزعك بوسة." نجمة ضحكت بتوتر. حمزة ضحك: "أنتي هتفضلي تتوتري وتتكسفي كده؟ نجمة ضحكت بخفة: "مش عارفة، بس كلامك بيوتر."

حمزة ضحك وقام وقف، وهي كانت بتسرح، راح قرب منها وأخد الفرشة. حمزة بحنية: "هسرحلك أنا." نجمة ضحكت: "هتعمل إيه؟ حمزة ابتسم: "ضفيرتك." نجمة ابتسمت: "ربنا يخليك ليا." حمزة بحنية: "ويخليكي ليا يا كل مالي." نجمة ابتسمت وهو عمل لها الضفيرة ولفهالها، وهي عملت الطرحة. نجمة بعيون القطط: "حمزة ينفع أحط ليب جلوس بس؟ حمزة بهدوء: "آه، بيكون إيه دا يعني؟ نجمة بتوتر: "ملمع شفاه، أنا كده كده هقعد مع البنات." حمزة بهدوء:

"ماشي، متنزليش البيت غير لما تمسحيه." نجمة ضحكت: "حاضر." نجمة حطت ومشيوا. هي راحت أوضة شيرين وهو نزل. *** تحت: فريال: "فين نجمة يا حمزة؟ حمزة: "راحت أوضة شيرين." فريال: "طيب، كل دا نوم يا حمزة الساعة 3 وربع." حمزة بإحراج: "معلش يا عمتي." فاطمة ضحكت: "سيبيهم يا فريال، دول لسه عرايس جداد." دي بحب: "معاها حق يا فريال." فريال بحب: "ربنا يهنيكم يا حبيبي." حمزة بحب: "يارب يا فريال."

حمزة خرج وقف مع مراد وعز اللي بيظبطوا الجنينة علشان يعملوا فيها الخطوبة. *** عند شيرين: نجمة دخلت وشيرين كشرت. نجمة بأسف: "آسفة واللهِ اتأخرت غصب عني." شيرين: "خلاص يا أختي اقعدي." سارة بغيظ: "واللهِ الساعة 3 و ياختي." ميرنا ضحكت: "خلاص يا عيال، يلا يا نجمة اقعدي علشان أعملك الماسك ده." نجمة قعدت وميرنا عملته ليها، وفضلوا مع بعض بيظبطوا في شيرين لحد الساعة 6. كانت الميكب أرتيست جات (هالة نفس الميكب أرتيست بتاعت نجمة)

هالة بحب: "إزيكم يا بنات." كلهم ردوا عليها وتبادلوا الأزيكات. سارة بخفة: "عايزاكي تخليها زهرة لوتس ماشية على الأرض، ولمعيها كده." هالة ضحكت وهي بتهز راسها. شيرين ضحكت: "تلمعني إزاي يعني؟ نجمة بخفة: "بقلم أصفر فسفوري لامع." ميرنا كملت: "وتليط بقا في وشك، تديك سكينة معجون كده تمحي شيرين وتطلع شوشو." شيرين بحنق: "متسمعيش كلامهم، خليني بريئة زي نجمة كده يوم فرحها." الساعة 7 حمزة بعت لنجمة وكان ميكب شيرين. ***

عند نجمة وحمزة: نجمة: "معلش اتأخرت بس كنا بنساعد شيرين." حمزة بحب: "ولا يهمك، طلعيلي لبس هدخل آخد شاور." نجمة هزت راسها وراحت ناحية الدولاب، طلعت قميص أبيض وبنطلون بدلة لونه بيج، وطلعت لها فستان لونه نبيتي غامق سيكة وطرحة بيج وهيلز بيج. نجمة وقفت تظبط الميكب بتاعها. حمزة خرج وقف جنبها. حمزة: "أنتي هتنزلي بالميكب ده والفستان ده؟ نجمة بتوتر: "أنت هتوافق صح؟ حمزة بهدوء: "لأ." نجمة زعلت: "ليه طيب؟

مش الشباب هتبقى برا والبنات جوه؟ حمزة اتكلم وهو بيلبس: "ماهو الناس هتمشي والشباب هتدخل علشان أسر يقعد مع شيرين لوحده." نجمة باستعطاف: "طب رن عليا وانتوا داخلين وأنا هطلع أغير الفستان وأمسح الميكب." حمزة: "ماشي، وأول ما أرن تطلعي على طول." نجمة بحب: "حاضر، البس بقا الجزمة دي." حمزة لبسها وهي ظبطت له كم القميص، بعدين مسكت إيده ونامت على كتفه وثبتت الكاميرا عند المرايا وصورت. والصورة طلعت. حمزة ابتسم: "جميلة."

نجمة ضحكت: "علشان أنا فيها." حمزة ابتسم: "أكيد." نجمة بخفوت: "وعلشان أنتَ مكملني فيها." حمزة بغزل: "يسلم لي القمر وكلامه القمر." نجمة ضحكت بخفوت وهو أخدها ونزلوا، هي قعدت مع البنات وهو خرج للرجالة. *** عند الرجال: رضوان وإبراهيم كانوا قاعدين وبيكتبوا الكتاب. إبراهيم كان حاطط إيده في إيد أسر (أسر يتيم يا شباب) شويه وأسر سمع جملة: "بارك الله لكم وبارك عليكما وجمعا بينكما في خير." راح حمزة ومراد وعز حضنوه وقعدوا يرقصوا.

*** عند البنات: سارة كانت بترقص والستات كانوا بيصفقوا. عدى وقت والستات بدأوا يمشوا والرجالة برضوا. حمزة رن على نجمة وهي طلعت غيرت ومسحت الميكب ونزلت. والشباب دخلوا، حمزة بص على نجمة وابتسم لما لقاها غيرت. رضوان بحب: "خد مراتك يا أسر اقعدوا مع بعض." أسر مسك إيد شيرين وهي كانت مكسوفة وباصة في الأرض. *** عند شيرين: كانوا واقفين في بلكونة البيت. أسر ضحك: "إيه؟ هتفضلي باصة في الأرض كده؟ أسر بخفة: "بحبك مثلاً."

شيرين بصت له وابتسمت: "أنت بتحبني طيب؟ أسر ابتسم: "مش عارف، بس برتاح لما بشوفك، وأنتي بتحبيني؟ شيرين ابتسمت: "مش عارفة، بس بطمن لما بشوفك."