رواية نجمة هزت كيان ظابط الفصل الحادي عشر 11 - بقلم جاسمين محمد

وقفنا البارت اللي فات لما نجمه وافقت إنها تطلع المأمورية هي وخديجة مع الشرطة. اشرف: خديجة استني. خديجة: نعم. اشرف: خلو بالكم دي مأمورية سري يعني محدش لازم يعرف. نجمة وخديجة: تمام يا حضرة الظابط. بعد إذنك. اشرف: اتفضلوا وبالتوفيق يا رب. نجمة: يارب. وسابهم وطلعوا. روحوا البيت. خديجة: يعني لازم تعملي فيها شجاعة وتوافقي؟ نجمة بحزن وبضحك: يمكن ألاقي ظابط غير صقر ويعجبني، مع إن اللي بيدخل القلب مش بيطلع، بس أحاول.

خديجة بحزن على صحبتها: بطلي كدب على نفسك، أنا متأكدة إنك رايحة عشان حاسة إنك ممكن تلاقي صقر وتشوفي تاني. نجمة: أنا خلاص طلعت صقر من قلبي ومش حابة أبداً بعد اللي عملوه فيا. خديجة: نجمة أنا وإنتي اتربينا سوا، لما أبويا جابك بيتنا من عشر سنين، يعني عارفة نجمة كويس عشان بقت أختي. نجمة: طيب اقفلي الموضوع ويلا نجهز نفسنا بقى. خديجة: ماشي يلا يا أختي. اسد: حضرت الظابط اللي كنسل الخطوبة.

صقر: ههههه، وحضرت الظابط اللي شارك معايا في الجريمة. اسد: هههههههه، أعمل إيه بس يا أخويا، ولازم أقف جنبه. صقر: حبيبت أخوك والله، المهم دلوقتي جهزت نفسك عشان نطلع نسهر شوية. وغمزلوا. اسد: أوع أوع بقى، صقر بعد فترة طويلة ناوي يروح يسهر مع مزز. صقر: اتلم يا واد، ويلا خلص. اسد: هههههه، حاضر يا فندم، يلا. صقر: أيوه كده يلا نروح. اسد: يلا. في مكان تاني. _ها خلصتوا؟ _لسه يا باشا.

_طيب يلا خلصوا وجهزوا نفسكم عشان أنا متأكد إنهم هييجوا على بكرة، وكمان صقر هيكون في المأمورية دي. _صقر؟ طيب هنقدر عليه ده خطير. _بعصبية: إنتو نسيتو أنا مين ولا إيه، وصقر مين ده اللي يقف في وشي؟ _بخوف ووطأ راسه: أنا آسف يا باشا. المهم هنعمل إيه دلوقتي؟ _خلصوا انتوا بس، وأنا هقولكم هنعمل إيه. _تمام يا باشا. نجمة: خديجة قومي الساعة تلاتة، قومي عشان نجهز نفسنا عشان ساعة وهنمشي. خديجة وهي نايمة: يوه بقى، حاضر قايمة أهو.

نجمة قامت اتوضت، وصلت قيام الليل وقاعدة بتسبح شوية. وبتبص لاقت رسالة جت لها على الفون. نجمة: خديجة هاتي الفون من جنبك أشوف مين اللي بعت رسالة. خديجة بهزار: ههههه، رسالة؟ ودلوقتي؟ أوعى لا أشوفها أنا. وغمزتلها. نجمة: يا أختي اتنيلي وبطلي اللي في عقلك ده، هاتي الفون. خديجة: أشوف أنا الأول. وفتحت الفون وبتبص لاقت صور صقر وفي حضنه بنت لابسة لبس مش كويس. خديجة شافت كده وسكتت. نجمة: خديجة في إيه؟ هاتي الفون.

خديجة: ها، فكك، دي رسالة من الشركة. نجمة بستغراب: مش معقول، عشان تعبير وشك بيقول غير كده، هاتي. وراحت شديت منها التليفون وبتبص. نجمة شافت الصورة وراحت واقعة قاعدة على السرير. خديجة قعدت جنبها: نجمة انسيه، إحنا مالناش دعوة بيه، يعمل اللي يعمله، مش إنتي قولتي إنك مالكيش دعوة بيه؟ نجمة بعياط: هو شخص خاين وسافل، وأنا مستحيل أفكر فيه. خديجة خدتها في حضنها: أهدي بس ونسيه، وفكري في اللي إحنا رايحين فيه.

نجمة: حاضر، بس هو ليه بيعمل كده معايا؟ ومين اللي بعت لي الصورة دي؟ خديجة بستغراب: معرفش، أصلاً مين اللي يعرف إنك بتحبيه؟ نجمة: معرفش والله. خديجة: تمام، انسي، ولما نخلص الشغل نبقى نفكر بعدين. نجمة: حاضر. خديجة: شاطر، يلا بقى نتحرك ونمشي. نجمة: تمام، يلا. وخدوا شنطهم وطلعوا. اسد: صقر فوق، ويلا عشان نمشي. صقر: اممم، يلا. الأتوبيس جه وصقر واقف هو والعساكر واسد، وعاملين يتكلموا ويهزروا.

وجنبهم نجمة هي والممرضين وخديجة، وعاملين يتكلموا، وخديجة عاملة تحاول تهزر عشان نجمة تضحك. والكل ركب الأتوبيس، والممرضين ركبوا من ورا، والشرطة من قدام. اسد: صقر، أنا هروح أشوف المزز اللي ورا دي، يمكن أعلق واحدة. وغمزله. صقر برفع حاجب: اتلم، مش وقته ده. اسد: خليك أنت بس هنا ومالكش فيه. صقر: غور من وشي، بس لو جبت مشكلة مش عارف إيه اللي هيحصل. اسد: اشطا. اسد ساب صقر وراح عند الممرضين. اسد: هاي. الممرضين بضحك: هاي.

اسد لخديجة: وإنتي مش بتردي ليه يا قمر؟ خديجة وهي بتبص له من جنب عينها: دي حاجة تخصني، في حاجة؟ اسد: لا ما فيش، بس الرد لله، حتى. خديجة: إحنا رايحين مأمورية، فنتلم، ماشي يا عسكري، أحسن ما أروح أقول لظابط بتاعك. اسد بضحك سخري: الظابط بتاعي؟ وأنا عسكري؟ ههههههه. خديجة: نجمة، متبعدي الأخ ده، خلينا نخلص المأمورية دي على خير. نجمة: لو سمحت، ممكن تروح مكانك، عشان متزعلش، يلا من هنا، اخلص. اسد: لا، شديدة، أنت بس، ماشي، سلام.

وسابهم وطلع. صقر كان قاعد ومغمض عينه، وسمع صوت نجمة، فتح عينه: معقول؟ نجمة؟ وقام رايح عند الممرضين. وهو رايح قابل اسد. اسد: ههه، رايح فين يا برنس؟ دول عايزين لم نوصل ونكون فايقين عشان نعرف هنعمل إيه معاهم. وغمزله. صقر: أوع بس. ودخل وشال الستارة اللي بينهم هو والممرضين.